Файзбоғ (ТемурМалик) dan repost
Мустақил Ўзбекистон депутатлари тарихининг «олтин даври» 1991-1996 йилларига бориб тақалади. У пайтда депутатлар шижоатли ва кескин чиқишлари билан барчамизнинг ёдимизда қолган. Масалан, президент Каримовга: “Сиз бу дунёдан устун эмассиз! Ўзбекистонни сизнинг онангиз яратган эмас!” — деб айтган Жаҳонгир Муҳаммадни ҳамда: “МХХнинг Юқори палата вакилларидан мустақил равишда фаолият олиб бориши ҳамда тўғридан-тўғри Президентга бўйсўниши - ҳам конституциямизга, ҳам демократик тамойилларига зид”, — деб таъкидлаган Шуҳрат Нусратовни кўпчилик ҳануз эслайди. У пайтлар депутатлар анча эркин, анча дадил фаолият юритишган. Афсуски, бу эркинлик узоққача чўзилмади: халқ дардини кўтарган депутатлар аксарияти қамалиб кетди, бошқалари чет элга қочиб кетишга мажбур бўлди. Бундан ҳеч ким ютмади, фақат халқ ютқазди.
2017 йилдан бошлаб эса, истеъдодли ва ғайратли халқпарвар инсонларга янги имконият берилди. Оммада бирин-кетин бир қанча ёш депутатлар кўриниш бера бошлади. Айтиш мумкинки, ижтимоий тармоқларда фаол юртдошларимизнинг уларга дастак бўлгани ҳам катта далда берди. Унутманг, ушбу имконият нафақат ижтимоий фаол фуқароларига, балки барчамизга бирдек тақдим этилган. Бу имкониятдан иккинчи марта маҳрум бўлишимизга фақат ва фақат ўзимиз айбдор бўламиз. Бундан кейинги узоқ йиллик маразм даври бошланиб кетишига ҳам фақат ўзимиз сабабчи бўламиз.
Фаол ва халқпарвар депутат деганда, шубҳасиз, кўз олдимизда энг биринчи навбатда Расул Кушербаев сиймоси гавдаланади. Бундан ташқари, яна бир қанча фаол депутатларимиз ҳам бор. Барчасига раҳмат! Кушербаевнинг халққа қилган хизматлари беқиёсдир. Унинг биргина кундуз пайтида автомобил чироқлари ёниқ туриши масаласида олиб борган курашларини эслаш кифоя. Қўшимчасига, депутат яқинда катта шов-шувга айланган томорқа бўйича жарима ҳақидаги қонунни рад этишда ҳам фаол бўлди. Яқинда ИИВнинг депутатларга қарши тайёрлаган материалига ҳам ўзига хос жавоб қайтарган Р.Кушербаев, ҳар доим фуқаролар ҳуқуқини ҳимоя қилишда ҳамда қонунлар муҳокамасида фаол бўлишда бош-қош бўлган камдан-кам депутатларимиздан биридир.
Яқинда депутатга нисбатан қандайдир босимлар бўлаётгани ҳақида хабарга кўзим тушиб қолди. Табиийки, барчамизга бу борадаги депутатнинг позицияси ва мазкур масала юзасидан шахсий фикрлари қизиқ эди. Депутат бу ҳолатни қуйидагича изоҳлади:
“Депутатнинг одамларга, тадбиркорларга ҳуқуқий кўмак бериши, мулоқот қилиши, дўстларга эга бўлиши, халқ дардини эшитиб ҳар қандай вазиятда ҳам фуқароларнинг ёнини олишга уриниши қонунбузарлик бўлиши мумкинмас. Бу фақат айрим нопок шахсларнинг дунёқараши холос.”
Кўриниб турибдики, ушбу баёнот билан Кушербаев ҳолатни на рад этяпти, на тан оляпти. Бироқ, баёнотда депутатнинг хавотири очиқ кўриниб қолган: “Бўлаётган ишлардан қаттиқ хафаман”, — дейди депутат.
Бугун эса ижтимоий тармоқларда Р.Кушербаев шахсиятига қарши бир-иккита постларга кўзим тушиб қолди. Шунча вақтдан буён ўзбекистонликларга катта нафи тегаётган депутатни бугун айримлар миллати қозоқ эканлигини эслаб қолишибди. Улар “қозоқ, рус, тожик чопонлари ортидан подадай қўй каби эргашаётган ўзбеклар” ҳақида ёзишмоқда. Бунга ҳатто Р.Кушербаевнинг ўзи ҳам муносабат билдириб ўтишга мажбур бўлди.
“Инсон ватанни, миллатни, оилани танлаб туғилмайди. Мени миллатим бировларга оғир ботаётган бўлса улардан узр сўрайман. Бироқ барибир Ўзбекистон фарзанди бўлиб қолавераман. Бунинг учун миллатчи ва айирмачилардан яна бир бор узр!” — деб ёзади Расул Кушербаев.
Расул Кушербаев бошига қора кунлар тушгани ҳақиқатга ўхшайди. Фақат бунинг ортида кимлар ва қандай мақсадлар билан тургани қоронғу. Депутатнинг кейинги тақдири қандай кечиши сизу-бизга боқлиқ. Ўз фаолларини ҳимоя қилолмаган жамиятнинг келажаги тубанликка маҳкумдир.
«Файзбоғ» телеграм каналига аъзо бўлинг:👇
https://t.me/joinchat/AAAAAEL3NfcSopuzcfwL-w
2017 йилдан бошлаб эса, истеъдодли ва ғайратли халқпарвар инсонларга янги имконият берилди. Оммада бирин-кетин бир қанча ёш депутатлар кўриниш бера бошлади. Айтиш мумкинки, ижтимоий тармоқларда фаол юртдошларимизнинг уларга дастак бўлгани ҳам катта далда берди. Унутманг, ушбу имконият нафақат ижтимоий фаол фуқароларига, балки барчамизга бирдек тақдим этилган. Бу имкониятдан иккинчи марта маҳрум бўлишимизга фақат ва фақат ўзимиз айбдор бўламиз. Бундан кейинги узоқ йиллик маразм даври бошланиб кетишига ҳам фақат ўзимиз сабабчи бўламиз.
Фаол ва халқпарвар депутат деганда, шубҳасиз, кўз олдимизда энг биринчи навбатда Расул Кушербаев сиймоси гавдаланади. Бундан ташқари, яна бир қанча фаол депутатларимиз ҳам бор. Барчасига раҳмат! Кушербаевнинг халққа қилган хизматлари беқиёсдир. Унинг биргина кундуз пайтида автомобил чироқлари ёниқ туриши масаласида олиб борган курашларини эслаш кифоя. Қўшимчасига, депутат яқинда катта шов-шувга айланган томорқа бўйича жарима ҳақидаги қонунни рад этишда ҳам фаол бўлди. Яқинда ИИВнинг депутатларга қарши тайёрлаган материалига ҳам ўзига хос жавоб қайтарган Р.Кушербаев, ҳар доим фуқаролар ҳуқуқини ҳимоя қилишда ҳамда қонунлар муҳокамасида фаол бўлишда бош-қош бўлган камдан-кам депутатларимиздан биридир.
Яқинда депутатга нисбатан қандайдир босимлар бўлаётгани ҳақида хабарга кўзим тушиб қолди. Табиийки, барчамизга бу борадаги депутатнинг позицияси ва мазкур масала юзасидан шахсий фикрлари қизиқ эди. Депутат бу ҳолатни қуйидагича изоҳлади:
“Депутатнинг одамларга, тадбиркорларга ҳуқуқий кўмак бериши, мулоқот қилиши, дўстларга эга бўлиши, халқ дардини эшитиб ҳар қандай вазиятда ҳам фуқароларнинг ёнини олишга уриниши қонунбузарлик бўлиши мумкинмас. Бу фақат айрим нопок шахсларнинг дунёқараши холос.”
Кўриниб турибдики, ушбу баёнот билан Кушербаев ҳолатни на рад этяпти, на тан оляпти. Бироқ, баёнотда депутатнинг хавотири очиқ кўриниб қолган: “Бўлаётган ишлардан қаттиқ хафаман”, — дейди депутат.
Бугун эса ижтимоий тармоқларда Р.Кушербаев шахсиятига қарши бир-иккита постларга кўзим тушиб қолди. Шунча вақтдан буён ўзбекистонликларга катта нафи тегаётган депутатни бугун айримлар миллати қозоқ эканлигини эслаб қолишибди. Улар “қозоқ, рус, тожик чопонлари ортидан подадай қўй каби эргашаётган ўзбеклар” ҳақида ёзишмоқда. Бунга ҳатто Р.Кушербаевнинг ўзи ҳам муносабат билдириб ўтишга мажбур бўлди.
“Инсон ватанни, миллатни, оилани танлаб туғилмайди. Мени миллатим бировларга оғир ботаётган бўлса улардан узр сўрайман. Бироқ барибир Ўзбекистон фарзанди бўлиб қолавераман. Бунинг учун миллатчи ва айирмачилардан яна бир бор узр!” — деб ёзади Расул Кушербаев.
Расул Кушербаев бошига қора кунлар тушгани ҳақиқатга ўхшайди. Фақат бунинг ортида кимлар ва қандай мақсадлар билан тургани қоронғу. Депутатнинг кейинги тақдири қандай кечиши сизу-бизга боқлиқ. Ўз фаолларини ҳимоя қилолмаган жамиятнинг келажаги тубанликка маҳкумдир.
«Файзбоғ» телеграм каналига аъзо бўлинг:👇
https://t.me/joinchat/AAAAAEL3NfcSopuzcfwL-w