POSITIVE ENGLISH TEACHER

QACHON DARS QILISH KERAK?

Ushbu postim kunning qaysi qismida dars qilish degan savolga emas, balki qaysi kundan boshlab dars qilish kerak degan savolga javob beradi.
Siz bu postni o'qiyotgan bo'lsangiz, unda siz yoki kursga/maktabga qatnaysiz yoki o'qituvchisiz. Masalan deylik, seshanba kuni kursingiz soat 6 da tugadi. Siz o'sha seshanba kuniyoq dars tayyorlashni boshlaysizmi? Agar javobingiz ha bo'lsa, demak siz muvaffaqiyatga qarab boryapsiz. Agar javobingiz "Yo'q, men chorshanbadan boshlayman" bo'lsa unda xato qilmoqdasiz.

Kurs yoki maktab vazifasini u berilgan kunidayoq bajarishni boshlash kerak. Sabablari:

1. Ko'proq narsaga ulgurasiz. Aslida seshanba kuni soat 7 da uyga kelsangiz, ovqatlanib dam olganingizdan keyin ham kamida 2-3 soat dars tayyorlashga vaqtingiz bo'ladi. Bu vaqtda ancha narsa qilsa bo'ladi. Lekin siz chorshanba kuni dars tayyorlashni boshlasangiz vazifalaringiz hammasi yig'ilib keladi va ulgurmasligingiz ehtimoli baland bo'ladi.

2. Agar uyga vazifalaringizni seshanba kunining o'zida boshlasangiz, ustozingiz bergan ko'rsatmalar, darsda o'tilgan mavzu yodingizda turgan bo'ladi va bu mavzuni yanada sifatli o'rganishingizga imkon beradi. Agar ertasi kuni vazifa qilishni boshlasangiz, hech narsa esingizda qolmaganini sezasiz...

3. Seshanba kunida dars tayyorlashni boshlasangiz stress, xavotir, sarosima kabi salbiy hislardan holi boʻlasiz. Bu hammamizda boʻlgan, tan olishimiz kerak. Men manashunaqa stress, sarosima va xavotirdan qoʻrqqanim uchun ham abituriyentligimda doim har kuni dars qilar edim. Kursim bo'ladigan kundan bir kun oldin emas. Seshanba kuni berilgan uyga vazifani seshanba kuniyoq avtobusda hayolimda bajarishni boshlar edim.

Sizga ham uyga vazifalarni kechiktirmasdan bajarishni tavsiya qilaman, shunda vaqtingiz samarali bo'ladi, uyga vazifangiz sifatli bo'ladi va o'zingiz ham ancha xotirjam boʻlib yurasiz.

Bugun faqat kitob yozdim va uyqu kelishi vaqti cho'zilgandek go'yo. Xayrli tun

Uxlab qolganim yo'q😁chellenjni boshladim!

Faqat kitobning yangi sahifalarini yozdim va shuni yana tushundimki dars qilishdan oldin albatta aniq reja tuzib olish kerak ekan!

Chellenjning yangi kunini boshladim! 00.00 da hisobot bilan qaytaman!

Bugungi chellenjim boshlandi. Ancha tetikman. Vaqtimni taqsimladim. Qorin nim to'q. Musiqa eshitmayman. Qaqshatqich dars qilaman. Telegram 3.5 soatga butunlay off.

Bugun Xudo xohlasa qaqshatqich dars tayyorlayman!

Chellenj hisoboti:
1. Kitob mutolaa (15 bet)
Kitob yozish (1.5 bet)
O'quvchilarning writinglarini tekshirish

2. - kun ×

3. - kun ×

4 - kun. Kitob o'qish (25 bet)
Kitob yozish (2 bet)
Part 3 savollariga javob aytish

5 - kun. Bitta ingliz tilidagi maqolani oʻqib tugatdim;
Yangi kitobim ustida ishladim
O'quvchilarimning yozma ishlarini tekshirdim.

6 -kun . ×

7- kun. Asosan kitob yozdim. Garchi 2 bet kitobni yozish 2 soat vaqt olgan bo'lsada, bu menga koʻp yillar xizmat qiladi degan umiddaman.

8-kun. 40 bet kitob mutolaasi. Yangi yozilayotgan grammatika kitob ustida ishlandi. Bitta maqola o'qildi.

9- kun. 100 bet kitob o'qidim.

10-kun. 50 bet kitob oʻqidim.

NEGA DADAM O'ZGARIB QOLGANLAR!

Men 2-4 yosh bo'lganimda erkalab, ko'tarib yurgan dadam nega men 14 yoshga kirganimda bunchalik o'zgarib qolganlar.
Men gapirishni boshlab tilim ancha burro bo'lganida meni tinimsiz o'yinchoq va sovg'alar bilan siylagan dadam nega men 14 yoshga kirganimda bunchalik o'zgarib qoldilar?
Men maktabga birinchi borgan kunimda eng chiroyli kiyimlarni olib bergan dadam nega men 14 yoshga kirganimda har bir qilgan yaxshiliklarini yuzimga solib "Seni odam bo'lsin deb ishlayapman" deb urushaveradilar?...

14 yoshli ukam! Insonlarda shunday bir xususiyat bor: o'zlari yaxshi ko'radigan qadrli kishilari agar ular kutgan mehrni yoki natijani bermasa ularga keskin munosabat qilishadi. Achchiq gaplar aytishadi, yoki hatto ba'zida urishadi ham. Masalan, er o'zi yaxshi ko'radiga ayoli unga ba'zida itoat etmasa uni o'lguday yomon ko'rib ketadi va unda ziyon yetkizgisi keladi. LEKIN BU HOLAT VAQTINCHALIK!

Sening dadang ham aslida shunday ruhiy holatdalar. To'g'ri dadang senga yosh bola bo'lganingda chiroyli muomala qilgandirlar. Lekin endi sen bola emassan, yigitsan. Va sen kabi 14 yoshli yigitlar orasida ajoyib natijalar qilib dadasining ishonchini oqlaganlari juda ko'p. Shunchaki, sening dadang ham sendan qandaydir natija qilishingni kutyaptilar. Lekin sendan esa hali darak yo'q.

14 yoshli ukam, sen dadangni tushun! Sen 5 yoshda bo'lganingda dadang 30 da edi. Sen 14 ga kirganingda dadang 40 yosh atrofida bo'ladilar. 25 yoshdagi kuch o'z o'rnini zaiflikka, xushmuomala esa o'z o'rnini asabiylikka almashishni boshlaydi. 40 yoshga kirgan dadang oldingi kuchini yo'qotishni boshlagan paytda ertaga oilani kim boqadi degan qo'rquv uni chulg'ab ola boshlaydi. Dadangni tushun! Dadang 40 yoshida oilani boqish uchun haqiqatan ham azob chekayotgan bo'lishi mumkin; kimdandir gap eshitayotgan bo'lishi mumkin; dadang bir oyda 5 million so'm topayotganida uning qaysidir do'sti osongina 15 milion topayotgandir.

14 yoshli ukam, sen dadangni tushun, uyning oldiga borib kelajak uchun qo'ygan rejalaringni ayt. Dadang sening ichingda ham g'ayrat borligini ko'rsinlar. Qandaydir natija qilish uchun bor kuchingni ber. Qandaydir kursga borib sertifikat ol, yoki hunar o'rganib daromadingni dadanga olib kelib ber. Meni aytdi deysan, dadang xuddi bolaligingdagi dadanga aylanib qoladilar.

14 yoshli ukam! Birinchi marta Ingliz tilidan sertifikat olganimda rahmatli dadam ikki yuzimdan o'pib tabriklagan edilar. O'shandan keyin dadam menga boshqacha mehr va e'tibor bilan qarashni boshlagandilar.

Sening bir kungina Toshkentga kelgan ustozing:
😂