Samarqand_LIVE – Юзинг қийшиқ бўлса ойнадан ўпкалама!

Яхши кўриш бошқаю, меҳр бериш бошқа экан.

Меҳрнинг изҳорида гап кўп экан. Яратган бирон инсонга нисбатан юрагингизга туйғу жойласа, билингки, уни улашиш керак. Меҳр улашилганда кўпаядиган, яширилганда сўнадиган неъматдир.

Отамисиз, фарзандингизга меҳр беринг, талтайиб кетади деманг, меҳр бузмайди болани, эътиборсизлик ва кибр бузади.

Жуфтингизга меҳр беринг, талтаяди деманг, меҳрсизликдан қуриб ёки бошқалардан меҳр тиланиб юргандан кўра, жуфти ҳалолининг меҳридан қувониб яшнасин.

Фарзандмисиз, ота-онангизга меҳрингизни изҳор қилинг, кўп-кўп изҳор қилинг, шундоғам биладилар деманг, билиш кўнгилга таскин бермайди, эшитиш кўриш таскин беради. Шундай қилингки, улар меҳрингизни доим ҳис қилиб яшасинлар.

✅ @Samarqand_live – Юзинг қийшиқ бўлса ойнадан ўпкалама!

So‘nggi yillarda mamlakatimizda ko‘p qavatli uylarga xizmat ko‘rsatishni yaxshilash, bunda boshqaruv organlarining ish faoliyatini yanada jadallashtirish maqsadida keng ko‘lamli ishlar amalga oshirilmoqda. Ularning faoliyatini qo‘llab-quvvatlash, mashaqqatli mehnatini keng targ‘ib qilish hamda namunali boshqaruv organlari faoliyatini ommalashtirish maqsadida Qurilish va uy-joy kommunal xo‘jaligi vazirligi tomonidan “Eng yaxshi ko‘p kvartirali uyni boshqarish organi” tanlovi e’lon qilindi.

Ushbu tanlov 3 bosqichdan iborat. Samarqand viloyatida 60 dan ortiq boshqaruv organi faoliyat yuritayotgan bo‘lsa, birinchi bosqichda 15 ta boshqaruv organlari hujjat topshirgan. Ular orasidan eng yuqori natijaga erishgan 7 ta boshqaruv servis kompaniyasi keyingi bosqichga yo‘l olgan edi.

Bugun esa Samarqand viloyatida ushbu tanlovning 2-bosqichi o‘tkazilib, eng yuqori natijaga erishgan boshqaruv organlari o‘zlarining ishchi-xodimlari, moddiy texnik bazalari bilan ishtirok etishdi. Tanlovning yanada ochiq va shaffof o‘tishini ta’minlash maqsadida Qurilish va uy-joy kommunal xo‘jaligi vazirligi mutasaddilari ham qatnashib, tadbir davomida hududdagi ko‘p qavatli uylar oldida manzarali daraxt ko‘chatlarini ekishdi. Komissiya a’zolari tomonidan tanlov ishtirokchilarini baholashda boshqaruv organlarining zamonaviy talablarga qanchalik javob berishi, ko‘p qavatli uylarning texnik holati, boshqaruv organlari tarkibidagi ishchi-xodimlar shayligi hamda qonunchilik hujjatlaridan qanchalik xabardor ekani kabi mezonlar inobatga olindi. Shuningdek, boshqaruv organlari to‘g‘risida aholining fikri va bahosi hal qiluvchi ovozga ega bo‘ladi.

Tanlov natijalariga ko‘ra, g‘oliblar aniqlanib, respublika bosqichiga yo‘llanmani Samarqand shahrida faoliyat yurituvchi “Bo‘stansaroy kommunal” boshqaruv servis kompaniyasi qo‘lga kiritdi. Shuningdek, tanlov g‘oliblariga Samarqand viloyati Qurilish va uy-joy kommunal xo‘jaligi bosh boshqarmasining maxsus diplom va esdalik sovg‘alari topshirildi.

Eslatib o‘tamiz, mazkur tanlov bilan boshqaruv tashkilotlari faoliyatini ommalashtirish, o‘zaro tajriba almashishini ta’minlash, sohada raqobat muhitini kuchaytirish, eng saralarini rag‘batlantirish va faoliyatdagi ilg‘or yechim hamda ish usullarini respublika miqyosida namuna sifatida tatbiq etish maqsad qilingan.

✅ @Samarqand_live – Юзинг қийшиқ бўлса ойнадан ўпкалама!

#ибрат

Жим туришлигинг ҳеч нарсани билмаслигингни ифода этмайди. Кўп гапиришлигинг эса, кўп нарсани билишлигингни кўрсатмайди.

Ҳар кимни ўзинг билан баробар деб бил. Ким бўлса бўлсин, бир инсонни кичик билишлик (менсимаслик) — ақлсизликдир. Жуда буюк деб билишлик эса қўрқоқликдир. Жасорат ақлдан келса, жасоратдир. Ақлсизликдан келса жаҳолатдир.

Жалолиддин Румий

✅ @Samarqand_live – Юзинг қийшиқ бўлса ойнадан ўпкалама!