Quvvat | Қувват

Кириб, қўллаб-қувватланг. Лайк комментария ёзинг. Бунақа контентлар кўп эмас.

Керакли мавзуда, долзарб кўрсатув бўлибди.

Маъсулиятсизлик чиройли очиб берилган. Кўрсатув тайёрлаган боладан Аллоҳ рози бўлсин.

Тонгдагиси- энг фойдалиси ☀️

Илорина Университетининг (Нигерия) биокимийо йўналиши профессори Муза Якуби таъкидлашига кўра тонгги жинсий алоқа қон босимини ҳамда юрак қон томир касалликларининг хавфини пасайтирар экан.

Маърузада профессор изланишлар натижасида жинсий алоқа иммун тизимини мустахкамлаши (иммуноглобулин А ишлаб чиқариш орқали) қайд этилганлиги ва бу тизим организмнинг шамоллашга қарши самарали курашишини таъкидлаб ўтди.

Шундай экан, рўйхатингизга тонгги парвариш билан бир қаторда жинсий алоқани ҳам киритиб қўйинг🥑

Кимга юборишни биласиз-а!?

👉@Quvvatuz - Оилангиз қуввати.

#еълон

Телеграмда даромад қилишни истовчилар учун тайёр канал(лар) бор, тезгина сотилади. Келиштириб берилади.

Батафсил маълумот учун: @AzizJurayev

Аёл киши шаръий узрсиз эрининг тўшагидан бўйин товлаши

Абу Ҳурайра разияллоҳу анҳу ривоят қилган ҳадисда Пайғамбар соллаллоҳу алайҳи ва саллам дедилар:

"Эр аёлини тўшакка чақирганда аёл бош тортса ва эр ундан ғазабланган ҳолда ухлаб қолса, фаришталар то тонг отгунга қадар у аёлни лаънатлайдилар".
[Имом Бухорий ривояти]

Кўп аёллар эрлари билан ораларида гап ўтиб қолса, ўзларича эрларига жазо қўллаб, уларни тўшакдаги ҳақларидан тўсадилар. Бундан эса катта бузғунчиликлар келиб чиқади: эрнинг ҳаромга юриб кетиши шу жумладандир. Ундан ташқари иш аксига айланиб, эр хотини устига хотин олишни ўйлаб қолиши ҳам мумкин. Шунинг учун эр ҳар қачон аёлини тўшакка чорласа, Пайғамбар соллаллоҳу алайҳи ва салламнинг ушбу сўзларига амал қилган ҳолда, аёл эрининг талабини қондиришга шошилсин:

"Киши аёлини тўшакка чақирса, аёл эгарнинг устида бўлса ҳам ижобат қилсин".
[Баззор ривояти]

Эр киши ҳам ўз навбатида аёлини риоя қилиши лозим. Унинг касал, ҳомиладор ва ғам-қайғули дамларига қараб иш тутса, келишмовчилик барҳам топиб, аҳл-иноқлик бардавом бўлади ИншааАллоҳ.

👉@Quvvatuz - Оилангиз қуввати!

🥷Оилада жанжаллар нега келиб чиқади?!

Бир қарашда қисқагина бўлган бу савол аслида жуда мураккаб ва жавоблари билан ҳатто китоблар тўлади. Мукаммал жавоб топа олмасак-да, бугун бироз шу мавзуга тўхталсак…

Ҳар бир оилада эркак ва аёлнинг ўрни ва ўз роли бор, жанжаллар келиб чиқишининг сабабларидан бири эса мана шу ролларнинг бузулишида. Масалан, айрим аёллар вақт ўтиши билан ўз эрига эрдек эмас катта боласидек муносабат қила бошлайди, буйруқлар беради, талаблар қўяди, ҳатто “хато” қилса урушиб ҳам туради, худди онасидек. Бунда эр жанаварнинг ҳам албатта ҳиссаси йўқ эмас, аммо масала аёлнинг автоматик шундай муомалага ўтиб қолишида. Жараён узоқ давом этаверган сари эркак-аёл орасидаги муносабатлар секиин узоқлашиши, ёки чиндан ҳам она-бола позициясига ўтиб қолиши мумкин.

Сизга ҳам бирор нимани эслатмаяптими? Жамиятимизда ўзи “оналик” қилишга ўтиб олгандан кейин яна эркакни тайинли иш қилмасликда, рўзғор ўзини бўйнида қолиб кетганлигида, ҳаммасига ўзи югуриши ва ҳ.к.з.ларда айблайдиган, атрофи яқинларига ёмонлайдиган аёллар ҳақида баъзан эшитиб, баъзан кўриб қоламиз…

Яна бир масала, баъзан жанжаллар нимадир хоҳишлар, манфаатдар юзасида бўлиши мумкин. Бунда орадан самимият кўтарилиб, “мен” олдинга чиқади. Масалан, аёлга нимадир керак бўлганда тилёғламалик қилишга ўтиб олиши, ёки ўзини доимий жабр зулумлар тагида қолиб кетгандек тутиб, эркакни айбдор қилишга интилиши ва шу орқали ўз мақсадига эришишга ҳаракат қилиши мумкин. Эркаклар билан ҳам худди шундай акси бўлиши мумкин фақат бироз бошқачароқ. Масалан аёлига хиёнат қилаётганда ёки уйни ташлаб бирор жойга кетмоқчи бўлганда жанжал кўтариб, аёлни айблаб ташлаш ва аксинча аёл оғзидан чиққанини муҳайё қилиб, ўзини оқлашга интилиш ҳолатлари бўлиши мумкин.

Масалага ойна тутдик, ечим ва хулосани ўзингизга қолдирсак нима дейсиз ;)

👉 @Quvvatuz - Оилангиз қуввати!

#актуал_мавзу

Нега жазман тутиш осон?

Мавзу ниҳоятда қизиқ, ўқувчи сифатида мен ҳам бунақа контентларни ўтказмасдим. Лекин биргина чегараланган пост билан буни очиб бериш анча мушкул иш. Шунинг учун энг кўп тарқаладиган эҳтимолликка урғу бериб, шу ракурсга кўра очиқлаймиз. Олдиндан узр сўрайман, ҳамманинг иззат-нафси бирдай қадрли.))

Асли бошидан келсак, сабаб бисёр: тарбия, диний заифлик, бузуқ муҳит, кўпайиб кетган бевалар, эркакликни исботлашга интилиш, элементар тестерон ва ҳкз. Айтганимдай, буни биргина психологик ракурсга кўра кўриб чиқамиз.

Одатда, жазман тутадиган эркакларда «эркинлик» етишмайди. Ҳа, бу ўша сийқаси чиққан матриархал тизим билан боғлиқ. Ҳаётнинг илк ёки ҳамма даврида қамчисидан қон томган генерал ОНА тарбияси фонида бола мустақил эркаклик позициясини шакллантиришга чўчиб қолган. Бунга имкон ҳам берилмаган. Эркакка раҳбар, деб эмас, балки ижрочи бир қисмдек қарашнинг оқибатларидан десак бўлади. Доим ҳам бу қаттиққўл она бўлмаслиги мумкин, баъзида ўта юмшоқ, боласини ҳаддан ортиқ авайлайдиган оналар тарбиясида ҳам шундай бўлади. Умумий натижада эркак тарбиясини кўрмаган ўғил мутлақ она назоратида қолади ва англамаган ҳолатида шундай яшайди. Балоғатга етгач, улғайгач ва хатто уйлангач ҳам унга раҳбарлик имтиёзи берилмайди. Ўғил балки қўрқувдан, балки айбдорлик ҳисси ёки лаёқатсизликдан ўз позицияси, эркаклик функцияси, оиладаги ролига нисбатан бефарқ ёки заиф. Лекин фитратида бошқаришга, доминантликка, ўзини ўтказишга эҳтиёжи бор ва мана шу эҳтиёж баъзан яхши триггер, баъзан эса ёмон триггер вазифасини ўтайди.

Кимдир бу босимдан отилиб чиқиб, молиявий мустақиллик ва шунинг кетидан ўз авторитарлигини ўрнатишга киришади. Кимдир эса бир муҳитдан бошқа муҳитга ўтади — генерал онадан, генерал хотинга.

Биринчи шаклдаги молиявий мустақилликка эришиш ҳам ҳамиша муваффаққиятли бўлавермайди. Айни шу жойида ёшликдан сингдирилган маънавий-диний қадрятлар жудаям муҳим. Конфликтдан безиган эркак фитратий доминантлик эҳтиёжини жазманлар билан қондиришга ҳаракат қилади. Чунки жазман билан потенциал хавф йўқ (дай, гўё). Жазман босим бермайди, доим рози, доим эътиборда, уни олқишлайди, миннатдорчилик билдиради, қарорларини қабул қилади, эътироф қилади ва ҳкз. Айни шу ишни хотини ҳам қилиши мумкин эди. Аммо хотинни бу даражага олиб чиқиш — масъулият. Конфликтлар билан юзлашиш, босимдан ажралиб чиқиш, қарорларни қабул қилиш керак. Бу эса қийин.

Иккинчи ҳолатда ҳам жазман тутиш мумкин, чунки босим ҳам, эҳтиёж ҳам мавжуд. Фақат бу шаклдаги жазманлар вертуал, сон-саноқсиз, муайян мақсад белгиланмаган, кўнгил овлаш учун бўлиши мумкин.

Бу бир эҳтимолий назария, айрим ҳаётий кузатувларда ўз тасдиғини топган. Воқеликда бундан фарқли ҳолатлар бўлиши мумкин ва бу мутлақо табиий.

ИМҲО: Ҳамон эҳтиёжни қондиришга ҳаракат бор экан, ҳалол услублардан фойдаланиш керак.

@quvvatuz — оилангиз қуввати

#жинсий_бузуқликлар

Куколдлар — янги хатарми?!

Узоқ муддатли танаффусдан кейин жиддий мавзудаги мақола. Аслида бу ҳақида очиқ ёзишдан олдин иккиландик, лекин сўровномалар ҳамда келган мурожаатларга кўра бу ҳақида ёзиш шарт, деб ўйладим.

Куколд (инглизча «Cуcколд» — хотини тарафидан алданган эркак маъносида) атамаси кўпчиликка нотанишдир, лекин хотинини «совға» қиладиганларни эшитганмиз. Умумий таъриф берилса, куколд эркак тўшакда аёлини бошқа эркак билан кўришни хоҳлайди, бундан лаззатланади.

Демак, нимадир «нето», сезяпсиз-а? Психик аспектга кўра, носоғломлик штампини босишимиз мумкин, яқин йилларгача анъанавий ғарб ҳам бунга чегаралар қўярди. Бугун эса оёқлар бош бўлди, жавоб ҳам аниқ. Аммо биз географик минтақа ҳамда маданий-тарихий уникалликка кўра, Ғарб стандартлари билан нафақат ҳисоблашмаслигимиз, балки тупуриб қўйишимиз ҳам мумкин. Бунга ҳақлимиз.

Куколд эркак — «мен»лиги очиб берилмаган эркак, куколд аёл ҳам — худди шу. Одатда, бу эркакларда кўп учрайди. Ўзи ва функционал ролига нисбатан ички шубҳасини шайтон обдон «куф-суф»лаган, фисқдан семириб кетган, нафси эса охирги дозани қўшган. Айтишни ёмон кўраман, лекин иш илдизи болалик тарбиясига бориб тақалади. Бола етарлилик ҳисси билан ўсмаган, ўзини доим оилада ортиқча, кераксиз ёки ҳеч қандай аҳамияти йўқдай ҳис қилган. Калтакланишлар, қарғишлар, босимлар эса болани баттар эзиб қўйган. Шахсий кузатувимга кўра, «мен»лиги очиб берилмаган болалар муҳит ҳамда босин турига кўра, одатда, икки хил бўй кўрсатади: биринчи тоифа Гитлер, Сталин, Муссалини каби тирания вакиллари, дарвоқе, маняклар ҳам шу турга киради. Иккинчи тоифа куколд, трансвестит, трансгендер, педофил кабилар. Ота-оналар зиммасидаги масъулиятни яна бир бор ҳис қилди, деб ўйлайман.

Кейинги босқич ўсмирлик, ёшлик ва балоғат даври. Яна нотўғри тарбия, касал муҳит ва фитнали давр. Бизнинг ҳолатимизда фитналар интернет ва гаджетларга боғлиқ: янги маълумот, дофаминлар, қизиқиш, ўрганиш ва одатга айлантириш кабилар. Доимгидай порнография етакчи сабаблардан. Порно статистикалари билан танишилса ёки гей, трансларнинг интервьюларини кўрган бўлсангиз, дастлаб, оддий мастурбация ёки гетеро жуфтликларни кўришган бўлишади.

Ундан кейинги босқич никоҳ ҳамда оилавий муносабатлар даври. Бу шундай даврки, агар киши ҳиммат қилса (аввало, Аллоҳнинг тавфиқи), ўтган икки босқичдаги хато-камчиликларни ислоҳ қилиши, ёмонликларни яхшиликка айлантириши мумкин. Бироқ бизда бу давр масъулиятлар тўла олинмагани, оилавий қадрятлар шаклланмагани, никоҳ аҳамияти яхши тушунилмагани учун кўпинча зое бўлади. Идеал жуфт қидириб ажрим муҳрини кўпайтирамиз ёки оёқни қийшайтириб гуноҳлар сонини. Никоҳнинг асосий мақсадларидан бири жуфтлар ўзаро жинсий ва ҳиссий қониқишлари, кемтикларини тўлдиришлари. Айтганимдай, бизда бу ижтимоий ҳодиса маишийлашиб кетган.

Куколдлик белгилар бор ёки жуфтингиз куколд экан, нима қилиш керак?!

1. Тавба ва истиғфор. Гуноҳлар инсонни тубанлаштиради, ёмонликка бошлайди, хор қилади. Доимий тавба ва истиғфорни лозим тутиш. Чунки Қалб Аллоҳники, ундаги маразни фақат Аллоҳ ислоҳ қила олади.

2. Яхшиликка чақириш ва амри маъруф қилиш. Жуфтингизга доимий буни хатари, гуноҳи ва касофатини айтиб туриш. Ўзингиз кўпроқ илм олишингиз, солиҳлар даврасига интилишингиз керак.

3. Касаллик босқичига кўра психиатрга мурожаат. Агар шунчаки васваса ҳаёллар шаклида бўлса, солиҳ амалларни кўпайтириш билан назорат қилиш мумкин, Аллоҳ хоҳласиган албатта. Аммо талаб ва истак жиддий бўлса, мутахассисга бориб даволаниш керак. Руҳиятни тўғирлайдиган дорилар бор, ҳозир тиббиёт ривожланиб кетган.

4. Одатий интим ҳаётни эр-хотинлар бойитиши, бу ҳақида очиқ ва самимий суҳбат қуриши керак. Айтилмаган эҳтиёжлар заиф иймонни бошқаришга ҳаракат қилади.

Аллоҳ барча жуфтларнинг қалбини ўзаро улфат қилсин!

@quvvatuz — оилангиз қуввати

Ҳаракатингизни қилинг!

• Балоғатга етган ўғил-қизларни муносиб жойи чиқса, тезроқ уйлантириш, узатиш керак. Тўй, яна қандайдир тайёргарликлар баҳона бўлмаслиги керак.
• Болалар ибодатли, иффатли бўлса, ҳали жим-ку деб, бунга хотиржам бўлиб қолиш керак эмас. Атрофда иффат "ўғрилари" мингта бугун. Телефон, телевизор, қўшиқларда эҳтиросни қўзғовчи нарсалар сон мингта. Ҳар қанча ибодатли бўлса ҳам нафс бор, шаҳват бор. Улар табиий ғариза-ку. Гап-сўз, панду насиҳат билан босилмайди.
• Агар ўзлари никоҳни истаётганини айтса, унда умуман кечиктириш керак эмас. Баъзилар қарши ҳам бўлади, ҳали ёшсан, ўқи, ишла... деб.
• Ёш бўлса "уйлангиси" келармиди?!!
• Агар шу арзимас тўсиқлар сабабли бола зинога юрса, ота-она дохил ҳар бир масъул гуноҳига шерик бўлади. Кейин иснодини ҳам бир умр кўтариб юради.
• Энди ибодатсиз бўлса, унда тушунтиришга ҳожат йўқ.
• Болаларнинг ўзлари очиқ йўқ десалар яна бошқа масала.
• Хуллас, зино учун ҳамма шароит муҳайё замонда болаларни эҳтиёт қилиш керак.

Икром Шариф

👉@Quvvatuz - Оилангиз қуввати.

2% кичкина сон эмас. Жазман масаласи ҳам актуал экан а?

Шу ҳақида ҳам мақола қилайликми? Нега ўйнаш тутиш осонроқ эркак кишига, қизиқми?

(Реакцияларга қараймиз)

Фаоллик учун раҳмат, назаримизда, ҳамма ҳолат қандайлигини билди. Биз таҳминан 10 тадан ошса, мақола улашишни режа қилгандик, жавоблар анча кўпроқ экан. Бафуржа узунроқ ёки бир неча қисмли мақола улашамиз, инша Аллоҳ!

❗️Ўша катта мақолагача қисқача айтмоқчи бўлганларимиз:

Эр ёки хотин жуфтини бошқа биров билан алоқа қилишини томоша қилиш ёки шунга рағбат билдириш девиация —хулқ-атвор бузилиши. Бу патология! Касаллик! Ҳазиллашадиган, эрмак қиладиган нарса эмас. Бу соғлом ва фитрати тоза кишида бўлиши керак эмас. Хатто, одамийлиги сақланиб қолган кофирлар ҳам бунга салбий муносабат билдиради, ҳали мусулмонларни қўя туринг.

🚫Нега девиация? Сабаби бунинг илдизи садо-мазохизмга бориб тақалади. Киши ўзининг руҳан ва ҳиссан камситилишидан роҳатланади. Асосан учинчи одамни тўшакка таклиф қилиш эркаклардан чиқади, ҳамма жамиятда: бизда ҳам, Ғарбда ҳам.

✅Бу касалликнинг энг катта факторларидан бири — носоғлом ўзини баҳолаш, бу анча катта мавзу. Болаликдаги фундаментал руҳий қадрятлар заифлиги, диний шахсият йўқлигидан ташқари эркак киши балоғатга етса ҳам онасидан ажралолмаслиги, онасига боғланиб қолгани ёки онанинг олдида чуқур айбдорлик ҳиссини туйиши бунга сабаб бўлади. Бир сўз билан айтганда, хотинидан она ясаб, уни хурсанд қилгиси келади ва ўзини аёли олдида бола чоғлайди. Шунинг учун тарбияда соғлом ақиданинг ўрни ва айниқса, эркак тарбиясида оталик институтининг ўрни катта. Отаси бўлса, бўлди эмас. Аксинча, отаси бор ва отаси ўта баджаҳл, кўрганда қалтиратиб қоладиган даражада тарбияланганлар мана шунақа ғалати қилиқларга тушиб қолади.

Ундан кейинги ўринда порнография туради, доимгидек.

Тез кунда улашамиз, иншааллох!