QURAN.UZ

Мисрда виртуал Қуръон ёдлаш мактаблари очилди

Ал-Азҳарий ташаббус Мисрдаги икки турдаги мактабларни ўз ичига олганини тушунтирди. Биринчи тур масжидлар каби маълум жойларда ташкил этилган жисмоний турлардан иборат. Иккинчи турга кенгроқ аудиторияни қамраб олиш учун замонавий алоқа воситалари орқали ишлайдиган виртуал марказлар киради.

Ташаббус истеъдодларни кашф этиш, олим ва новаторлар тайёрлаш, диний экстремизмга қарши курашиш, аҳил ва билимли жамият яратишга қаратилган, дейди у.

#янгилик

@quranuz_kanali

Telegram | Instagram | Youtube | Facebook

Расулуллоҳ соллаллоҳу алайҳи васаллам шундай дедилар:
«Аллоҳ таоло Шаъбоннинг ярмидаги тунларда барча махлуқотларига назар солиб, мушрик ва аразлашганлардан бошқа барчанинг гуноҳини кечиради».
(Ибн Можа ривояти)

Шундай экан, Шаъбон ойининг ўн бешигача аразлашган кишиларингиз билан ярашиб олинг!

#Шаъбон_2025

@quranuz_kanali

Telegram | Instagram | Youtube | Facebook

#кун_эслатмаси

Дуонинг арабча матни:
اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ، أَنْتَ الْمُقَدِّمُ، وَأَنْتَ الْمُؤَخِّرُ، وَأَنْتَ عَلَى كُلِّ شَىْءٍ قَدِيرٌ
      
Дуонинг маъноси:
«Аллоҳим! Менинг тақдим қилган ва таъхир қилган, аввалги ва кейинги, яширин қилган ва ошкор қилган нарсаларимни мағфират қилгин. Сен Муқаддимсан, Сен Муаххирсан ва Сен ҳар бир нарсага қодирсан».
 
Абу Мусо розияллоҳу анҳудан ривоят қилинади:
«Набий соллаллоҳу алайҳи васаллам қуйидаги дуони қилар эдилар: «Аллоҳуммағфир лий маа қоддамту ва маа аххорту ва маа асрорту ва маа аъланту, антал муқоддиму, ва антал муаххиру, ва анта ъалаа кулли шай`ин қодийр».
(Икки шайх ривоят қилишган)

«Ҳадис ва Ҳаёт» 35-жуз» китобидан

@quranuz_kanali

Telegram | Instagram | Youtube | Facebook

Шаъбон - қорилар ойи.

Амр Ибн Қайс Шаъбон ойи кирганда тижоратини тўхтатар ва Қуръон қироатига шўнғир эди. «Нафсини Рамазондан аввал ислоҳ қилган кишига жаннат бўлсин» - дерди.

#Шаъбон_2025

@quranuz_kanali

Telegram | Instagram | Youtube | Facebook

#Кун_ояти

«Шайтон сизни ҳаргиз (тўғри йўлдан) тўсмасин. Албатта, у сизга очиқ-ойдин душмандир», («Зухруф» сураси, 62-оят).

«Тафсири Ҳилол» китобидан

@quranuz_kanali

Telegram | Instagram | Youtube | Facebook

Аср сурасини тушуниш учун интеллектуал харита

#интеллектуал_харита

@quranuz_kanali

Telegram | Instagram | Youtube | Facebook

Шаъбон ойи фазилати

Фазилатли ойлардан бири Шаъбонда қилинган хайрли амалларнинг ажри жуда улуғдир. Айниқса, бу ойнинг биринчи ярмида нафл рўза тутиш ниҳоятда савоблидир.

Усома ибн Зайд розияллоҳу анҳудан ривоят қилинади:
Мен: «Ё Расулуллоҳ, сизни ҳеч бир ойда Шаъбон ойидаги каби кўп рўза тутганингизни кўрмадим?» деб сўраганимда, у зот: «Бу ой Ражаб билан Рамазон ўртасидаги ой бўлиб, одамлар ундан ғафлатда қолади. Ҳолбуки, барча амаллар оламларнинг Роббисига мана шу ойда кўтарилади. Мен эса рўзадор бўлган ҳолатимда амалим кўтарилишини истайман», дедилар».
(Насоий ва Абу Довуд ривоятлари)

Шаъбон ойида солиҳ амалларни кўпроқ қилишга тарғиб этилишидан мақсад, бандаларни келаётган Рамазон ойига жисмонан ва руҳан тайёрланиб бормоқларини таъминлаш ҳамдир.

Ибн Ражаб айтадилар: «Шаъбон ойида тутиладиган нафл рўзанинг бошқа маъноси ҳам бор. Бу нафл рўза Рамазон ойидаги рўза олдидан машқдир. Банда бу рўза билан Рамазон рўзасига машаққатсиз, қийинчиликсиз кириб келади. Шаъбон рўзаси рўзанинг ҳаловати ва роҳатига кўникма ҳосил қилишни ўргатади. Ана ундан кейин Рамазон рўзасини қувват билан, ғайрат билан адо этилади».

Шаъбон ойининг ўн тўртинчидан ўн бешинчига ўтар кечаси «Бароат» кечаси деб номланади. Ушбу тунда кўплаб осий бандаларнинг тавбалари қабул бўлиб, гуноҳлари кечирилиши, ризқлар тақсимланиши, беморлар шифо топиши ва ундан бошқа фазилатларга эга экани борасида турли ривоятлар бор. Ушбу ривоятлар якка ҳолда заиф ҳадислар ҳисоблансада ҳамма санадларини жамлаб, умумий ҳолда хулоса қилинса, шариатимизга кўра ушбу кеча фазилатли ва баракотли кеча ҳисобланиши маълум бўлади. Шунинг учун ҳам Абул Ало Муҳаммад ибн Абдурроҳман Муборакфурий «Шаъбон ойи 15-тунининг фазилат борасида бир қанча ҳадислар бор бўлиб, уларнинг мажмуаси унинг шариатда ишончли асоси бор эканига далолат қилади», деган.
(Туҳфатул аҳвазий. 3-жуз, 365-бет)

Аллоҳ таоло барчаларимизга Шаъбон ойи кечасини ғанимат билиб, уни рўза ва тоат-ибодат билан ўтказишни насиб қилсин!

#Шаъбон #маълумот

@quranuz_kanali

Telegram | Instagram | Youtube | Facebook

#кун_эслатмаси

🌷 Шаъбон ойи муборак бўлсин!

Салавотнинг арабча матни:
اللَّهُمَّ صَلِّ وَسَلِّمْ وَبَارِكْ عَلَيْهِ
 
Салавотнинг маъноси:
«Аллоҳим, у зотга салавот ва салом йўлла, баракангни давомли қил».
 
Шаъбон ойи – ҳижрий-қамарий тақвимнинг саккизинчи ойи бўлиб, Ражаб ва Рамазон ойлари ўртасида жойлашган. Бу ой тўғрисида келган маълумотларни ўрганиб кўрсак, асосий урғу Рамазон ойига руҳан ва жисмонан тайёргарлик кўришга қаратилганини англаймиз. Бу ойда одатдагидан кўпроқ нафл рўза тутиш, Қуръон тиловат қилиш ва тунги ибодатларга машғул бўлишга тарғиб қилинган.

@quranuz_kanali

Telegram | Instagram | Youtube | Facebook

🌙 Ассалому алайкум ва роҳматуллоҳи ва барокатуҳ

Жума кунингиз муборак ва дуоларингиз ижобат бўлсин!

Яқинларингизга улашинг!

#жума

@quranuz_kanali

Telegram | Instagram | Youtube | Facebook

#Мақола

Муҳкам ва муташобиҳ оятлар

Қуръони Каримда муҳкам ва муташобиҳ оятлар борлиги, муҳкам оятлар китобнинг асли экани қуйидагича баён қилинган:

هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ

«У сенга китобни туширган Зотдир. Унда муҳкам – ойдин оятлар ҳам бор ва улар китобнинг аслидир ва муташобиҳ (оят)лар ҳам бор» (Оли Имрон сураси, 7-оят).

Ушбу оятга кўра, эътиқодий ҳукмларда ҳам, амалий ҳукмларда ҳам асосий таянч китобнинг асли бўлган муҳкам оятлар ҳисобланади.

Муҳкам луғатда «очиқ-ойдин», «аниқ-равшан» маъноларини англатади.

Давоми…

@quranuz_kanali

Telegram | Instagram | Youtube | Facebook