Sokin_Qalblar 🦋

Invite your friends and get bonuses for each invited friend! 🎁

Your referral link: https://t.me/notcoin_bot?start=r_579150_23779347

Invite your friends and get bonuses for each invited friend! 🎁

Your referral link: https://t.me/notcoin_bot?start=r_579150_23779347

То тонггача ёғиб чиқди қор,
Симёғочда ўчмади чироқ.
Тонгда эса таниш йўллардан
Бир фаслга кетгандим йироқ.

Ўзга эди осмоннинг рўйи,
Мағрурмиди, балки баландроқ.
Қайтмоқ бўлдим мен ҳам кун бўйи,
Лозим йўлни топмадим бироқ.

Табиатга тушган айрилиқ
Кўчди менинг юрагимга жим.
Мени тамом унутди борлиқ
Ё борлиққа айландим ўзим,

Ҳовучимга тўлиб қолди қор,
Руҳимга ҳам тўлди сукунат.
Юрагимда ёлғиз умид бор:
Айтолмадим ҳеч кимга фақат.

@rasmlar_zuri

ОНАЖОНИМ

Машаққатли лаҳзаларда, ишим осонлашишини, машаққатим аришини дуо қилиб сўраб, ёнимда турадиган инсон — онамдир.

Бемор бўлиб турганимда, Аллоҳдан шифо сўраб, менга дори ичириб, пешонамни силаб, ёнимда турадиган инсон — онамдир.

Йиғлаётганимда, кўз ёшларимни артиб, «Нега йиғлаяпсан, болам?» деб ёнимда турадиган инсон — онамдир.

Ишим орқага кетиб, мен учун жонини «фидо» қилмоқчи бўлганлар йўқолиб қолганда, ёнимда турадиган инсон — онамдир.

Хурсанд бўлганимда, шодлигимдан севиниб, юзида табассум билан ёнимда турадиган инсон — онамдир.

Қўполлик билан хафа қилсам ҳам дарров кечириб, «Ўз боламдан хафа бўлармидим» дея бағрига босадиган инсон ҳам — онамдир.

Дуо қилаётганда, баъзан ўзларини дуо қилишни унутсалар-да, аммо мени, синглимни, укаларимни, набираларини дуо қилишни унутмайдиган инсон — онажонимдир!

Маҳмуд Дарвеш айтган:

"Онам билан бошқаларнинг орасидаги фарқ шуки, бошқалар мени маҳзун ҳолда кўрмасликини орзу қиладилар. Аммо онам мендан маҳзунликни ўзига олишни орзу қилади".

Аллоҳ таоло оталаримизни, оналаримизни Ўз паноҳида асрасин, умрларини узун, ризқларини баракотли қилсин, дуоларини олишни бизга насиб этсин!

Ота-онаси вафот этганларнинг ота-онасини Ўзи раҳматига олсин!

@rasmlar_zuri

Куз хазонлар сочган ўриндиқ
Иккимизни кўтариб мулзам,
Бахтли қилмоқликка уринди...
Ўртамиздан ўтмасди қил ҳам.

Ўша куни ёниб, ўртаниб,
Чиқолмасдан бир ҳомуш кўйдан,
Ўтирардик ишққа ўраниб
Ва бошингни елкамга қўйдинг...

Зулфларингни ўпганча кўзим,
Кўчирганда юзимга тонгни.
Э воҳ, бирдан сочларинг тўзиб,
Билагимга кўз ёшинг томди...

Сочларингга бормади қўлим,
Кўзёшингни артолмадим ман.
Узилди-ку бир ришта бўлиб
Бармоқларинг бармоқларимдан.

Шундан бери қаддим дол, худди
Бошгинангни соғинар елкам,
Наҳот, сенинг қўлларинг тутди,
Елкаси йўқ, бир хасис одам?

Мен-чи, сўлдим гўзал жононлар
Юракларин тутар - олмайман.
Ўшал кунни эслаган онлар,
Ғамлардан бош кўтаролмайман.

Кўзларимдан дарёлар тошиб,
Емирилар, чертилар юрак.
Оғирлашиб боради бошим,
Қаергадир қўймоғим керак.

Икки кўзим қараган пастга,
Ҳар қадамда ерга тизлайман.
Кимдир елка тутар, мен эса
Бош қўйишга кунда излайман.

@rasmlar_zuri

Алвон-алвон лолани
бўғизлаган бу доғлар,
Эрта келган баҳорни
тан олмаган бу тоғлар,
Йиғлаётган ёмгирдай
шивирлайди дудоғлар
Менинг ҳам севганим бор
ва жимгина кечганим.

Қушлар излаб сукунат
жанубга учиб кетган,
Кундузларнинг оқ бағри
шомларга кўчиб кетган,
Ишққа қурбон бўлдим деб
висолдан чўчиб кетган
Менинг ҳам севганим бор
ва жимгина кечганим.

Мўридан чиқар тутун
заминдан нола қилиб,
Бармоқ ўйнар оҳанглар
дардимни тола қилиб,
Битта-битта уздилар
кузакка бола қилиб,
Менинг ҳам севганим бор
ва жимгина кечганим.

Сойга ёқмас тушларнинг
қанотини ечганим,
Ишқ — азобнинг заққумин
ва тотини ичганим,
Исминг мангу сир қолди
кўйлагини қучганим —
Менинг ҳам севганим бор
ва жимгина кечганим.

@rasmlar_zuri

Ўзимни унутиб, чорладим сени,
билмадим бу дунё ўнгимми-ҳушим?
Азизам, кел, менга эслатгин мени,
азизам, кел, мени ёдимга тушир.

Кўнглим синиқларин кўзимдан тергин,
оғриқларим айтиб қўрқит, учунтир;
азизам, кел, мени изоҳлаб бергин,
азизам, кел, мени тушунтир!

Азизам, кел фақат, келсанг бас, тамом,
бус-бутун эгаллаб ол борлиғимни:
бир сен исботлашинг мумкиндир
ҳамон
бу дунёда мен борлигимни.

@rasmlar_zuri

"Кет, - дейсан (титрайди қўлларинг),
- Чарчадим кўнглингга қарашдан".
"Хўп - дейман (кетишга йўқ имкон),
- Кетаман, кетаман, кетаман".

Бахт бизга бир қиё боқмади
(Мен ахир бахтлиман сен билан).
Кетишдан бошқа йўл қолмади
(Кетиш - бу қайтишга илк қадам).

Мен сендан чарчадим, инонгин
(Сенсизлик - энг қўрқинч туш, билсанг).
Биз келдик манзилнинг сўнгига
(Бир умр тиргакман йиқилсанг).

Дилозор бўлдик-да чунонан,
Бунчалар зўр бердик курашга.
Азизим, хўш, энди не дейсан,
Қавслар ичида яшашга?!

@rasmlar_zuri

СЕН УНУТГАН АФСОНА

Бугун менинг туғилган куним,
Табрикларга кўмилиб кетдим,
Фақат сени битта гул билан,
Келишингни жуда ҳам кутдим.

Энг чиройли кўйлагим кийиб,
Аламимни ичимга ютдим.
Нигоҳимни эшикка қўйиб.
Сени кутдим, бир сени кутдим.

Қадаҳ тутди ҳамма мен учун,
Қутламаган ҳеч ким қолмади.
Сен ҳаттоки эсламаган кун,
Уйим тўлди, кўнглим тўлмади.

Бахт расмини чиздим юзимга,
Дод дедиму, чиқмади уним.
Татимади ишонасанми,
Сен унутган туғилган куним.

@rasmlar_zuri

***
Ketmayman!
Qolaman kulgichingizda,
Qitig'lab quyoshni kuldirish uchun!

Siz shunda anglaysiz,
Nechog'lik qiyin. ishqiga baxt
Tilab yashashning kuchin.

Ketmayman!
Ko'zingiz ortida yashab,
Ko'rsatgim keladi dunyolarimni.

Ko'rasiz,
Holimga turasiz qarab,
Va sekin tinglaysiz duolarimni.

Hayrat...
O'z domiga yutadi sizni,
Ibodatlarimda ko'rib o'zingiz.

Javobsiz...
Savollar ila men tomon,
Javdirab qaraydi shunda ko'zingiz.

Ha...
O'zimdan yashirgan ishqim edingiz
Hamono tilim va dilimning yodi.
Aytmoqqa juratim yetmagani kez,
Haqqim yo'qligida chekkan faryodim.

Bari
Bir - bir o'tar hayollarimdan,
Zor qolgan emassiz hozir ham menga.

Qo'rqaman,
Yig'loqi savollarimdan.
Sizni sevmaganman hech qachon deng va

O'shanda ketaman hayotingizdan!!!

@rasmlar_zuri