Mustaqillik Mahalla

Австралияда 2,4 млн чақалоқнинг ҳаётини сақлаб қолган донор вафот этди


Жеймс Ҳаррисон 81 ёшига тўлгунича ҳар икки ҳафтада бир марта қон топшириб келган. Унинг қонида ноёб анти-D антитаначаси мавжуд эди.

Фото: Kate Geraghty
Дунёдаги энг сермаҳсул қон донорларидан бири вафот этди. Унинг плазмаси 2 миллиондан ортиқ чақалоқ ҳаётини сақлаб қолишга ёрдам берган.

Жеймс Ҳаррисон Австралиянинг Янги Жанубий Уэлс штатидаги қариялар уйида оламдан ўтди, деб хабар берди BBC унинг оиласига таяниб. У 88 ёшда эди.

Австралияда уни “олтин қўлли инсон” деб аташади. Ҳаррисоннинг қонида ноёб анти-D антитаначаси мавжуд бўлиб, у ҳомиладор аёлларга уларнинг қони ҳали туғилмаган чақалоқларига салбий таъсир кўрсатиши мумкин бўлган ҳолларда бериладиган дориларни тайёрлашда қўлланади.

Австралия Қизил Хоч қон хизмати маълум қилишича, Ҳаррисон 14 ёшида кўкрак қафасидан жиддий операция қилинаётган пайтда унга кўп миқдорда қон қуйилганидан кейин донор бўлишга аҳд қилган.

У 18 ёшида қон плазмасини топширишни бошлаган ва 81 ёшга тўлгунча ҳар икки ҳафтада бир марта қон топшириб келган. 2005 йилда Ҳаррисон топширилган қон плазмаси миқдори бўйича жаҳон рекордини ўрнатиб, бу унвонни 2022 йилгача сақлаб турган.

Ҳаррисоннинг қизи Трейси Меллоушип отаси “ҳеч қандай ҳақ ва оғриқсиз шунча одамнинг ҳаётини сақлаб қолганидан жуда фахрланишини” айтди.

Ҳаррисоннинг қонида бу қадар кўп анти-D қандай пайдо бўлиб қолгани номаълум — баъзи маълумотларга кўра, бу унга 14 ёшида қуйилган қон билан боғлиқ.

Маълумотларга кўра, Австралияда 200 нафардан камроқ анти-D донорлари мавжуд, аммо улар ҳар йили тахминан 45 000 она ва уларнинг болаларига ёрдам беради.

Мутахассислар Ҳаррисон ва бошқа донорларнинг қон ва иммунитет ҳужайраларини лаборатория шароитида кўпайтириш орқали анти-D антитаначаларни етиштириш устида иш олиб бормоқда. Тадқиқотчилар лаборатория шароитида яратилган анти-D бир кун келиб бутун дунёдаги ҳомиладор аёлларга ёрдам беришига умид қилмоқдаhttps://storage.

kun.uz/source/11/ZbAbJmnn1qyq51Th71x4BHv27L4x_k53.jpg

Assalomu alaykum xurmatli fuqarolar fidr markazda elektir energiyadan qisqa uzilish buldi kamchiliklar bartarf etilmoqda qisqa muddat ichida bartaraf etilip elektir energiya bilan taminlanadi bu kamchilik uchun mamuryat uzur suraydi .

«БИСМИЛЛАҲ»НИНГ ҲИКМАТИ

Мен ундан ёшини сўраган эдим, у айтди:
– 95 да, онам эса 105 ёшда вафот этганлар.
– Соғлиғингизни бу қадар яхшилигининг сири нимада? – сўрадим ундан.
– Касал бўлмасликда, – жавоб қайтарди у.
– Лекин бу бизнинг ихтиёримизда эмас-ку?! – дедим ҳайратимни яшира олмай.

У эса кулиб:
– Ҳа, шундай, – деди.
– Унда менга бунинг сирини айтинг, мен ҳам амал қилай, – дедим.
– Бирор нарсани «Бисмиллаҳ»сиз оғзингга сола кўрма, ҳатто у бир томчи сув ёки таомнинг жуда кичик бўлаги бўлса ҳам, – деди у. Жим бўлиб қолдим.
У эса сўзида давом этди:
– Аллоҳ таоло ҳеч нарсани сабабсиз яратмади. Ҳар нарсанинг ортида унинг ҳикмати борки, унда фойда ва зарарлари яширинган. Биз «Бисмиллаҳ» деганимизда Аллоҳ таоло таомдан барча зарарни олиб ташлайди.

Овқатланишдан аввал доим «Бисмиллаҳ»ни айт ва Яратувчингга шукрда бўл. Таомланиб бўлганингдан кейин эса қўлларингни кўтар ва «Алҳамдулиллаҳ» деб шукрона келтир. Шунда ҳеч қачон дард чекмайсан.
Унинг бу гапларидан кўзларим ёшга тўлди. Уни улуғ олим деб ўйладим.

Эндигина кетмоқчи бўлиб турган эдим, қўлларимдан тутиб гап бошлади:
– Эшит, таом ҳақидаги охирги нарса.
Қайтадан жойимга ўтирдим.
– Бирон киши билан таомланаётганингда, гарчи қанчалар очиққан бўлсанг, ҳам асло биринчи бошлама. Таомга аввал у қўл урсин ёки унга манзират қил. Кейин эса ўзинг ҳам еявер.

Ундан бунинг сабабини сўрашга хижолат бўлиб турган эдим, ўзи айтиб қолди:
– Бу таомингнинг садақасидир. Қолаверса, бандаларига қайғурганинг учун Аллоҳ сендан хурсанд бўлади. Доим ёдингда тут! Таом сенинг тананг, жисминг учун, «Бисмиллаҳ» эса қалбинг учун.

Энди менга айт-чи, қандай қилиб сен касал бўлишинг мумкин?!
У ердан ўйга толганча кетдим. Биз динимиз буюрган бу каби арзимас нарсаларга на эътибор қиламиз ва на фарзандларимизга ўргатамиз.
Умар ибн Абу Салама розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг қарамоғларидаги бола эдим. Қўлим товоқда изғиётган эди. Шунда Расулуллоҳ соллаллоҳу алайҳи васаллам менга: «Эй бола! «Бисмиллаҳ», дегин, ўнг қўлинг билан егин ва олдингдан егин!» дедилар. Шундан буён ана шундай таомланаман».

Имом Бухорий, Имом Муслим, Абу Довуд, Термизий ривояти.

Кеча саховатли инсон томонидан махалламиздаги 23 та оилага озиқ-овқат махсулотлари тарқатди

Махсулотларни хонадонларга тарқатишда Абдусаломов Қўчқор ака ёрдам қилди. Тарқатиш жараёни суратга олинмади. Рўйхат шакилланишида жамоатчилик фикри хисобга олинди

Расулуллоҳ соллаллоҳу алайҳи ва саллам айтдилар:
"Сизлардан олдинги яшаб ўтган қавм ичида бир киши бор эди. Вафот этди, ҳисоб майдонига келтирдилар. Унинг амал дафтарида ҳеч яхшилик топилмади.
Илло, битта яхши амали қайдланган экан.

У одатда одамлар билан ишлар, иши кўпчилик билан боғлиқ ва ўзи бадавлат одам эди.
Иш юзасидан ҳисоб-китоб ишларида ходимларига: “Шароити оғирларни тўғри тушуниб, енгиллик қилиб беринглар” — деб тайинлар эди.

Унинг амал дафтарига фақат: “Муҳтожлар ҳолини тушуниб, енгиллик қилиб берарди”,  — деб ёзилган эди, холос.

Аллоҳ таоло ҳисоб-китоб чоғида:
“Муҳтожни ҳолини тушуниб, унинг айбидан ўтишга биз ҳақлироқмиз." — деди ва ҳалиги одамнинг жамики гуноҳларидан ўтиб юборди.

Имом БУХОРИЙ ривояти

Непалликлардан ҳаётий сабоқлар

1. Секин гапиринг. Тез ишланг.
2. Одамларни қариндошларига қараб баҳоламанг.
3. "Мен сени севаман" деганда рост гапиринг.
4. "Мен бундай бўлганидан афсусдаман" деганда, кўзларига қаранг.
5. Бировларнинг орзуи ва тушлари устидан кулманг.
6. Одамларга улар кутганидан ортиғини беринг ва буни хурсандчилик билан бажаринг.
7. ЭНГ яхши кўрган шеърингизни доим ёдда сақланг
8. Ҳамма айтилаётган гапга ишонманг
9. Буюк муҳаббат ва улкан ютуқлар учун таваккал қилишга тўғри келади.
10. Ютқазганизда сабоқ олишга, фойда билан чиқишга ҳаракат қилинг.
11. Кичкина баҳс деб, катта дўстликдан воз кечманг.
12. Хато қилсангиз яширманг, уни тўғирлашга ҳаракат қилинг.
13. Ҳар куни озгина вақт ёлғизликда қолинг.
14. Баъзан сукут энг яхши жавобдир.
15. Кўпроқ ўқинг.
16. Яқин инсон билан уришганда, ўтмишни қўзғатманг.
17. Бир йилда бир марта бормаган жойингизга сафар қилинг.
18. Худога ишонинг, аммо доим машинангиз эшигини ёпиб юринг.

БАХТЛИ ЯШАШ СИРИ

Араб донишмандларидан бири шундай деган экан:

• Оила аъзоларингга нисбатан қаҳр ва мулойимлик ўртасида муомала қилиб яшагин!
• Одамлар билан гоҳ уларга аралашиб, гоҳида улардан узлатга чекиниб яшагин!
• Биродарларинг билан жиддийлик ва ҳазил орасида яшагин!
• Шогирдларинг билан виқор ва оддийлик орасида яшагин!
• Фарзандларинг билан қаттиққўллик ва меҳрибонлик орасида яшагин!
• Солиҳ ҳокимлар билан улар ҳузурига қатнаш ва улардан узоқ бўлиш орасида яшагин!
• Қорнинг борасида тўйиш ва очлик орасида муомала қилиб яшагин!
• Жисминг билан чарчатиш ва дам олдириш орасида яшагин!
• Ўз нафсинг билан бермаслик ва бериш орасида яшагин!
• Роббинг билан қўрқув ва умид орасида яшагин! Шунда сен бахтли яшайсан!

"Кўҳна дунё ривоятлари" китобидан