peace

1. Kitob o'qiy olmayman?! Kuzatuv
2. Toʻliq yashab o'tilmaydigan davr
3. "Ey, Muoz men seni yaxshi koʻraman " Rasululloh s.a.v. Xulosam yozilmabdi.
4. Haq-huquq yoki muruvvat o'qib ko'ring
5. Baxtli yoki halovatli bo'lish muhim
6. Buyuk maqsad, buyuk ona, buyuk farzand (kitoblardan o'qib xulosalarim, koʻproq sohilsiz dengiz)
7. Ixlos bilan qilingan duoning ijobati (sevimli kitoblarim muallifi haqida)
8. O'zgartira oladigan inson o'zingizsiz?! Fikrim
9. Nega blog yuritish kerak? Qiziq
10. Kitoblari ko'prikka aylantirilgan kutubxona maqolalardan o'rganib
11. Ichimni yoqqan hislar... Pozitsiyam
12. Axloqmiz gapirsin... so'zlarimiz emas
13. G'oyam haqida taqriz emas ma'lumot bo'lib qolibdi
14. Niyat - poydevor
15. Kitob o'qimaganlar ham yaxshi yashayapti sarlavha topa olmagan edim))

Qarashlarim, pozitsiyam, xulosalarim

Yil oxirida odatda odamlar yutuqlarini, rejalarini tahlil qiladi yoki kelgusi yil uchun maqsadlar belgilaydi. Men bunga unchalik qiziqmayman. Lekin yil davomida yozgan postlarimni tahlil qilish uchun ozgina qayta ko‘rib chiqdim.

O'tgan yil, 40dan oshiq postlar,
ular shunchaki so‘zlar emas. Ba’zilari mening ichki o‘sishimni ifodalagan, boshqalari fikrlarimni shakllantirish yoki qarashlarimni qayta ko‘rib chiqishga yordam bergan.

O‘qigan kitoblarim haqida taqriz yozishni yoqtirmayman, chunki menga o‘sha kitoblardan kelib chiqqan savollar va javoblarni izlash jarayoni muhimroq.

Yozuvlarimni tahlil qilishda tushundim: har bir fikr, qarash yoki xulosa — bu shunchaki bir lahzalik emas. Ular mening o‘zligimni shakllantirishda muhim rol o‘ynaydi.

P/s: Pastda koʻp manfaatli deb bilganlarimdan link qoldiraman.

@peacii

O'zi Fors nomalarini ikkita ("Manipulativ diktatorlar", "Turkiston qayg'usi" ) kitobdan keyin boshlagan edim, lekin birinchi tugadi.

Birdaniga bir necha kitob o'qishni foydasi nima desangiz, biridagi qiziqtirgan savollarga ikkinchisidan javob olishingiz mumkin, ayniqsa kitoblar mavzu jihatdan bir-biriga yaqin bo'lsa.

Menda ham shunday, Turkistonda qanday ichki va tashqi nizolar bo'lgani haqida Sog'uniyni kitobidan batafsil o'qisam, albatta, ularni sabab va oqibatlarining bir qismi diktatorlarga borib taqalganligi uchun bunda Manipulativ diktatorlar yordam beradi.

@peacii

Fors nomalari haqida

Bu safar kitobdagi voqelikka to'xtalmay xulosalar haqida yozaman. Kitobni o'qishdan oldin 1700-yillardagi Yevropa madaniyati va muammolari haqida ko‘proq o'qiyman deb o‘ylagan edim. Lekin kitobda asosan Sharq, xususan, Erondagi holatga e’tibor qaratilgani meni hayron qoldirdi.

Nega deyishingiz mumkin, sababi Monteskye Sharq madaniyatini noto‘g‘ri talqin qilib, ayollarning haramda ushlab turilishini Islomga bog‘lagan, lekin bu asosan o‘sha davr madaniyatining xususiyati bo‘lib, Islomning asl mohiyatiga ziddir.

Ayollarning haramda majburiy ushlanishi kabi harakatlarni dinning bir qismi sifatida ko‘rsatish noto‘g‘ri. Monteskye Islomni odatiy stereotiplar orqali ko‘rsatib, faqat nohaqlik, zulm va xiyonatga urg‘u bergan, lekin Sharq madaniyatining ijobiy jihatlari – mehmondo‘stlik va oilaga hurmat kabilar haqida gapirmagan.

Islomni noto'gri talqin qilgani uchun Monteskyeni tanqid qilishim mumkin, lekin albatta parallel ravishda ijobiy tomonlarini ham aytib o'tish kerak.

Birinchi navbatda asar orqali Montaeskiye "Yevropa mukammal" degan noto'g'ri tushunchani boshqattan o'ylashga majbur qiladi va Sharqni tanqid qilish bilan birga Yevropani ham asosli boshqa nigohlar bilan tahlil qilgan.

U G‘arbdagi patriarxal tuzumni, aristokratlarning odamlar ustidan zulmini, soxta axloqiy qadriyatlar va korruptsiyani keskin tanqid qiladi.

Yana bir narsa, asar oxiri ayolning maktubi bilan yakunlab, tugallanmagan his uyg'otadi, huddi muallif o‘quvchini o‘sha davr muammolariga javob izlashga undagandek. Balki muallif Yevropa va Sharqni o‘zi ham to‘liq tushunmagan, lekin asar orqali o'z davrining muammolarini yetkazib, kitobxonni javob izlashga undagandek go'yo.

@PEACII

Montaeskiening Fors nomalari kitobi deyarli tugadi, lekin juda qarama-qarshi va o'ylantiradigan fikrlar ko'p, savollar ko'p. Bu kitobni o'qigan odam bilan balki fikr almashishim kerakdir, keyinroq bu kitob haqida o'z xulosalarimni nasib yozib qo'yaman.

"Odatda og’riqdan ko’ra ko’proq qo’rquvni his qilamiz va reallikdan ko’ra ko’proq tasavvurdan azoblanamiz."

"Kelajak mavhumlikdan iborat: hozir bilan yasha!"

"Ishqalanishsiz olmos bo’lmaganiday, erkak kishi ham sinovlarsiz mukammal bo’lolmaydi."

Seneka

@PEACII

You could go the distance
You could run the mile

Kichik lekin katta o'zgarish qiladigan ishlar

Ishda hurmat qiladigan bir farrosh opamiz bor. Men u kishidek o‘z ishini sevib, chin dildan va mehr bilan bajaradigan insonlarni kam uchratganman. Misol uchun, boshqa farroshlar tozalaganda va bu opamiz tozalaganda sezilarli farq bo‘ladi.

Burchakmi, ko‘rinadigan joymi yoki ko‘rinmaydigan joymi – hammasini bir xilda puxta tozalaydilar. Bu har safar e'tiborimni tortadi va ularning “oddiy ish” deb qarash o‘rniga, o‘z vazifalarini sidqidildan bajarishlarini ko‘rib, doim xursand bo‘laman. O'ylayman, ularga katta ishlar berilsa ham ma'suliyat bilan bajara oladilar.

U kishining yana bir o‘ziga xos fazilati – hammaga ochiq yuzli va hushmuomala bo‘lishidir. Bu esa menga iliqlik ulashadi.

Aslida, barchamiz – kim bo‘lishimizdan qat’i nazar – o‘z vazifamizni faqat boshqalarga yoqish uchun emas, balki o‘zimiz ko‘nglimiz to‘lishi va ishimizdan qoniqish hosil qilishimiz uchun bajarishimiz kerak. Har bir ish, hatto oddiy bo‘lsa ham, e’tibor va sevgi bilan bajarilganda uning qadri ortadi.

Mana shunday fidoyi insonlar nafaqat farroshlar orasida, balki hayotning turli sohalarida uchraydi. Masalan, farzandlari uchun kecha-yu kunduz ishlaydigan avtobus haydovchisi, ko‘chada tabassum bilan ishlayotgan tozalik xodimi yoki dostavkada kechasi ishlab, ertalab darsga borayotgan talaba – bularning barchasi o‘z mehnati orqali jamiyatni yaxshilashga hissa qo‘shmoqda. ularni ishi oddiy tuyulishi mumkin, lekin o'zgacha.

Yillar o‘tib, mana shunday mashaqqatli va halol mehnat o‘z samarasini ko‘rsatadi. Biz yashayotgan jamiyatning pokligi, tartibliligi mana shunday oddiy, lekin e’tibor va mas’uliyat bilan bajarilgan ishlarda ko'rinadi. Bu farrosh opamiz bizga hayotning katta darsini o‘rgatyaptilar: har qanday ishga sevgi va e’tibor bilan yondashilsa, uning qadri faqat oshib boradi.

@peacii

Ko‘p joylarda qizlarga qarata "Buyuk deyishlari uchun o‘qimang, bu yuk demasliklari uchun o‘qing" degan fikrga duch kelyapman, lekin bunga qo‘shilmayman.

Meni fikrim:
"Yuk deydiganlardan uzoq bo‘ling, sizni buyuk bo‘lishingizga yordam beradiganlar bilan birga bo‘ling,"

@peacii

Ba’zilar shunday o'ylashadi: 'Kitob o‘qimaganlar ham yaxshi yashab yuribdi, hozir kitob o‘qishning keragi yo‘q. Texnologiya rivojlanganda barcha bilimlarni boshqa manbalardan olish mumkin.' Ammo bu fikrni biroz chuqurroq o‘rganib ko‘raylik.

Kitob o‘qimay yashash mumkinmi? Ha, lekin...
Masala nafaqat "yashashda," balki "hayotni qanday yashashda" va imkoniyatlardan qanday foydalanishda. Kitob o‘qimagan inson texnologiyadan ma’lumot olishi mumkin, lekin bu bilimlar odatda yuzaki bo‘ladi, chuqur tahlil va ijodiy fikrlashni rivojlantirmaydi.

Texnologiya rivojlangani kitobni o'rnini bosa oladimi?
Texnologiya axborotni tez olish imkoniyatini beradi, lekin bu axborotni tahlil qilish, anglash va undan foydali xulosa chiqarish ko‘nikmasini kitob o‘qish rivojlantiradi. YouTube videolari yoki qisqa maqolalar ko‘pincha asosiy mavzuni yuzaki yoritadi. Kitob esa chuqur va mukammal tahlilni qilishni beradi.

Har kuni kitob o'qiydigan odamlarda o'qimaydiganlarga qaraganda murakkab muammolarni yechish, yangi g'oyalar yaratish, ishda yoki uyda biror bir qiyin muammoga duch kelishsa unga turli tomondan qarab ijobiy hal qilish ko'nikmasi yaxshi rivojlanadi.

Doim kitob o'qiydiganlar boshqalarga nisbatan til o'rganish va o'zini sohasida rivojlanishda oldinda bo'lishadi. Misol uchun Ilon Musk yoshligida o'qigan sarguzasht kitoblari texnologiyalarni yaratishda ilhom berganligini ko'p aytadi.

Va ular boshqa o'qimaydiganlarga nisbatan kam stressga tushadi, qisqa qilib aytganda ruhiy holati yaxshi bo'ladi va umri ham uzayadi.

Mana endi, shu kabi savol bergan insonlarga faqat "kitob o‘qish foydali" deyish bilan cheklanmasdan, aniq dalillar bilan fikringizni kengaytira olasiz😁.

@peacii

O'zim ham sharhlab ko'raman.

"Murakkab ko'ringan narsalar oddiy bo'lishi mumkin."

Ya'ni sirtidan murakkab ko'ringan narsalarni o'rgansek aslida ular oson ekanligini tushunamiz. Bu bilim, intizom orqali bo'ladi. Misol uchun matematikada algoritmlar, bizga qiyin tuyilgan formulalar o'rganilgandan keyin oddiy bo'lib qoladi. (Bu lekin mendan uzoq😅)

"Oddiy narsalar murakkab bo'lishi aniq"

Bunda bir qarashda bizga koʻp narsa oddiy tuyuladi, lekin ular ham murakkab jarayonlardan iborat bo'ladi.

Oddiy nafas olishimiz bizga oddiy holdek tuyuladi, lekin murakkab biologik jarayonlar mavjudligini o'rgansak qanchalik fikrimiz xatoligini tushunamiz.

Yana bir misol siz egallamagan qaysidir sohalar ichiga kirmaguningizgacha oson tuyuladi, shu ham ishmi deysiz, lekin ichida operatsion qisimda ishtirok etibgina murakkabligini tushunamiz.

Xulosa Douglas Adams bu iqtibosda ko'rinishga aldanmasligimiz kerakligini aytgan.

Har qanday bizga murakkab ko'ringan narsani qisimlarga bo'lib osonlashtirishimiz mumkin. Oddiy ko'ringanlariga eʼtibor bilan yondoshish kerak.

@peacii

"Murakkab narsalar oddiy bo‘lishi mumkin, lekin oddiy narsalar murakkab bo‘lishi aniq."
(Douglas Adams, "Galaktika bo‘ylab qo‘llanma")

Shu iqtibos yoqib qoldi. Kelinglar, shu sharhlab ko'ramiz, siz qanday tushundingiz?

Navoiyu, Buxoriyu, Temuriylar sevgan yerlar bu🔥