Oylik Qancha?

⚡️Markaziy bank bugundan 100 grammlik oltin quymalarini sotuvga chiqardi

Ular 5, 10, 20 va 50 grammli quymalarga qo‘shimcha sifatida taklif etiladi.

Quymalar maxsus himoya qadoqlarida taqdim etilib, har biriga seriya raqami beriladi.

Oltin quymalarining bugungi narxi inforgrafikada.

@Oylikqancha — foydali va qiziqarli❗️

❗️ Smartfonlar narxi keskin oshishi kutilmoqda: iPhone 16 Pro Max deyarli $1800 ga chiqadi

Endilikda import qilinadigan barcha smartfonlar bojxona deklaratsiyasidan o‘tkazilishi va egalari buning uchun bojxona to‘lovi (+30%) va QQS (+12%) to‘lashlari shart.  Shunda:

iPhone 16 Pro Max narxi: 1200 dollar
+ Bojxona to‘lovi: $360
+ QQS: $187
Jami: $1747

@Oylikqancha — foydali va qiziqarli❗️

“UzAuto Motors” Cobalt uchun yana kontraktatsiyani ochmoqda

GX-Midnight AT modifikatsiyasi uchun shartnoma tuzish jarayoni 16-yanvar kuni soat 10:00da boshlanadi.

@Oylikqancha — foydali va qiziqarli❗️

❗️Shikastlangan dollarlar: Banklar tomonidan komissiya undirilishi haqida tushuntirish

Ijtimoiy tarmoqlarda «Eski (1996 yilda chiqarilgan) dollarni rasmiy kursdan 5$ arzoniga olmoqda ekan» nomli video keng tarqaldi. Mazkur holat haqida tushuntirish berish maqsadida quyidagi ma’lumotlarni bayon qilamiz.
Aslida, bank mazkur operatsiyalarda shikastlangan yoki muomalaga yaroqsiz banknotalarni qabul qilgan. Bunday hollarda bank tomonidan komissiya undirilishi amaldagi qonunchilikka to‘liq mos keladi.

❓Nima uchun banklar komissiya oladi?

▪️Shikastlangan yoki muomalaga yaroqsiz banknotalarni xorijiy emitent banklarda almashtirish jarayonida bank transport (yo‘l) xarajatlari, korrespondent bank yoki xorijiy bankning komissiyasini qoplash majburiyatiga ega.
Shu sababli, banklar tomonidan ushbu xarajatlarni qoplash maqsadida vositachilik haqi undiriladi.

☝️«Banklar va bank faoliyati to‘g‘risida»gi qonunning 62-moddasiga muvofiq, banklar o‘z operatsiyalari bo‘yicha vositachilik haqini mustaqil belgilaydi.

Shikastlangan dollarlar bo‘yicha bank tomonidan undirilgan komissiya mazkur xizmat bilan bog‘liq xarajatlarni qoplash uchun olinadi. Bu amaliyot xalqaro va milliy qonunchilik talablariga to‘liq mos keladi.

Bunday holatlarda aniq ma’lumotlarga tayanish hamda turli noaniq xabarlarga ishonmaslik muhim. Har qanday savol yoki tushunmovchiliklar yuzasidan bankning rasmiy manbalariga murojaat qilish tavsiya etiladi.

@Oylikqancha — foydali va qiziqarli❗️

⚡️⚡️O‘zbekistonliklar kuniga 10 ming qadam yurgani uchun yana rag‘batlantiriladi

Bu "O‘zbekiston - 2030" strategiyasini "Atrof-muhitni muhofaza qilish va "yashil" iqtisodiyot yili"da amalga oshirishga oid davlat dasturi to‘g‘risida"gi prezident Farmonida nazarda tutilgan.

Hujjatga ko‘ra, Ekologiya vazirligi va Raqamli texnologiyalar vazirligiga "Bir million yashil oila" umummilliy harakati doirasida bir kun ichida kamida o‘n ming qadam bosib o‘tishni targ‘ib qilishni nazarda tutuvchi platformani ishga tushirish topshirildi.

Platforma 2025 yil 1 iyungacha ishga tushirilishi kerak.

Yuqori ko‘rsatkichlarga erishgan shaxslarga "ekofaol fuqaro" maqomi beriladi. Ularga davlat xizmatlaridan foydalanishda, shuningdek, banklardan iste’mol krediti olishda (davlat ulushi 50 foizdan ortiq bo‘lgan) 10 foiz miqdorida chegirmalar taqdim etiladi.

@Oylikqancha — foydali va qiziqarli❗️

❗️O‘zbekiston eng kam ish haqiga ega 154 ta mamlakat orasida 111-o‘rinni egalladi

Bu haqda Minimum Wage by Country 2024 xabar berdi.

Ro‘yxatda  davlatlarning  yillik hamda soatlik eng kam ish haqi miqdori dollar ko‘rinishida hisoblab chiqilgan. Unda Avstraliya yiliga 35 515 dollar, soatiga esa 17.47 dollar miqdoridagi ish haqi bilan eng yuqori o‘rinni egallagan.

O‘zbekiston esa eng kam ish haqi bo‘yicha 111-o‘rinni band qilib, yiliga 1 041 dollar, soatiga esa 0.50 dollarni tashkil etgan.

@Oylikqancha — foydali va qiziqarli❗️

⚡️Endi shaxsni tasdiqlovchi va boshqa hujjatlarning elektron shakli ham rasman tan olinadi

2025-yil 1-iyuldan boshlab, shaxsni tasdiqlovchi va boshqa hujjatlarning my.gov.uz platformasidagi elektron shakllari rasman tan olinadi. Bu degani, banklar, notariuslar, aeroportlar, vokzallar va boshqa tashkilotlarda qog‘oz nusxalarni taqdim qilish shart bo‘lmaydi.

@Oylikqancha — foydali va qiziqarli❗️

❗️Toshkent viloyatida issiq suv va isitish ta’minoti narxlari oshiriladi

Xalq deputatlari Toshkent viloyati Kengashining qaroriga muvofiq, joriy yilning 1-fevralidan issiqlik korxonalarining issiq suv va isitish xizmatlari tariflari o‘zgardi.

Yangi narxlar bilan yuqoridagi jadval orqali tanishib olishingiz mumkin.

@Oylikqancha — foydali va qiziqarli❗️

⚡️"Propan"da ham, benzinda ham narxlar arzonlashmoqda

Kechagi birja savdolarida "propan" gazda ham, benzinda ham narxlar pasayishi kuzatilgan. Xususan, AI-92 benzin narxi 229,1 so‘mga pasayib, tonnasi uchun 12 428.0 so‘mni, AI-80 benzini esa -25,3 so‘mga pasayib, tonnasi uchun 9 303.0 so‘mni tashkil etgan.

Suyultirilgan gaz (propan) esa 170,6 so‘mga arzonlab tonnasi uchun 6 179,0 so‘mni tashkil etgan.

Birjadagi ushbu pasayishlar tez kunlarda yoqilg‘i quyish shoxobchalarida ham aks etishi kerak.

@Oylikqancha — foydali va qiziqarli❗️

Andijonda ish vaqtida vafot etgan xodim oilasiga salkam yarim milliard so‘m to‘lanadi

Ish vaqtida vafot etgan xodimning oila a’zolariga 485,7 million so‘m mablag‘ to‘lanishi belgilandi. Bu haqda bandlik vazirligi xabar berdi.

Andijonlik Sh.Nurillayevaning turmush o‘rtog‘i N. Nurillayev mehnat vazifalarini bajarayotgan vaqtda tan jarohati olib vafot etgan.

Sh.Nurillayeva boquvchisini yo‘qotganligi uchun korxona tomonidan to‘lanishi lozim bo‘lgan bir martalik nafaqa hamda oyma-oy zarar to‘lovlarini undirishda amaliy yordam so‘rab Andijon viloyati Kambag‘allikni qisqartirish va bandlik boshqarmasiga murojaat qilgan.

Viloyat Kambag‘allikni qisqartirish va bandlik bosh boshqarmasi Davlat mehnat inspeksiyasi tomonidan fuqaroning murojaati belgilangan tartibda o‘rganib chiqilib sudga da’vo arizasi kiritildi.

Ariza qanoatlantirilib sudning hal qiluv qaroriga asosan Nurillayeva foydasiga 485 million 760 ming so‘m miqdoridagi pul mablag‘larini undirish belgilandi.

@Oylikqancha — foydali va qiziqarli❗️

Jarima 37 ming 500 so'm

Toshkent avtobuslarida yo‘l haqini naqd pulda to‘lagan yo‘lovchilar jarimaga tortiladi.

Bu bo‘yicha Transport inspeksiyasi tomonidan reyd tadbirlari o‘tkazilmoqda. Agar yo‘lovchi naqd pulda to‘lov qilmoqchi bo‘lsa, birinchi marta ogohlantirish beriladi. Takror sodir etilgan taqdirda, 37,5 ming so‘m miqdorida jarima belgilanadi.

@Oylikqancha — foydali va qiziqarli❗️

⚡️Ayni damda amaldagi jarimalar miqdorlari bilan tanishib oling!

• Taqilmagan kamar: 187 500;
• Texnik ko‘rik, birinchi tibbiy yordam to‘plami: 187 500;
• Hujjatsiz haydash: 375 000;
• Sug‘urtasiz haydash: 375 000;
• Qizilda o‘tish: 750 000;
• Noqonuniy parkovka: 750 000
• Davlat raqamisiz avtomobilni boshqarish: 1mln 875 ming so‘m;
• Tezlik (+20 km/soat): 375 000;
• Tezlik (+20-40 km/soat): 1mln 875 ming so‘m;
• Tezlik (40+ km/soat): 3 mln 375 ming so‘m;
• Qarama-qarshi tirbandlikda harakatlanish: 3 mln 750 ming so‘m;
• Mast holatda transport vositasini boshqarish - 9 mln 375 ming so‘m va 3 yilgacha mashina boshqarish huquqidan mahrum qilish;
• Ruxsatsiz rang berish: 9 mln 375 ming so‘m.

@Oylikqancha — foydali va qiziqarli❗️

❗️Endilikda davlat OTMlari magistraturasiga qo‘shimcha qabul asosida o‘qishga kirgan talabalarga ta’lim krediti berilmaydi

Hukumatning 2021-yil 18-avgustdagi 527-son qarori 1-ilovasi 3-bandi 4-xatboshisiga tegishli o‘zgartirishlar kiritildi.

Unga ko‘ra, ta’lim tashkilotida tahsil olish maqsadida tabaqalashtirilgan to‘lov-kontraktni va tabaqalashtirilgan to‘lov-kontraktning minimal miqdoriga teng bo‘lgan bir martalik boshqa to‘lovlarni hamda davlat oliy ta’lim muassasalari magistraturasiga qo‘shimcha qabul parametrlari asosida o‘qishga qabul qilingan abituriyent va talabalarning to‘lov-kontrakt to‘lovlarini amalga oshirish uchun ta’lim krediti ajratilmaydi.

Avvalroq, sirtqi ta’limda o‘qiyotganlarga ham ta’lim krediti ajratish to‘xtatilgan edi.

@Oylikqancha — foydali va qiziqarli❗️

🚅 1-fevraldan tezyurar poyezdlar chiptalari qimmatlashadi

“Afrosiyob” poyezdlari chipta narxlari 20-25% ga, “Sharq”, “Nasaf” va “O‘zbekiston” poyezdlari chipta narxlari 30% ga oshirilmoqda.

Xususan, “Afrosiyob” poyezdlari chipta narxlari quyidagicha:

Toshkent — Buxoro
VIP – 994 000 so‘m
Biznes – 751 000 so‘m
Ekonom – 484 000 so‘m
Toshkent — Qarshi
VIP – 854 000 so‘m
Biznes – 634 000 so‘m
Ekonom – 406 000 so‘m
Toshkent — Samarqand
VIP – 619 000 so‘m
Biznes – 450 000 so‘m
Ekonom – 294 000 so‘m.

@Oylikqancha — foydali va qiziqarli❗️

Ertaga "Cobalt" uchun shartnoma ochiladi

“UzAuto Motors” AJ 7-yanvar kuni soat 10:00 dan boshlab Chevrolet Cobalt GX-STYLE AT PLUS va GX-MIDNIGHT AT avtomobillari uchun kontraktatsiyani ochadi.

Avtomobillarni xarid qilish uchun shartnomalar faqat savdo.uzavtosanoat.uz veb-sayti va UzAvtoSavdo ilovasi orqali onlayn tarzda tuzilishi mumkin bo‘ladi.

Telegram-bot navbatni kuzatish xizmatini hamda mavjud avtomobillar haqida ma’lumotni taqdim etadi.

Eslatib o‘tamiz, avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozim.

@Oylikqancha — foydali va qiziqarli❗️