#qadrlimaskan

Bir qiz bilan gaplashib qoldim. 2006 - yil, IELTS 7, ingliz tilidan dars berar ekan. Oyligi 7 million. 10 - sinfni bitirib sertifikat olgan ekan, keyin oʻsha yili yozda ishlay boshlagan.

Bu yil 185+ ball bilan grant asosida oʻqishga kiribdi. Nega oʻqiyapsiz desam, faqat diplom uchun deydi. Maktabni ham faqat shahodatnoma uchun oʻqiganman, chunki 11 - sinfda allaqachon men 7 million pul topardim, bu esa bemalol oʻzimga yetardi, deydi. (Maktab bergan 10 yillik taʼlimning qadri yoʻqmi? )

Koʻpchilik yoshlar, hatto kattalar ham ularga moddiy tarafdan foyda beradigan narsaning orqasidan yillab quvlab yuradi, hatto butun umrini sarflab yuboradi. Qoʻliga pul tegsa boʻldi, olam guliston. Na qadriyat haqida oʻylaydi, na din, na ilm.

Pul ishlayapman, ozmi koʻpmi odamlarga foydam tegyapti deydi. Lekin asl maqsad - chi? Asl maqsad nima edi? Nega bu hayotga keldim, nega yashayapman, nega nafas olyapman deb hech oʻylab koʻrmaydi.

Pul topib, aql topmagan deb shunday odamlarni aytsa kerak - da.

Sizning bu borada fikringiz qanday?


@qadrlimaskan

Hadis ilmi ajoyib - da. Sahobalar, sahobiyalar, va eng yoqimlisi, Rasululloh sollallohu alayhi vasallamning soʻzlarini oʻqiysiz. Oʻqir ekansiz, saodat asriga tushib qolganday boʻlasiz, butun dunyolarni unutasiz. Ularning soʻzlarini oʻqir ekansiz, ustozlardan tinar ekansiz, saodat asri sadolari goʻyoki qulogʻingiz ostida jaranglayotganday boʻlasiz, butun vujudingiz bilan ularni eshitasiz ...
Ajib :)

- Endi nima qilamiz ?
- Endi faqat duo qilamiz.

@qadrlimaskan

Qilgani ishi yoʻq, 24 soat vaqtini behuda oʻtkazadiganlar bor. Va, ichida "Ilm olaman", deb olov yonayotgan, lekin oʻsha ilmga vaqt ajrata olmayotganlar bor.

Xohlasa vaqt topadi demang, xohlasa ham yoʻl qoʻymaydiganlari bor.

@qadrlimaskan

#insights

Farzand tarbiyasida doim o’z xarakteridan kelib chiqqan holda muomala qilish kerak. Tabiatan ta’sirchan va ko’ngilchan insonga qattiqlik bilan muomala qilish va aks holda juda yumshoqlik qilishlik yaramaydi.

Savol payda bo’ladi: “Nega ba’zi holatlarda islomiy oilda juda ham dindan yiroq insonlar chiqadi?” yoki “Qanday qilib islomiy oilalardan dindan yiroq farzandlar yetishib chiqadi?” - degan.

Sababi oddiy. Odatda ota-onalar dinni o’rganishadiyu bola tarbiysi ustida mulohaza qilishmaydi. Farzandlariga juda qattiq bo’lishadi. Qur’on yodlatishda jazolar qo’llab ko’rishadi. Yokida hech qanday bolalik istaklarini inobatga olmay, faqatgina o’zlari buyurgan “shar'iy amallarni” bajarishga buyurishadi. Bolalar dinning asl ma’nosini tushunmay ota-onasi buyurgani uchungina, malomatga qolmaslik yoki jazolanmaslik uchun amallarni bajarishadi. Ana shu nuqtada bolalarda dindan sovush boshlanadi. Ana shu nuqtada dinga nisbatan noto’g’ri faraz shakllanadi. Bola yaxshi amallar bajargani “Alloh seni mukofotlaydi” deyish o’rniga quloq solmasa yoki yomon ish qilsa “Alloh ko’rib turibdi, jazolaydi” deyishadi. Bolalar miyasida Allohga nisbatan noto’g’ri gumonlar shakllanadi.

Shu majburiy amal qilidirish borasida bir qiz yodimga tushdi. Maktab vaqtlari bizdan 1 ta sinf pastda o’qiydigan qiz bo’lar edi. Uni hijobliligini deyarli maktab bitirish arafasida bilganman. Uyidan chiqishda hijob o’rab, ko’chaga chiqqach roʻmollar yechilib, sochlarini yoyib olardi. Sababini so’raganimizda “Agar adam bilsala o’ldiradila, lekin man o’z xohishim bilan hijoblanmaganman” degan javob olganmiz.

Ya’na bir xato esa farzandlarni barcha narsadan cheklash. Ota-ona qanchalar mehribon, tushunuvchan bo’lishmasin ammo barcha yomon vaziyatlardan farzandlarni berkitaversa, ularga ko’rsatilmas ekan, farzandlar shu narsaga qiziqaverishadi. Ya’ni ayni vaqtda internetdan to’sdik deylik. Ammo farzand ayni internetdan yashirincha bo’lsa ham foydalanadi. Uni internetdan foydalanishdan to’sish o’rniga undan to’g’ri foydalanishni o’rgatish zarur. Va boshqa vaziyatlarda ham to’sish o’rniga ko’rsatish va bu vaziyatda oʻzini qanday tutishi zarurligini, shariatda bu narsalarning hukmi qandayligini go’zal tarzda tushuntirish zarur. Aks holda bolada qiziquvchanlik usutnlik qilib qolishi ehtimoldan holi emas.

(c) Ustozam

@qadrlimaskan

Bir narsa qiziq.

Bizga har doim faqat Turkiston duyorida oʻtgan dunyoviy ilm sohiblarini aytishadi. Diniy ilm ahlini juda kam eshitganmiz, toʻgʻrimi? (Aslida ilmning diniy va dunyoviyi boʻlmaydi, foydali va foydasiz ilmlar boʻladi. Lekin hozir tushunarli boʻlishi uchun shunday deymiz)

Hozir Ibn Sino, Forobiy, Alisher Navoiy, Bobur, Mirzo Ulugʻbek, Amir Temur, Xorazmiy deyilsa hamma taniydi. Abdulloh ibn Muborak, Imom A'zam Abu Hanifa rohimahulloh, Imom Moturidiy, Imom Naqshbandiy, Najmiddin Kubro, Imom Buxoriy, Imom Nasafiy, Imom Termiziy desak, kim taniydi ? Aslida, boshida aytilganlar ham dinda sobit, iymoni butun, hofizi Qur'onlar edilar, lekin bizga ularning na dini, na iymoni oʻrgatildi, sen shuni bilsang boʻldi deb, ular yozgan bir nechta kitoblar aytildi, lekin na qadriyat, na tayinli ma'lumot berildi ular haqida ...

Bu oʻsha sovet davridan qolgan rejim. Diningdan ayiradi, tarixingni unuttiradi, ahli ilmlaringni sendan uzoq qiladi.. va koʻrib turibsizki, bir manqurt, bir gʻoyasiz shaxs jamiyatga yetkazib beriladi. Va shu bilan jamiyat rivojlanishdan uzoq boʻlib qolaveradi.

Xullas, ilm olish kerak, kitob oʻqish kerak.

@qadrlimaskan

Ogʻriqlari haqida gapirmaydi degani, ogʻriqlari yoʻq, degani emas.

Bunday imkoniyat boshqa boʻlmaydi. Foydalanib qolish kerak.

Farzand tarbiyasi bilan qanchadan beri qiziqayotgan, izlanayotgan boʻlsam, har doim bolani tabiiy vositalar bilan ulgʻaytirish kerakligi aytiladi. Hatto chaqaloqligida olinadigan "privivka" ham bola uchun katta zararligi juda koʻp izlanishlar orqali isbotlangan. Yangi avlodni iloji boricha antibiotik va qoʻshimchalarsiz katta qilish kerak.

Ustoz ham antibiotiklardan foydalanmaslik tarafdori ekanlar.

"Sen bor, darslaringni qil, kitobingni oʻqi, ilm ol. Ishlarni oʻzim qilib qoʻyaman", deydigan bir zot istaydi bu koʻngil.

#shertahlili - Xatolarim

Mansur Jumayev. Vafotlari haqida eng avval Oyina kanalida koʻrib, muzlab qoldim, qoʻlim ishga, tilim soʻzga bormay..
Aslida, men ularni avval tanimas edim, vafotlari haqidagi postda birinchi marta ismlarini oʻqidim, ya'ni vafotlaridan keyin u shaxsiyatning she'rlari bilan tanishdim. Toʻgʻrisi, oʻzimga achinib ketdim, shu paytgacha yurgan ekansan - daa bir ajib shoir haqida bilmay, deb ... Najmiddin Ermatovning she'ri esa beixtiyor koʻzlarni namlantirdi..

She'rda menimcha, faqat shoirning gunohlari emas, butun insoniyatning gunohi e'tirof etilyapti. Ya'ni shoir butun insoniyat uchun yakka oʻzi Allohdan gunohlarini kechirishni soʻrayotganday goʻyo .. Bu ma'noni quyidagi jumlalardan anglash mumkin:

Etlarni sixlaganman,
Isoni mixlaganman,
vijdonga pichoq tortib,
ustida yigʻlaganman.

Bu joyda Iso alayhissalomni dorga osgan kaslar tilga olinyapti, ya'ni ancha avval oʻtgan odamlarning qilmishlari.

Xatodan chiqmaganman,
dunyoga sigʻmaganman,
Rasulullohni tinglab
esimni yigʻmaganman.

Bu joyda Saodat asrida yashab, Rasululloh sollallohu alayhi vasallamni oʻz koʻzlari bilan koʻrib, ularga iymon keltirmaganlarni, iymon keltirsa ham, yaxshi amal qilmagan insonlar nazarda tutilyapti.

Nechun sizni qoʻymayman,
oʻ, mening xatolarim!
Men oʻzimni oʻylayman —
shu mening xatolarim...

Bu joyda inson zoti faqat oʻzini yaxshi koʻrishi, oʻzini oʻylashi, oʻzini boshqalardan afzal bilishi haqida aytilgan. (Balki oxiratda boshqa bilan ishi yoʻq, faqat oʻzining jannatga kirish tashvishini qiladigan insonlar tilga olingandir)

Qargʻang! Soʻking! Turmang jim!
Oʻylay jon chiqar oni
qoldirdim deb shu chirkin
toʻzib yotgan dunyoni.

Bu misralarda inson oʻzidan arzirli bir narsa, millatga, ummatga foydasi tegadigan biron ish qoldirishi kerakligi aytilyapti. Zero dunyoga kelib, shunchaki, atrofga befarq, jamiyatga foydasi tegmay yashab oʻtish, oʻzidan bir chirkin dunyo yoldirishi - juda katta yoʻqotish, aslida.

Tan olmasam — bu gunoh:
yasholmayman begunoh...
Bu misralarda inson zoti gunohsiz yashay olmasligi, va shunday yashashi ham kerakligi aytilganday ma'no bor. Alloh taolo hadisi qudsiyda aytganidek, agar bir qavm gunoh qilmay qoʻysa, u qavm oʻrniga boshqa, gunoh qilib, yagona Robbiga tavba qiladigan qavm olib keladi, deyilgan edi. Ya'ni gunoh qilish va qilgan gunohiga tavba qilish - moʻminning sifatidandir.

Xulosa qilib aytsak, shoir ishqulloh dardida yongan, va shu dardiga davo topdilar ham, kuni kecha..

@qadrlimaskan

#sevimli
Quvonasan
sen sevgan kalom
sendan boshqa kimgadir yoqsa,
yo sen sevib oʻqigan kitob
sendan boshqa kimnidir yoqsa,
sen yoqtirgan rang
sendan boshqa
kimgadir xush kelsa, qanday soz;
quvonasan
kimgadir yoqsa
sen yoqtirgan birorta libos,
sendan boshqa kimdir
sen sevgan
ohanglarga quloq tutsa jim,
quvonasan
sen sevgan yurtni
jon-jonidan sevsa kimda-kim,
boshqalar ham,
kuzmi, qish-qirov,
sevsin
sevgan xalqingni,
bor gap...
Faqat
chidolmaysan
sendan boshqa birov
koʻngil qoʻysa
sen suygan yorga.

Mansur Jumayev

@qadrlimaskan

Teacher: speak about news that you read recently. Speak 2 minutes.
Me: Recently Rodri won Ballon d'Or ...

#ilovefootball 😁