Farg'ona shahridagi Prezident maktabi/ Presidential school in Fergana!

#Tabrik

Muhtaram ustoz va murabbiylar!
Aziz oʻquvchilar!

Barchangizni kirib kelayotgan 2025-yil bilan chin qalbimdan samimiy qutlayman!

Ortda qolayotgan 2024-yilda bir jamoa, bir oila boʻlib, Davlatimiz rahbari tomonidan maktabgacha va maktab ta’limi rivojiga qaratilgan yuksak e’tibor natijasida ulkan marralarga erishdik.

Boshlanajak yangi yilda yangi marralar, yangi yutuqlar, yangi muvaffaqiyatlar kutib turgani shubhasiz.

Farzandlarimiz taʼlim-tarbiyasi, kelajagi yoʻlidagi sharafli va oʻta masʼuliyatli vazifamizdan bir zum ham ogʻishmay oʻquvchilarimizning sifatli taʼlim olishi uchun qoʻlimizdan kelgan barcha imkoniyatlarimizni ishga solamiz.

Ishonamanki, sizdek masʼuliyatli jamoa bilan hamjihatlikda yelkama-yelka turib, g‘ayrat-shijoat koʻrsatib, 2025-yil yakunlari boʻyicha ham jonajon xalqimiz va hurmatli Prezidentimiz oldida yuzimiz yorugʻ boʻladi.

Siz azizlarni yangi yil bilan yana bir bor tabriklab, hamma istak va tilaklaringiz, orzu va umidlaringiz amalga oshsin, kutganingizdan ortigʻi, oʻylaganingizdan aʼlosi, istaganingizdan ziyodasi nasib qilsin deyman.

Yangi yil xonadoningizga fayz-u baraka, sihat-salomatlik, baxt va saodat, ulkan yutuqlar va yuksak zafarlar olib kelsin!

Alisher Ubbiyev,
Ixtisoslashtirilgan taʼlim muassasalari agentligi direktori

#Tabrik

🤩 Ixtisoslashtirilgan ta’lim muassasalari agentligi barcha yurtdoshlarimizni kirib kelayotgan 2025-yil bilan muborakbod etadi!

Yangi yilda yangi zafarlar, yangi marralar, ulkan muvaffaqiyatlar yor bo‘lsin!

Yangi yil barchaga sihat-salomatlik, tinchlik-xotirjamlik, baxt va saodat olib kelsin!

Telegram | Facebook | Instagram | YouTube

Bayram tuhfalari: Farg‘oְna shahrida yana ikki maktabning qo‘shimcha yangi binolari foydalanishga topshirildi

✅ Yangi yil bayrami arafasida Farg‘ona shahridagi 14-maktab qayta ta’mirlanib, 540 o‘rinli zamonaviy binosi foydalanishga topshirildi.

Tantanali ochilish marosimida mas’ullar, ota-onalar vakillari, mahalla faollari va maktabning o‘quvchi va pedagogik jamoasi qatnashdilar.

📍 Shuningdek, kuni kecha Farg‘ona shahridagi 42-maktab qo‘shimcha o‘quv binosining ochilish tadbiri bo‘lib o‘tdi.

Mazkur yangi bino 915 o‘rinli bo‘lib, barcha qulayliklarga ega holda barpo etilgan.

Farg‘ona viloyati Maktabgacha va maktab ta'limi boshqarmasi Axborot xizmati

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#yil_sarhisobi
#dekabr_2024

⚡️2024-YIL DEKABR OYIDA AGENTLIK HAYOTIDAGI MUHIM VOQEA-HODISALAR DAYJESTI

✅1-dekabr – Qoraqalpoq tiliga davlat tili maqomi berilgan kun

✅Koreys tilini amaliy oʻrganish boʻyicha onlayn dars tashkil qilindi.

✅Maktablarimiz "korrupsiyaga qarshi kurashish oyligi"da faol qatnashdi.

✅Kembrij sinfida birinchi qo‘ng‘iroq chalindi.

✅Agentligi direktori Alisher Ubbiyev boshchiligidagi delegatsiya Germaniya Federativ Respublikasida tashrif buyurdi.

✅Ishchi guruh: STEM fanlarini oʻqitishda metodik yordam berilmoqda.

✅Agentlik delegatsiyasi Germaniyaning ITZ Interdistsiplinar oʻsimtalar markazida boʻldi.

✅Oʻquvchi-sportchilarimiz umumjamoa hisobida birinchi oʻrinni egalladi.

✅Umumta’lim maktablariga metodik koʻmak berilmoqda.

✅3-dekabr – Xalqaro nogironlar kuni munosabati bilan tadbir.

✅Agentlik delegatsiyasi Germaniyaning Bad Krozingen kardiologiya markazi faoliyati bilan tanishdi.

✅Abdulla Qodiriy nomidagi ijod maktabida "OITS kasalligi XXI asr vabosi" mavzusiga bagʻishlangan davra suhbati oʻtkazildi.

✅Kasbiy rivojlanishga qaratilgan seminar-trening.

✅Noyob oʻsimliklarni kashf etgan olimdan mahorat darsi.

✅Yadro energetikasi mavzusida qiziqarli muloqot.

✅"Hayo - xaloskordir" nomli koʻrik-tanlovi tashkil etildi.

✅Prezident maktabida harbiy prokuror bilan uchrashuv o’tkazildi.

✅Ekofaol oʻquvchilar uchun trening o’tkazildi.

✅Oʻzbekiston Qahramoni Shavkat Ayupov ishtirokida davra suhbati oʻtkazildi.

✅Qishloq xo‘jaligi vaziri, OʻzFA akademigi Ibrohim Abdurahmonov bilan uchrashuv boʻlib oʻtdi.

✅“Oʻzbekiston yosh iqtisodchilari hamjamiyati” xakatoni boshlandi.

✅Sergeli tuman ixtisoslashtirilgan maktabning oʻquvchilari Oliy Majlis Qonunchilik palatasi bilan tanishdi.

✅Jizzax viloyati prokurori B.Ibroximov ishtirokida uchrashuv bo’lib o’tdi.

✅“Yangi O‘zbekiston” universitetida amalga oshirilayotgan ishlar, natija va kelgusidagi rejalar mavzusidagi matbuot anjumani bo’lib o’tdi.

✅Maktablarimiz “Yong‘in xavfsizligi oyligi”da faol qatnashdi.

✅O‘zbekiston Qahramonidan mahorat darsi.

✅Prezident va ijod maktablari faoliyat samaradorligi tahlil qilindi.

✅Agentlikning Surxondaryodagi maktablar faoliyati o’rganildi.

✅Xitoy xalqaro maktabi vakillari bilan uchrashuv bo’lib o’tdi.

✅Agentlikning Farg’onadagi maktablar faoliyati o’rganildi.

✅Talabalarimiz 100 ming AQSh dollari miqdoridagi pul mukofoti bilan taqdirlandi.

✅Qizlar olimpiadasining hududiy bosqichi bo’lib o’tdi.

✅O’quvchimiz 50 ming AQSh dollari miqdoridagi pul bilan taqdirlandi.

✅Sarhisob: Bahodir Jalolov nomidagi boksga ixtisoslashtirilgan sport maktabi.

✅Sarhisob: Oksana Chusovitina nomidagi gimnastikaga ixtisoslashtirilgan sport maktabi.

✅Oʻquvchimiz IELTSdan 8 ballik natija koʻrsatdi.

✅Oʻquvchimiz respublika insholar tanlovida gʻolib boʻldi.

✅Ixtisoslashtirilgan maktablar faoliyat samaradorligi tahlil qilindi.

✅Prezident maktablari oʻqituvchilari xalqaro toifaga ega bo‘lmoqda.

✅Prezident maktablari xalqaro maktablar kengashi akkreditatsiyasidan muvaffaqiyatli oʻtdi.

✅Yosh gimnastikachilarimiz ilk sport razryadlariga ega boʻldi.

✅Oʻquvchimiz SAT imtihonida rekord natija koʻrsatdi.

Telegram | Facebook | Instagram | YouTube

#yil_sarhisobi
#oktabr_2024

⚡️2024-YIL OKTABR OYIDA AGENTLIK HAYOTIDAGI MUHIM VOQEA-HODISALAR DAYJESTI

✅Agentlik direktori Alisher Ubbiyev Sirdaryo viloyatidagi maktablarda oʻrganish olib bordi.

✅Qoraqalpogʻiston Respublikasi, Sirdaryo , Fargʻona, Andijon, Namangan, Jizzax, Samarqand, Xorazm, Buxoro, Navoiy, Surxondaryo, Qashqadaryo viloyatlarida joylashgan Prezident, ijod hamda ixtisoslashtirilgan maktab oʻquvchilariga “Vatan tayanchi” koʻkrak nishoni va guvohnomalari topshirildi.

✅"Ixtirochilikka qadam" Respublika tanlovi eʼlon qilindi.

✅Agentlik direktori Alisher Ubbiyev Turkiya Respublikasi Prezidenti administratsiyasi vakillari bilan uchrashdi.

✅Namangan shahridagi Prezident maktabi, Jizzax shahar 2-son ixtisoslashtirilgan maktabi hamda Beruniy, Shayxontohur tuman ixtisoslashtirilgan maktablarida O‘zFA akademiklari ishtirokida mahorat darslari tashkil etildi.

✅Oʻzbekiston Respublikasi Milliy gvardiyasi rahbariyati bilan yoshlarni vatanparvarlik ruhida tarbiyalash boʻyicha hamkorlik loyihalari kelishib olindi.

✅Oʻzbekiston Respublikasi Mudofaa vazirligi rahbariyati Halima Xudoyberdiyeva nomidagi ijod maktabi faoliyati bilan yaqindan tanishdi.

✅Erkin Vohidov nomidagi ijod maktabida Fargʻona viloyati hokimi Xayrullo Bozorov bilan muloqot tashkil etildi.

✅Agentlik huzuridagi Pedagogik mahorat va xalqaro baholash ilmiy-amaliy markazi mutaxassislari Buyuk Britaniyada malaka oshirdi.

✅Oʻzbekiston Respublikasi Qurolli Kuchlari Sharqiy harbiy okrug qo‘shinlari qo‘mondoni bilan uchrashuv tashkil qilindi.

✅ “Zakovat” turnirining respublika bosqichi oʻtkazildi.

✅Nobel mukofoti sovrindori Jan Tirolning maxsus ma’ruzasi tashkil etildi.

✅Oʻquvchimiz toʻliq grant asosida Turkiyadagi nufuzli universiteti talabasi boʻldi.

✅Xalifa universiteti Prezidenti Ibrahim Al-Hajri Toshkent shahridagi Prezident maktabi faoliyati bilan yaqindan tanishdi.

✅Massachusets texnologiyalari instituti professori bilan muloqot boʻlib oʻtdi.

✅Mirzo Ulugʻbek nomidagi ixtisoslashtirilgan maktabining oʻquvchisi IELTSdan 8 ballni qo‘lga kiritdi.

 ✅“Xalqaro STEAM Ozarbayjon" festivalida oʻquvchilarimiz gʻolib va sovrindorlar safidan joy oldi.

✅Agentlik ishchi guruhi tomonidan Qashqadaryo viloyatidagi maktablar faoliyati oʻrganildi.

✅Agentlik delegatsiyasi Koreya Respublikasida boʻlib, tegishli yoʻnalishlarda tajriba almashdi.

 Telegram | Facebook | Instagram | YouTube

#yil_sarhisobi
#sentabr_2024

⚡️2024-YIL SENTABR OYIDA AGENTLIK HAYOTIDAGI MUHIM VOQEA-HODISALAR DAYJESTI

✅Prezident , ijod hamda ixtisoslashtirilgan maktablarda 2024/2025-oʻquv yili boshlanishi munosabati bilan "Bir bo‘lsak – yagona xalqmiz, birlashsak – Vatanmiz!" shiori ostida bayram tadbirlari tashkil etildi.

✅Muhammad al-Xorazmiy nomidagi ixtisoslashtirilgan maktabining Nukus filiali, Pop tuman ixtisoslashtirilgan maktabi, Oqdaryo tuman 2-son ixtisoslashtirilgan maktab-internati oʻz faoliyati boshladi.

✅Bahodir Jalolov nomidagi boksga ixtisoslashtirilgan sport maktabi hamda Oksana Chusovitina nomidagi gimnastikaga ixtisoslashtirilgan sport maktabi uchun o‘tkazilgan kirish imtihonlari natijalari e’lon qilindi.

✅Bahodir Jalolov nomidagi boksga ixtisoslashtirilgan sport maktabi, Oksana Chusovitina nomidagi gimnastikaga ixtisoslashtirilgan sport maktabida yangi oʻquv yili boshlandi.

✅Kembrij universitetining Yevropa va Oʻrta Osiyodagi taʼlim islohotlari boʻyicha rahbari Steve King Nukus shahridagi 1-son ixtisoslashtirilgan maktab-internatida boʻlib, ta'lim maskanida oʻquvchilarga yaratilgan sharoitlar bilan yaqindan tanishdi.

✅Boks boʻyichaOsiyo chempionatida Sportchi-oʻquvchilarimiz sovrindor boʻldi.

✅36-Xalqaro Informatika Olimpiadasida Navoiy shahar 1-son ixtisoslashtirilgan maktab-internati bitiruvchisi, "Yangi Oʻzbekiston" universiteti talabasi Mardon Hazratov bronza medalini qoʻlga kiritdi.

✅Fargʻona shahridagi Prezident maktabi, Namangan shahar 1-son ixtisoslashtirilgan maktabi oʻquvchilari IELTS imtihonidan 8,5 ballga ega boʻldi.

✅ “Xon atlas” festivali doirasida Agentligimiz tizimidagi taʼlim muassasalarida maʼnaviy-maʻrifiy tadbirlar, koʻrgazmalar, modalar namoyishi, chellenjlar tashkil etildi.

✅Xiva, Nukus, Qarshi shahridagi Prezident maktabi oʻquvchilari SAT imtihonida yuqori natija koʻrsatdi.

✅Agentlik direktori Alisher Ubbiyev "Yangi Oʻzbekiston" universiteti talabalar turar joyida yaratilgan shart-sharoitlar bilan yaqindan tanishib, talabalar bilan muloqot qildi.

✅“Yangi Oʻzbekiston” universitetida tayanch doktorantura va doktorantura ixtisosliklari tashkil etildi.

✅Fargʻona shahridagi Prezident maktabi tomonidan Soʻx tumanidagi 3-IDUMda taʼlim jarayonlarini yangicha baholash tizimi boʻyicha oʻquv-seminari oʻtkazildi.

✅Namangan shahridagi Prezident maktabi hamda Sharqiy harbiy okrug qoʻshinlari bilan hamkorlikda oʻquvchi-yoshlar ishtirokida “Harbiy qismda bir kun” loyihasi amalga oshirildi.

✅“Zakovat” intellektual turnirining hududiy bosqichi boʻlib oʻtdi.

✅3-Xalqaro ochiq astronomiya olimpiadasida oʻquvchilarimiz gʻolib va sovrindor boʻldi.

✅Andijon, Fargʻona, Namangan viloyatlaridagi ixtisoslashtirilgan maktablar ChQBT fani oʻqituvchilari oʻquv-uslubiy yigʻinda qatnashdi.

✅Agentlik delegatsiyasi Letovo xalqaro maktabida tajriba almashinuv jarayonida qatnashdi.

✅“Vatan tayanchi” ko‘krak nishoni va guvohnomalarini tantanali topshirish marosimi oʻtkazildi.

✅"Yangi Oʻzbekiston" universitetida oliy taʼlim muassasalarining Talabalar kengashi prezidentlari uchrashuvi boʻlib oʻtdi.

✅Oʻzbekiston Respublikasi Mudofaa vazirining tarbiyaviy va mafkuraviy ishlar boʻyicha oʻrinbosari, general-mayor Hamdam Qarshiyev bilan muloqot tashkil etildi.

 Telegram | Facebook | Instagram | YouTube

Bugun Prezidentimiz Yangi Toshkent shahrida ilk inshootlar qurilishini borib koʻrdi.

Shaharda Toshkent davlat pedagogika universiteti hamda “Yangi Oʻzbekiston” universiteti uchun zamonaviy majmualar ham bunyod etilmoqda. Prezidentimiz ularning qurilish jarayonini koʻzdan kechirdi.

Hozirgi kunda Toshkent davlat pedagogika universitetining yettita fakulteti tarqoq joylashgan. Binolarning aksariyati eskirgan.

Shu bois universitet uchun qirq gektarlik maydonda 20 ming talabaga moʻljallangan oʻquv binolari quriladi. Shuningdek, 5 ming oʻrinli yotoqxona, 300 oʻrinli bogʻcha, 616 oʻrinli maktab, 588 oʻrinli akademik litsey, sport va madaniyat saroylari, amfiteatr va boshqa inshootlarni oʻz ichiga oladi. Bir soʻz bilan aytganda, yuqori reytingli xorijiy oliygohlar tajribasi asosida “bogʻcha – maktab – universitet” yaxlitligidagi innovatsion pedagogik klaster tashkil etiladi.

Majmuada pedagog va talabalar uchun eng zamonaviy qulayliklar hozirlanadi. Darslar bir smenaga oʻtkazilishi, dual taʼlim yoʻlga qoʻyilishi evaziga oʻqish va amaliyot sifatida oʻsish boʻladi.

Davlatimiz rahbari tashabbusi bilan tashkil etilgan “Yangi Oʻzbekiston” universiteti oliy taʼlim tizimida yangi daraja boʻldi. Uning oʻquv dasturlari dunyo reytingida yuqori oʻrinda turuvchi universitetlar professor-oʻqituvchilarini jalb qilgan holda, Germaniya standartlari asosida ishlab chiqilgan.

Bu yerda oʻqish istagida boʻlgan yoshlar soni yildan yilga ortmoqda. Bugungi kunda muassasada ming nafardan ortiq talaba taʼlim olmoqda.

Universitet uchun yangi majmua qurilishi uch bosqichda olib boriladi. Dastlab oʻquv obyektlari va rektorat binosi bunyod etilishi koʻzda tutilgan.

Yakunda oʻn ming nafar talabani qamrab oladigan beshta fakultet, bir vaqtning oʻzida sakkiz ming nafar talabaga xizmat koʻrsatadigan rektorat binosi qad koʻtaradi. Kutubxona, muzey, koʻrgazma zali, multimedia xonasi, sport majmuasi, suzish havzasi tashkil etiladi.

Shuningdek, oʻqituvchilar uchun 286 oʻrinli turar joy, talabalar uchun 2 ming oʻrinli yotoqxona qurilishi rejalashtirilgan.
Davlatimiz rahbari bu majmualarning kelgusidagi ahamiyatiga toʻxtalib, oʻquv jarayonini oqilona tashkil etish muhimligini taʼkidladi.

- Bu maʼrifat maskanlari - yoshlarimizga investitsiya. Ulardagi yoʻnalishlar, dasturlar, taʼlim sifati va kasblarda Yangi Oʻzbekistonimizdagi marralar mujassam boʻlishi kerak. Bugun bilim olayotgan yoshlar kelajakda mamlakatimizni oldinga boshlaydigan, muammolarni hal etadigan “kalit”, - dedi Prezident.

@hilola_umarova

#yil_sarhisobi
#avgust_2024

⚡️2024-YIL AVGUST OYIDA AGENTLIK HAYOTIDAGI MUHIM VOQEA-HODISALAR DAYJESTI

✅Boksga va gimnastikaga ixtisoslashtirilgan sport maktablarining qabul kvotasi tasdiqlandi.

✅Bahodir Jalolov va Oksana Chusovitina nomidagi ixtisoslashtirilgan sport maktablariga 2024/2025-oʻquv yili uchun hujjatlar qabuli amalga oshirildi.

✅Agentlik tizimidagi maktablarda 2024/2025-oʻquv yiliga tayyorgarlik masalalari muhokama qilindi.

✅Barcha Prezident maktablariga oʻquvchilar boʻsh oʻrinlari uchun kirish imtihonlari oʻtkazildi.

✅"Raqamli avlod qizlari-2024" loyihasi doirasida mahalliy va xorijlik o‘quvchi qizlarning axborot texnologiyalari bo‘yicha bilimlari oshirildi.

✅Manfaatlar toʻqnashuvi va korrupsiyaga qarshi kurash targʻibotiga bagʻishlangan onlayn muloqot tashkil etildi.

✅“Renessans” sogʻlomlashtirish oromgohida oʻquv mashgʻulotlari oʻtkazildi.

✅“Tabiiy fanlar ta’limi” festivali tashkil etildi.

✅Oʻquvchilarimiz 19-Xalqaro standartlar olimpiadasida ilk bor qatnashib, oltin va kumush medallariga sazovor boʻldi.

✅"Kasbiy rivojlanish: tahlil, maqsad, natija" mavzusida Respublika oʻquv-treningi oʻtkazildi.

✅"Yangi O‘zbekiston" universitetida vakillik nazariyasi boʻyicha birinchi xalqaro konferensiya boʻlib oʻtdi.

✅Prezident maktablarining 2-bosqich imtihon natijalari e’lon qilindi.

✅"Ta’limda mukammallikka intilish" shiori ostida amaliy seminar-trening tashkil etildi.

✅Bahodir Jalolov va Oksana Chusovitina nomidagi ixtisoslashtirilgan sport maktablariga 2024/2025-oʻquv yili uchun kirish imtihonlari oʻtkazildi.

✅"Ma’naviyat fidoyisi" koʻkrak nishoni topshirildi.

 Telegram | Facebook | Instagram | YouTube

#yil_sarhisobi
#iyul_2024

⚡️2024-YIL IYUL OYIDA AGENTLIK HAYOTIDAGI MUHIM VOQEA-HODISALAR DAYJESTI

✅Agentlik tizimidagi “Yangi O‘zbekiston” universiteti hamda barcha maktablarga 2024/2025-oʻquv yili uchun kirish imtihonlari oʻtkazildi.

✅Agentlik direktori Alisher Ubbiyev Qoraqalpogʻiston Respublikasi, Navoiy viloyatida boʻlib, tizimdagi taʼlim muassasalarida yaqindan oʻrganish olib bordi.

✅Kembrij xalqaro taʼlim tashkiloti vakillari bilan uchrashuv boʻlib oʻtdi.

✅"Yangi Oʼzbekiston" universitetida ilk marotaba Iqtisodiyot va Matematika yozgi ilmiy maktablari oʻz faoliyatini boshladi.

✅Agentlik direktori Alisher Ubbiyev Nukus shahar 1-son ixtisoslashtirilgan maktabida sayyor qabul o‘tkazdi.

✅Oʻquvchilarimiz 65-Xalqaro matematika olimpiadasi, 54-Xalqaro fizika olimpiadasi, 56-Xalqaro kimyo olimpiadasi, Xalqaro iqtisodiyot olimpiadasi, Xalqaro matematika musobaqasi, “Ikkinchi Xalqaro matematika yozgi oromgohi-2024”da gʻolib va sovrindorlar safidan joy oldi.

✅Agentlik tizimidagi maktablarning fransuz tili oʻqituvchilarining bilim va malakalari oshirildi.

✅“Renessans” sog‘lomlashtirish oromgohida iqtidorli o‘quvchilar uchun kuchaytirilgan o‘quv-mashg‘ulotlari o‘tkazildi.

✅Muhammad al-Xorazmiy nomidagi ixtisoslashtirilgan maktabida “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturiga bagʻishlangan tadbir boʻlib oʻtdi.

✅Nukus shahridagi Prezident maktabi oʻquvchilari IELTSdan yuqori natija koʻrsatdi.

✅Ijod maktablari oʻquvchilarining ijod namunalari toʻplami nashr etildi.

✅"Yangi Oʻzbekiston" universiteti, Prezident (1-bosqich), ijod, tayanch, ixtisoslashtirilgan maktablarga kirish imtihonlari natijalari eʼlon qilindi.

✅Ijod maktablari 2024/2025-oʻquv yilida oliy taʼlim muassasalariga kirish imtihonlari natijalari boʻyicha kuchli oʻntalikka kirdi.

✅Prezident maktablari imtihonlarining ikkinchi bosqichi boʻlib oʻtdi.

Telegram | Facebook | Instagram | YouTube

#xalqaro_hamkorlik

HAMKORLIK MEMORANDUMI

Ixtisoslashtirilgan ta'lim muassasalari agentligi hamda Rossiya Federatsiyasining Letovo xalqaro maktabi oʻrtasida hamkorlik memorandumini imzolash marosimi boʻlib oʻtdi.

Mazkur memorandum doirasida:

– Agentlik tizimidagi maktablar hamda Letovo maktabi oʻrtasida oʻquvchilarga chuqur nazariy bilim, koʻnikma va malakalar berish hamda ularning kasbiy bilimlarini rivojlantirishga qaratilgan birgalikdagi faoliyatni amalga oshirish;

– taʼlim tizimining ustuvor yoʻnalishlari boʻyicha oʻquvchilar ishtirokida qoʻshma seminarlar, davra suhbatlari, uchrashuvlar, shuningdek olimpiadalar, tanlovlar va koʻrgazmalar tashkil etish;

– pedagog kadrlarning malakasini oshirish, oʻzaro almashish va oʻquv amaliyotini boyitish maqsadida qoʻshma oʻzaro amaliyotlar, konferensiyalar, mahorat darslari va boshqa tadbirlarni tashkil etish rejalashtirilgan.

Maʼlumot oʻrnida, joriy yilning sentyabr oyida Agentlik delegatsiyasi Letovo xalqaro maktabida boʻlib, taʼlim muassasasi faoliyatini yaqindan oʻrgangan edi.

Telegram | Facebook | Instagram | YouTube