Romanlar

Ojizmiz agar...

Atrofingizdagi siz bilan bogʻliq hamma ishga javobgar oʻzingiz.

Yaxshi yoki yomon natija olish aynan sizning javobgarligingiz ostida boʻladi.

Oʻzingiz bilan boʻladigan ishlarni javobgarligini his qilmas ekansiz, hech narsani oʻzgartira olmaysiz.

Katta qudrat katta masʼuliyat talab qiladi.

Rivojlanishni va yuksalishni xohlaymizmi?

Unda hayotimizdagi har bir hodisaga oʻzimiz javobgar ekanligimizni tushunib yetishimiz kerak.

@romanlar

Boshlanishi qiyin

Yangi narsa boshlasangiz uni bajarish juda qiyindek tuyiladi. Masalan, yangi ishga kirgan paytingiz yoki maktabdagi birinchi kuningizni eslang.

Nega shunday? Chunki biz bilmagan narsalarimiz oldida tasavvurni kuchaytirib yuboramiz. Qachonki uni bir marta amalda sinab ko'nikma paydo bo'lganda, birinchi tasavvurimiz xato ekanligini tushunib yetamiz.

Oldindan 50 kg tosh ko'tarib yurgan sportchiga bu og'irlik qiyin emas. Ammo bunday og'irlikni birinchi marta ko'tarayotgan odamga oson emas.

Hech qachon birinchi ko'rishda xulosa chiqarmang. Birinchisida o'xshamadimi? Qiynalyapsizmi?

O'xshagunicha, oson bo'lgunicha qayta-qayta bajaring.

@romanlar

Strategiya va Taktika

Strategiya va taktika o'rtasidagi farq nimada?

Marketing sohasida buni tushinish juda muhim hisoblanadi. Nafaqat marketing umuman barcha sohada qo'llasa bo'ladi.

Strategiya siz taktikalarni amalga oshirguncha bajaradigan ishlaringiz rejasidir.

Ish boshlashdan oldin siz strategiya yaratib olasiz so'ngra taktika bilan ishni bajarishni boshlaysiz.

Masalan: Kurs yozmoqchisiz. To'g'ri kelgan narsalarni bog'dan yoki tog'dan olib yozib ketmaysiz. Birinchi o'rinda nimalar yozish kerakligini, qanday manbalardan foydalanish kerakligini aniqlab ularning tartiblangan ro'yhatini tuzib olasiz. Bu strategiya.

Shundan so'ng o'zingizga kerakli materiallarni yig'ib, tuzilgan reja asosida har bir bo'limni yozishni boshlaysiz. Bu taktika.

Bu ikki narsasiz hech bir ishingizni ko'ngildagidek yakunlab bo'lmaydi.

@romanlar

Aql o'rgatib emas, o'rnak bo'lib

Ko'pchilik qilgani uchun boshqalar ham bajaradi. Bu ishlarning foydasi bor yoki yo'qligi ikkinchi darajali.

Jamoat joyiga axlat tashlagan bolani chaqirib ''ma'ruza'' o'qigandan, unga amalda nima qilish kerakligini ko'rsatib berish samaraliroq.

Jamiyatda ham shunday. Masalan: Ko'pchilik ''to'ylarni dabdabali o'tkazish kerak emas'', deb aytadi ammo ularning to'ylarini ko'rib hayron qolasiz.

Yoshi kattalarimiz kelajak avloddan ko'p norozi bo'lishadi. ''Kitob o'qimay qo'yishdi'', ''hurmat yo'q'', ''muomila qilishni o'rganishmaydi''.... .

Kitob o'qishi kerak bo'lgan bolaga qanchalik gapirganingiz bilan o'zingiz o'rnak bo'lmaguningizgacha bajarmaydi.

Qanday to'y qilish kerakligini o'rgatmasdan, o'zingiz amalda ko'rsatib bermaguningizgacha, odamlar baribir hamma qilgandan qolmaydi.

Ming gapirib o'zingiz amal qilmas ekansiz, boshqalardan hech narsa kutish kerak emas.

Atrofingizdagi insonlarni qanday bo'lishini, ularda qanday yaxshi xislatlarni ko'rishni xohlasangiz, o'zingiz ham shunday bo'ling.

O'rnak bo'ling!

@romanlar

Omad kelib qolar

Bir ishni boshladik. Uni muvaffaqiyatga erishishida omadga ishondik. Yakunda muvaffaqiyatsizlik.

Hozir 8 milliard dunyo aholisidan ko'pi "omad kelib qolar" o'yini bilan mashg'ul. Shu sababli har 10ta yangi loyihani 90% o'xshamaydi (failed).

Ish boshlanganda ''o'xshab qolarmikin'' degan savol paydo bo'lsa, uni o'xshamasligi yuqori bo'ladi. O'zini ko'rsata olgan insonlarga nazar solsak, ularning lug'atida ''omad'' so'zi yo'q.

Ko'zingiz yetmagan, sizga foyda keltirmaydigan ishlarni omadga ishonib qilishdan to'xtang. Ko'zingiz yetgan, o'zingiz ishongan, natijaga erisha oladigan ishlarni bajarishni boshlang.

@romanlar

Osonlashtirish

Birinchi marta qilayotgan ishingiz sizga qiyin tuyiladi. Qachonki uni qayta-qayta bajarishni boshlaganingizda osonlashgandek his qilasiz.

Yangi muammolarda ham shunday. Oldin ko'rmagan muammo oldida havotirga tushasiz. Qo'rquv paydo bo'ladi. Yechim qidirib izlanishni boshlaganingizda qo'rquv yo'qoladi va muammo oddiydek tuyiladi.

Qarshingizdan qanday to'siq chiqsa ham, aylanib o'tmasdan, yechimi ustida izlaning. Yechim topsangiz muvaffaqiyat, topa olmasangiz tajriba. Ikki holatda sizga foyda.

Yangiliklar va muammolarga bo'lgan qo'rquvingizni ularni hal qilish va o'rganish ishtiyoqiga aylantiring (passion to solve and learn).

@romanlar

Vaqt qadri

1 kun, 24 soat, 1440 daqiqa yoki 86400 soniya. O'tayotgan vaqt umrimizning yakuniga bir qadam yaqinlashtiradi. Undan to'g'ri foydalanamizmi?

Bekor o'tgan vaqtni orqaga qaytara va o'rnini to'ldira olmaymiz. Bunda hayotimizning bir qismi behuda ketgan bo'ladi. Bu isrof.

Dinimizda ham vaqtga jiddiy e'tibor qaratiladi. Shu sababli har ishning vaqti belgilab qo'yilgan.

Sa'diy Sheroziy aytganidek.
''Ey g'ofil, ko'p o'ylab foyda-yu mol,
Umring sarmoyasini aylama poymol.''

Xulosa o'rnida keraksiz narsalarga sarflanayotgan vaqtni kerakli ishlarga yo'naltirish, kelajagimiz uchun foydali bo'ladi.

Vaqtingizni asrang!

@romanlar

O'zingiz bilan tortishmang

Psixologlarga ko'ra juda ko'p odamlar doimiy ichki ziddiyatlar (conflict) bilan yashashadi. Bu ziddiyatlarga katta energiya sarflanadi.

Ayb yoki noto'g'ri ish qilganimizni yomonligini bilib yakunda afsuslanamiz. Bunday qilish kerak emasligini o'ylab vijdonimiz qiynaladi. Qilingan ishga qandaydir bahonalar topib, o'zimizni oqlashga harakat qilamiz.

Mana shu jarayonda bizda ichki ziddiyat uchun energiya sarf bo'ladi.

Masalan, kitob o'qish kerakligini bilamiz ammo o'qimaymiz. Bunga turli bahonalar topib o'zimizni aldab (ovutib) yuramiz. O'zimizni aldash odatga aylanganda esa, boshqalarga ham yolg'on gapirishni boshlaymiz.

Yakunda butun boshli hayotimiz o'tib ketib qolganini sezmay qolamiz.

Hech qachon o'zingizni aldamang.

@romanlar

Reja

Ish boshlashdan oldin reja aniq bo'lishi - bu yakunda natijaning muvaffaqiyatga erishish imkoniyatini oshiradi.

Maqsadning aniqligi. Rejalashtirish maqsadlarni belgilashda yordam beradi. Aniq belgilangan reja bo'lsa, uni tartib bilan bajarish oson kechadi.

Rejalashtirish orqali bajaroyatgan ishingizdagi kerakli resurslarni ham to'g'ri taqsimlay olasiz va resurslarning taqsimlanishi ish samarasizligini oldini oladi. Ko'p insonlar ish boshlab resurs kamligi sababli yarim yo'lda to'xtab qolishadi.

Vaqtdan unumli foydalana olasiz. Rejalashtirish bilan siz har bir vazifani belgilangan vaqtda bajarib natijaga erisha olasiz.

Vazifalarning muhimlilik darajasini aniqlab beradi. Ko'p insonlar bir vaqtning o'zida ikki yoki undan ortiq vazifa olsa, qaysi biridan boshlashni bilmay qolishadi. Rejalashtirish orqali esa, bu  muammoni hal qilsa bo'ladi.

Yaxshi rejalashtirish orqali ish jarayoniga keraksiz bo'lgan qadamlardan qochish va jarayonni soddalashtirish mumkin.

Har qanday ish boshlashdan oldin uning yo'l xaritasini belgilab olish natijaga tezroq olib boradi.

Rejalashtirishni o'zimning kun tartibimda sinashni boshlaganimdan beri hayotim ancha tartiblashdi va natijalar sezila boshladi.

Rejalashtirishda gap ko'p.

@romanlar

​​Ba’zi so‘zlar tig‘li bo‘ladi – tegsa, o‘ldiradi.

Keksa yoshli kishi bir institutning "Odob" fakultetiga tegishli sinfiga kirdi. Talabalar uni shifokor deb o‘ylashdi. Lekin u talabalar qatori partadan joy oldi. Dars tugagach keksa kishi talabalarga yuzlanib, shunday dedi: Myen ishlik odamman – oyoq kiyim sotaman. Yettita farzandim bor. Bir o‘g‘lim tabib, biri muhandis, biri zobit, qizim esa dorixonada ishlaydi. Bir kuni bolalarim ilmiy bir mavzuda suhbatlashib o‘tirishgan ekan, men ham ularning suhbatiga aralashdim. Shunda o‘g‘illarimdan biri menga shunday dedi: "Dada, gapga aralashmasangiz, biz ilmiy mavzuda gaplashyapmiz, buni siz tushunmaysiz. Hafa bo‘lmang-a!" Bu gap ich-etimni uzib yubordi, lekin indamadim. Ertasi kuni to‘g‘ri kutubxonaga borib, 9-sinf kitoblarini sotib oldim, hech kimga bildirmay do‘kanimda hammasini o‘qib chiqdim va maktab imtihonida qatnashib, hammasidan o‘tdim. Buni ham hech kim bilmadi. Keyin esa bakalvrlikka oid kitoblarni sotib oldim. Ularni ham uch yilda o‘qib tugatdim va imtihon topshirib, hammasidan muvaffaqiyatli o‘tdim. Buni ham oilamda hech kim bilmadi. Bugun esa instituga qabul qilindim. Inshaalloh, shu yerni bitirsam, farzandlarimni chaqiraman-da, ularga: "Bolajonlarim, mana bu diplomim. Endi sizlarni tarbiyalagan, o‘qitgan va uyli-joyli qilgan otangiz gapingizga aralashsa maylimi?", deyman!



@Romanlar

"Sen meni alda, aldasang ham oʻz aqling bilan alda, ana oʻshanda balki men seni oʻpib qoʻyarman. Oʻz aqling bilan aldash bu boshqalarni aqli bilan haqiqatni soʻylashdan ming karra yaxshiroq..."

“Jinoyat va jazo” Fyodr Dostoyevskiy
@romanlar