SAIDA_AZIZ IJODI

#Сўраганлар учун

#ЯРАЛАНГАН_АТИРГУЛ

https://telegra.ph/YARALANGAN-ATIRGUL-04-23-2

#Сўраганлар учун

#ЯРАЛАНГАН_АТИРГУЛ

https://telegra.ph/YARALANGAN-ATIRGUL-04-23

#сўраганлар_учун

ЯРАЛАНГАН АТИРГУЛ

Қисса телеграф усулида жойланган👇👇👇👇

https://telegra.ph/YARALANGAN-ATIRGUL-03-10

https://t.me/Saida_Aziz_Ijodi

#мотивация

☝️Ҳар бир инсон ҳаёти ўз қўлида. Танлаш хуқуқи доим мавжуд, сен ўз ҳаётингни қандай ва нималарга сарф қилишни ўзинг ҳал қиласан.

‼️Бутун ҳаётинг сен кунда қабул қиладиган қарорларга боғлиқ.
Инсонлар кўпинча унутиб қўядиган жуда оддий ҳақиқат… Келажагингга масъул эканингни ўзингга эслатиб тур ва энг тўғри йўлни танла!

🕺Ҳаётда мувоффақиятга эришиш учун оддий қадамларни қўй.

🙆‍♂️Вақтли уйғон.
Эрта турсанг барча ишларингга улгурасан ва шошилиб, кечикиб юрмайсан. 1 ҳафтадан сўнг вақтли туришга анча кўникасан ва ҳаёт тарзингда ҳам ўзгаришлар сезасан.

🙇‍♂️Мутолаа қил.
Китобдан янги маълумотларни ўқиш ва сен аввал эшитмаган мусиқани тинглаш мийяни ривожлантирувчи ажойиб усуллардир. Интернетда турли кераксиз нарсаларни излагандан кўра, фойдали мақолалар ўқи, бадиий адабиётларни ҳам унутма. Бу классик асарлар бўлиши шарт эмас, замонавий ва жуда қизғин мавзулардаги китоблар ҳам кўп.

👼Осонлаштир.
Ҳаёт мураккабликларга тўла, муаммо қидирсанг улар жуда кўп. Дунёга ижобий кўз билан боқ.


💆‍♂️Тин ол.
Шошилинчда, бу қандай соҳада бўлмасин, хатога йўл қўйишинг мумкин. Босиқликни ўрган, масалаларни секин аста, аммо қатъият билан ҳал қил.

⛹️‍♂️Жисмонан фаол бўл.
Спорт — саломатлик ва тетикликдир. Ўтириб ишлайдиган кишилар саломатлиги бундан азият чекади, аммо сен бир оз танаффус қилиб машқ қилишга вақт топасан. Жисмоний фаолликдан сўнг мийя ҳам яхши ишлайди.

🤼‍♀️Машқ қил.
Бирон иш ўхшамадими, яна бир бор урин! Мувоффақиятнинг сири — тажрибада. Ярим йўлда қолмай ҳаракат қилганларга омад кулиб боқади.

🙋‍♂️Мулоқот қил.
Инсонлар билан алоқа катта аҳамиятга эга. Позитив, ғайратга тўла, ақлли кишилар билан қанча кўп сўзлашсанг улардан кўп нарса оласан. Омадингни қўлдан чиқарма!

🙏Шукур қил.
Яратган уларга берганига шукур қилувчи кишилар — энг бахтли кишилардир. Атрофингдагиларга арзимаган хизмат учун ҳам раҳмат дейишни одат қил. Нима бўлишидан қатъий назар яхшиликка йўй.

💪Қатъиятли бўл.
Қатъиятлилик ва керакли жойдаги қайсарлик — ижобий сифатлардир. Англа: ярим йўлда қўл силтаганлар — енгилганлардир. Ҳар қандай ҳолатда ҳам тушкунликка тушма.

😍Ўзингга ишон, қарорларинг ва ҳаракатларингни назорат қил, чунки улар билан ўз келажагингни қурасан. Бугун нима фойдали иш қилдим, деб ўзингга ҳисоб бер, ҳалол бўл! Шунда муваффақиятлар калити қўлингда бўлади.

https://t.me/Saida_Aziz_Ijodi

#КЕЧКИ_МУТОЛАА

#НАСТАРИН_ҲИДИ

МУАЛЛИФ: САИДА АЗИЗ (Саида ҚОРАБОЕВА)

#72

Бўй-басти жиккаккина аёл мени қаршисига ўтказди. Исмимни, онамнинг исмини сўради. Айтдим. “Ҳомилангиз қиз экан!” деди. Индамадим. Чунки УТТ текшируви ўғил деганди. “Эрингизга осилган аёл сочлари сариқ, ҳамшира бўлиб ишларкан. Ўзига қаратиш учун яхшигина амал қилдирган. Ипсиз боғлаб олган”.

Фолбиннинг гапларини эшитиб, юрагим бир қалқиб тушди. “Эртага эрингизнинг кийимларини опкелинг. Ўқиб бераман! Қайтарма қиламиз!” деди қўшимчасига. Бир синглимга, бир фолбинга қараб бошқа келолмаслигимни айтдим. “Унда манави боклашкадаги сувни опкетинг! Ички кийимларини ювинг. Ҳовлининг, ётоқхонанинг бурчакларига сепинг. Манави чойни эса унга дамлаб ичиринг!” деб қўлимга беш литрлик баклашкада сув ва қоғозга ўралган қуруқ чой тутқазди.

Эримнинг хориждан қайтишини кута бошладим. Умидим фолбиннинг шу берганларидан... Зора, ўзгарса... меҳрибон бўлса. Эътиборли бўлса... Айтган сувини ҳовлига, уй бурчакларига уч кун сепиб чиқдим.

Икки кундан кейин қайтган Даврон акамнинг ич кийимларини қолган сувда ювдим. Ўша чойдан дамлаб бердим.

Ичимда минг бир ҳадик билан унинг ўзгаришини, бирданига менга меҳрибон бўлиб қолишини кутаяпман! Йўқ... эски тос, эски ҳаммом! У ўзгармади! Муҳайёнинг жодуси кучли экан... меники таъсир қилмади.

Қилган ишим учун Худога тавба қилдим. Ахир бирор натижа бўлмади-ку... Ҳар иш Аллоҳнинг изни биланда...


2009 йил... феврал
Аллоҳим, Ўзингга шукр! Охирги пайтлар ўзим билан овора бўлиб, дафтаримга ёзишга ҳам имконим бўлмади.

Бу орада ҳаётимда кўп нарсалар ўзгарди. Яратган мени яна оналик бахти билан сийлади. Икки қиздан сўнг эгизак фарзандли бўлдим. Ҳасан-Ҳусан. Даврон акамнинг қувончи чексиз. Ўғиллик бўлиб менга муносабати ўзгарди. Илиқ муносабат кўрсатади. Болаларнинг бири қўйиб, бири йиғлайди. Бу борада ҳам қарашади. “Сен бироз дам ол, мен қараб тураман” деб меҳрибонлик қилади. “Роббимга қилган дуоларим ижобат бўлди!” дея қувонаман!

Тўртта болани эплаш осонмас. Иккита қизни эрталаб боғчага юбораман. Кейин эгизакларим билан овора бўламан. Овсиним барака топсин, қарашиб юборади. У ҳам ҳомиладор... Икки овсин жуда аҳилмиз. Ҳалиям шу ҳовлида бирга яшаяпмиз. Энди шаҳар марказидаги уйга кўчсак бўларди. Лекин...

Ҳасаним сокин, Ҳусаним тўпалончи. Кўп йиғлайди.

2009 йил... май

Аллоҳим, бу не ҳол... Бу не кўргулик? Шу кунларни кўрмасам бўлмасмиди?
Менга берилган ҳаёт бунчалар аламли, Роббим! Шукр тўрт фарзандга она бўлишимга имкон бердинг! Лекин... нега менинг устимдан кулишларига қўйиб бераяпсан, Аллоҳим! Бунчалар синовинг кўп бўлмаса... биргина нотўғри танловим бутун умрлик ҳаётимга таъсир кўрсатяптими? Бу танловни ўзим қилдим, тўғри.. аммо сен битган тақдирку, Раҳмоним!

Йиғлаяпман, сиқиляпман, алам қилаяпти... лекин дардимни бировга айтолмаяпман!

Эрталаб эримнинг телефонида бир суратга кўзим тушди. Тасодифан қўлимга олдим телефонни. Нега олдим? Кўрмасам яхшимиди? Ичим ёниб кетяпти, Худо...

Эрим ва ўша аёл! Муҳайё! Келин ва куёв либосида... бирга тушишган сурат!

Кўзларимга ишонмадим. Яқинлаштириб кўрдим. Дастурхонда келин-куёв образида ўтиришибди. Бундан чиқди, Даврон акам ҳеч кимга билдирмай ўша аёлга тўй қилиб уйланиб олганми? Нега? Нима учун? Дарров сурат санасига қарадим.

Мен эгизакларимни дунёга келтиргандан бир ой ўтиб...
Шунчалар разолат бўладими? Қалбни шу қадар хўрлаш керакми? Додимни кимга айтай? Қаерга борай? Тўртта болам билан кимнинг эшигини қоқай...
Йиғлаяпман, ёзаяпман.

***

Сабрия Иброҳимовна кўз ёшидан сиёҳи чаплашиб, доғга айланиб қолган саҳифаларни ёпаркан, бир хўрсиниб қўйди.

ДАВОМИ ЭРТАГА

https://t.me/Saida_Aziz_Ijodi

#КЕЧКИ_МУТОЛАА

#НАСТАРИН_ҲИДИ

МУАЛЛИФ: САИДА АЗИЗ (Саида ҚОРАБОЕВА)

#71

2008 йил... май

Аллоҳим, Ўзингга шукр!
Таранглашган муносабатлар силлиқлашиб, изига тушгандек бўлди. Бироқ орамизда “нимадир” йўқ. Нималигини ўзим ҳам билмайман. Вужудимда эса яна бир юрак ураяпти. Балки бу Аллоҳнинг бизга бирган яна бир риштасидир. Даврон акам Муҳайё билан муносабатларини давом эттираётганини ич-ичимдан ҳис қилаяпман. Банда минг яширишга уринмасин, кўрсатаман деса Яратганга осон экан!
Нима қилишни билмай, бошим қотган! Аммо мен учун биринчи ўринда фарзандларим муҳим! Ҳозир Даврон акам хорижда. Биламан, у аёл билан кунда икки-уч маҳал гаплашаркан... бунга гувоҳ бўлдим. Бошқа рақамдан унга хабар йўлладим. Менинг ҳам қувлигим тутди негадир... Эркак исми билан “ҳақоратли сўз” ёздим. Бир зумда ҳамма ёқни остин устин қилди. “Ҳозир эримга айтиб, кимлигингни топаман!” деб ёзди. Ўша кезлари хорижда бўлган Даврон акам ўн марта қўнғироқ қилди. Рақамни топишга қийналиб, ҳали сингилларимни, ҳали куёвларимни рақамини сўрайди. Билдимки, Муҳайё эримга қўнғироқ қилган. Ахийри, Даврон акам менлигимни билиб қолди. Телефонда росса сўкди. Қайнимга айттириб, телефонимни олдириб қўйди. Икки кундан кейин хориждан қайтиб, яна кирар -кирмас бўралатиб сўкди. “Бўлди қил... йўлдан келдинг. Кейин ҳал қиласан” деди қайнонам. Мен яна телефонсиз қолдим. Бошқа аёл учун мен ҳақоратландим! Алам қиларкан... Нима эмиш, “Менинг хотинимдан шунақа ёмон гаплар чиқишини ҳазм қилолмайман” деди Даврон акам. Баҳонани қаранглар...

Ҳар гал ўзимга ўзим сўз бераман: Бўлди мен билан қизиқмайдиган одамга мен ҳам қизиқмайман. Ўйламайдиган, аямайдиган одамни мен ҳам ўйламайман! Бас етар! У ўша аёлни ўйлаб юрганда, мен ундан ҳам муҳим болаларимга диққатимни қаратаман! У эмас менинг бахтим! Дилбандларим менинг бахтим!

Фақат буни эплай олмайман! Ҳар гал сўзимга вафо қилмайман. Баъзида ўзимни мағлуб бўлгандек ҳис қиламан. Лекин... болаларим менинг ютуқларимку, дейман!

2008 йил... август
Аллоҳим, Ўзингга шукр!
Ҳаёт давом этмоқда. Бу бош омон бўлса, эҳҳе, нималарни кўрмас экан.

Уч ой аввалги жанжалдан кейин бир муддат сокин оққан дарёдек бўлдик. Аммо охирги 10 кун ичида Даврон акамда яна ўзгариш сезилди. Балки ростан иши ўхшамаётгани сабабдир...

Кеча хорижга кетган эрим на очиқ юз билан хайрлашди, на кетаётиб қўнғироқ қилди.
Гоҳида “иссиқ-совуқ” қилинганми, деб ўйлаб қоламан... Гоҳида ростан ҳам кўнгли йўққа ўхшайди. Ўн кун курагим оғриб ётдим, бир оғиз ҳол сўрамади. “Ёғ суриб қўйинг”, десам зўрға суркади. Билмадим, дилида нима гап бор экан? Нега бу қадар совуқ? Аллоҳга юзланиб, йиғлаб олдим.

Кенжа синглим “бир қўшнимиз бор, фолбин. Келинг, бир эризга очтириб кўринг”, деди. Чўкаётган одам хасга ёпишарканда... Чиндан кимдир нимадир қилгандир, деган гумонда ҳар кўринган эшикни қоқаркансан... Мен ҳам бордим. Оилам яхши бўлиши, бахтли ҳаёт кечиришим учун ўша фолбинникига бордим.

ДАВОМИ БОР

https://t.me/Saida_Aziz_Ijodi

#КЕЧКИ_МУТОЛАА

#НАСТАРИН_ҲИДИ

МУАЛЛИФ: САИДА АЗИЗ (Саида ҚОРАБОЕВА)

#70

Диванда пишиллаб ухлаётган икки норасидамни Ўзинг неъмат қилиб бердинг! Болаларимнинг оғзини тўлдириб “Дадам” дейишлари учун яшашим лозим. Ўзим ҳам баралла “Оилам” деб гапиришим учун турмуш кечирмоғим керак!

“Сув бир лойқаланиб, тинади!” дейишади. Аммо бизнинг сувимиз жуда кўп лойқаланмоқда. Қачон тинаркан, Парвардигорим, бу ёғи Ўзингга аён!
Илоҳим, Ўзинг иккимизга ҳам инсоф, кўнглимизга кенглик, ақлу фикратимизга тиниқлик, қалбимизга ҳаловату хотиржамлик, турмушимизга енгиллик, ҳаётимизга эса гўзаллик бер! Ўзинг Буюксан, Аллоҳим!

2008 йил... апрель
Битта гугурт донаси билан биргина шамни, газни ва ҳатто алангаси осмонни тутадиган гулханни ҳам ёқиш мумкин. Аммо гугурт чўпини ёқилган заҳоти пуфлаб ўчириш ҳам ҳеч гап эмас, ахир... Нега одам боласи арзимас нарса учун ҳам гулхан ёқишни истаркан-а?

Яратганим, Ўзингга шукр!
Бир зумда орадан шунча вақт ўтиб кетибди. Ўтган ойлар ҳаётимни зулматга айлантира оладиган ҳодисаларга тўла бўлди. Балки, ҳаммасига чидаб яшашим керакдир... Аммо бир савол тинчлик бермаяпти: Қачонгача?
Кундан кунга турмушимиз деворлари дарз кетаётган иморатга ўхшаб бормоқда. Тўғрироғи, шуни ҳис қилаяпман.
Қиз бола турмушга чиқаркан, куёв бўлмишнинг чинакам суянган тоғи, ишонган боғи, сирдоши, дардкаши, елкадоши бўлишини хоҳлайди. Худодан ҳам шуни сўрайди. Ҳар бир қиз шуни орзулайди. Бироқ... акси бўлса-чи?!
Унда ўша аёлнинг ҳолига вой!
Тўғри ароқхўр, нашаванд, зиқна, уронғич, сўконғич эрлар билан чидаб яшаётган аёллар қанча... Аммо уларнинг деярли ҳаммаси фарзандлари учун бу хўрликларга чидайди. Чунки у ОНА! Оналик шунақа фидойилик экан...

“Ҳеч кимга тоқатидан ортиғини буюрмаймиз!” дейилади Ҳадиси Қудсийда.
Аммо... менинг тоқат занжирларим тобора таранглашиб бормоқда. Узилишидан қўрқаман. Чунк мен ҳам ОНАман! Лекин эринг учун чинакам аёл, умр йўлидаги ҳамроҳ эмас, шунчаки туғиб берадиган хотин сифатида кераклигингни билсанг...

“Хотинимда кўнглим йўқ. совуқман. Эрлик вазифам боис, фарзандлар дунёга келган!” шу гапларни бошқа аёл эрингнинг тилидан гапирса, бошингга биров гурзи билан туширгандек бўларкан!
Эҳ, шу гапларни ҳам эшитиб яшаб юришим.... Даврон акамнинг гапирмаганига ишонгим келади. Бироқ вақт ўтмай, яна ғиди-ғидилар бошланади. Арзимаган майда-чуйдалар учун тунлари соат 2-3 гача ухламаслик, йиғи-сиғи, асаббузарликлар...
“БУ бир синов, Сабрия” дегим келади ўзимга ўзим. Аммо у эркак учун мен жуфтиҳалолманку...

Беш йиллик умрим давомида рафиқа сифатида бахтли кунларим кам бўлди. Кўп нарсага афсус қиламан!

Охирги пайтларда муносабатларимиз иплари янада таранглашган.
Сабрим ва кучим қачонгача етади, билмайман!

ДАВОМИ БОР

https://t.me/Saida_Aziz_Ijodi

#КЕЧКИ_МУТОЛАА

#НАСТАРИН_ҲИДИ

МУАЛЛИФ: САИДА АЗИЗ (Саида ҚОРАБОЕВА)

#69

КУНДАЛИКДАН
2008 йил... январь

Бисмиллоҳир Роҳманир Роҳийм!
Яратганим, Буюк Тангрим, меҳрибон эгам, қодир Аллоҳим Ўзингга шукр! Ўзингга ҳамду санолар бўлсин! Пайғамбаримиз Муҳаммад (с.а.в)га саловоту саломлар бўлсин. Ўйлаш, ёзиш саодатини берганинга шукр! Илоҳо, ўзинг меҳрибоним, мададкорим бўлгин!

***
“Аёл зоти шаршара сувларида товланган камалакка ўхшайди. Кўзни қамаштириб, кўнгилларда завқ уйғотади. Бироқ қуёш нури бўлмаса камалакдан асар ҳам қолмайди”.
“Сангам” фильмидан

***
Ҳар қандай ҳолатда, ҳар қандай вазиятда фақат Аллоҳга топиниш керак. Астойдил ишонган бандасини Ўзи қутқаради. Фақат мустаҳкам ишонч бўлиши керак. Мен ҳам ёлғиз Ўзига ишонаман!
Худойим, Ўзинг мадад бер! Дилимдагилар ўзингга аён! Эртамни, келажагимни билгувчи ёлғиз Ўзингсан! Ҳамиша ҳаёт йўлларимни нурли, чорағон ва гўзал қилгин! Ўзинг моҳир чеварсан!

***
Шубҳа, гумон ва ишончсизлик уч бошли аждарҳога ўхшайди. Бири қўйиб юборса, иккинчиси ютаман, дейди. Мана шу уч бошли аждарҳонинг комига тушиб қолишдан Ўзинг нажот бер, Роббим!

***
Аллоҳим, Ўзингга шукур!
“Азизим, мен сизсиз ҳеч ким эмасдим! Сиз туфайли жуда кўп мақомларга эришганимни тан оламан! Сиз боис рафиқа бўлдим, Сиз сабаб оналик бахтига эришдим. Сизга ёр эканман, мен келин, келинойи даражасидаман! Энг муҳими, суянч тоғи, таянчи бор “Эрли аёлман!” Мана шу сўзнинг ўзи олам-олам маънони беради.
Сиз борсизки, мен оила қўрғонининг бекасиман! Қаранг, агар сиздан воз кечсам Ҳеч кимман!
Худойим, Унинг инжиқлиги, талабчанлиги баъзида майдалашиб кетиши рост! Қизлар, умуман бошқа аёллар билан муносабати борлигини ҳам биламан! Улар билан учун совға саломлар бериши, тунлари ухламай ширин сўзлар ёзишидан ҳам хабарим бор. Менинг ота-онамни бирор байрам билан табрикламаслиги, аммо етти ёт бегонага совғалар бериши мумкинлиги ҳам менга аён!
Аллоҳим, баъзан бу инсон билан яшаш нақадар оғирлигини ҳис қиламан. Олисда бўлсада, беш кунда бир йўқламайдиган, аммо ойимчаларининг хабарларига жавоб беришга улгурадиган, менинг туғилган кунимни ёдидан чиқарадиган, “Соғиндингизми?” деган саволимга қовоқ уюб, ўшқирадиган, яримта ширин гапи билан осмонга, аммо битта гапи билан ерга киритиб юборадиган бу одам билан яшаш осон эмас...
Бироқ ўзим ҳам фаришта эмасман. У ҳам балки менинг қайсидир қилиқларимга чидаб яшаётгандир. Уни ҳам тушунаман! Аммо у номи билан Ҳазрати Эркак-ку!!! Одам Атонинг насли, ворисику!

Кундалигимни яна қайта опкелдим. Чидолмадим. Яна ёзишни бошладим.

ДАВОМИ БОР

https://t.me/Saida_Aziz_Ijodi