O'qituvchilar uchun:

''Болалигимда ўқитувчига салбий
фикр билдирган ота-онани эслолмайман.Ҳозир эса афсуски, бунинг акси.Фарзанди паст баҳо олган ёки танбеҳ эшитган бўлса, ўқитувчи ёмон бўлиб қоляпти.Жамиятда ўқитувчининг обрўси ошса, бундай жамият бойдир.Агар ўқимаганнинг обрўси, даражаси ўқиганникидан
баланд бўлса, бу фожиамиз,,

Халқ Таълими Вазири :Шерзод Шерматов.

БУГУН ЗАМОН БОШҚАЧА.

Бугун замон ўзгариб кетган,
Ўзгаргандир кекса ёшгача,
Кўнгилларни кибр маҳф этган,
Устозларга меҳр бошқача.

Бугун ҳамма чопоғон юзга,
Инсонийлик оқсаган, толган,
,, Эти сизга суяги бизга''
Деган нақл тарихда қолган.

Ҳақиқат бу ёлғонмас, сирмас,
Бўшаб қолган кутибхоналар,
Фарзандини синфини билмас,
Афсус, баъзи ота -оналар.

Кундалик бўш бўлса майлига,
,, Уч''баҳога эътирозлар кўп,
Фарзандини қараб раъйига,
Устозини ёмонлайди хўп.

Телефонлар кирган русмга,
Ўқувчилар ҳамма сетларда,
Ўқитувчини олиб расмга,
Чиқармоқда ИНТЕРНЕТларда.

Йиғилишга келмайди бироқ,
Фарзандини койисангиз гар,
Дағдаға-ю, бўлиб, ур, тўқмоқ,
Келаяпти сочгани заҳар.

Қалбим аро йиғлайди бир оҳ,
Одамийлик боғи сўлдими,
Ота-она оппоқ,бегуноҳ,
Ўқитувчи қора бўлдими.

Бугун замон ўзгариб кетган
Инсонийлик оқсаган,толган,
,,Эти сизга суяги бизга''
Деган нақл орқада қолган.

Таърбияга маъсулдир ҳар ким,
Ҳафа бўлманг ёзган шеъримга,
Мен ҳам битта оддий муаллим,
Ва отаман фарзандларимга.

ХУРШИД КАРИМ
✅ https://t.me/joinchat/AAAAAEIJCsXstHHOG_sL1A

TARIXDavronbekuz / Davlat NUR'dan repost

Urmay qo'ydi o'qituvchi..

Yoshlar o'lik, kallasi bo'm-bo'sh,
O'qimaydi, ne qilamiz, xo'sh?
Erkalatdik, jilov ketti bo'sh,
Urmay qo'ydi o'qituvchi sizni,

Forma kiymas, qo'lda telefon,
Tushuntirib bo'lmas sira jo'n,
O'qituvchidan, o'quvchi ustun,
Urmay qo'ydi o'qituvchi sizni,

Koyib bersa ketasiz sapchib,
Shovqin suron bosh ketti achib,
Shantajchidan, gap so'zdan qochib,
Urmay qo'ydi o'qituvchi sizni,

O'lmagandik biz ham tayoqdan,
Holi edi maktab, sayoqdan,
Yashayapmiz mamnun hayotdan
Urmay qo'ydi o'qituvchi sizni,

Ota-ona boladan ayyor,
Payt poylaydi, turadi tayyor,
Yoqang olib yuladi, bezor,
Urmay qo'ydi o'qituvchi sizni,

Ortga boqing, tashlang bir nazar,
Keksa avlod, bilimli, azal,
Tinch yurganim yaxshi deb afzal,
Urmay qo'ydi o'qituvchi sizni,

Qattiqqo'llik eng zo'r tarbiya,
Qo'rqsa hurmat, pishadi miya,
Yozganlarim achchiq hajviya
Urmay qo'ydi sizni o'qituvchi,

Dersiz balki, tayoq ne darkor,
Urmasang ham o'qiganlar bor,
Yo'q-yo'q qarang, bilimsiz bisyor,
Urmay qo'ydi o'qituvchi sizni

Kelajak deb qildim bir xitob,
Ahir yoshlar ko'z tikkan oftob,
O'qimaydi o'quvchi kitob,
Urmay qo'ydi sizni o'qituvchi..

Muallif: Dilshod Nur. 19.01.2020.
https://t.me/joinchat/AAAAAEIJCsXstHHOG_sL1A

ШУКР қилинг...

... Бирор ёқимсиз сўзни айтишдан олдин умуман гапира олмайдиганларни ёдингга олинг...

... Таомдан ШИКОЯТ қилишдан олдин, ейишга бир тишлам нони йўқларни эсга олинг...

... Ўз турмуш ўртоғингизни бировга ёмонлашдан олдин Аллоҳга ўзининг ЁЛҒИЗЛИГИНИ айтаётганларни кўз олдингизга келтиринг...

... Фарзандларингиздан шикоят қилишдан олдин, тирноққа зор бўлган минглаб одамлар
борлигини эсланг...

... Ишингиз оғирлигидан нолишдан олдин, қанчадан-қанча одамларга сизникидек иши бўлиши ОРЗУ эканлигини ҳам билиб қўйинг...

...Бировни бармоғингиз билан кўрсатиб, унинг гуноҳларини санашдан олдин, ўзингизнинг ҳам ГУНОҲКОР БАНДА эканлигингиз ва бир кун Аллоҳ олдида жавоб беришингиз кўз олдингизда турсин...

... Дилингизни ғам-алам қамраб олса, ҳали тирик эканлигингиз учун Аллоҳга ШУКРОНА айтинг.
Ҳаёт-бу бебаҳо ҳадя.

@UCHNUQTA
✅ https://t.me/joinchat/AAAAAEIJCsXstHHOG_sL1A

#Қонунчиликдаги_янгиликлар

Президент Сенат аъзоларини тайинлади

“Ўзбекистон Республикаси Олий Мажлиси Сенати аъзоларини тайинлаш тўғрисида” Президент Фармони қабул қилинди.

Фармонга мувофиқ, Конституциянинг 77-моддаси ҳамда Сайлов кодексининг 75-моддасига асосан:

Аюпов Шавкат Абдуллаевич – Ўзбекистон Республикаси Фанлар академияси В.И.Романовский номидаги Математика институти директори

Баситханова Эльмира Иркиновна – Ўзбекистон Республикаси Бош вазирининг ўринбосари - Ўзбекистон Хотин-қизлар қўмитаси раиси

Рафиқов Кудратулла Мирсагатович – Ўзбекистон касаба уюшмалари Федерацияси Кенгаши раиси

Рахманкулов Мир-Акбар Ходжи-Акбарович – Ўзбекистон Республикаси Президенти ҳузуридаги Стратегик ва минтақалараро тадқиқотлар институти директорининг биринчи ўринбосари

Саидов Сирожиддин Салохович – Ўзбекистон Ёзувчилар уюшмаси раиси

Сайфуллаев Бахтиёр – Ўзбекистон Республикаси маданият вазири – Ўзбекистон давлат консерваторияси ректори

Санакулов Кувандик – “Навоий кон-металлургия комбинати” давлат корхонаси бош директори

Сафоев Содиқ Солихович – Ўзбекистон Республикаси Олий Мажлиси Сенати Раисининг биринчи ўринбосари

Саъдуллаев Алишер Зафар ўғли – Ўзбекистон Республикаси Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчисининг биринчи ўринбосари

Турдиев Содиқжон – Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси бошқаруви раиси

Ходжиматов Минхажидин Мирзажанович – Республика Маънавият ва маърифат маркази раҳбари

Худайбергенов Турсинхан Айдарович – Ўзбекистон Республикаси Президенти маслаҳатчиси

Юлдашев Бехзод Садикович – Ўзбекистон Республикаси Фанлар академияси президенти Ўзбекистон Республикаси Олий Мажлиси Сенати аъзолари этиб тайинланди.

@Huquqiy_Axborotuz
✅ https://t.me/joinchat/AAAAAEIJCsXstHHOG_sL1A

Эълон !!!
Хоразм вилояти халқ таълими ходимларини қайта тайёрлаш ва уларнинг малакасини ошириш ҳудудий марказида ,барча йўналишлар бўйича қайта тайёрлов курсига тингловчилардан ҳужжатлар қабул қилинмоқда.
"Ижтимоий-иқтисодий фанлар методикаси" кафедрасидаги "Тарих" курсига қуйидаги бакалавр мутахассислик дипломига эга фуқаролар мурожаат қилишлари мумкин:
➖Ҳуқуқ ;
➖МИҒ;
➖Географмя;
➖Фалсафа;
➖Диншунослик;
➖Журналистика;
➖Социология;
➖Архившунослик;
➖Музей иши ва тарихий ёдгорликлар;
➖Кутубхоначилик ва библиография.

Қуръон карим мўъжизаси

Қаришни кечиктириш учун илмий изланиш олиб борган 7 нафар япон олими Исломни қабул қилиб мусулмон бўлди. Нега мусулмон бўлганликларини қуйидагича баён қилдилар:
- “Олиб борилган илмий изланишларимиз натижасида, “табиий йўл” билан қаришни кечиктириш учун зайтун ва анжирдан фойдаланиш кераклигини аниқладик. Биз синаб кўрган бир нечта синовларда, 7 та зайтун, 1 та анжирдан тайёрланган кремларимиз ҳақиқатда қаришни кечиктирганига гувоҳ бўлдик. Қуръони Каримда ҳам зайтун билан анжирнинг ёшликка фойдаси борлиги ёзилган экан. Бундан ташқари, Қуръонда 7 марта зайтун, 1 марта анжир сўзи зикр қилинган экан.
Бу нарса тасодиф эмаслигини билиб Исломни танладик. Бизни бошқарётган яратувчи борлигини ҳис қилдик. Биз У борлиққа Аллоҳ, деймиз”.

✅ https://t.me/joinchat/AAAAAEIJCsXstHHOG_sL1A

НАМАНГАН ШАҲРИДАГИ 11-УМУМТАЪЛИМ МАКТАБИДА "ФАРОВОН ҲАЁТ - МУКАММАЛ ТАРБИЯДАН БОШЛАНАДИ" МАВЗУИДА МАЪНАВИЙ-МАЪРИФИЙ ТАДБИР ЎТКАЗИЛДИ

Келажагимиз эгаларини ҳар жиҳатдан комил, баркамол ва маънавиятли қилиб улғайтиришда катта ҳаёт тажрибаси ва ҳар жиҳатдан ибратга лойиқ, мазмунли фаолият йўлини босиб ўтган нуроний отахон-онахонларимизнинг, фахрийларнинг ўрни ва роли муҳим. Уларнинг ўгитлари жамият ҳаётида, ёшлар камолида доим муҳим аҳамият касб этиб келган.
1746 нафар ўғил-қизни ўз бағрига олган Наманган шаҳридаги 11-умумтаълим мактабида ана шундай жамият ҳаёти, эл-юрт фаровонлигида ибратли фаолият йўлини босиб ўтган нуронийлар билан тадбир ўтказилди.
“Фаровон ҳаёт - мукаммал тарбиядан бошланади” шиори остида ўтган маънавий-маърифий тадбирда одоб-ахлоқ, таълим-тарбия, инсоний фазилатлар билан боғлиқ долзарб масалалар кун тартибида бўлди.
Тадбирда иштирок этган Ўзбекистон Фахрийларини қўллаб-қувватлаш "Нуроний" жамғармаси вилоят Кенгаши раиси Икромхон Нажмиддинов, шунингдек барча шаҳар-туман раислари, қолаверса, вилоят маҳалла хайрия жамғармаси мутасаддилари, Наманган шаҳар ҳокимлиги вакиллари таълим масканидаги 10 - 11-синф ўқувчилари билан учрашув-мулоқотлар олиб бордилар.
Фахрийлар ва жамоатчилик вакиллари илм даргоҳида самарали фаолият олиб бораётган “Бувижонлар мактаби”, “Ранглар жилоси” тўгараклари ҳамда спортнинг турли йўналишларида фаолият олиб бораётган ўқувчилар билан яқиндан танишдилар. Қизғин савол-жавоблар билан ўтган учрашув ўқувчиларда катта таассурот қолдириш баробарида улар қалбидаги инсоний ва маънавий фазилатлар янада юксалишига хизмат қилди.

Наманган вилоят халқ таълими бошқармаси Ахборот хизмати
✅ https://t.me/joinchat/AAAAAEIJCsXstHHOG_sL1A

100.000 сум совгага!!!💰💰💰
+ Faberlic тушь

Барча мижозларимиз ва ☝️ЯНГИ АЬЗО БУЛАДИГАНЛАР ☝️ учун👍👍👍

Каталогимиздан 450.000 сумга буюртма беринг
🎁faberlic туши
🎁 --20% чегирма
🎁💯 минг сумга эга булинг.

Акция муддати чегараланган.

💰Sizlarni feberlic kompaniyasiga ishga taklif etamiz 💰
💵21kunda 24000sõmdan
5.000.000sõmgacha💵

💯A'ZO BÕLISH TEKIN💯
👩🏼‍💻online ish yuritamiz 👩🏼‍💻
⁉️A'ZO BÕLISH VA TÕLIQ MALUMOT OLISH UCHUN ⁉️

@faberlic_0707
@faberlic_0707

+998903510209
+998946299883

Ижтимоий тармоқда Тошкент вилояти, Зангиота туманидаги мактаб ўқитувчилари дарс ўрнига коммунал хизматлари учун қарздорлик йўқлиги ҳақида маълумот олаётганлари ҳақида хабар эълон қилинди.

Тошкент вилояти халқ таълими бошқармаси мазкур маълумотни ўрганиб чиқди. Мазкур топшириқ маҳаллий ҳокимият томонидан коммунал хизматлар учун юзага келган қарздорлик миқдорининг камайтириш учун берилган.
Шу билан бирга коммунал хизматлари учун қарздорлик йўқлиги ҳақида маълумотномалар ёки тўловларни дарс пайтида амалга ошириш бўйича топшириқ берилмаган. Ўқитувчилар учун дарс муқаддасдир.

Чоп этилган маълумотда электр энергияси ва газ учун пул тўланмаса ойлик маош берилмас экан, мазмунидаги иддаолар асоссиз. Ўқитувчилар ойлик маошларини ўз вақтида олмоқда.

Эслатиб ўтамиз, иш ҳақидан фақатгина ходимнинг ёзма аризасига асосан ушлаб қолиниши мумкин.

Иш ҳақи фақатгина қонунда кўрсатилган ҳоллардагина (солиқлар ундириш, суд қарорлари ва бошқа ҳужжатларни ижро этиш ва шу каби ҳолатлар) ходимнинг розилигисиз ушлаб қолиниши мумкин.

Бошқа ҳолларда (масалан, обуна, коммунал тўловлар ва ҳ.к) ходимнинг ёзма розилигисиз унинг иш ҳақидан ушлаб қолиш ноқонунийдир.

✅ https://t.me/joinchat/AAAAAEIJCsXstHHOG_sL1A

Навоий вилояти, Кармана туманидаги 3-мактабида 2020 йилнинг 15 январь куни тонгги соат 7-55 ларда ёнғин чиққанлиги ҳақидаги хабарлар юзасидан туман халқ таълими бўлими муносабати
15 январь куни тонгги соат 7-55 ларда Навоий вилояти, Кармана туманидаги 3-умумий ўрта таълим мактабига қарашли омборда электр токининг қисқа туташуви натижасида ёнғин юзага келган.
Кармана тумани халқ таълими бўлими ишчи гуруҳи мазкур ҳолатни ўрганди. Электр токининг қисқа туташуви натижасида юзага келган ёнғин туфайли мактабнинг 4-блок, 1-қаватида жойлашган 6 кв метрга тенг бўлган омборхона зарар кўрган.
Ишчи гуруҳ ёнғин мактабнинг ўқув блокига таъсир кўрсатмаганлигини аниқлади.
Мазкур ҳолат ўқувчиларнинг дарс жарaёнига таъсир этмаган. Дарсларга ҳалал бермаган ҳолда ёнғиндан зарар кўрган омборхона таъмирланди.

Кармана туман халқ таълими бўлими ахборот хизмати

✅ https://t.me/joinchat/AAAAAEIJCsXstHHOG_sL1A

DXX “Temurbeklar maktabi” uchun o‘qituvchilarni ishga taklif qilmoqda


O‘zbekiston Davlat xavfsizlik xizmati Qibray tumanidagi “Temurbeklar maktabi” harbiy-akademik litseyiga o‘qituvchilarni tanlov asosida ishga taklif qilmoqda. Bu haqda O‘zA xabar berdi.

Ma’lum qilinishicha, O‘zbekiston Prezidentining 2019-yil 28-iyundagi “O‘smirlarni harbiy-vatanparvarlik ruhida tarbiyalash hamda O‘zbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qo‘shimcha chora-tadbirlar to‘g‘risida”gi qaroriga muvofiq Davlat xavfsizlik xizmati tasarrufida Qibray “Temurbeklar maktabi” harbiy-akademik litseyi tashkil etilmoqda.

DXX tomonidan berilgan e’longa ko‘ra mazkur litseyga bilimi yuqori darajada bo‘lgan, intellektual salohiyat va professional mahoratga hamda kamida 5 yil uzluksiz pedagogik ish stajiga ega bo‘lgan o‘qituvchilar ishga taklif qilinmoqda.

“Temurbeklar maktabi”ning o‘qituvchilari va boshqa xodimlariga tegishli lavozimlar uchun belgilangan mehnatga haq to‘lash shart-sharoitlari tizimi tatbiq etiladi. “Temurbeklar maktabi” ishchi va xizmatchilari uchun belgilangan bazaviy tarif stavkalari:

o‘qituvchilar uchun — 5 barobar;

psixolog uchun — 3 barobar;

axborotlashtirish va aloqa bo‘linmalari xodimlari uchun — 2 barobar oshirilgan miqdorda to‘lanadi.

“Temurbeklar maktabi”da ishlash uchun quyidagi fanlardan dars beruvchi o‘qituvchilar ishga taklif etiladi:

ona tili va adabiyoti;

rus tili va adabiyoti;

tarix;

ingliz tili;

fizika;

astronomiya;

algebra;

geometriya;

kimyo;

biologiya;

geografiya;

ma’naviyat asoslari;

davlat va huquq asoslari;

jismoniy tarbiya;

informatika va axborot texnologiyalari;

chaqiruvga qadar boshlang‘ich tayyorgarlik.

Qayd etilishicha, “Temurbeklar maktabi” harbiy-akademik litseyiga o‘qituvchilar tanlov asosida qabul qilinadi.

“Temurbeklar maktabi”ning manzili: Toshkent viloyati, Qibray tumani, Geofizika shaharchasi (Qibray qishloq xo‘jalik kasb-hunar kolleji o‘rnida).

Qibray “Temurbeklar maktabi” harbiy-akademik litseyida ishlashni xohlovchi o‘qituvchilar 2020-yilning 10-fevraliga qadar DXX Institutiga (Toshkent shahar, Mirobod tumani, Taras Shevchenko ko‘chasi, 20-uy) yoki +998712529230 telefoniga murojaat qilishi mumkin.

✅ https://t.me/joinchat/AAAAAEIJCsXstHHOG_sL1A

​​2020 йилда ўтказиладиган педагог кадрлар аттестацияси бошланди

2020 йилда ўтказиладиган педагог кадрлар аттестациясига тайёргарлик ишлари бошланганлиги тўғрисида хабар берган эдик.

Вазирликлар ва идоралар томонидан тақдим этилган БУЮРТМАЛАР асосида Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрлари аттестациясини ўтказиш ЖАДВАЛИ ишлаб чиқилиб, Давлат инспекцияси бошлиғи томонидан тасдиқланди.

Бу йилги педагог кадрлар аттестациясининг ўзига хос (аҳамиятли) томони шундаки, педагоглар учун навбатдаги (мажбурий) ва ўз аризаларига кўра муддатидан илгари қатнашаётган педагог кадрлар аттестацияси бир вақтда, яъни жорий йилнинг март-июнь ойларида ўтказилиши белгиланди.

Педагог кадрлар аттестациясини белгиланган муддатларда юқори савияда ўтказиш мақсадида қўйидаги ишлар амалга оширилиши мақсад мувофиқ:

Давлат инспекцияси ҳамда тасарруфида таълим муассасалари мавжуд бўлган вазирлик ва идоралар томонидан:

▫️Мактабгача таълим бошқармалари, халқ таълими бошқармалари, маданият бошқармалари, жисмоний тарбия ва спорт бошқармалари, касбий таълимни ривожлантириш ва мувофиқлаштириш ҳудудий бошқармалари ҳамда олий таълим муассасалари аттестация комиссиялари, туман (шаҳар) ва муассасалар аттестация комиссиялари, тизимида таълим муассасалари бўлган вазирликлар ва идоралар аттестация комиссияларини тузиш;

▫️Педагог кадрлар кадрларни аттестациядан ўтказиш тартиби ва аттестация натижаларини баҳолаш мезонлари билан таништириш мақсадида педагоглар ва аттестация комиссиялари учун ўқув семинарлари, вебинарлар ташкил этиш.

Таълим муассасалари раҳбарлари томонидан:

▫️Аттестация муддатини эълон қилиш ва аттестациядан ўтказиш тартиби, унинг натижаларини баҳолаш мезонлари билан ёзма таништириш;

▫️Аттестациядан ўтувчиларнинг ҳар бири учун алоҳида ҳужжатлар йиғмажилди тайёрлаш ва ҳужжатлар йиғмажилдида аттестациядан ўтувчининг паспорти, дипломи, аттестациядан ўтганлиги тўғрисида олган ва амалда фойдаланаётган сертификати (агар мавжуд бўлса), малака оширганлиги ҳақидаги сертификати нусхалари, маълумотнома-таржимаи ҳол, сўнгги бир йил давомида ўтган дарсларининг таҳлиллари, очиқ дарслар ўтганлиги ҳақидаги маълумотлар, таълим олувчилари рейтинги ва эришган ютуқлари (агар мавжуд бўлса) тўғрисидаги маълумотлар мавжудлигига алоҳида эътибор қаратиш;

▫️Аттестациядан ўтувчи педагог кадрларнинг малака тавсифларида ва баҳолаш мезонларида белгиланган талабларни бажарганликлари ҳақидаги тавсияларни тайёрлаш учун таълим муассасаларида эксперт гуруҳлари тузиш.

Аттестациядан ўтаётган педагог кадрлар томонидан:

▫️Аттестация жараёнларига масъулият билан ёндашиш, аттестация жараёнларининг асосини ташкил қиладиган норматив-ҳуқуқий ҳужжатлар (Низом, Баҳолаш мезонлари)ни мукаммал ўрганиб чиқиш;

▫️Аттестация комиссиялари ва эксперт гуруҳларига ўзлари тўғрисидаги ҳаққоний, асосланган маълумотларни тақдим этиш, аттестация жараёнлари билан боғлиқ ҳужжатларни сохталаштиришга ҳаракат қилмаслик;

▫️Ижтимоий тармоқларда малака (тест) синовлари саволлари ёки назорат материаллари сифатида тарқатилаётган ҳар хил кўринишдаги манбаларга ишониб қолмасдан, фақатгина ваколатли органлар, яъни Давлат инспекцияси томонидан ўтказиладиган онлайн-репетициядан самарали фойдаланиш;

▫️Аттестация жараёнлари жорий йилнинг март ойида бошланишини ҳисобга олган ҳолда 25 февралга қадар аттестациядан ўтказганлик учун норматив-ҳуқуқий ҳужжатларда белгиланган (базавий ҳисоблаш миқдорининг юз фоизи, яъни 223 000 (икки юз йигирма уч минг)) миқдорда тўловларни амалга ошириш (биринчи ва олий малака тоифали, етакчи ва бош ўқитувчи лавозимидаги ҳамда ушбу малака тоифалари ва лавозимларга талабгор педагог кадрлар учун).

Педагоглар аттестация жараёнига боғлиқ бўлган саволлар билан Таълим инспекциясининг 71-231-07-53 (ички рақам 1023,1032) телефони ёки инспекциянинг телеграм боти (@uztdibot) орқали мурожаат қилишлари мумкин.

Таълим сифатини назорат қилиш давлат инспекцияси
✅ https://t.me/joinchat/AAAAAEIJCsXstHHOG_sL1A

Ota-onalar farzandlarining kun tartibini toʻgʻri tashkil etishga eʼtibor qaratadimi?
Mana qishki taʼtil ham yakunlanib, bolalar oʻqishga qaytdilar. Farzandlarimizning koʻpchiligi taʼtildan soʻng oʻz kun tartibini toʻgʻri tashkil etishda qiynaladilar. Xoʻsh, ota-onalar farzandlarining kun tartibini toʻgʻri tashkil etishga eʼtibor qaratadimi? Ularga qanday yordam berish mumkin? Navbatdagi video lavhamizni tomosha qiling va baho bering!
#XTV #ITSM #Ota_onalarga_tavsiya

@xtvmanaviyatchi
✅ https://t.me/joinchat/AAAAAEIJCsXstHHOG_sL1A

2020 йилнинг пед аттестациясига буюртмага кирган устозлардан пул йигимлари бошланди, пул йигимларини кимлар кандай усулда тулашини Хурматли Завучлардан билиб олинглар ва 2020 йилнинг 20 февралидан кечикмасдан тулашни унутманглар.

📝 Изох: Бу топширик факат 2020 йилда аттестация буюртмасига кирган устозларга тегишли, мутахассисликдан 2-малака тоифасига утувчилардан пул йигилмайди.

✅ https://t.me/joinchat/AAAAAEIJCsXstHHOG_sL1A