Psixomotiv | KMS


Kanal geosi va tili: O‘zbekiston, O‘zbekcha


KMS blog.

Связанные каналы

Kanal geosi va tili
O‘zbekiston, O‘zbekcha
Statistika
Postlar filtri


🤫 Ba'zi narsalar so'ralganda ham aytilmagan yaxshi. 🤩

✅Odamlar ijtimoiy mavjudotlar, shuning uchun biz yangi tanishlar orttirish, maslahatlar almashish va yordam berishni yoqtiramiz. Ammo ko'pincha suhbatga kirishish yoki qimmatli tavsiyalar berishga ishtiyoqimiz bizga salbiy ta'sir ko'rsatishi mumkin. Bu yerda oldini olish kerak bo'lgan ba'zi mavzular:

👨‍👩‍👧‍👦 Boshqa odamlarning bolalari
Hech qachon boshqa odamlarning bolalarini muhokama qilmang, agar ularning ota-onalari suhbatni boshlashlagan bo'lsalar ham. Agar sizning farzandlaringiz bo'lmasa, buni hech qachon qilmang. 🙊

🤐Shaxsiy hayot
Dam olish kunlaringiz, voqealarga boy shaxsiy hayotingiz, oshxonani ta'mirlash yoki xo'jayiningizning so'nggi g'alayonlari haqida uzundan uzun hikoyalar qilmang bu atrofingizdagilarha yoqmasligi aniq.👎

💔 O'tmishdagi munosabatlar
Ayni paytdagi turmush o'rtog'ingiz so'rasa ham, o'tmishdagi munosabatlar haqida ma'lumot bermang. Mavzuni o'zgartiring.🔎❤️

💻 Birovning ishi
Ish jarayonidami, biror vazifani bajarishdami o'z ishlaringizni aniq va tartibli bajaring. Sherigingizning ishiga o'zi yordam so'ramagunicha aralashmang🤝

@psixomotivatsiya 🧠


Baxtli bo'lish uchun... 👍

Baxtli bo'lish uchun qo'llaringizni mehnatga, qalbingizni muhabbatga, ongingizni maqsadingizga, xotirangizni foydali bilimga, kelajagingizni umidga to'ldiring.😇👌

@psixomotivatsiya 🧠


#qush_kabi✅

Daraxtga qo'ngan qush hech qachon shoxning sinishidan qo'rqmaydi, chunki u shoxga emas, balki o'z qanotlariga ishonadi. Har doim o'zingizga ishoning.😇


@psixomotivatsiya 🧠


⭕Ishda diqqatni qanday saqlash kerak.

⚡ Diqqatingizni jamlang
Diqqatingizni muhim vazifalarga qarata olmaysizmi? O'z ongini "boshqarish" ni biladigan odamlar, qachon ishlashni va qachon qilmaslikni o'z miyalari qaror qilganlarga qaraganda, murakkab vazifalarni muvaffaqiyatli hal qiladi. Jarayonni nazoratga oling. Qachon maksimal konsentratsiyaga muhtojligingizni va qachon dam olishingiz va axborotlardan ajralishingiz mumkinligini o'zingiz hal qiling. Buning uchun o'zingizni aybdor his qilmang - bu usul sizning ishingizni yanada samaraliroq qilishi mumkin. 😎

✨ Tanaffus qiling.
Shoshilinch ravishda biror narsa qilishingiz kerak bo'lganda, tanaffus qilish aqlga keladigan oxirgi yo'ldir. Ammo har bir kishi qisqa tanaffusga muhtoj. Biz maksimal 90 daqiqa vazifaga e'tibor qaratishimiz mumkin, shundan so'ng 15 daqiqalik tanaffus kerak bo'ladi. Hatto juda qisqa tanaffus, atigi bir necha soniya ham yordam berishi mumkin. Masalan: Siz derazadan tashqariga qarashingiz, qiziqishlaringiz bilan shug'ullanishingiz yoki undan ham yaxshisi, sayr qilishingiz yoki meditatsiya qilishingiz mumkin. 😇

@Psixomotivatsiya 🧠


Хаёт сабоқлари

Чарли Чаплин 88 йил яшаган эди. У башариятга етказмоқчи бўлган охирги сўзларини қоғозга ёзиб қолдирган экан. Мана ўша сўзлар (таржима):
— Дунёда хеч нарса мангу эмас, хатто муаммоларимиз хам.
— Мен ёмғир остида сайр қилишни севаман, чунки ёмғирда менинг кўз ёшларимни хеч ким сезмайди.
— Инсон учун энг йўқотилган кун бу унинг кулмаган кунидир.
— Дунёнинг энг зўр олтита табиби булар. Қуёш, хордиқ, диета (пархез ва рўза), машқ, дўстона сухбат ва самимий кулгудир. Умрингизнинг барча поғоналарида шулардан доимой фойдаланинг ва хаётдан завқланинг.
— Ойга қарасангиз худонинг гўзаллигини кўрасиз, қуёшга қарасангиз эса худонинг куч-қудратини.
— Агар ойнага қарасангиз худонинг санъатини кўрасиз, шунинг учун унга ишонинг.
— Хаёт бу бор йўғи саёхатдир! Шунинг учун бугун яшанг! Чунки эртага бўлмаслиги хам мумкин.


👉 @psixomotivatsiya каналини кузатиб боринг❗️


ФОРДНИНГ КУТИЛМАГАН ҚАРОРИ

    Бир куни «Ford Motor Company» асосчиси Генри Форд ёрдамчисини ёнига чақирибди:
– Барча директорлар билан боғланиб, кейинги ҳафтанинг бошида меҳнат таътилига чиқишини айтасиз. Улар учун Кариб денгизи бўйлаб саёҳат уюштирасиз. Сайёҳлик компаниялари билан гаплашиб, энг яхши кема, энг нуфузли меҳмонхоналардан жой буюртиринг. Ходимларимиз бунга арзийди.
– Хўп бўлади, сэр, – деди ёрдамчи итоаткорлик билан. – Фақат бир нарсага тушунмаяпман, нега ҳамма раҳбарларни бирдан жўнатмоқчисиз? Бу ишлаб чиқариш суръатига таъсир қилиши...
– Илтимос, тезда ишга киришинг, – деди Форд.
Ёрдамчи шу заҳоти ишга киришди. Саёҳат бир ой давом этди. Бу муддат ичида компания раҳбар ходимлари Мексика, Колумбия, Ямайка, Гондурас, Аруба, Никарагуа, Гаити сингари ўнлаб мамлакатларда бўлишди. Беш юлдузли меҳмонхоналарда тунаб қолишди. Бу давлатларнинг энг диққатга сазовор масканлари, қадимий обидалари билан танишишди.
Хуллас, бир ойлик саёҳат тугаб, ҳамма ўз иш жойига қайтгач, Генри Форд яна ёрдамчисини ҳузурига чорлади.
– Хўш, ходимлар саёҳатдан мамнунми? – сўради у яна ҳужжатлардан бошини кўтармай.
– Улар сиздан бениҳоя миннатдор, – деди ёрдамчи. – Саёҳат жуда зўр бўлди, дейишяпти. Ҳар бирининг...
– Мана сизга иккита буйруқ, – деди у икки варақдаги рўйхатни ёрдамчисига тутқазиб. – Ишга киришинг.
Ёрдамчи иккита буйруққа кўз ташлаб, қотиб қолди. Уларнинг бирида саёҳатга чиққан ходимлардан бир гуруҳининг маошини икки баравар ошириш, иккинчи рўйхатга киритилган ходимларни эса ишдан бўшатиш белгиланганди. Бу қанақаси бўлди? Уларнинг барчаси бирдек ишлаган, саёҳат пайтида бирортаси хатога йўл қўймаган бўлса?
– Фақат, битта нарсани тушунмаяпман, сэр...
– Мен ҳаммасини тушуниб турибман, буйруқларнинг ижросини тезлик билан таъминланг!
   Бу билан Форд қўл остидаги раҳбар ходимлар ишни қандай йўлга қўйганини текширмоқчи эди.
   Бошлиқ йўқ пайтда ҳам яхши иш кўрсатган бўлимларнинг раҳбарларини мукофотлаган, қолганларини ишдан бўшатган.

👉 @psixomotivatsiya каналини кузатиб боринг❗️




Video oldindan ko‘rish uchun mavjud emas
Telegram'da ko‘rish
🌙 РАМАЗОН ОЙИНГИЗ МУБОРАК БЎЛСИН!

Шайх Нуриддин Холиқназар ҳазратлари
Ўзбекистон мусулмонлари идораси раиси, муфтий

👉 @psixomotivatsiya каналини кузатиб боринг❗️


Video oldindan ko‘rish uchun mavjud emas
Telegram'da ko‘rish
Mirzakarim Norbekov "Farzand tarbiyasi" haqida


ЎЙЛАБ КЎРДИНГИЗМИ?

☝️Мол-дунёйимиз ортди, аммо ҳузур-ҳаловатимиз йўқолди.

☝️Қулайликлар ортди, аммо вақтимиз камайди.

☝️Дорилар кўпайди, касалликлар озаймади.

☝️Кеч ётиб, эрталаб чарчоқ билан уйғонамиз.

☝️Кам китоб ўқиймиз, кўп телевизор кўрамиз.

☝️Кўп гапирамиз-у, кам эътибор берамиз.

☝️Пул топишни ўргандик, сарфлашни эплолмадик.

☝️Ойга учиб-қайтишни биламиз, лекин қўшнимиз билан кўришишга икки қадам босолмаймиз.

☝️Фазода нималар бўлаётганини биламиз-у, ички кечинмаларимиздан хабаримиз йўқ.

☝️Ҳавони тозалаймиз, лекин руҳларимиз кир.

☝️Режалар тузамиз-у, натижалар кўринмайди.

☝️Шошилишни ўргандик, сабрни ёддан чиқардик.

☝️Танишларимиз кўп, ҳақиқий дўстларимиз кам.

☝️Ютуқларимиз кўп, негадир қувончимиз оз!

Аллоҳим бизни динини маҳкам ушлаган солиҳу-сиддиқларингдан қил! Омин.

МАНЗИЛИМИЗ👇👇
@psixomotivatsiya


Айтишларича, Умар ибн Абдулазизнинг қизчалари бир кун ҳузурларига йиғлаб кирди. Ўша пайтда у ёшгина қизча бўлиб, у кун эса ҳайит куни эди.
- Сизни нима йиғлатди, - деб амирул мўминийн сўрадилар. Қизлари:
- Ҳамма болалар бугун янги кийимлар кийишди, мен амирул мўмининнинг қизи бўла туриб, эски кийимдаман, - дея жавоб қилди.

Умар унинг йиғисидан таъсирланиб, Байтулмол хазиначиси олдига бордилар ва унга:
- Кейинги ой маошимни менга бериб тура оласизми, - дедилар. Хазинабон:
- Нега, ё амирал мўминийн, - деди.

Умар унга бўлган воқеани айтиб бердилар. Шунда хазинабон:
- Мен қаршимасман, лекин битта шартим бор, - деди. Умар:
- У қандай шарт экан, - дедилар. Хазинабон:
- Менга кейинги ойгача тирик қолиб, олдиндан олмоқчи бўлган маошингизни тўлаб бера олишингизга кафолат беринг, - деди. Умар уни қолдириб, уйларига қайтдилар. Фарзандлари:
- Отажон, нима бўлди? - деб сўрашди. Умар дедилар:
- Ё сабр қиласизлар ва ҳаммамиз баробар жаннатга кирамиз ёки сабр қилмайсизлар ва отангиз дўзахга киради.

Шунда болалари:
- Сабр қиламиз, отажон, дея жавоб қилишди.

👉 @psixomotivatsiya каналини кузатиб боринг❗️


☘️Agar bugun tunda uxlab tongda uyg'onmasam ham quyosh sharqdan chiqaveradi...

Men bormi-yo'qmi ahamiyatsiz. U yana g'arbga botaveradi...

Yer yuzida men bo'lmasam ham u o'z o'qi atrofida aylanaveradi...

Ammo men bo'lmasam , kim uchundir chiqqan quyosh ahamiyatsiz....

U inson uchun endi yer aylanadimi-yo'qmi , muhimmas...
Men ana shu kishi uchun ham o'zimni asrashim , uyg'onishim kerak..!

Har birimizda bunday inson bor.
Bu inson .....

👉 @psixomotivatsiya каналини кузатиб боринг❗️


Сизнинг касалликларингиз нимадан далолат беради?

Тиббиёт ва психологияни аралаштирса нима бўлишини биласизми? Психосоматика. Бу тиббиётдаги йўналиш бўлиб, у бизнинг ҳис-туйғуларимиз, қўрқувларимиз ва руҳиятимизнинг саломатликка таъсирини ўрганади. Бизнинг ички кечинмаларимиз ва ҳис-туйғуларимиз жисмоний касалликларимизни келтириб чиқариши илмий жиҳатдан исботланган.

Шундай қилиб, сизнинг касалликларингиз нимадан далолат беради?

Бош
Агар бошингиз тез-тез оғриб турса, бу фикрлар, хабарлар ва ўй-хаёлларингиз «оғриши»ни билдиради. Бош оғириғи ўз ҳиссиётларини кўрсатмайдиган юқори ақл соҳибларида кўп кузатилади. Бу муаммо кўпинча ўзини етарлича баҳоламаслик ва қўрқувдан далолат беради.

Сочлар
Соч билан боғлиқ муаммолар (эрта оқариши, соч тўкилиши, уларнинг синувчанлиги) – стресс, чорасизлик ва ноумидлик индикаторларидир. Сочлар, айниқса аёлларда – ҳаётий энергия рамзи ҳисобланади. Инсон бирор нимадан қўрқиб, умидини узса ёки қаттиқ тушкунликка берилса, соч билан боғлиқ муаммолар юзага келади. Шу боис – ўзингизга ва Оллоҳнинг марҳаматига ишонинг.

Бўйин
Бўйин онгни (бошни) ҳиссиётлар (тана) билан бирлаштиради. Бўйиндаги муаммолар сизнинг на онгда ва на танада мувозанатни сақлай олмаганингиздан далолат беради. Буни метафизик даражада маънавият ва моддият ўртасидаги кўприк сифатида қабул қилиш керак. Бўйиндаги муаммолар инсоннинг мослашувчан эмаслигини англатади: инсон ҳақиқатга тик қараш учун бошини кўтаришга қўрқади, қийин вазият юзага келганда ҳал қилиш ўрнига уни инкор этади.

Кўзлар
Узоқни яхши кўрмаслик  узоқни кўра билмаслик, келажакдан қўрқиш ва кўз олдидагидан бошқа нарсаларга қарашни истамаслик.
Яқинни яхши кўрмаслик  бугунги кун билан яшашни билмаслик. Яқинни яхши кўрмайдиган кишилар бирор нима қилишдан аввал узоқ ўйлашади, улар вазиятни тўлалигича кўра олишмайди.
Дальтонизм  кўзлар рангларни қабул қилмайди, ҳамма нарса рангсиз кўринади. Бу инсоннинг ҳаётдаги хурсандчиликларни кўра билмаслигини билдиради.
Глаукома  «кўз девори». Инсон ўтмишидан азият чекиши, кечиришни истамаслигига ишора қилади.

Тишлар
Қарор қабул қила билмайдиган беқарор кишиларнинг тишлари оғрийди. Сиз учун бошқалар қарор қабул қилади, ўзингиз эса қўрқасиз, ҳаётий вазиятларни таҳлил қилишни билмайсиз.

Оғиз бўшлиғи
Оғиз бўшлиғи касалликлари, жумладан, стоматит кўнгилни ўртовчи оғриқлар, аламлар билан боғлиқ. Тилни тишлаб олиш кўп гапирмасликка ишора. Оғиз янги ғояларнинг қабул қилиниши билан боғлиқ. Ундаги барча муаммолар айнан шу соҳадаги камчиликлардан далолат беради.

Елка соҳаси
Елка ҳаётнинг таянч рамзи. Елкадаги муаммолар ҳаётда маънавий, руҳий қўллаб-қувватлашнинг йўқлигини англатади. Инсон ўзини севилмагандек ҳис қилади ёки ўз муҳаббатини яширишга мажбур. Агар у ҳаракатчанлигини йўқотса, у бошқаларга бўлган муҳаббатини фаолият орқали кўрсата олмайди.

Бел
Бел  бу зиддият, айбдорлик ҳисси. Буни ҳис қилувчиларнинг диққати айни вақтда ўтмишга қаратилган. Белнинг пастки қисми моддий фаровонлик, пуллар, ҳамкорлар, уй, болалар, иш, дипломлар ва ҳоказолар билан боғлиқ. Бу соҳадаги оғриқ инсоннинг бирор нимани қўлга киритиш истагида эканлиги, аммо бунга иқрор бўлишга журъатсизлик қилаётганини англатади. Бунинг натижасида ҳамма нарсани ўзи бажаришига тўғри келади ва барча айбни бел оғриғига ағдаради.

Ортиқча вазн
Агар инсон ортиқча вазнга эга бўлса, у ўз ички оламига назар солишига тўғри келади. Кўпинча тана ташқи таъсирлардан ҳимояланиш учун ўзида ортиқча ёғни ушлаб туради. Инсон жамият ва умуман ҳаёт олдида ўзини ҳимоясиз ҳис қилади. Болалик ёки ўсмирлик йилларида семизликдан азият чеккан кишилар кўпинча камситишлар ва ҳақоратларни бошдан кечиришган бўлишади.

Ошқозон
Шифокорлар гастрит касаллигининг безовталик ва асаб зўриқишлари асносида пайдо бўлишини тасдиқлашади. Ошқозондаги муаммолар ҳаёт йўлида аниқлик етишмаётганлиги, баъзан эса чорасизликдан далолат беради. Ошқозон яраси хўрланиш ҳисси, қўрқув ва ҳимоясизликка ишора қилади. Шунингдек бу касаллик «ташқарига чиқарилмайдиган» жаҳл туфайли ҳам пайдо бўлади.


Қайғурма.

Касал тузалади, мусибат кетади. Гуноҳ кечирилади, қарз тўланади, маҳбус озод бўлади. Келажак келади осий — тавба қилади. Фақир эса вақти келганда бой бўлади...

Қайғурма!
Ахир қора булут қандай тарқалганини, қоронғу тун ниҳоясига етганини, кучли шамол қандай тин олганини, бўрон қандай тўхтаганини кўрмадингми?!
Демак, оғир кунларнинг ортидан, кенглик ва яхши бир ҳаёт бордир!

Қайғурма!
Чунки қуюқ соя қуёш алангасини ўчиради. Тоза сув иссиқдаги ташналикни совутади. Иссиқ нон қаттиқ очликни тўйдиради. Бедор ҳолда изтироб чекиш ортида лаззатли ором бордир. Дард аламларини соғлик лаззати кеткизур. Бунинг учун сен бир оз сабр қилмоғинг ва бир лаҳза кутишинг даркор!

Шайх Оиз Ал-Қарний


Агар гуноҳлар ҳаётингизга таъсир қилмаётган бўлса, охиратингизга албатта таъсир қилади.

©konspektor

👉 @psixomotivatsiya каналини кузатиб боринг❗️


Ёнғоқ қурти ўзи сиғадиган тешик очиб, ёнғоқни ичига кириб нима бўлса ейди. Еган сари семиради ва тўяди. Ёнғоқ ичида хеч нарса қолмагандан сўнг, ташқарига чиқишга интилади. Тешик кичик бўлгани учун ташқарига чиқолмайди. Ундан ҳам ёмони ёнғоқнинг ичи қурий бошлайди, энди тешикни кенгайтиришни имкони қолмайди. Биргина чора озимоқ бўлади. Ёнғоқ ичида мажбур очликдан озиб, эски заиф холига қайтиб ташқарига чиқади. Қарасаки унинг учун мавсум тугаб ортда қуриган ёнғоқдан бошқа хеч нарса қолмаган бўлади.

Баъзи инсонларнинг яшаш тарзи худди ёнғоқ қурти кабидир. Мол-дунё дардида умрини бехуда нарсалар билан бекор қилиб ўтказиб юборади. Энди бўлди муносиб шаклда буюрилгандай яшай деганда умрининг сўнгги дамларини яшаётган бўлади.

👉 @psixomotivatsiya каналини кузатиб боринг❗️


Инсонларга муносабат

Иззат-икром, ҳадя ва тортиқ масалаларида одамларга олди-сотди, фойда-зарар миқёси билан муомала қилманг. Балки уларга олийжаноб муносабатда бўлинг. Биров сизга бермаса, сиз унга беринг, биров сизга бахиллик қилса, сиз унга фазл қилаверинг. Шунда улкан манфаат ва савобга эришасиз, гўзал мақтов қозонасиз, руҳан тетик, жисмонан соғлом ҳамда душман ёмонлигидан омонликда бўласиз.

Шайх Оиз Қарний ҳафизаҳуллоҳнинг "Қалб тубидан" китобидан

👉 @psixomotivatsiya каналини кузатиб боринг❗️


Тешик Халта

• Таҳорат қиласану, сувни исроф қиласан.
• Ҳижоб ўрайсану, атир сепиб оласан.
• Таҳажжуд намозига турасану, биродаринг билан аразлашасан.
• Рўза тутасану, ғийбат қиласан.
• Садақа берасану, миннат қиласан.

Кўзингни оч! Солиҳ амалларингни тешик халтага солма!

Шайх Муҳаммад Арифий

👉 @psixomotivatsiya каналини кузатиб боринг❗️


Бир куни вафот этасиз. Ўша кун оилангиздаги инсонлардан бошқа барча инсонлар учун оддий кундек кун бўлади. Одамлар ўз ташвишлари, ўйлари ва хаёллари билан яна яшашда давом этадилар.

Орадан бир ой ўтгач эса оилангиздагилар ҳам бунга кўникишади, сиз йўқлигингиз энди оддий ҳолга айланади, яна ҳамма ўз ишлари, ташвишлари билан кун кечира бошлайди.

Шунинг учун жамият мен ҳақимда нима ўйлайди, одамлар нима дейди, қўшнилар, қуда-анданинг олдида нима деган одам бўлдим деган гапларни унутинг. Ўз ҳаётингиз билан яшанг, ҳаётдан завқланиб яшанг.

Қолгани бекор.

konspektor

👉 @psixomotivatsiya каналини кузатиб боринг❗️


Муваффақиятли инсонларнинг ўзига хос 20 та хислати:

1. Бошқалар қила олмаган ишни, улар йўлини қидиришади шунчаки қўл силтаб кетишмайди;

2. Бошқалар омадсизлик деб билган нарсаларни, улар ҳаёт сабоқлари деб ҳисоблашади;

3. Улар аниқ ўйланган режаларни қабул қилишади;

4. Бошқалар омадни кутиб ўтирса, улар омадни ўзлари қидиришади;

5. Бошқалар каби уларда ҳам қўрқув бор. Лекин қўрқув уларни бошқаришига йўл қўйишмайди. Улар қўрқувни шунчаки хавотирланиш деб ҳисоблашади;

6. Улар шундай саволлар берадики, жавоби инсонни чуқур ўйлашга мажбур қилади;

7. Улар арз қилмайди – арз қилиш ортиқча куч сарфлаш деб ҳисоблашади;

8. Улар бошқаларга айб юклашмайди. Аксинча барча қилган ҳаракатлари ва уларнинг натижалари учун тўлиқ маъсулиятни ўз бўйнига олишади;

9. Уларда ғайритабий талант бўлмаслиги мумкин, лекин улар ҳар доим муоммони ҳал этиш учун максимал ечим топа оладилар. Улар ўзларидан кўпроқ нарсани талаб этишади;

10. Улар жуда банд, самарали ва пунктуал инсонлардир. Қаерда бўлмасин улар атрофдагиларнинг ўзларини худди ишлаётгандек тутиб вақт ўтказишаётганини муҳокама қилмасдан, чин дилдан берилиб ишлашади;

11. Улар ўз мақсадларига етишишда атрофига энг самарали таъсир кўрсатадиган бир фикрли инсонларни йиғишади;

12. Улар ўзларига "нега энди мен эмас" деган саволни беришади. Бу эса оқим бўйича сузмасликга ёрдам беради;

13. Бошқалар ўз ҳаётини четдан кузатаётган бир пайтда, улар ҳаётларини қандай бўлишини аниқ тасаввур қила оладилар ва шундай бўлишига ҳаракат қиладилар;

14. Улар тақлид қилмайдилар, балки ўз йўлларини кашф қиладилар;

15. Улар ўз ишларини ортга сурмайдилар, бундан кўринадики, улар ҳаётда бирор нарсани кутиб яшашмайди;

16. Улар бутун умр ўрганишда чарчамайдилар. Ҳар қандай ҳаётий тажриба улар учун дарсдир;

17. Улар оптимист одамлар, шу сабабли ҳар нарсани фойдали томонини кўра олишади;

18. Улар ўзларини қандай ҳис қилишларидан қатъи назар, қилишлари керак бўлган ишни қиладилар;

19. Улар молиявий, ҳиссий, касбий ва руҳий томонлардан таваккал қилишдан қўрқишмайди;

20. Улар муаммолардан қочишмайди, аксинча уларга тик қарашади.

👉 @psixomotivatsiya каналини кузатиб боринг❗️

20 ta oxirgi post ko‘rsatilgan.