ROMITAN TUMAN HOKIMLIGI | Rasmiy kanali

🟢РОМИТАНДА: 2025 йил ҳосили учун қишлоқ хўжалиги соҳасидаги устувор вазифалар белгилаб олинди

Бугун, 22 январь куни қишлоқ хўжалиги вазири Иброҳим Абдураҳмонов бошчилигида Ромитан туманида 2025 йил ҳосили учун қишлоқ хўжалиги соҳасидаги устувор вазифалари ижросига бағишланган семинар бўлиб ўтди.

Семинарда вилоят қишлоқ хўжалиги бошқармаси бошлиғи Асқад Жаводов, туман ҳокими Умеджон Барноев бошчилигида сектор раҳбарлари, туман ҳокими ўринбосарлари ва соҳа мутахассислари иштирок этди.

Унда жорий йил давомида қишлоқ хўжалиги соҳасида амалга оширилиши лозим бўлган асосий устувор йўналишлар белгиланди ва улар бўйича аниқ чора-тадбирлар муҳокама марказида бўлди.

Жорий йилда пахта ҳосили учун асосан маҳаллий уруғлар билан биргаликда хорижий уруғлардан ҳам фойдаланиш режалаштирилди. Бундан ташқари ғалла етиштириладиган майдонлардан самарали фойдаланиш чоралари белгилаб олинди.

Шунингдек, экин майдонларининг сув таъминотини яхшилаш бўйича режалаштирилган ишлар ҳам атрофлича кўриб чиқилди. Бунда ички суғориш тармоқларини бетонлаш, сув тежовчи технологияларни кенг қўллаш масалаларига алоҳида эътибор қаратилди.

Семинар якунида вазир ҳар бир йўналиш бўйича қисқа муддат ичида сифатли натижаларга эришиш бўйича топшириқ берди.

https://t.me/Umed_Barnoyev

#hokim_hududlarda
#Romitan_tumani
#Kogon_tumani

Aholi bandligi va daromadini oshirishning muhim manbai bo‘lgan tomorqachilikni rivojlantirish barcha mas’ul rahbarlardan tortib, tomorqa egasining ham muhim vazifalardan biridir. Mavjud aholi tomorqalari yer maydonlaridan samarali foydalanish maqsadida esa viloyatimizda ham keng qamrovli ishlar olib borilmoqda. Ayniqsa, turmush tarzi og‘ir kechayotgan, kambag‘al va daromadsiz qolgan oilalarga o‘zlarini tiklab olishlari uchun issiqxona qurib berish, bu borada dunyo davlatlarining yoqilg‘isiz isitiladigan, ixcham issiqxonalarni barpo qilish tajribasini qo‘llash ommalashmoqda.

Masalan, hozirda Xitoyning “Jing Peng Guo Ji” mas’uliyatli cheklangan jamiyati shaklidagi xorijiy korxonasi har birining baholangan narxi 9 million so‘m miqdorida bo‘lgan ikki sotixli ixcham issiqxonalar qurib berish tashabbusi bilan chiqqan.

Xorijiy korxona tomonidan ayni paytda Romitan kasb-hunarga o‘qitish markazida tayyor holda topshirish sharti bilan namunaviy shaklda ixcham issiqxona qurish ishlari jadal bormoqda.

Viloyat hokimi Botir Zaripov bugun o‘quv markazi joylashgan “Navbahor” mahalla fuqarolar yig‘inida bo‘lib, issiqxonalar qurilishi bilan yaqindan tanishdi. Xorijiy korxona rahbari Liu Kengxu va xitoylik mutaxassislar bilan muloqotda mazkur issiqxonalarni qurib berish tartibi, ularning aholini kambag‘allikdan chiqarishdagi ahamiyati haqida so‘z bordi. Aniqroq aytganda, bu issiqxonalardan qanday foydalaniladi, unda qachon va nima yetishtirilsa, foyda olinadi, sarf-xarajatlar qoplanadi, degan masalalar yana bir bor muhokamalar markazida bo‘ldi.

Muhokamalar Kogon tumani hududida ajratilgan yer maydonlarida qurilayotgan namunaviy tipdagi issiqxonada davom etdi. Shu yerda kelgusidagi vazifalar belgilab olindi.

Buxoro.uz | Facebook | Instagram | YouTube