Qashqadaryo 24/7

Вилоят ҳокимлиги ҳузуридаги давлат муассасалари шаклида ташкил этилган янги иш ўринлари ташкил этишни рағбатлантириш ҳудудий жамғармаси юридик шахс мақомини тугатган ҳолда вилоят камбағалликни қисқартириш ва бандлик бошқармасига ўтказиб берилади

Жамғарма маблағлари амалдаги йўналишларга қўшимча равишда “Лойиҳа менежерлари“ гуруҳи томонидан юқори самара берган ижобий тажрибаларни бошқа ҳудудларда жорий этиш билан боғлиқ лойиҳаларни молиялаштириш, етакчи тадбиркорлар ва уста деҳқонларни жалб этишга сарфланиши белгилансин.

Мазкур қарор ижросини самарали ташкил қилишга масъул ва шахсий жавобгар этиб, вилоят камбағалликни қисқартириш ва бандлик бош бошқармаси (Ф.Муҳаммадиев) ҳамда туман (шаҳар) ҳокимлари белгилансин - вилоят ҳокими М.Азимов.

https://t.me/qarshiliklar

Деҳқонобод тумани «Оқтош» МФЙ ҳудудида сув иншооти қурилади.

Вилоят ҳокими қарори.

https://t.me/qarshiliklar

Муротжон Азимов бугуннинг ўзида Қишлоқ хўжалиги вазири ва 4 та хорижий давлатлар инвесторлари билан мулоқот қилди

Бугун Қашқадарё вилояти ҳокими Муротжон Азимов Голландия ва Эрондан келган ишбилармонларни қабул қилиб, қишлоқ хўжалиги соҳасини ривожлантириш орқали ерни унумдор қилиш ва ҳосил олишни бир неча баробарга ошириш масалаларини муҳокама қилди.

Шунингдек, Чехия ва Россия давлатидан келган тадбиркорлар билан ҳам учрашиб, ишлаб чиқариш, қишлоқ хўжалиги ва экспорт масалаларида мулоқотлар ўтказди.

Шу ернинг ўзида воҳамизда бўлиб турган Қишлоқ хўжалиги вазири Иброҳим Абдураҳмонов билан ҳам учрашиб, инвесторларнинг таклифлари юзасидан фикр алмашди.

Мулоқотлар давом этмоқда.

https://t.me/qarshiliklar

Бош вазирнинг ўринбосари Жамшид Ходжаев Қашқадарёда бўлди

Дастлаб, бош вазир ўринбосари ва Ҳукумат комиссияси аъзолари воҳамизда амалга оширилган ва оширилаётган лойиҳаларни жойида бориб кўрди.

Шунингдек, вилоят ҳокимлигида туман ва шаҳар ҳокимларининг соҳалар бўйича истиқболли лойиҳалари тақдимоти билан танишди.

Қашқадарё вилоят ҳокимлиги матбуот хизмати.

https://t.me/qarshiliklar

Қарши шаҳри ҳокими Н.Холбоев Жанубий Кореядаги сафари давомида фармацевтика соҳасида етакчи компания билан музокаралар олиб борди

Ҳоким "Derma glue" компанияси раҳбари Jae Bong билан учрашиб, косметика ва терини тиклайдиган суюқликлар ишлаб чиқариш бўйича ҳамкорлик имкониятларини муҳокама қилди.

Қарши шаҳри ҳокимига маҳаллий тадбиркорларимиз ҳам ҳамроҳлик қилишмоқда.

P.S Ўзи тадбиркорларимизни қўллаб-қувватлаш, уларга дунё бозор тажрибаси билан таништириш ва инвесторлар билан ҳамкорликда янги истиқболли лойиҳаларни амалга ошириш учун шароит яратиб бериш мақсадида ҳокимларимизнинг маҳаллий тадбиркорларимиз билан чет эл хизмат сафарларига чиқиши жуда ижобий ҳолат саналади. Шунингдек, янги чеҳралар, янги тадбиркорлар билан ҳам мулоқотни йўлга қўйиш, улар билан танишиш лозим. Вилоятимизда бой ҳам, тадбиркор ҳам кўп. Эртага иш ўрни яратадиган ҳам, бюджетни шакллантиришда муносиб ҳисса қўшадиган ҳам ўзимизнинг қоракўз тадбиркорларимиз. Уларни қўллаб-қувватлаш ва шароитларни яратиб беришда ҳокимликларимизнинг ўрни эса беқиёс. Яхши натижалар кутиб қоламиз бу хизмат сафаридан.

https://t.me/qarshiliklar