Qitmir muxbir

Akmaljon Mahmudaliyev hokimlarning “qoʻli uzun”ligini aytibdi

Oʻzbek xalqida “qoʻli uzun, nimaga choʻzsa yetadi”, degan gap bor. Eshitgansiz, albatta. Bu gap koʻpincha oʻziga toʻq, pul bilan bogʻliq muammolarni tezda hal qiloladigan insonga nisbatan qoʻllanadi. Sirdaryo hokimi Akmaljon Mahmudaliyevning aytishicha, bugungi kun hokimlari ham “qoʻli uzun”lar toifasidan. Odamlarni qiynayotgan muammolarni hal qilish uchun ularga yetarli darajada, hatto ortigʻi bilan pul berilayotgan ekan.

Hozirgi qabullar mazza, toʻgʻrisi, 2018-yilda hokimlar qabullarga borsak, qoʻrqib borardik. Sababi pul yoʻq edi. Murojaatchilarning hammasi yoʻl qilib ber, suv qilib ber, maktab va bogʻcha qilib ber, “balnisam” yomon deyishardi. Oʻsha ishlarni qilishni istardik, ammo pul yoʻq edi. Hozir pulda muammo yoʻq-ku, degan viloyat hokimi.

Hokimlarga odamlar muammosini hal qilish uchun koʻp pul berilayotgani, ularning “qoʻli uzun boʻlishi” quvonarli, albatta. Ammo hokimlarning tili uzun boʻlishi yomon. Masalan Surxondaryoning sobiq, Oqqoʻrgʻonning ayni kundagi rahbari Toʻra Bobolov vaqtida “tili uzun boʻlib ketib”, qonun himoyachisi boʻlgan prokurorni haqorat qilgandi. Bu ishi oʻsha paytdagi Prezident adminstratsiyasi rahbari Sardor Umrzoqovga ham, davlat rahbariga ham xush kelmagandi. Shu sabab hokimlarning “qoʻli uzun” boʻlsa boʻlsin, “tili uzun” boʻlmasin.

Алламжоновга қасд қилингани етмаганидек, ҳайдовчиси ва қўриқчилари ҳам қамалибди

Собиқ амалдор Комил Алламжоновга суиқасд қилинган куни барча ташвиш қолиб, унга хизмат қилувчи ҳайдовчи, ошпаз ва қўриқчиларни олиб бориб «тиқишибди». Тағинам 15 суткага. Албатта қози буванинг қарори билан. Қозиларсиз иш битмайди-ку Ўзбекистонда. Боиси қонунчилигимизга кўра, фуқаронинг озодликда яшаш ҳуқуқини фақатгина суд чеклаши мумкин. Жиноят ишлари бўйича Қибрай туман суди судясининг иши шунчалик кўплигидан суд қилинаётган 7 нафар айбланувчининг адвокатлари йўқлигига эътибор бермабди. Вақти тиғислиги учунми, судда судланувчилар эшитилмабди ҳам. Бўйнига 15 суткани қўйиб, қамаворишибди.

Алламжонов ёллаган адвокат буни сезиб қолиб, юқори турувчи судга апелляция тартибида шикоят қилибди. Вилоят суди «судланувчилар қани», дейишса, «улар 15 суткани ўташмоқда», деган жавоб бўлган. «Уларсиз суд ишини кўрмаймиз», дея, апелляция инстанцияси шикоятни рад қилибди. Иш судралиб, Олий судга келган. Юқори инстанция ишни кассация тартибида кўришни бошлади. Воқеалар ривожини «Дарё»да ўқийсиз.

ИИВнинг тергов департаменти бошлиғи қабул кунларида жойида ўтирмаганини танқид қилган адвокат билан учрашибди

Адвокат Зебо Комилова Ички ишлар вазирлигининг Тергов департаменти бошлиғи Рамазон Ашрапов қабулига кириш учун уч маротаба борганини, бироқ уч ҳафта овора бўлса-да, раҳбар қабулига киролмаганини маълум қилганди. Адвокат бу ҳақда жамоатчиликка хабар бергач, департамент бошлиғи адвокат билан кўришибди.

"ИИВ Тергов департаменти бошлиғи қабул кунлари хизмат жойида бўлмаётгани ҳақидаги постимдан сўнг, мени департаментга таклиф этишди. Вазир ўринбосари — департамент раҳбари Рамазон Ашрапов шахсан қабул қилди. Узоқ гаплашдик. Бошлиқ пост учун мендан бироз норози бўлибди. “Қаерда, қандай юмушлар билан бандлигимни суриштирмай бекор ёзибсиз, шуни деб ноқулай аҳволга қўйдингиз”, деди гина оҳангида. Сўнгра раҳбарлик ташвишларидан сўзлаб кетди, лавозим вазифаларидан ташқари ишлар кўплигидан нолиди. “Фуқароларни қабул қилишдан ҳеч қачон бўйин товлаган эмасман, синглим, бу зотан менинг вазифам. Аммо на иложки, тез-тез режадан ташқари зарур ишлар, топшириқлар бўлиб туради. Ана ўша, охирги сешанбада ҳам кун бўйи Сенатда эдим, жиноят ишини юритиш доирасида мажбурий ушланган шахсларга нисбатан қийноқлар қўлланишининг олдини олиш тўғрисидаги қонун лойиҳасини муҳокама қилдик”, деди яна Рамазон Аҳмадхўжаевич.

Адвокатнинг ёзишича, департамент раҳбари суҳбат давомида бетоблигини, аммо ётиб даволанишга имкон йўқлиги учун иш ораси укол олиб юрганини айтган.

Демак, раҳбарлар ҳам хизмат вазифасидан ташқари кўп топшириқлар берилаётганини тан ола бошлашибди.

Айни пайтда барча вилоят ҳокимлари ҳам таътилда, улар бироз аввал Тошкент вилоятидаги дам олиш масканларида кўриниш берганди

Сара блоглар “картаси”ни фақат Сизлар учун очмоқчиман. Мен Сизга тавсия этаётган блог эгалари турли синовларда тобланиб, бугуннинг элагидан ўтганлардан.

Жамиятдаги энг оғриқли масалалар, воқеалар, янгиликлар, коинотга оид хабарлар, нефть-газ энергетика, истеҳзоли киноя ёки жумбоқларга тўлиб тошган каналларга обуна бўлинг:

👉 Обуна бўлиш