Rustam Karimjonov

🤔 CAU Tech Summit 2025: O‘zbekistonning raqamli kelajagi — dunyo yetakchilari nigohida!

Central Asian Universityda yilning yirik texnologik anjumani — CAU Tech Summit 2025 bo‘lib o‘tdi.

🟢 Ushbu yirik tadbir IT, innovatsiya va tadbirkorlik sohasidagi yetakchi mutaxassislarni, talabalar, startapchilar, investorlar hamda xalqaro kompaniyalar vakillarini bir joyga jamladi.

✅ Sammit doirasida O‘zbekistonning raqamli ta'lim yo'nalishidagi yutuqlari va kelgusi rejalari keng jamoatchilikka taqdim etildi. Raqamli texnologiyalar vaziri o‘rinbosari o‘z nutqida “O‘zbekiston — 2030” strategiyasi doirasidagi asosiy maqsadlarni sanab o‘tdi:

✅ 300 000 nafar yoshlarni IT-ta’lim loyihalari orqali o’qitish;
✅ 10 000 dan ortiq IT kompaniyalarni shakllantirish;
✅ har yili 50 000 maktab bitiruvchisini IT sohasi bilan bog‘lash;
✅ 1 million yoshni xorijiy tillar bo‘yicha sertifikatlash;
✅ 50 000 nafar yoshni xalqaro professional IT sertifikatlari bilan ta’minlash.

Ushbu ko‘rsatkichlar O‘zbekiston raqamli ekotizimining jadal rivojlanayotganidan dalolat beradi va mamlakatni global texnologik markazlardan biriga aylantirish sari tashlanayotgan muhim qadamlardir.

🚀 Sammitning eng kutilgan va yodda qoladigan voqealaridan biri — 🍏“Apple” kompaniyasi asoschilaridan biri Stiv Voznyakning eksklyuziv ma’ruzasi bo‘ldi. Uning O‘zbekistonga ilk tashrifi nafaqat yurtimiz, balki butun Markaziy Osiyo uchun muhim voqea sifatida baholandi. Bu tashrif orqali O‘zbekistonning IT sohasidagi salohiyati va global texnologik xaritadagi o‘rni tobora mustahkamlanayotganini yaqqol ko‘rish mumkin bo‘ldi.

🇺🇿 O‘zbekiston global texnologik maydonga chiqmoqda. CAU Tech Summit 2025 esa bu jarayonning navbatdagi muhim qadami bo‘ldi.

📩Telegram 📱Facebook 📱 Instagram 📺Youtube 🌐 LinkedIn 🐦 X

🚀 Xalqaro informatika olimpiadasiga tayyorgarlik to'g'risida tashkil etilgan o‘quv mashg‘ulotlari ishtirokchilari va Zulfiya nomidagi Davlat mukofotining 2025-yilgi sovrindorlari bilan uchrashuv o‘tkazildi

Bugun, 20-mart kuni Raqamli texnologiyalar vaziri Sherzod Shermatov Xalqaro informatika olimpiadasiga tayyorgarlik ko‘rish maqsadida o‘quv mashg‘ulotlarida ishtirok etgan o‘quvchilar va Zulfiya nomidagi Davlat mukofotining 2025-yilgi sovrindorlari bilan uchrashuv o‘tkazdi.

✅ 2026-yilda ilk bor nufuzli IOI- Xalqaro informatika olimpiadasiga O'zbekiston mezbonlik qiladi. Joriy yildan boshlab ushbu olimpiadaga munosib tayyorgarlik ko‘rish maqsadida xorijdan murabbiylar jalb qilib, o‘quvchilarni olimpiadaga tayyorlash jarayonlari boshlandi.

Vazirning iqtidorli yoshlar bilan uchrashuviga yana bir muhim sabablardan biri joriy yil ilk bor Zulfiya nomidagi Davlat mukofoti yo‘nalishlari safiga IT sohasini ham qo‘shilgani bo’ldi. Quvonarlisi, bu yil IT sohasida faoliyat yuritib, yuksak natijalarga erishgan 4 nafar xotin-qizlar ushbu mukofot bilan taqdirlandi.

Batafsil: 👉 https://digital.uz/oz/news/view/41405

📩Telegram 📱Facebook 📱 Instagram 📺Youtube 🌐 LinkedIn 🐦 X