QIBRAY SADOSI

Бугун бирор савоб иш қилдингизми? Кимнингдир мушкулини осон, кимгадир яхши гап, кимгадир табассум илиндингизми?

Аввало яхшиликни оилангиздан бошланг! Токи бу яхшилик бардавом бўлсин. Бугунги ҳикоямиз ана шу ҳақда.

Албатта, ўқинг!
👇👇👇

Бир кишининг онаси тикувчилик қиларди. Оилани шунинг эвазига боқар, ўғлини ҳечам ишлашга қўймасди. Ўғли ишлайман деса ҳам, ўқишни мукаммал битириб олишини насиҳат қиларди. Онаси хоҳлагандек яхши ўқиди ва ўқишни битириб ишга кирди.

Ўғил ойлигининг кўпроқ қисмини онасига беришликни ният қилиб, шу билан онасини хурсанд қилиб туришни хоҳлади.
Аллоҳ таолонинг тақдир тақозини қарангки, она Аллоҳ азза ва жалла ҳузурига риҳлат қилди. Онасидан айрилган ўғил жуда кўп йиғлар, онасига ойлигини беролмаганидан жуда ҳам хафа бўлар эди.

Аллоҳ учун онаси номидан ойлигининг тўртдан бирини фақиру фуқароларга бериб туришликни назр қилди. Онасининг вафот этганига ўттиз йил ўтди. Шу йиллар асносида намоздаги ҳар бир саждада онасининг ҳаққига дуо қилмасдан турмасди. Савоби онасига бориб туришлиги учун. Бир нечта масжидга намозхонлар фойдаланишликлари учун, махсус сув идишларини қўйди. Кунларнинг бирида намоз ўқиш учун маҳалла масжидига чиқди-да жамоатни қилаётган ишини кўриб ўзидан хафа бўлиб кетди. Маҳалла оқсоқоллари масжидга махсус сув идиш қўйишаётган эди. Чунки, у ўзи яшаб турган ердаги масжидга бошқа масжидларга қўйган сув идишларидан қўймаган эди.
Машриқу мағрибдаги масжидларга қўйибман-у, лекин кунда намоз ўқиш учун чиқадиган масжидга қўйишни унутибман, деб ўзини-ўзи койиб юраги сиқилиб турганида масжид имоми келиб "эй фалончи, масжидимизга юборган сув идиш учун Аллоҳ сизни яхшилик билан мукофотласин", деди. Ҳалиги киши шошиб қолиб "йўқ-йўқ уни мен юборганим йўқ", деди. Имом "бугун ўғлингиз келиб "буни отам юборди", деб айтди".
Ўғли ҳам шу ерда эди.
Шу пайт ўғли отасини бошидан ўпиб "отажон, савоби сизга ёзилиб туриши учун сизнинг номингиздан мен олиб келиб қўйдим", деди. "Отажон, Аллоҳ таоло сизни жаннат анҳорларидаги сувларидан ичирсин", деб дуо қилди.

Ота ҳайратланиб "ўғлим (!) сен мактаб ўқувчиси бўлсанг, бирор жойда ишламасанг пулни қаердан олдинг?!" - деб сўради. "Сизни (Аллоҳ раҳмат қилсин) бувамнинг номидан хайр-эҳсон қилиб, бувамга яхшилик қилганингиздек мен ҳам сизнинг номингиздан садақа қилиб, сизга яхшилик қилиш учун беш йилдан буён сиз менга ишлатиш учун берган пулларни йиғдим", - деб жавоб берди.

Субҳаналлоҳ, олдингиларнинг айтгани қандай ҳам рост-а!? "Катталар (ота-она)га яхшилик қилсанг, фарзандингдан кўрасан".

Биз-чи, биз?! Ота-онамиз учун нима қилдик, нима қилоляпмиз?!

Манба:
Vaqt_qadri

Каналга уланиш:
@qibray_sadosi

#МАҲАЛЛАДА_ДУВ_ДУВ_ГАП

ШИРИН ВА...... НОДИР

11.11.2019 йил.
Бугун ажойиб кунлардан бири! Тўғрисиям шу!

Дўстимиз, ажойиб шоир Бобур Бобомуроднинг таъкидлашича, ёшлар айнан 11.11. санасини танлашган, бу ҳеч қандай рамзий маънони англатмайди, шунчаки ёдда қоладиган чиройли рақам!

Айни пайтда пойтахтнинг "Яккасарой" тўйхонасида висол оқшоми нишонланмоқда.

Ўзимизнинг Нодиржон деганимиз бу – кейинги пайтда хушовоз соҳиби сифатида танилаётган Нодир Зоитовдир. Тумандошларимиз қанчалик танишини билмайману, аммо у эстрада шоу майдонида тобора ўз ўрни ва овозига эга бўлиб бораётган ёш хонандадир.

Асло Нодирни кўп мақтаб юборганим йўқ. Чунки уни болалигидан биламан. Мактабда ўқиб юрган кезларидаёқ унинг истеъдоди учқунларини кўрганман. Энг асосийси, унинг онаси Зулайҳо (марҳуманинг ёди доим қалбимизда)менинг яқин дугонам бўлиб, ўғлининг истеъдодини руёбга чиқариш учун тинмай интиларди. Улғайиб, йигит бўлган ўғлининг мана шундай бахтли кунларини кўрмаганидан маҳзунман.

Аммо Нодиржон бахтли бўлсин! Унинг Ширин билан турмуши ширин ва нодир турмушлардан бўлсин! Кўнглимиздаги энг эзгу тилакларимиз улар учун!

Каналимизни кузатиб боринг. Бу борадаги янгиликларни биринчилардан бўлиб бериб борамиз.

Каналга уланиш:
@qibray_sadosi

#МАҲАЛЛАДА_ДУВ_ДУВ_ГАП

ШИРИН ВА...... НОДИР

11.11.2019 йил.
Бугун ажойиб кунлардан бири! Тўғрисиям шу! Чунки бугун эстрада шоу бизнесида машхур бўлган Фарход ва Ширин жуфтлиги учун ажойиб кун! Чунки Ширин турмушга чиқмоқда!

Ҳа, ҳаммамиз фол очгандек, Ширин Фарходга эмас, ўзимизнинг Нодиржонга турмушга чиқмоқда.

Ижтимоий тармоқларда аллақачонлар уларнинг тўйлари - бахтли онлари акс этган сурат ва видеолар тарқалиб улгурди.

Каналимизни кузатиб боринг, бу ҳақда биринчилардан бўлиб хабар бериб борамиз.

Каналга уланиш:
@qibray_sadosi

#ҚАЙНОҚ_ХАБАРЛАР

Айни дамларда Пискент тумани 30-мусиқа мактабида "Зулфияхоним издошлари" кўрик-танловининг вилоят босқичи ўтказилмоқда, деб хабар бермоқда Нигорахон.

Туманимизнинг 10 нафар қизлари томонидан тайёрланган кўргазмалар ҳамда ижод намуналари танлов ҳайъати аъзолари ва иштирокчиларида катта таассурот қолдирмоқда.

Вакилаларимизга омад ёр бўлсин!

Каналга уланиш:
@qibray_sadosi

#САЙЛОВ_2019

АККРЕДИТАЦИЯДАН ЎТГАН ЖУРНАЛИСТЛАРГА ГУВОҲНОМАЛАР ТОПШИРИЛДИ

Халқаро Матбуот маркази Тошкент вилояти бўлимида журналистлар учун брифинг ташкил этилди. Унда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги вилоят бошқармаси мутасаддилари ҳамда вилоятда фаолият юритаётган ОАВ ходимлари иштирок этишди.

Сир эмаски, сайловларда очиқлик ва ошкоралик принципларининг тўлақонли амалда бўлишида оммавий ахборот воситаларининг ўрни ва аҳамияти беқиёс. Шундан келиб чиқиб, сайловларда бевосита иштирок этиш ва жараёнларни холисона ёритиб бориш учун вилоят ОАВлари ва марказий нашрларнинг ҳудудий мухбирлик пунктларида фаолият юритаётган журналистларни аккредитациядан ўтказиш ишлари жадаллик билан олиб борилмоқда.

Тадбир вилоят сайлов комиссиясига аккредитациядан ўтиш учун мурожаат қилган ОАВ вакилларининг 48 нафарига гувоҳномалар топширилди.
Манба:
Халқаро Матбуот маркази Тошкент вилояти бўлими

Каналга уланиш:
@qibray_sadosi

Қибрай туманидаги янги очилган Автомойкага ишга таклиф этамиз !

Бўш иш ўринлари:
• Мойшиклар ( Машина ювишга)

Талаблар:
— Авто мойка соҳасида ишлаган
— Ичмайдиган, тартибли
бўлиши керак

Иш вақти:
08:00 дан 22:00гача

Иш ҳаққи:
Келишилган ҳолда

☎️ +998983110054


На новую автомойку требуются мойщики машин!

⏰ Время работы: с 08:00 до 22:00

🏡 Есть возможность проживания на месте.

В Кибрайский районе
🧮 Оплата договорная
☎️ +998983110054

Каналга уланиш:
@qibray_sadosi

ХАБАРИНГИЗ БОРМИ?
«QIBRAY SADOSI» ГАЗЕТАСИГА 2020 ЙИЛ УЧУН ОБУНА БОШЛАНДИ

Қибрай туман ҳокимлиги нашри –
"Qibray sadosi" газетасига­
1 сентябрдан 15 ноябрга қадар 2020 йил учун
имтиёзли обуна давом этаётганлигини ­
МАЪЛУМ ҚИЛАМИЗ.

Имтиёзли обуна "Qibray sadosi" газетаси­
таҳририятида бевосита қабул қилинади.

Шошилинг, имтиёзли обуна имкониятидан фойдаланиб қолинг.
Обуна индекси – 296.

#ИЗХОР

ВАТАНИМНИ МАҚТАСАМ, АЙБГА БУЮРМАНГ...

Ассалому алайкум, азиз инсоним!
Кўп ўйлар ва изланишлар ила мақоламнинг сарлавҳасини топдим. Ватан муқаддасдир, менинг ватаним ягона! Агар, кошки, имкони бўлса, бу халқимнинг бағрикенг, содда ва мехнатсеварлиги, меҳр-оқибатли эканлигини сўз билан барчага етказа олсам, лекин афсус сўз бойлигим юксак даражада эмас. Лекин шундай бўлсада мен чин дилдан ҳис қилаётган туйғуларим ила халқимнинг жонкуяр эканлини баён этсам.

Баъзан биз ёшларни етарлича ватанпарвар эмасликда айблашади. Ёки баландпарвоз гапларни гапиришдан нарига ўтишмайди, дейишади. Менинг назаримда – Ватан туйғуси қалб тўрида жойлашган бўлади. Ҳар доим ва ҳар қадамда намоён қилиш мумкин эмас бу туйғуни. У шунчалик муқаддаски, онадек азиз, отадек табаррукки, ортиқча мақтовга ҳожат йўқ, назаримда. Чунки биз онамизнинг меҳрибонлигини, отамизнинг жонкуярлигини ҳа деб айтавермасакда, ҳар куни юракдан ҳис қиламиз. Волидамизнинг бўйнига осилганимизда, падаримизнинг меҳрли кўзларига боққанимизда, бу туйғу янада жўш уради. Юракларни жўнбўшга келтирган ҳислар сўзларга айланади: “Отажоним, онажоним, меҳрибоним!” десак, айблаш мумкинми?!

Шу кунларда бир нарсадан фахрландимки, Ўзбекистон халқи яна бир савоб ишни кейинга қолдирмади. Айтишим жоизки, ҳеч кимга сир эмас, юртдошларимиз Суриядан - уруш авж олган диёрдан аёллар ва болаларни қутқаришмоқда ва уларга нисбатан кучли эьтибор қаратилди. Бу ишдан мен фахландим ва ватанимга булган муҳаббатим янада кучайди.

Савобли ишларни кейинга колдирмай адо этувчи халқим, ягона тилагим шуки - Ўзбекистоним, мангу бўл омон, сенга садоқат билан хизмат қилиш менга бир умр насиб этсин!

Аглаева Хумор Рухиддин кизи