ЯНГИЛАНАЁТГАН КОНСТИТУЦИЯ ЧИНАКАМ ХАЛҚ КОНСТИТУЦИЯСИ БЎЛАДИ
Қизириқ туманида Янгиланаётган Конституциямизнинг мазмун-моҳиятини тушунтиришга бағишланган учрашув, давра суҳбатлари, тарғибот тадбирлари қизғин давом этмоқда.
Бугунги Қизириқ туман ҳокимлиги биносида ўтказилган тадбир ҳам янгиланаётган асосий қонунимиз лойиҳасига бағишланди. Тумандаги барча маҳалла раислари, ҳоким ёрдамчилари, ёшлар етакчилари, хотин-қизлар фаоллари иштирок этган тадбирда туман ҳокими Ш.Ражабов ва вилоятдан ташриф буюрган меҳмонлар Янги Ўзбекистоннинг янгиланаётган Конституциясига киритилаётган қўшимча ва ўзгартишлар ҳақида кенг тушунча берди.
Бош Қомусимизда киритилаётган ўзгаришлар инсон қадрини улуғлаб, кўп миллатли халқимизнинг турмуш даражасини юксалтириш ва янги босқичда ривожлантиришнинг ҳуқуқий асосларини янада мустаҳкамлашга хизмат қилиши айтиб ўтилди.
Туман ҳокими Ш.Ражабов Янгиланаётган Конституциямизга киритилаётган ўзгартиш ва қўшимчалар мамлакатимиз тинчлиги, ободлиги йўлида олиб борилаётган бундай улуғвор ишларни изчил давом эттиришнинг ҳамда халқимиз ҳаётидан рози бўлиб яшаши учун унинг ҳуқуқий асосларини мустаҳкамлаётгани тўғрисида фикр юритиб, барчани Конституциявий қонун лойиҳаси бўйича ўтказиладиган референдумда фаол қатнашишга чақирди.
✍️ Қизириқ тумани ҳокимлиги Ахборот хизмати
Расмий саҳифаларимиз👇
Telegram| Facebook| Instagram | Youtube|Web-sahifa