🤲
МУФТИЙ ҲАЗРАТ: МУСОФИРНИНГ ДУОСИ МУСТАЖОБ, ИБОДАТИ МАҚБУЛДИР!📍Жанубий Корея сафари давомида Ўзбекистон мусулмонлари идораси раиси, муфтий
Шайх Нуриддин Холиқназар ҳазратлари Сеул марказий масжидида мазкур шаҳарда
таълим олаётган ва меҳнат қилаётган ватандошлар билан самимий суҳбат қурдилар.🌙 Муфтий ҳазратлари мусофирликда юрган ҳамюртларимизнинг саъй-ҳаракатларига Ҳақ таолонинг Ўзи мададкор бўлиши, ота-она, аҳли оила нафақаси йўлидаги меҳнатлари айни савобли амал экани ва ўзга юртда доимо огоҳ бўлиб яшаш зарурлигини алоҳида таъкидладилар. Шунингдек, ҳақиқий мўмин киши она-Ватанига муҳаббатли бўлиши ва уни соғиниб яшаши тўғрисида Ислом манбаларида келган маълумотларни етказдилар.
😄Ўз навбатида Жанубий Кореяда бўлган ватандошларимиз ушбу учрашув учун миннатдорлик билдириб, файзли суҳбат Ватанни соғинган қалбларга таскин бўлгани, айниқса, келгусида илм ўрганиб, тажриба ҳосил қилгач, албатта, юртга қайтиб, она-Ватан тараққиёти йўлида хизмат қилишларини маълум қилдилар. 🤲 Манфаатли учрашув сўнгида Муфтий ҳазратлари Ҳақ таолодан бутун дунё тинчлиги, халқлар фаровонлиги, ватандошларимиз касб-ҳунар ва илм эгаллаш йўлидаги интилишларига қут-барака сўраб дуо қилдилар.
Ўзбекистон мусулмонлари идораси Матбуот хизмати
#safar #muftiy #janubiy_koreya
MUSLIM.UZ GA 😎 OBUNA BO'LING ✅ VA ULASHING🗣
▶️
@Muslimuzz/featured' rel='nofollow'>YouTube | 📷
Instagram | 🔵
Facebook