O‘zbekcha yoz!

«Kontr» o‘ynashni yaxshi ko‘raman.

Shu o‘yinda agar snayper miltig‘ini olib, mo‘ljalga olmasdan, bilmasdan dushmanni otib qo‘ysang, tepadagidek rasm chiqadi.

Lekin bunday «headshot»lar har doim aynan tasodifan bo‘ladi. Har doim.

Bu haqiqatni hayotga yoki ishga ag‘darib ko‘rsak juda oddiy, lekin ko‘pincha yodimizdan chiqadigan xulosaga kelamiz: nishonga urish ehtimoli yuqori bo‘lishi uchun, mo‘ljalga yaxshiroq olish kerak.

«Qanday qilish» dan avval har doim «Nima qilish» kelishi muhim. Undan avval esa «Nimaga qilish». Undan ham avval esa «Men o‘zi kimman».

Har bir savol xuddi snayper miltig‘idagi optikaning bir qatlamiga o‘xshaydi — qatlamlar qancha ko‘p bo‘lsa, nishon x2, x5, x10, x15 marotaga yiriklashib, aniqlashib boraveradi.

Xullas, ming kibersportchi bo‘lsangiz ham, otishdan avval nishonga olishni unutmang.

Keyingi yildan boshlab Space Academy bilan faol ishlashim haqida aytgandim. Aynan shu jamoani tanlashimga sabab — ular doimo tinib-tinchimasdan yangiliklar qilishlari.

Mana masalan, siz qish davomida istalgan kursda yaxshilab o‘qiganingiz uchun Space har xil sovg‘alar taqdim qilayotgan ekan: MacBook, iPhone, iPad kabilar shularga misol.

Pastdagi havola orqali ro‘yxatdan o‘tib, ham bilim, ham Apple texnikasi egasi bo‘lib oling.

📩 Ro’yxatdan o’tish uchun:
https://forms.gle/Govzky52M7Q9LQyi8

Shanba kuni vaqtingizni biroz unumliroq o‘tkazish uchun Marketing Club’ga birrov kirib o‘ting.

Ham biznes, ham konsalting, ham strategiya va brending olamidagi mutaxassislar birga chiqishlari — yaxshi bo‘lishi aniq.

Tadbir bepul, faqat ro‘yxatdan o‘tish kerak.

Keyingi yil — fokus va e’tiborni bir joyda jamlashga bag‘ishlanadi.

Buni aynan sizlarga ham taaluqli joylari bor, shular haqida bir og‘iz aytib ketmoqchiman: meni blogimni kuzatib boradigan brendlarga ham, balki, kerak ma’lumot bo‘lib qolar.

2025-yilda brendlar bilan frilans ishlamayman. Faqat juda kichik startaplar, endi ishini boshlagan yosh bizneslar bilan qiziqish ustida hamkorlik qilishim mumkin, lekin, odatdagidek yirik loyihalar, kreativ, interfeys matnlari va shunga o‘xshash kattaroq ishlarda bir yil bo‘lmayman. Umuman.

Butun vaqtim Lokals agentligiga qaratiladi, maqsad strategiya sohasida tajriba orttirish, vertikal o‘sish va qiymatimni oshirish.

Ikkinchi fokus beriladigan soham — ta’lim. Ham o‘qish, ham o‘qitish. Space Academy bilan birgalikda infouslub va kreativ bo‘yicha o‘zbek tilida kurs chiqarish niyatim bor. Ham onlayn, ham oflayn. Amaliyotga boy, tajribamga va real keyslarga asoslangan.

Bu yerda kopirayting va kreativga qiziqqanlar ko‘p, bilaman. Qanday yo‘nalishda mualliflik kurs bo‘lishini xohlardingiz? Izohlarda yozib qo‘ysangiz, juda katta yordam bo‘lardi.

Nega shunday qilmoqchiman? Chunki ichki resursim kamayib borayotganini sezdim, biroz aqlim kirdi, har yoqqa chopib, o‘nta quyonni ortidan yugurmasdan, nuqtasiga urishga harakat qilmoqchiman.

Nima bo‘lishini keyingi yil oxirida ko‘ramiz. Hozircha, reja shunaqa.

Mening bir yaqin do‘stim bor. Unga har doim bitta narsani eslatib yurishga harakat qilaman. Bugun shu narsani sizga ham aytmoqchiman.

Siz — o‘zingizning eng muhim loyihangizsiz.

Har qanday boshqa imkoniyatlar, g‘alabalar, o‘sishlar va rivojlanishlar sizdan, sizning salomatligingiz, ruhiy va jismoniy holatingizdan boshlanadi.

Charchadingizmi? Dam oling. Maza yo‘qmi? Davolaning. Depressiyaga tushib qoldingizmi? Yordam izlang.

Avvalambor o‘zingizga e’tibor bering, chunki siz «buzilib» qolsangiz, qolgan hammasi qulaydi.

TBC/payme jamoasiga kopirayter kerak ekan.

Bu kompaniyalar bilan anchadan beri ishlayman — chin dildan maslahatim, urinib ko‘ring. Ajoyib qadriyatlarga ega ajoyib jamoa.

Aynan bu vakansiya qisqa formatli matnlarni yoza oladigan mutaxassislarga mos: SMS-xabarnomalar, push-xabarnomalar va direktdagi reklama matnlari yozish kerak.

O‘zbek va rus tillari talab qilinadi.

Rezyumeingizni https://t.me/Sayyora_TBCxPayme orqali yuborishingiz mumkin.