#Мушоира
ЯШАГИНГ КЕЛАДИ
Ҳовлингда тераклар шовуллаб турса,
Тандирингда олов ловуллаб турса,
Бўй етган болангга янги уй қурсанг,
Яшагинг келади, яна яшагинг.
Кундай ёруғ бўлса, эл аро юзинг,
Танти ўғлинг бўлса, иболи қизинг,
Поку қутлуғ бўлса ҳар босган изинг —
Яшагинг келади, яна яшагинг.
Алпомишлар бу юрт қалқони бўлса,
Хонадонинг кую-қўшиққа тўлса,
Бешикда чақалоқ қиқирлаб кулса,
Яшагинг келади, яна яшагинг.
Соғинишиб келса қону қондошинг,
Бўлса суюкли ёр жону жондошинг,
Дард сабаб ёстиққа тегмаса бошинг,
Яшагинг келади, яна яшагинг.
© Турсунали Жуманов
https://t.me/ohangaron_ijodkorlari
ЯШАГИНГ КЕЛАДИ
Ҳовлингда тераклар шовуллаб турса,
Тандирингда олов ловуллаб турса,
Бўй етган болангга янги уй қурсанг,
Яшагинг келади, яна яшагинг.
Кундай ёруғ бўлса, эл аро юзинг,
Танти ўғлинг бўлса, иболи қизинг,
Поку қутлуғ бўлса ҳар босган изинг —
Яшагинг келади, яна яшагинг.
Алпомишлар бу юрт қалқони бўлса,
Хонадонинг кую-қўшиққа тўлса,
Бешикда чақалоқ қиқирлаб кулса,
Яшагинг келади, яна яшагинг.
Соғинишиб келса қону қондошинг,
Бўлса суюкли ёр жону жондошинг,
Дард сабаб ёстиққа тегмаса бошинг,
Яшагинг келади, яна яшагинг.
© Турсунали Жуманов
https://t.me/ohangaron_ijodkorlari