Rost24 | Расмий канал

Энди Россияда ишловчилар учун ҳужжат қатъий талаб этилади

Россия президенти имзолаган Фармонга мувофиқ, Россияда ноқонуний бўлиб турган чет эл фуқаролари 2025 йилнинг 30 апрелигача мамлакатни тарк этиши ёки ҳужжатларини расмийлаштириши лозим.

Бу талаб Россияда қонуний равишда қолишни истаган хорижликларга татбиқ этилмайди.

Ўзбекистоннинг Миграция агентлиги январдан бошлаб, Россияда ишлаб юрган, аммо ҳужжатлари билан боғлиқ муаммолари бўлган юртдошларимизга ҳуқуқий ва амалий ёрдам кўрсатишга тайёр эканини маълум қилди.

"Ҳужжатларни расмийлаштириш жараёни ва керакли маълумотлар ҳақида қўшимча хабар берилади", — дейилади Ўзбекистон Миграция агентлиги хабарида.

ROST24.uz | Telegram | Facebook
Instagram | YouTube | Tezkor

#Рост_ҳикматлар

✅ Умр ўтиб борар, мисоли эртак,
Эртанинг кетидан келиб қолар шом.
Фақат ғафлат ичра ётмагин, юрак,
Қайтиб келмас сира, бу ёшлик айём.

✍Абдулла Орипов

❄ Кунингиз хайрли ўтсин!

ROST24.uz | Telegram | Facebook
Instagram | YouTube | Tezkor

⚡️ 7 мингдан ортиқ товарлар учун инвесторларга божхона божлари бекор қилинди

Ташқи савдо ва эркинлаштириш мақсадида инвесторлар учун 7 мингдан зиёд хомашё ва товарларга божхона божлари бекор қилинди. Бу ҳақда Шавкат Мирзиёев Учинчи Тошкент халқаро инвестиция форумидаги нутқида маълум қилинди.

Маълум бўлишича, эндиликда Божхона ҳудудида қайта ишлашнинг соддалашган тартиби жорий этилади.

Хусусан, сўнгги йилларда янги-янги бозорларга кириш мақсадида Ўзбекистоннинг Жаҳон савдо ташкилотига қўшилиш жараёни анча тезлашди. Жумладан, 2023 йилда 279 мингдан ортиқ тадбиркорлик лойиҳаларига 13 триллион сўмдан ортиқ кредит, 57 минг нафар хотин-қизга 300 миллиардга яқин субсидия ажратилган.

Шунингдек, хотин-қизларга 6 триллион сўмлик ипотека кредитлари ажратилиши натижасида, 25 мингдан зиёд оилалар шахсий уйларига эга бўлишган. Бу борада 6 минг 200 нафар аёлга уй-жой шароитларини яхшилаш ва кредитнингбошланғич тўловини тўлаш учун 200 миллиард сўм субсидия ажратилган.

ROST24.uz | Telegram | Facebook
Instagram | YouTube | Tezkor

⚡️ Диққат: Ўзбекистонда илк бор “Шнобель” мукофотининг ғолибларини аниқлаш бошланди

🥇 Rost24.uz сайти вазирлик ва вилоят ҳокимликлари ҳамда амалдорлар ўртасида “Шнобель” мукофоти совриндорларини аниқлашни бошлайди.

🏆 Ўтган 2024 йил давомида халқнинг кўнглидан жой ололмаган ташкилотлар ўртасида ўтказиладиган “Шнобель—2024” мукофоти совриндорлари онлайн тарзда аниқланади.

👉 “Шнобель—2024” совриндорлари қуйидаги номинацияларда аниқланади:

▪️Халқ кўнглидан жой ололмаган вазир

▪️Халқ кўнглидан жой ололмаган вилоят ҳокими

▪️Халқ кўнглидан жой ололмаган давлат ташкилоти

▪️Йилнинг “бажарилмаган” ваъдаси

▪️Энг самарасиз лойиҳа

▪️Энг ёқимсиз қарор

▪️Энг бюрократик ташкилот

▪️Устидан энг кўп шикоят қилинадиган ташкилот

▪️ОАВ учун энг ёпиқ ташкилот

▪️Йилнинг ўхшамаган “пиар”и

🏵 Халқ томонидан аноним тарзда бериладиган овозлар орқали аниқланадиган ғолиб ташкилот Rost24.uz ахборот-таҳлилий сйти томонидан махсус диплом ва совға билан тақдирланади.

🟥 Муносиб номзодлар учун таклифларингиз бўлса, Rost24.uz муҳокама гуруҳида қолдиришингиз мумкин.

💠 Таклифлар учун: 👉 https://t.me/rost24_muhokama

⚠️ Эслатма: Rost24.uz сайти томонидан ўтказиладиган “Шнобель” танлови расмий аҳамиятга эга бўлмасада, халқ томонидан холисона баҳосини олади.

ROST24.uz | Telegram | Facebook
Instagram | YouTube | Tezkor

⚡️2024 йилда Ўзбекистонга инвестициялар миқдори қарийб 50 фоизга қисқарди

Қайд қилинишича, 2024 йилда Қозоғистон Шимолий ва Марказий Осиёда инвестиция жалб этиш бўйича етакчига айланди — мамлакат янги лойиҳаларга 15,7 миллиард доллар жалб қилди.

Батафсил: rost24.uz/uz/news/2049

ROST24.uz | Telegram | Facebook
Instagram | YouTube | Tezkor

⚡️Россия вазиятни яширишга уринди — Илҳом Алиев

29 декабрь куни Озарбайжон Республикаси Президенти Илҳом Алиев мамлакат телевидениеси учун Актауда содир бўлган авиаҳалокат юзасидан интервю берди. Бу ҳақда Озарбайжон президенти матбуот хизмати хабар берди.

Хабарга кўра, Озарбайжон фуқаролик самолёти Россия ҳудуди устида, Грозний шаҳри яқинида ташқаридан шикастланган ва бошқарувни деярли йўқотган. Электрон уруш воситалари самолётни назоратдан чиқарган ҳамда бу унга биринчи зарба бўлган. 

"Самолётдаги тешик-тешик излар қушлар тўдасига урилганлик ҳақидаги назарияларни инкор қилади. Эҳтимол, самолётда урилиш содир бўлиб шикастланганда учувчи буни қушлар билан тўқнашув сифатида қабул қилган бўлиши мумкин. Чунки бизнинг самолётимиз бизга дўст бўлган давлат устидан учиб ўтаётганда ердан ўқ узилиши ҳеч кимнинг хаёлига келмаган бўлса керак" — дейди Алиев.

"Россия бу назарияни илгари суришни афзал кўрдилар. Биз учун яна бир афсусланарли ва ҳайратланарли лаҳза Россиянинг расмий идоралари самолёт бортида газ баллони портлаши ҳақидаги назарияларни илгари сургани бўлди.

Бошқача айтганда, бу Россия томонининг, албатта, масалани яширмоқчи эканлигини яққол кўрсатди. Албатта, бу ерда қасддан террор акти ҳақида гап бўлиши мумкин эмас. Лекин Озарбайжондан ўз вақтида кечирим сўраш, бу ҳақда жамоатчиликни хабардор қилиш – булар кўрилиши керак бўлган чора ва қадамлар эди" — дея эътироз билдирган Озарбайжон президенти.

Шунингдек, барчаси адолатли бўлиши учун воқеанинг тўлиқ тафсилотини ўрганиш учун фақат халқаро экспертлардан иборат ишчи гуруҳ тузилишини таъкидлади.

ROST24.uz | Telegram | Facebook
Instagram | YouTube | Tezkor

#Рост_ҳикматлар

✅ Узр айтишга уста бўлган одамлар камдан кам ҳолларда бошқа ишларда уста бўлишади.

✍Бенжамин Франклин

❄ Кунингиз хайрли ўтсин!

ROST24.uz | Telegram | Facebook
Instagram | YouTube | Tezkor

⚡️2028 йилгача умумий овқатланиш корхоналарига фойда солиғи 50%га камайтирилади

Қонунчиликка кўра, 2025 йилдан 2028 йил 1 январгача умумий овқатланиш корхоналарига фойда солиғи ставкаси 50 фоизга камайтирилади.

Шунингдек, умумий овқатланиш хизматларини кўрсатувчи тадбиркорларга 2028 йил 1 январгача ҳар ойнинг 25 санасига қадар тўланган қўшилган қиймат солиғининг бир қисмини қуйидаги миқдорларда республика бюджетидан қайтариш тизими жорий этилади:

—ойлик товар айланмасининг нақд пулсиз қисми:

—60 фоиздан ошган умумий овқатланиш корхоналарига – бюджетга тўланган ҚҚСнинг 40 фоизи;

—60 фоиздан кам умумий овқатланиш корхоналарига – бюджетга тўланган ҚҚСнинг 20 фоизи;

—туроператорлик ва меҳмонхона хизматларини кўрсатувчи тадбиркорларга – бюджетга тўланган ҚҚСнинг 20 фоизи.

ROST24.uz | Telegram | Facebook
Instagram | YouTube | Tezkor

⚡️Мусулмонлар идораси тўйлардаги исрофгарчилик ва дабдаба ҳақида фикр билдирди

Ўзбекистон мусулмонлар идораси тўйлар, оилавий тантаналар, марҳумлар хотираси, ҳаж ва умрага бориб-келувчиларни кутиб олишга бағишланган йиғинлар тўғричида баёнот берди.

"Таассуфки, тўйлар, оилавий тантаналар, марҳумлар хотираси, ҳаж ва умрага бориб-келувчиларни кутиб олишга бағишланган йиғинлар, улардаги бир-биридан ўтиб тушадиган, кимўзарга, риёга, исрофга тўла ишлар халқимизнинг жиддий муаммоларидан бири бўлиб келмоқда" — дейди Ўзбекистон мусулмонлари идораси Уламолар Кенгаши раиси, муфтий Шайх Нуриддин Холиқназар.

Шу сабаб, зиёлилар, ёши кекса отахону онахонлар, нуронийларни биргаликда аҳолига исрофгарчилик ва дабдаба қилаётганларга тушунтириш ишларини кўпайтиришга, бу каби иллатларга биргаликда барҳам беришга чорлади.

"Аллоҳ таоло ато этган мол-дунёни исроф қилиш – катта гуноҳ, эканини уқтирайлик! Бунинг ўрнига топганларимизни савобли ишларга сарфлаб, бева-бечора, ночор, муҳтожларга ёрдам берайлик, ана шунда улкан савобга эга бўламиз, иншоааллоҳ!" — дейди муфтий.

ROST24.uz | Telegram | Facebook
Instagram | YouTube | Tezkor

⚡️ Андижонда спиртли ичимликдан 5 киши вафот этди

Андижон вилоятида 5 нафар фуқаро "Ўзбекистон" номли коньяк истеъмол қилгани оқибатида вафот этди. Бу ҳақда Андижон вилояти прокуратураси ахборот хизмати ҳабар берди.

Хабарга кўра, 22-26 декабрь кунлари ушбу спиртли ичимлик истеъмол қилган 22 нафар киши ўткир заҳарланиш ташхиси билан шифохонага ётқизилган.

Шифокорлар томонидан кўрсатилган зарур тиббий ёрдамга қарамасдан, уларнинг 5 нафари вафот этган.

Мазкур ҳолат бўйича вилоят прокуратураси томонидан Жиноят кодексининг тегишли моддалари билан жиноят иши қўзғатилган, дейилади хабарда.

ROST24.uz | Telegram | Facebook
Instagram | YouTube | Tezkor

⚡️Жанубий Кореядаги авиаҳалокатда 179 киши ҳалок бўлди — Yonhap

Жанубий Кореянинг Муан аеропортида Boeing 737-800 самолёти ҳалокатга учради. Оқибатда 179 киши вафот этган. Бу ҳақда "Yonhap" нашри хабар берди.

Хабарга кўра, самолёт бортида 175 нафар йўловчи (173 нафар Корея Республикаси ва 2 нафар Таиланд фуқароси) ва 6 нафар экипаж аъзоси бўлган.

Ҳалокат қўниш мосламасининг носозлиги туфайли юз берган. Экипаж самолётни қўндирмоқчи бўлган, бироқ самолёт тезлигини пасайтира олмаган ва учиш-қўниш йўлаги охиридаги панжараларга урилиб, ёнғинга сабаб бўлган, дейилади хабарда.

ROST24.uz | Telegram | Facebook
Instagram | YouTube | Tezkor

⚡️ Шаҳрам Ғиёсов айиқ билан "кураш тушгани" юзасидан Экология вазирлиги муносабат билдирди

Ижтимоий тармоқларда боксчи Шаҳрам Ғиёсов айиқ билан машғулот ўтказгани акс этган видео тарқалди. Ҳолат юзасидан Экология вазирлиги расмий муносабат билдирди.

"Айни дамда Экология, атроф-муҳитни муҳофаза қилиш ва иқлим ўзгариши вазирлиги томонидан ҳолат ўрганилмоқда ва натижаларига кўра батафсил маълумот берилади ҳамда ҳуқуқбузарларга нисбатан қонуний тартибда чора кўрилади.

Экология вазирлиги ҳайвонларга нисбатан ҳар қандай шафқациз муносабатни қоралайди", дейилади хабарда.

Маълумот учун, Ўзбекистон Республикаси Вазирлар Маҳкамасининг "Ёввойи ҳайвонларни сақлаш тартибини такомиллаштириш чора-тадбирлари тўғрисида"ги қарорига кўра, 2025 йил 1 январдан жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган ёввойи ҳайвонлар рўйхати тасдиқланган. Ушбу рўйхатга айиқларнинг барча тури киритилган. Яъни бошқа ҳайвонлар қатори айиқларни ҳам давлат ва мобил циркларида (шапитолар) сақлаш ҳамда улардан цирк томошаларини ўтказиш мақсадларида фойдаланиш тақиқланади.

ROST24.uz | Telegram | Facebook
Instagram | YouTube | Tezkor

#Рост_ҳикматлар

✅ Эрта келмагунча, сиз учун бугун қандай яхши бўлганини тушунмайсиз.

✍Луис Левинсон

❄ Кунингиз хайрли ўтсин!

ROST24.uz | Telegram | Facebook
Instagram | YouTube | Tezkor

⚡️ Ўзбекистон Республикаси давлат сирлари тўғрисидаги қонун қабул қилинди

“Давлат сирлари тўғрисида”ги қонун (ЎРҚ-1016-сон, 27.12.2024 й.) қабул қилинди.

Қонун Ўзбекистон манфаатларини кўзлаб маълумотларни давлат сирлари жумласига киритишнинг ҳуқуқий ва ташкилий асосларини белгилайди.

Давлат сирлари соҳасидаги ягона давлат сиёсати Президент томонидан белгиланади. Давлат хавфсизлик хизмати эса давлат сирлари соҳасидаги махсус ваколатли давлат органидир.

Давлат сирларини ташкил этишда маълумотлар махфийлигининг куйидаги учта даражаси белгиланади:

—махфийликнинг биринчи даражаси – “Алоҳида аҳамиятли”;

—махфийликнинг иккинчи даражаси – “Мутлақо махфий”;

—махфийликнинг учинчи даражаси – “Махфий”.

Давлат сирларини ташкил этувчи маълумотларни махфийлаштириш муддати давлат аҳамиятига эга бўлган сир учун - 30 йилдан ва хизмат сири учун - 10 йилдан ошмаслиги керак.

Қонун расмий эълон қилинган кундан эътиборан 3 ой ўтгач кучга киради.

ROST24.uz | Telegram | Facebook
Instagram | YouTube | Tezkor

⚡️ Путин Озарбайжон президентидан Актауда содир бўлган ҳалокат юзасидан узр сўради

28 декабрь куни Россия Федерацияси президенти Владимир Путин Озарбайжон Республикаси президенти Илҳом Алиевдан телефон орқали узр сўради. Бу ҳақда Кремль нашри хабар берди.

Хабарга кўра, 25 декабрь куни Қозоғистоннинг Актау шаҳри яқинида Озарбайжон ҳаво йўллари йўловчи самолётининг ҳалокатга учраши Россия ҳаво ҳудудида содир бўлганлиги сабабли узр сўраган ва ҳалок бўлганларнинг оила аъзоларига яна бир бор чуқур ва самимий ҳамдардлик билдирган.

Шунингдек, қатъий жадвал бўйича парвоз қилаётган Озарбайжон йўловчи самолёти Грозний аэропортига бир неча бор қўнишга урингани таъкидланган.

Келтирилишича, бу вақтда Грозний, Моздок ва Владикавказ Украина жанговар учувчисиз учиш аппаратлари томонидан ҳужумга учраган ва Россия ҳаво мудофаа тизимлари бу ҳужумларни қайтарган.

Россия Тергов қўмитаси 1-модда бўйича жиноий иш қўзғатилган. Бирламчи тергов ҳаракатлари олиб борилмоқда, фуқаролик ва ҳарбий мутахассислар сўроқ қилинмоқда, дейилади хабарда.

ROST24.uz | Telegram | Facebook
Instagram | YouTube | Tezkor

⚡️ Қашқадарёдаги "заправка"да автомобилда ёнғин содир бўлди

2024 йил 28 декабрь куни соат 08:45 атрофида Шаҳрисабз шаҳридаги "Ипак йўли" кўчасида жойлашган 3-сонли ёқилғи қуйиш шахобчасида Зил 130 русумли ёқилғи ташувчи автомобилда ёнғин содир бўлди.

Воқеага тезкорлик билан 5 та ёнғин-қутқарув бўлинмаси жўнаб, соат 08:48 да ҳодиса жойига етиб боришди ва 09:51 да ёнғин тўлиқ ўчирилган.

Ёнғин натижасида қурбонлар ёки тан жароҳатлари ҳақида хабар йўқ. Ҳозирда ёнғиннинг сабаблари ва келтирилган зарар аниқланмоқда, дейилади хабарда.

ROST24.uz | Telegram | Facebook
Instagram | YouTube | Tezkor

⚡️“Бизнесни ривожлантириш банки” АТБнинг жорий йилдаги фаолияти таҳлил қилинди

Банк томонидан ниҳоясига етаётган йилда ҳам барча йўналишларда мижозлар учун қулайлик яратиш, фаолиятга илғор, замонавий ёндашувларни жорий этиш устида мунтазам изланишлар олиб борилди. “Data Warehouse” (DWH) мазкур йўналишдаги фаолиятнинг навбатдаги натижасидир. Бу катта ҳажмдаги маълумотларни интеграция ва таҳлил қилиш учун мўлжалланган тизимдир.

Батафсил: rost24.uz/uz/news/2048

ROST24.uz | Telegram | Facebook
Instagram | YouTube | Tezkor

Энди тергов давомида аниқланган крипто-активлар олиб қўйилади

“Терговга қадар текширувни амалга оширишда ва жиноятларни тергов қилиш давомида аниқланган крипто-активларни олиб қўйиш, хатлаш, сақлаш ҳамда топшириш тартиби тўғрисидаги” йўриқнома Адлия вазирлигида давлат рўйхатидан ўтказилди.

Унга кўра, крипто-активлар терговга қадар текширувни амалга ошириш ва жиноятларни тергов қилиш давомида хатлаш, мусодара қилиш, етказилган зарарни қоплаш учун олиб қўйилиши ҳамда далил сифатида эътироф этилиши мумкин.

Крипто-активлар билан боғлиқ терговга қадар текширув ва тергов ҳаракатларини ўтказиш крипто-активлар билан ишлаш кўникмаларига эга бўлган мутахассислар иштирокида амалга оширилиши шарт.

Қуйидаги маълумотлар крипто-активлар билан боғлиқ ҳуқуқбузарликларга оид ахборот манбалари бўлиши мумкин, жумладан:

—шубҳали операциялар тўғрисидаги хабарлар;
—хизматлар провайдерлари ва майнерлар томонидан тақдим этилган маълумотлар;
—назорат қилувчи (лицензияловчи) органларнинг маълумотлари;
—очиқ ахборот манбаларидан олинган маълумотлар.

Олиб қўйилган, хатланган ва далил сифатида эътироф этилган крипто-активларнинг ҳисоби суриштирув ва дастлабки тергов органлари томонидан юритилади.

ROST24.uz | Telegram | Facebook
Instagram | YouTube | Tezkor

⚡️ Яна бир туман прокурор ёрдамчиси пора билан қўлга олинган

Наманган вилояти Чортоқ тумани прокурори ёрдамчиси пора билан қўлга олингани айтилмоқда.

Ҳолат бўйича ҳали расмий муносабат билдирилмади.

ROST24.uz | Telegram | Facebook
Instagram | YouTube | Tezkor