Borlaringizga shukr! Bayram muborak bo'lsin! Faqat bayram kunlari emas, doimo yaqinlaringiz ardog'ida bo'lib yuringlar!
Ayollar
Sizlarsiz hayotw yo‘q, aziz ayollar,
Sizlar-ku bizlarga umr baxsh etgan.
Ta‘rifingiz o‘ylab, surib xayollar
Sizlar-da har onni farahbaxsh etgan!
Siz Ona, siz Ustoz, sizlar-da dilband
Buvijon, Momo yo Xola, Amma siz.
Yuzingizda kulgu, tog‘lardan baland
Toleni ko‘raylik doim hammamiz!
Opa ham Singilsiz, yoki Sinfdosh
Eng yaqin insonlarsiz, o‘zdan so‘rsak.
Birga davron surgan Kursdosh, sirdosh,
Biz xursand, sizlarni baxtiyor ko‘rsak!
Qovurg‘amizdansiz - bizga juft-halol,
Suyukli Yor ham siz, albat o‘zingiz.
Havoyi so‘z emas, kelmasin malol
Jiyan ham sizlar-ku, Farzand o‘zingiz!
Borliq ham ayolsiz yo‘qlikka mahkum,
Sizlarsiz tiriklik xatar ostida
Tasavvur etolmam, fikr ham mavhum,
Sizsiz hayot go‘yo bir jar ustida!
Musaffo osmondek bag‘ringiz kengdir,
Buloq suv misoli toza yuraklar.
Butun asrga bir oningiz tengdir,
Alla ila qalbga singgan tilaklar!
Bizlar butun umr ulug‘lab yashab,
Yetmishingizda ham chehrada chiroy
Quyosh nur taratsin quvonchdan yashnab
Uyatdan qizarsin qoshingizda oy!
Qadrli Ayollar va Qizlarjonlar,
Sizlarni sevamiz bizlar bir umr!
Dillarga ko‘zmunchoq, qalbga marjonlar,
Shu kunga yetkazgan O‘ziga shukr!
Tabrigim sizlarga yetkazdi chog‘i,
Erkak, Yigit dilda saqlagan so‘zlar.
Qaynasin hayotning mehrigiyohi,
Ko‘raylik olovdan porlagan ko‘zlar!
2024
@faqat_ijod
