«Трамадол» сотганларни «самосуд» қилишгани акс этган видео «Трамадол» ва «Лирика» сотувчиларни қўрқитиш учун атайлаб саҳналаштирилган воқеа эмиш
Тунов куни бўйнига бир лавҳача билан бўйинларига арқон тортилган, бирининг боши бинт билан ўралган, қўли яланғоч кўксида турган икки йигит: «Бўлди, тавба қилдик, бошқа сотмаймиз!», деб тургани акс этган видео тарқалган эди. Видеодан шунақа хулоса чиқариш мумкин эди: Ўзбекистонда эркин савдоси тақиқланган «Трамадол» дори воситасини сотишда гумон қилинган бу икки йигит жуда ҳушёр фуқаролар томонидан ушланиб, милиция ё бошқа ҳуқуқ-тартибот органларига топшириш ўрнига, калтакланган, таҳқирланиб ечинтирилган, сўнг уларнинг узри видеога ёзиб олинган.
Тошкент милицияси ушбу видео юзасидан текширув бошлабди. Ҳатто ушбу видеога алоқадор йигитлардан бирини топибди ҳам. Маълум бўлишича , видеодаги барча жараён — саҳна кўриниши; биров бировни урмаган, биров бировни ечинтирмаган. Видеоёзув 2018 йил февраль ойида олинган (лекин негадир ноябрда тарқалиб кетган), бу саҳна кўринишини тайёрлашдан мақсад — «ўсмирлар ва ёшлар орасида «Трамадол» ва «Лирика» дори воситаларини тарқатиш билан шуғулланаётган шахсларни қўрқитиб қўйишдан иборат» бўлган. Агар ростдан ҳам саҳна кўриниши бўлса, тан олиш керак, йигитларда қобилият йўқ эмас, шундай эмасми.
Cаҳна кўринишими-йўқми, милицияга фарқи йўқ — улар бу ҳолат бўйича текширувни охиригача давом эттириб, видеога алоқадор барчанинг шахсини аниқламоқчи. Агар сизда бу видеога алоқадорлар ҳақида бирор маълумот бўлса, Тошкент милициясининг (71) 281-90-91 и (71) 281-90-92 телефон рақамларига қўнғироқ қилинг. «Шахсингиз сир сақланиши кафолатланади», — деб ёзяпти Тошкент ИИББ матбуот хизмати. Ва охирида шундай мурожаат ҳам бор: «Ҳуқуқбузарлик, жиноятчилик ҳолатларига дуч келсангиз, бу каби Ўрта асрларга хос «суд саҳналари»ни уюштирманг, ё милицияга, ё бошқа ҳуқуқ-тартибот органларига хабар беринг».
Тунов куни бўйнига бир лавҳача билан бўйинларига арқон тортилган, бирининг боши бинт билан ўралган, қўли яланғоч кўксида турган икки йигит: «Бўлди, тавба қилдик, бошқа сотмаймиз!», деб тургани акс этган видео тарқалган эди. Видеодан шунақа хулоса чиқариш мумкин эди: Ўзбекистонда эркин савдоси тақиқланган «Трамадол» дори воситасини сотишда гумон қилинган бу икки йигит жуда ҳушёр фуқаролар томонидан ушланиб, милиция ё бошқа ҳуқуқ-тартибот органларига топшириш ўрнига, калтакланган, таҳқирланиб ечинтирилган, сўнг уларнинг узри видеога ёзиб олинган.
Тошкент милицияси ушбу видео юзасидан текширув бошлабди. Ҳатто ушбу видеога алоқадор йигитлардан бирини топибди ҳам. Маълум бўлишича , видеодаги барча жараён — саҳна кўриниши; биров бировни урмаган, биров бировни ечинтирмаган. Видеоёзув 2018 йил февраль ойида олинган (лекин негадир ноябрда тарқалиб кетган), бу саҳна кўринишини тайёрлашдан мақсад — «ўсмирлар ва ёшлар орасида «Трамадол» ва «Лирика» дори воситаларини тарқатиш билан шуғулланаётган шахсларни қўрқитиб қўйишдан иборат» бўлган. Агар ростдан ҳам саҳна кўриниши бўлса, тан олиш керак, йигитларда қобилият йўқ эмас, шундай эмасми.
Cаҳна кўринишими-йўқми, милицияга фарқи йўқ — улар бу ҳолат бўйича текширувни охиригача давом эттириб, видеога алоқадор барчанинг шахсини аниқламоқчи. Агар сизда бу видеога алоқадорлар ҳақида бирор маълумот бўлса, Тошкент милициясининг (71) 281-90-91 и (71) 281-90-92 телефон рақамларига қўнғироқ қилинг. «Шахсингиз сир сақланиши кафолатланади», — деб ёзяпти Тошкент ИИББ матбуот хизмати. Ва охирида шундай мурожаат ҳам бор: «Ҳуқуқбузарлик, жиноятчилик ҳолатларига дуч келсангиз, бу каби Ўрта асрларга хос «суд саҳналари»ни уюштирманг, ё милицияга, ё бошқа ҳуқуқ-тартибот органларига хабар беринг».