Қўқонжон|Маърифий ахборот канали

ҲОКИМ ДЕГАНИ ВАТАН ЭМАС!
Адашмасам Гитлернинг Глобс Гобзингер деган генерали бўлган(номи сал бошқача бўлиши ҳам мумкин). У зирҳли қуроллар бўйича қўмондон бўлган. Унинг ўлими ватан муҳаббатини даъво қилувчиларга жуда улкан дарсдир!
У билан Гитлернинг қарашлари бир-бирига тўғри келмай қолади. Шу сабаб Гитлер билан ажралиб Британиядан сиёсий бошпана сўрашга мажбур бўлади. Инглизлар уни қучоқ очиб кутиб олишади. Унга энг баҳаво жойлардан уй ваъда қилишади. Сўнг ундан зирҳли қуроллар, катта офицерлар ва уларнинг Гитлер билан алоқалари тўғрисида маълумот сўрашади. У маълумот беришдан бош тортади. Масъуллар унга: "Сен бизга ҳеч қандай маълумот бермасанг, биз сенга қандай қилиб сиёсий бошпана берамиз?! Сен Гитлернинг душмани эканингни қандай исбот қиласан унда?!", дейишади.
Глобс дейди:
"Сизларга Гитлернинг мухолифи эмас, ватаннинг хоини керакка ўхшаяпти. Мен ватанимга хиёнат қилмайман!".
Шунда бир инглиз зобити унга дейди:
"Сен биз томон келишинг билан ватанингга хиёнат қилиб бўлгансан!".
Глобс келганига пушаймон бўлади ва Германияга қайтмоқчи бўлади. Аммо инглиз разведкаси унга рухсат бермасдан уни қамайди. Қамоқда ундан маълумот олиш учун даҳшатли азоблар беришади. Аммо у бирорта маълумот айтмайди ва азоб остида вафот этади.
Кўпчилик инсонлар сиёсий мухолафат тушунчаси билан ватан хиёнатини аралаштириб юборади. Ҳоким дегани ватан эмас. У билан иттифоқ қилишинг ёки унга мухолиф бўлишинг бу сенинг ҳаққинг. Аммо ВАТАН тушунчаси сен қандай ҳолда бўлмагин доимо у билан бирга бўлишинг лозим бўлган МУҚАДДАС ТУШУНЧАдир. Ҳокимга қаршилик қиламан деб ватанга гард юқтириб қўйиш ватанга бўлган хиёнатдир!
Барча инсон ўз сиёсий қарашлари, ўз фикри ва ўз дастурига эга бўлишга ҳақли. Бошқаларга қарши чиқишга, уларга ўз қарашларини баён қилишга ҳаққи бор. Аммо у ватанининг душманлари унинг ҳокимига қарши бўлгани учун ўзини уларнинг қучоғига отишга ҳақсиздир!

МЕЗОН.
1999 йилда Венесуэлада одамхўр қотил Доранхель Варгас қўлга олинди. У 14 та инсонни ўлдириб гўштини еганликда айбланаётган эди. Унга далиллар етарлича кўрсатилганидан сўнг айбларини бўйнига олди. Ундан судья қурбонларини қандай танлашини сўраганида Варгас шундай жавоб берган эди:
"Семизларни ейишни хушламайман. Улар мендаги холестерин миқдорини ошишига сабаб бўлишади!".
Варгаснинг бу ҳикояси менга бошқа бир ҳикояни эслатиб юборди. Бир киши бир олимнинг ҳузурига келиб зино қилиб қўйганини, аёл ундан ҳомиладорлигини, энди нима қилишни билмаётганини айтади. Олим унга дейди:
- Сен иккита жиноят қилибсан. Азл қилсанг бўлмасмиди?!
У дейди:
- Азлнинг макруҳ эканини эшитган эдим.
Олим дейди:
- Сенга азлнинг макруҳ эканлиги етибди-ю зинонинг ҳаромлиги етмабдида?!
Бу сайёрадаги кўп нарсалар бир-бирига зид. Баъзилар арзимас масалаларга эътиборни қаратиб муҳим нарсаларни унутишади. Масалан мисвок шаксиз суннат ишлардан. Аммо уни ишлатаётган баъзилар бошқаларни гўштини ейишдан ўзларини тўхтатишмайди. Бир дўстим айтиб берган эди. У бировнинг қўлида ишлар экан. Иш пайтида зуҳо намозини ўқир экан. Таҳоратга кетадиган вақтлари билан ҳаммаси бўлиб бунга қирқ дақиқа сарфлар экан. Муаммо бунда эмас. У дўстим рамазон ойида тароввиҳ намозига бормайди. Ундан бунинг сабаби сўралганида ўша пайтда у яхши кўрадиган сериал бошланишини айтган эди.
Унинг наздида бировнинг ҳисобидан мустаҳаб бўлмиш зуҳо намозини ўқиш гўзал иш. Аммо сериалнинг ҳисобидан тароввиҳ намозига бориш ғайри мақбул ишдир!

Адҳам Шарқовий.

#Шаъровий_ҳикматлари

"Аллоҳ таоло сени ҳоҳлаган нарсангдан ман қилишлиги сенга эҳтиёжинг бор нарсани бериши учундир!".

© Шайх Муҳаммад Мутаваллий Шаъровий

#Амрумаъруф.

Қуйидаги ҳадиси қудусий тўқима-ёлғон эмас. Баъзи муҳаддислар саҳиҳ, баъзилари эса заъийф деган.
Аллоҳ қиёмат куни нидо қилади: "Менинг қўшниларим қани, қани менинг қўшниларим?
Малоикалар сўрашади:
Эй Роббимиз ким сенинг қўшниларинг?
Аллоҳ таъоло жавоб беради: Менинг байтимни, масжидни обод қилганлар!"

Агар Қорун пластик карточкамиздаги маблағимиз миқдорини билганида, кучли одамлар ҳам кўтаришга ожиз қолган хазина калитларидан воз кечар эди.

– Агар Форс императори Кисро, тахтидаги роҳатдан кўра уйимизнинг залларидаги юмшоқ диванларимиз роҳатбаҳш эканини билганида борми....?!

– Хизматчилар туяқуш патлари билан елпишаётган Рим императори уйларимиздаги совутгичлар (вентилятор ва кондиционерлар)ни кўрганида борми....?!

– Ҳерақл сопол графинда совуқ сув ичганида, атрофидагилар унга ҳавас қилишган эди. Агар Ҳерақл уйимиздаги музлатгичлардаги сувни ичганида борми...?!

– Халифа Мансурнинг хизматкорлари иссиқ сув билан совуқ сувни аралаштириб, илиқ сувда чўмилтиришганида, у ўзини бахтиёр ҳис қилган эди. Агар у бизнинг ҳаммомларимиздаги ванналарда чўмилганида борми...?!
– Қадимда ҳаж сафари туя устидаги бир неча ойлик юришларга чўзилар эди. У пайтда бизнинг пайтимиздаги самолётларда борилмас эди.

– Ҳозир биз шундай ҳаётда яшамоқдамизки, бизнинг турмушимизга қадимда шоҳлар ҳам қодир бўлишолмаган. Шунда ҳам баъзилар норози бўлиб, ўз қисматларидан нолишади.
Демак, кўз кенгайгани сари қалб торайиб бораверар экан. Аллоҳим! Биз учун дунёимиз ва динимизда ато қилган неъматларингга ҳамд бўлсин. Сенга лойиқ бўлганинг каби ҳамду сано айтолмаймиз. Сен ўзингга сано айтганинг кабидирсан.