ҚУРЪОНИЙ ДУОЛАР

Ашуро рўзасининг фазилати
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Салама ибн Акваъ розияллоҳу анҳудан ривоят қилинади:
«Набий соллаллоҳу алайҳи васаллам асламлик бир кишига одамлар ичида «Ким бирон нарса еган бўлса, куннинг қолганида рўза тутсин, ким емаган бўлса, у ҳам рўза тутсин, чунки бугун Ашуро куни», деб жар солишга буюрдилар».
Икки Шайх ва Насаийлар ривоят қилишган.


Рубаййиъ бинт Муъаввиз ибн Афро розияллоҳу анҳодан ривоят қилинади:
«Расулуллоҳ соллаллоҳу алайҳи васаллам ашуро куни эрталаб Мадина атрофидаги ансорларнинг қишлоқларига одам юбориб, «Ким рўза тутган ҳолда тонг оттирган бўлса, рўзасини тугал қилсин. Ким оғзи очиқ ҳолда тонг оттирган бўлса, кунининг қолганини (рўза билан) тугал қилсин», дедилар.


Шундан кейин биз унинг рўзасини тутадиган ва ёш болаларимизга ҳам Аллоҳ хоҳлаганича туттирадиган бўлдик. Масжидга бориб, уларга юнгдан ўйинчоқ қилиб берар эдик. Бирортаси овқат деб йиғласа, ифторгача унга ўшани берар эдик».
Муслим ривоят қилган.


Ибн Аббос розияллоҳу анҳумодан ривоят қилинади:
«Мен Набий соллаллоҳу алайҳи васалламнинг ушбу кун – Ашуро кунининг ҳамда ушбу ой, яъни Рамазон ойининг рўзасидан ташқари бирор кунни бошқасидан афзал кўриб, рўза тутишга қасд қилганларини кўрмадим».
Икки Шайх ривоят қилган.


Изоҳ: Яъни, Пайғамбаримиз соллаллоҳу алайҳи васаллам қачон Ашуро куни келар экан, рўзасини тутсам, деб, интиқ бўлиб турар эканлар. Бошқа бирор куннинг рўзасини тутиш учун бунчалик интизор бўлиб кутмас эканлар.


Шунингдек, Рамазон ойини ҳам қачон келар экан, рўзасини тутсам, деб, интиқ бўлиб кутар эканлар. Бошқа бирор ойнинг рўзасини тутишни бунчалик интизор бўлиб кутмас эканлар. У кишининг умматлари, яъни бизлар ҳам шундай бўлишимиз лозим.


Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Рамазондан кейинги энг афзал рўза Аллоҳнинг ойи муҳаррамдадир. Фарз намоздан кейинги энг афзал намоз тунги намоздир», дедилар».
Муслим ривоят қилган.


Абу Қатода розияллоҳу анҳудан ривоят қилинади:
«Набий соллаллоҳу алайҳи васаллам: «Ашуро кунининг рўзаси ўзидан олдинги йилнинг гуноҳларига каффорат бўлади», дедилар».
Муслим ривоят қилган.


Изоҳ: Ушбу маънонинг ўзи ҳам Ашуро рўзаси қанчалар фазийлатга эга эканлигини кўрсатиб турибди. Бу ҳадисларни чуқур ўрганган уламоларимиз Ашуро рўзасини тутиш суннати муаккада, деган хулосага келганлар. Ана шунга амал қилиб, ҳаммамиз бу куннинг рўзасини тутишга ҳаракат қилмоғимиз лозим.


Абу Саъийд розияллоҳу анҳудан ривоят қилинади:
«Набий соллаллоҳу алайҳи васаллам: «Ким Ашуро куни оиласига кенгчилик қилиб берса, Аллоҳ унга йил бўйи кенгчилик қилиб беради», дедилар».
Тобароний ва Байҳақий ривоят қилганлар.


Изоҳ: Ушбу ривоятдаги «кенгчилик қилиб берса»дан мақсад уларга нафақа борасида кенгчилик қилса, деганидир.


Эслатма:
9 Муҳаррам – 15 июл - душанба
10 Муҳаррам – 16 июл - сешанба
11 Муҳаррам – 17 июл - чоршанба


Нияти: Холис Аллоҳ учун нафл рўза тутишни ният қилдим.

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Фаришталар сенинг ҳаққингга дуо қиладиган 8 ўрин бор, сен уларда дуони кўпайтир:
1. Намозда биринчи сафга келиб турганингда.
2. Намозни тугатгач, туриб кетмасдан ўтириб зикр қилганингда.
3. Касални кўргани борганингда.
4. Аллоҳ йўлидаги биродарингни кўргани борганингда.
5. Биродарингни ҳаққига ғоибона дуо қилганингда.
6. Одамларга яхшиликни таълим берганингда.
7. Таҳорат билан уйқуга ётганингда.
8. Саҳарлик қилганингда.

Аллоҳ таоло сизу бизни холис карамли Юзи учун бўлган ҳолда ушбу саккиз ҳолатга эриштирсин!

arabic.uz

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Барчага янги йил муборак бўлсин!

Бугун ҳижрий йил ҳисоби бўйича янги 1446 йилнинг илк куни. Яъни, мелодий 2024 йилнинг 7 июль куни ҳижрий 1446 йил Муҳаррам ойининг 1-кунига тўғри келади. Муҳаррам ойида муборак Ашуро куни бор, у кунда рўза тутиш суннат ҳисобланади.
Мазкур ҳижрий йил мусулмонлар учун баракали, фойдали, манфаатли, зафарли, нусратли, ғалабали бўлсин!!!

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Тасбеҳ намозини биласизми?

Ибн Аббос розияллоҳу анҳумодан ривоят қилинади: «Расулуллоҳ соллаллоҳу алайҳи васаллам Аббос ибн Абдулмутталибга шундай дедилар: «Эй Аббос! Эй амакигинам! Сенга ато этайми? Сенга инъом қилайми? Сенга лутф кўрсатайми? Сени ўнта хислатли қилиб қўяйми? Сен ўшаларни қилсанг, Аллоҳ сенинг гуноҳингни – аввалгисию охиргисини, қадимгисию янгисини, хатосию қасдданини, кичигию каттасини, махфийсинию ошкорини мағфират қилади. Ўша ўн хислат – тўрт ракъат намоз ўқишдир. Ҳар ракъатда Фотиҳани ва бир сурани ўқийсан. Биринчи ракъатда қироатдан кейин, тик турган ҳолингда: «Субҳааналлоҳ, вал¬ҳамду лиллааҳ, ва лаа илааҳа иллалоҳ, валлоҳу акбар» деб ўн беш марта айтасан. Сўнг рукуъ қиласан ва рукуъда турган ҳолингда шуни яна ўн марта айтасан. Сўнгра бошингни рукуъдан кўтариб, шуни яна ўн марта айтасан. Кейин саждага йиқиласан ва сажда қилган ҳолингда шуни яна ўн марта айтасан. Сўнг бошингни саждадан кўтариб, шуни яна ўн марта айтасан. Кейин сажда қилиб, шуни яна ўн марта айтасан. Сўнг бошингни кўтариб (ўтириб), шуни яна ўн марта айтасан. Ана шу бир ракъатда етмиш бештадир. Тўрт ракъатда ҳам шундай қиласан. Агар бу намозни ҳар куни ўқий олсанг, шундай қил. (Ҳар куни шундай) қила олмасанг, ҳар жумада бир марта ўқи. Агар уни ҳам қила олмасанг, ҳар ойда бир марта ўқи. Агар буни ҳам қила олмасанг, ҳар йили бир марта ўқи. Агар уни ҳам қила олмасанг, умрингда бир марта ўқи».

Абу Довуд ва Термизий ривоят қилишган. Имом Бухорий «Жузъул Қуръон»да ривоят қилган.

Изоҳ: Ибн Абу Сайф Яманий «Ал-ламъа фии рағоиби йавмил жумуъа» китобида Термизийнинг қуйидаги гапларини келтиради:

«Тасбеҳ намозини жума куни завол пайтида ўқиш мустаҳабдир. Биринчи ракъатда Фотиҳадан кейин Такасурни ўқийди, иккинчисида Вал-асрни, учинчисида Кофирунни, тўртинчисида Ихлосни ўқийди», деб туриб, охирида ўқийдиган қўшимча дуони ҳам келтирган.

Абу Усмон Хайрий Зоҳид: «Қийинчиликлар ва ғам-ғуссалар учун тасбеҳлар намозидан яхши нарса кўрмадим», деган.

arabic.uz

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Шайтондан сақланишнинг 10 усули
1. Аллоҳдан шайтоннинг ёмонлигидан паноҳ сўраш.
2. Муъаввизатайн (Фалақ ва Нас суралари) ўқиш.
3. Уйга киришдан олдин, таом тановул қилишдан олдин ва бошқа ҳолатлар басмала (бисмиллаҳ) айтиш.
4. Кўп сўзлаш, кўп қараш, кўп аралашиш ва кўп ейишдан сақланиш.
5. Бақара сурасини охиригача қироат қилиш.
6. Бақара сурасининг охиридаги икки улуғ оятни тиловати қилиш (“аманар росуулу..”)
7. “Лаа илаҳа иллаллоҳу ваҳдаҳу лаа шарика лаҳу. Лаҳул мулку ва лаҳул ҳамду ва ҳува ъалаа кулли шайин қодир”ни айтиш.
8. Аллоҳ таолонинг зикрини кўпайтириш.
9. Уйқудан аввал “оятал курсий”ни ўқиш.
10. Кишига уйқусида шайтонлар ғолиб келса, “Аъузу бикалиматиллаҳит таммаати мин ғозобиҳи ва иқобиҳи ва шарри ъибадиҳи ва мин ҳамазатиш шайатийни ва ан йаҳзуруни», дейиш.
(Маъноси: Аллоҳнинг мукаммал калималари билан Унинг ғазабидан, бандаларининг ёмонлигидан, шайтон ҳозир бўлиб, васваса қилишидан паноҳ тилайман.)

Шайх Абдурразоқ Бадр.

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

"Батаҳқиқ, мўминлар нажот топдилар" (Муъминун сураси 1-оят)

"Улар Фирдавсни мерос олурлар, улар унда абадий қолгувчилардир" (Муъминун сураси 11-оят)

Булар кимлар эканини биласизми?

"Улар намозларида хушуъ қилувчилардир" (Муъминун сураси 2-оят)

"Улар беҳуда нарсалардан юз ўгиргувчилардир" (Муъминун сураси 3-оят)

"Улар закотни адо қилгувчилардир" (Муъминун сураси 4-оят)

"Улар фаржларини сақловчилардир" (Муъминун сураси 5-оят)

"Улар омонатларига ва аҳдларига риоя қилгувчилардир" (Муъминун сураси 8-оят)

"Улар намозларини муҳофаза қилгувчилардир" (Муъминун сураси 9-оят)

"Ана ўшалар ворис бўлгувчилардир" (Муъминун сураси 10-оят)

Ҳар биримизга нажот топувчи мўминлар сифати билан сифатланиш ва Фирдавс ворислари сафида бўлиш насиб этсин.

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Аллоҳ бир ишни буюриб, Ўзидан бошласа, демак билингки у иш жуда улкандир:

«Албатта Аллоҳ ҳам, Унинг фаришталари ҳам Пайғамбарга дуо-ю салавот айтурлар. Эй мўминлар, сизлар ҳам у зотга салавот ва салом айтинглар!» (Аҳзоб сураси, 56-оят).

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

#тафаккур

Қуёшнинг диаметри Ерникидан 109 марта, ҳажми эса 1 300 000 марта катта.
Яъни Қуёшнинг ичига Ердан бир миллион уч юз мингта сиғади.

Стивенсон 2-18 юлдузининг ҳажми Қуёшнинг ҳажмидан тахминан 10 миллиард марта катта.
Яъни бу юлдузнинг ичига Қуёшдан ўн миллиард дона сиғади.

Тон 618 юлдузининг ҳажми Стивенсон 2-18 юлдузининг ҳажмидан тахминан 6,6 миллиард марта, Қуёшнинг ҳажмидан 66 миллиард марта катта.
Яъни Тон 618 квазар юлдузининг ичига Қуёшдан тахминан олтмиш олти миллиард дона сиғади.

Қуёш олдида Ер шу қадар нуқтадек. Юлдузлар олдида Қуёш нуқтадек бўлиб қолади,Ер эса нуқтадан анча кичик бўлиб кетади.

Улкан юлдузларга нисбатан тўғноғичнинг учидан ҳам кичик бўлиб қолган Ерда яшайдиган заррадек инсоннинг кибр, манманлик қилиши ақлга тўғри келадими?!

Бировга зулм қилмоқчи бўлганимизда, Аллоҳ таолонинг ҳамма нарсага қудрати етишини унутмайлик!

Аллоҳ таоло истаса, бир сониянинг триллиондан бир улушида ҳамма нарсамизни олиб қўяди!

Кибрга, ғурурга кетган фиръавн, ҳомон, қорун, абу жаҳлнинг оқибати нима бўлганини эсдан чиқармайлик!

Биз Аллоҳ таолонинг қулимиз.Қулга эса қуллик,хокисорлик,камтарлик ярашади!

Бу гаплар,аввало,ўзимга тегишли.

Аллоҳ таоло ҳолимизни ислоҳ қилсин, бизни мағфират этсин,Ўзининг ҳидоятидан айирмасин,хотимамизни чиройли қилсин!
Интернетдан олинди.

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Расулуллоҳ соллаллоҳу алайҳи васаллам: “Агар банда: “Алҳамдулиллаҳи касийро”, деса, Аллоҳ таоло: “Бандамга кўпгина раҳматимни ёзинглар”, дейди”, дедилар.

Имом Табаронийнинг «Дуо» китобидаги ривояти.

ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy

Расулуллоҳ соллаллоҳу алайҳи васаллам: “Улар ила дуо қилинса ижобат бўладиган Аллоҳниг улуғ исмлари - исмуллоҳил Аъзам Қуръоннинг учта сураси: “Бақара”, “Оли Имрон” ва “Тоҳа”дадир”, дедилар.

Ибн Можа ва Табароний ривояти.
ҚУРЪОНИЙ ДУОЛАР

Телеграм каналимизга аъзо бўлинг: 👇👇👇
https://t.me/joinchat/TZjVFqQlks83MDMy