QASHQADARYO.UZ | RASMIY - Қашқадарё вилояти ҳокимлиги - Qashqadaryo viloyati hokimligi

Қарши шаҳрида яна бир замонавий университет биноси қад ростламоқда

Қаршидаги Халқаро инновацион университет 2022 йилда ташкил этилган бўлиб, ҳозирда 5000 нафардан ортиқ талабалар таҳсил олмоқда.

Бугун вилоят ҳокими Муротжон Азимов ва нуронийлар университетда бошланган қурилиш ишлари билан танишиб, янги бино пойдеворига тамал тоши қўйиш маросимида иштирок этишди.

Президентимиз яратиб берган шарт-шароит ҳамда имтиёзлардан оқилона фойдаланаётган ташаббускорларга, қурувчиларга ўз миннатдорчиликларини билдиришди.

Университетнинг лойиҳа қиймати 170 млрд. сўмни ташкил қилиб, унда бир вақтнинг ўзида 5000 нафар, 2 сменада эса 10000 нафар талабаларга бакалавриат ва магистратура йўналишларида билим берилади. Университетда IT технологиялари бўйича резиденция очилган бўлиб, унда халқаро сертификатлар берилади. Ҳозирда университетда “Дуал таълим” йўлга қўйилган бўлиб, коммунал йўналишда талабалар ўқишни битирганидан сўнг иш билан таъминланади.

Шунингдек, университетнинг иккинчи лойиҳаси бўлган “SURXON PLAS DECOR” MCHJ қурилиш материалларини ишлаб чиқариш корхонасига 20 млн. доллардан зиёд инвестиция маблағи киритиш режалаштирилган бўлиб, 20 турдан зиёд қурилиш материаллари ишлаб чиқариш кўзда тутилган.

Ушбу корхонада Халқаро инновацион университетда йўлга қўйилган “Дуал таълим” бўйича талабалар тўлиқ билим маҳоратларини ошириб боришади.

Telegram|YouTube|Facebook|Instagram|X

Муротжон Азимов “Санам” фабрикаси фаолияти билан танишди

Қашқадарё вилояти ҳокими Муротжон Азимов бошчилигидаги сектор раҳбарлари ҳамда бир гуруҳ нуронийлар Қарши шаҳрида жойлашган “Санам” тикувчилик фабрикасининг фаолияти билан яқиндан танишди.

Фабрикада замонавий тикув машиналари ўрнатилган бўлиб, юқори сифатли маҳсулотлар ишлаб чиқариш йўлга қўйилган. Бу эса корхонанинг самарадорлигини ошириш ва маҳаллий ҳамда халқаро бозорларга рақобатбардош маҳсулотлар етказиб беришга хизмат қилмоқда. Ҳозирда фабрикада турли фаслларга мос кийимлар, шунингдек, ҳарбий хизматчилар учун ҳам махсус кийимлар тайёрланмоқда.

Эътиборга молик жиҳат шундаки, корхона нафақат иқтисодий ривожланишга, балки ижтимоий масалаларни ҳал этишга ҳам ҳисса қўшмоқда. Хусусан, фабрикада ногиронлиги бўлган фуқаролар учун иш ўринлари ташкил этилиб, улар юқори маош билан таъминланмоқда.

Вилоят ҳокими корхона фаолиятига юқори баҳо бериб, бундай лойиҳалар келгусида ҳудуд иқтисодиёти ва аҳоли фаровонлигини оширишга ижобий таъсир кўрсатишини таъкидлади.

Telegram|YouTube|Facebook|Instagram|X