An Ordinary Man

- Berrimor, nonushtaga nima bor?
- Olivye, ser.
- Tushlikka-chi?
- Olivye, ser.
- Kechki ovqatga?
- Kotlet, ser.
- Xayriyat!
- Olivyedan, ser.

@rakhmonalievs_blog

Shaxsan mendan soʻrasanglar "Yil kashfiyoti" "Birburchak" boʻldi (katta oʻsish qayd etdi). Auditoriya bilan bu yil faol aloqada boʻlgani "Stoik kutubxonasi" ("Kitoblar ombori" azaldan faol), Ayollar orasida eng yaxshisi sifatida bittasini ajratib koʻrsatish qiyin boʻlsa-da Mahin va "Dildora bookaholic" ancha sermahsul ijod qilishdi ("Quyosh taraflarda" ham ancha faol boʻldi). Erkaklar ichida eng yaxshisi deb Salimovni koʻrsatgan boʻlardim. Yana "Santuagara" oʻzgacha uslubi bilan, "Bobil kutubxonasi" ilmiyligi bilan ajralib turdi.
"Ivan Karamazov"ga eng quvnoq bookbloger nomzodini bergan boʻlar edim.

@rakhmonalievs_blog

Mana yana bir yil ham yakuniga yetmoqda. Yil yaxshi keldi. Baʼzi natijalarga erishdik. Tajribalar oldik. Yangi tanishlar orttirdik. Sevdik. Sevildik. Mutolaaning ochilishiga taklif etildim, bookblogerlar jamiyatiga qoʻshildim, kitobsevarlar kuniga ular bilan secret santa oʻynab kitob almashdik, yigʻilib uchrashdik. Birinchi marta kitobxonlar uchrashuvida qatnashdim. Oʻtgan yili bu narsalar men uchun orzu edi. Kimdir shunday ishlar boʻladi desa ishonmasdim. Tushkunlikda edim. Blog yuritishni toʻxtatishni ham oʻylagan paytim boʻldi. Lekin Xudo erishib boʻlmaydigan narsalarni orzu qildirmas ekan. Kitob oʻqib nima qilasan, nimaga erishasan deyishadi. Kitob oʻqib olim boʻlmassiz, lekin odam boʻlasiz. Shu mutolaa orqali doʻstlar orttirdim. Bir narsaga endi aminman. Har qanday vaziyatda ham holat qanchalik ogʻir boʻlmasin taslim boʻlmayman. Har qanday muammo meni "pishirish" uchun navbatdagi sinov ekanligini bilaman. Shunday yuqori ruhda yilni tugatayapman. Muvaffaqiyatli va samarali yil boʻldi. Barchasi uchun minnatdorman. Keyingi yil ham shu ruhda davom etsin. Hammangizni kirib kelayotgan yangi yil bilan tabriklayman.

@rakhmonalievs_blog

#sarhisob

2024-yil oʻqigan kitoblarim roʻyxati:

1. Meri Shelli - Frankenshteyn
2. Jorj Oruell - Nafas
3. Zulfu Livaneli - Serenada
4.E.M.Remark - Jannatdagi soyalar
5.A.L.Qozonchi - Oʻgay ona
6.L.Tolstoy - Iqrornoma
7.K.Sindarov - Temuriylar kutubxonasining siri
8.Eshli Vens - Ilon Mask. Tesla, SpaceX va kelajakka yoʻl.
9.Pol Kleynman - Psixologiya 101.
10. Antuan de Sent Ekzyuperi - Tungi parvoz.
11.Imom Gʻazzoliy - Alloh uchun sevmoq
12.Imom Gʻazzoliy - Oxirat olamining sirlari
13.Ibn Hajar Asqaloniy - Oxirat kuniga tayyorgarlik. Munabbihot
14.Muftiy Shuaybulloh Xon Miftahiy - Biz gunohdan qanday saqlanamiz?
15.Doktor Oiz Qarniy - Nihoyat, saodatni topdim!
16.Fredrik Bakman - Havotirli odamlar
17.Javlon Jovliyev - Qoʻrqma.
18.A.Shopengauer, E.Fromm, Z.Freyd, J.Oruell, K.Yung, B.Rassel - Insoniyatning bugungi ahvoli
19.Togʻay Murod - Otamdan qolgan dalalar
20. Mixail Bulgakov - Yosh vrach kundaligi
21.Ernest Xeminguey - Chol va dengiz
22. Entoni Byordjess - Murvatli apelsin
23. Robert Kiyosaki - Boy ota, kambagʻal ota
24. J.R.R.Martin - Taxtlar oʻyini.
25. Gabriel Garsiya Markes - Yolgʻizlikning yuz yilligi
26. Frans Kafka - Jarayon
27. Joze Mauro de Vaskonselos - Azizim, Poʻrtaxol
28. Henri Ford - Mening hayotim.
29. Gülseren Bugʻdayjioʻglu - Hayotga qayt
30. Gabriel Garsia Markes - Buzrukning kuzi.
31. Deniel Kiz - Billi Milliganning sirli hikoyasi.
32. Lyuis Jastin - Benedikt Kamberbetch.
33.Paul Gerxard - Remark. Nomaʼlum faktlar.
34. Jon Steynbek - Sichqonlar va odamlar
35. Jon Steynbek - Javohir
36. Tara Vestover - Talaba
37. Jin Sharp - Diktaturadan demokratiyaga
38. Kobo Abe - Xuddi inson kabi
39. Erix Mariya Remark - Ortga yoʻl.
40. Fyodor Dostoyevskiy - Jinoyat va jazo.
41. Nazar Eshonqul - Kitob bandasi.
42. Jorj Oruell - Ruhoniy qizi
43. E.M.Remark - Qora haykal
44. Irsa Sigurdardottir - DNK
45. Jek London - Martin Iden
46. Jek London - Bir kunlik qoʼnolgʻa
47. Pol Oster - Nyu-York trilogiyasi
48. Oskar Uayld - Dorian Grey portreti
49. Uilyam Saroyan - Daho
50. Madlen Miller - Kirka
51. Rizvon Oqlon - Uzoq tuzoqlar.
52. Jek Rouzvud - Ashaddiy qotillarning katta kitobi.
53. Erkin Aʼzam - Gonoluluga elchi
54. Aleksandr Dyuma - Jallod changalidagi oshiqlar.
55. Daron Ajemoʻgʻli, Jeyms Robinson - Mamlakatlar tanazzuli sabablari.
56. Fyodor Dostoevskiy - Oydin tunlar
57. Mixail Bulgakov - Ityurak.

@rakhmonalievs_blog

Soʻrovnomadagi nomzodlar shaxsiy qarashlarim va kuzatishlarim asosida olingan boʻladi (sizniki bilan oʻxshash boʻlmasligi mumkin) Orada oʻzimni ham suqib ketgan boʻlishim mumkin rozi boʻlasizlar. 😄 Koʻproq odam qatnashishi uchun ulashib yuboringlar.

Bir nimani oʻylab qoldim. Yil yakunida soʻrovnoma orqali bookblogerlar orasida eng, englarini aniqlasak nima deysizlar?

#taqriz

📚 Mixail Bulgakov - "Ityurak"

Gapirgan bilan odam bo’lib qolmaydi, albatta.

"Ityurak" 1925-yilda yozilgan satirik roman boʻlib, qattiq senzura tufayli koʻp yillar oʻtib nashr etilgan. (Bu haqida avvalroq post qilgan edim) Kitob syujeti inson gipofiz bezini Sharik laqabli daydi itga ko'chirib o'tkazgan professor Preobrajenskiyning tajribasi atrofida sodir boʻladi. Ushbu operatsiya natijasida Sharik Poligraf Poligrafovich Sharikov nomini olgan odamga aylanadi.

Biroq, professor va uning yordamchisi "ideal" yangi shaxsni yaratish o'rniga ko'plab muammolarga duch kelishadi: Sharikov tajovuzkor, qo'pol xatti-harakatlarni namoyon qiladi, avtoritetni tan olmaydi va professorning hayoti va faoliyatida tartibsizliklar yarata boshlaydi. Bu oxir-oqibat qayg'uli oqibatlarga olib keladi. Roman o'sha davrning sovet voqeligiga keskin satira bo'lib, fan etikasi, ijtimoiy muhandislik va jamiyatdagi shaxsiyat muammosini ko'taradi.

Qiziq maʼlumot: Professor Preobrajenskiyga prototip Bulgakovning amakisi Moskvalik shifokor Nikolay Pokrovskiy boʻlgan.

Ushbu romanni o'qish uchun uchta sabab:

1️⃣ Istehzo va ijtimoiy tanqid. Bulgakov o‘z davrining ijtimoiy-siyosiy kamchiliklarini ko‘rsatish uchun kinoyadan ustalik bilan foydalanadi. Itning odamga aylanishi metaforasi orqali u inson tabiati va ijtimoiy adolat haqida muhim savollar beradi, jamiyatdagi chuqur ziddiyat va illatlarni ochib beradi.

2️⃣ Inson mohiyatini o'rganish. Kitob bizni nima inson qilishi va hayvonlardan nimamiz bilan farqlanishimiz haqida fikr yuritishga undaydi. “Ityurak” orttirilgan intellektual qobiliyatlar mehribonlik, hamdardlik va haqiqiy hissiy aloqalar qobiliyati kabi haqiqiy insoniy fazilatlarning o‘rnini tez bosa olmasligini tadqiq qiladi.

3️⃣ Sovet tuzumini tanqid qilish. Insonga aylangan Sharik obrazi orqali Bulgakov Sovet Rossiyasining byurokratik va mafkuraviy tizimini tanqid qiladi, shaxs va ijtimoiy rolni kuch bilan o'zgartirishga urinishlar qanday qilib bema'ni va halokatli oqibatlarga olib kelishi mumkinligini ko'rsatadi.

"Ityurak" - bu inson mavjudligi va ijtimoiy tuzumning ko'p jihatlarini qayta ko'rib chiqishga majbur qiladigan o'tkir va chuqur maʼnoli hikoya.

Butun fojia shundaki, uning ko’ksida itniki emas, allaqachon inson yuragi urib turibdi. Boz ustiga tabiatdagi barcha mavjudotlar yuragi ichida eng iflosi va eng yaramasi.

Elektron shaklda yuklab olish uchun

@rakhmonalievs_blog

Bizga ham nasib qilarmikan shunday kunlarni koʻrish😄