Раҳмон Али блоги | Олмалиқ

Огоҳлантириш ўрнида

Агар кўп тармоқли оилавий поликлиникага анчадан бери бормаган бўлсангиз, қуйидаги тавсиялар айнан сиз учун.

Биринчи навбатда, у ерда ишни орасида бирровга кириб кетолмайсиз ёки бир соатга рухсат олиб ҳам ишингизни битира олмайсиз.

Иккинчидан, ҳужжатларингиз тайёр бўлиши керак. Болалар учун метрка ёки паспорт талаб қилинади. Агар ҳужжатнинг телефондаги расми бўлса, у ҳам ўтади.

Учинчидан, поликлиника эшигидан киришингиз билан катта навбат кутади. Талон олишингиз керак бўлади, у эса қўлда ёзиб берилган, гугурт қутисидай кичик қоғоз бўлади. Шу қоғоз учун соатлаб навбат кутишингиз ва ҳужжатларингизни тақдим этишингизга тўғри келади.

Тўртинчидан, шифокор қабулига кирасиз. Агар касалингиз айнан ўша шифокор ихтисослигига тегишли бўлмаса, қайтадан талон олиш учун яна навбат кутишингизга тўғри келади.

Бешинчидан, лабораторияда ишингиз тезроқ битиши учун "срочно" тизими мавжуд. Нархи расман белгиланмаган, ўзингиз хоҳлаганча чўнтакка солиб кетаверасиз. Айтганча, у ерда камера йўқ, демак, хавотирга ўрин йўқ.

Хулоса — қарор ўзингиздан.

📝@rahmonali_uz

Битта шоирни тутруқсиз шеъри ёдимга тушди: Қилса бўлар экан-ку!

📝@rahmonali_uz