Oson Marketing

Xarid qilishda ta'sir o'tkazuvchi insonlar aniqlang!

Yuqoridagi postda maqsadli auditoriya sifatida ota-onalarni olganmiz. Lekin qaysi biri xarid qilishda asosiy rolni o'ynaydi?

Bizni keysda asosiy qaror qabul qiluvchi sifatida - onalar olindi(70-80%). Ular mahsulot dizayni, rangi, xavfsizligi va qulayligi bo'yicha ko'proq qayg'uradi.

20-30% holatda otalar qaror qabul qiladi. Ular ko'proq mahsulot sifati, chidamliligi va narxi haqida qayg'uradilar.

Hamda bevosita va bilvosita boshqa qaror qabul qiluvchi insonlar ham bo'ladi. Bobo-buvilar, amma-holalar, qo'shnilar deganday.

Huddi shu holatlar ham hisobga olinishi kerak.

#marafon - 9/30

@oson_marketing - 1000$ lik kursdan yaxshiroq!

Marafon endi haqiqiy realityga aylanadi!

Bilaman, nazariy bilimlar tashlayverilganidan zerikib ketgan bo’lishingiz mumkin.

Endi yanada qiziqarli bo’ladi. Sizlar bilan bir biznesni 0 dan birgalikda ko’taramiz.

Nazariya bilan birgalikda endi o’zimni qilgan ishlarimni ham bo’lishib boraman.

Ana sizlarga tayyor shablon bo’ladi. O’zingizni biznesingizda qo’llash uchun ajoyib imkoniyat.

Qanday biznes deb o’ylaysiz?

Barcha harakatlarimiz behuda

Biz behisob kitoblar sotib olamiz, seminarlarda qatnashamiz, juda koʻp darslar olamiz. Sanoqsiz podkastlar tinglaymiz.

Lekin hammasi behuda. Agar oʻrganayotgan narsamiz asli nima ekanini aniq bilmasak, barcha harakatlarimiz behuda.

Oʻrganish - qatnashish, tinglash yoki oʻqish emas. Shunchaki bilim olish ham emas. Oʻrganish - bu bilimingizni shu bilimga asoslangan harakatga aylantirishdir. Boshqacha aytganda, u oʻzgarishni anglatadi.

Oʻrganish oʻzgarish demakdir. Agar oʻzgarmagan boʻlsak, demak, oʻrganmabmiz.

Siz bugun nima oʻrgandingiz?

@oson_marketing - 1000$ lik kursdan yaxshiroq!

Kichik va o'rta bizneslar marketingi - minimal harajat, maksimal foyda!

To'g'ridan-to'g'ri undovchi marketing - kichik biznesni kam mablag' bilan raqobatdosh qila oladigan marketing usullaridan biri hisoblanadi.

Bu shunday usulki, unda siz sarflagan harajatingizga yarasha natija olasiz. Masalan: marketingga sarflangan har 100 ming so'm uchun siz sotuvdan 1 mln so'm foyda olasiz.

Bu bo'lajak mijozning aynan bir muammosini yechishga qaratilgan bo'lib, u maxsus bilim va maslahat bilan o'z yechimini topadi.

Ushbu marketing usuli bo'lajak mijozni ma'lum bir harakatni bajarishga undaydi, masalan: sizga SMS yozishga, qo'ng'iroq qilishga, telefon raqamini yozib qoldirishga yoki buyurtma berishga va hkz.

To'g'ridan-to'g'ri undovchi marketingning o'ziga xos xususiyatlari mavjud. Ular haqida keyingi postlarda ma'lumot berib o'taman.

#marafon - 7/30

@oson_marketing - 1000$ lik kursdan yaxshiroq!

Bitta reklama, bitta maqsad

Maqsadli marketingni boshlash uchun biz ikkita asosiy elementni inobatga olishimiz lozim.
1. Reklamadan maqsad nima?
2. Reklamaning asosiy nishoni nimaga qaratilgan?

Reklama berishdan maqsad odatda mana shunday bo'lishi mumkin:
• Brending;
• Nomni tanitish;
• Savdo;
• Mijozlar qo'ng'iroq qilishi va hkz;

Bu maqsadlarning deyarli hammasi bir-biridan farq qiladi va siz bitta reklama bilan bularning barchasini amalga oshira olmaysiz. Xo'sh unda qanday usul qo'llash kerak?

Eng yaxshi usullardan biri - bitta reklama, bitta maqsad. Agar reklamadagi biror narsa maqsadga erishishda yordam bermayotgan bo'lsa, u ortiqcha bo'ladi va undan voz kechish kerak. Reklamadagi har bir joy qiymatga ega, undan maksimal foydalanish kerak deydiganlar aslida mijozni jalb qilishdan ko'ra uni chalg'itib qo'yadi.

Reklama maqsadini aniqlab olgach, uni ko'rgan mijozga nimani yetkazishi haqida o'ylash kerak. Ya'ni xabarni o'qigan odamdan nima qilishini kutasiz? Telefon qiladimi yoki saytga kirib ro'yxatdan o'tadimi? Siz unga keyingi harakatini aniq aytishingiz kerak, "bizga qo'ng'iroq qilishdan ikkilanmang" degan noaniq gaplardan yiroq bo'ling.

Ular nima qilish kerakligi va buning evaziga nima olishini aniq qilib ko'rsating. Shuningdek, ularga buni amalga oshirish uchun bir nechta variant bering.

Masalan, agar mahsulotga buyurtma berishni xohlayotgan bo'lsangiz, bo'lajak mijozga buni bir necha yo'l: qo'ng'iroq qilish, online buyurtma berish yoki boshqa usullar orqali amalga oshira olishi kerak. Shuning uchun ularga o'ziga qulay bo'lgan usulda harakatlanish imkoniyatini bering.

#marafon - 6/30

@oson_marketing - 1000$ lik kursdan yaxshiroq!

Kichik ko'lmakda katta baliqqa aylanasiz

Tor bozor — aniq bir auditoriyaga mo'ljallangan biznes kategoriyasining ixtisoslashgan bir bo'limi. Tushunarsiz-a? Keling jaydaricha qilib tushuntirman.

Masalan, taomlanish joylarini olaylik. Bu bozor juda keng: milliy taomlar, yevropa taomlari, fast-fudlar, pitseriya, turk taomlari, gummaxonalar va shunga o'xshash boshqa turdagi taomlarni taklif etadi.

Agar biz mana shu subkategoriyalardan birini olsak, misol uchun pitseriya, shu bizning tor bozorimiz bo'ladi. Bu esa faqat pitsa yeyuvchilar uchun mo'ljallangan bozor bo'ladi.

Xo'sh savol, nega biz bozorni bunchalik toraytirib, cheklashimiz kerak?

1. Mablag' cheklangan. Juda keng auditoriya olinsa, marketing kuchini yo'qotadi, natija esa kam bo'ladi.

2. Sizning reklamangizni bo'lajak mijoz ko'rganda - "Vavv, bu men uchun" degan taassurot uyg'otishi kerak.

Bu ko'plab xizmatlarni bir vaqtda taklif qila olmaysiz degani emas, har bir xizmat bo'yicha alohida marketing yondashuv kerakligini bildiradi.

Bitta tor bozorda ustunlikka erishganingizdan keyin, boshqa bir serdaromad bozorni topib biznesingizni kengaytirishingiz mumkin.

Xuddi, Akfa kompaniyasi kabi. Boshlanishiga faqat rom ishlab chiqarish bilan boshlangan biznes, hozirda lampochka, zapchastlar, universitet va boshqa turdagi bozorlarni egallagan.

#marafon - 5/30

@oson_marketing - 1000$ lik kursdan yaxshiroq!

Biznes boshlash uchun 1-qadam: Maqsadli bozoringizni aniqlang

Bozorni aniqlash marketing jarayonidagi birinchi muhim bosqich hisoblanadi. Shu ishni yaxshi amalga oshirish sizga tezroq bo'lajak mijozlarni olib keladi va marketingni yanada samarali qiladi.

To'g'ri maqsadli bozorga e'tibor qaratish orqali marketingga sarflangan vaqt, pul va energiyaning tezroq qaytib kelishiga erishasiz.

Ko'pchilik biznesmenlar "hamma" ni maqsadli bozor sifatida olib qaraydi. Imkon qadar ko'p mijozga ega bo'lish istagi sabab shunchalik katta bozorni egallashga urinadi.

Mantiqan to'g'ridek tuyiladi, lekin bu katta xato. Bu usulni qo'llagan biznes egalari qorong'udagi kamonchiga o'xshaydi, ya'ni 1-2 ta o'q nishonga tegib qolar degan umidda har tomonga otaveradi.

Bu mass-marketing uchun qo'llaniladigan strategiya. Lekin kichik va o'rta bizneslar uchun bu ahmoqona marketing, chunki sizda ortiqcha pul yo'q.

Shuning uchun avvalo siz o'zingiz uchun tor bozorni va maqsadli auditoriyangizni aniqlashtirib olishingiz kerak bo'ladi.

Bu bo'yicha keyingi postda yozaman.

#marafon - 4/30

@oson_marketing - 1000$ lik kursdan yaxshiroq!

Kasbingizni biznesga aylantiring

Tadbirkorlik tutqanog'i - bu shunday tuzoqki, unda mutahassis, masalan, santexnik, sartarosh yoki tish shifokori kabilar: "Nega shu ahmoq boshliqqa ishlayapman? Men o'z ishimni ustasi bo'lsam. Yaxshisi, o'z biznesimni ochaman!", — deb o'ylay boshlaydi.

Bu kichik biznesda eng keng tarqalgan xatolardan biridir. Chunki, o'z ishini ustasi bo'lish — o'sha biznesda ham usta bo'lish degani emas.

Biznes egasi juda yetuk mutahassis bo'lishi mumkin, lekin biznes bilimlarining yetishmasligi biznesning yopilishiga sabab bo'ladi.

Bu bilan odamlar biznes boshlamasin demoqchi emasman. Aksincha, biznesda faqat soha bo'yicha maxsus bilimlar kamlik qiladi, uni yuritish, yuqoriga olib chiqish uchun biznes ko'nikmalar, marketing bilimlari ham muhim rol o'ynashini e'tiborga olish kerak.

Agar siz ham bir ishning ustasi bo'lsangiz, ammo shu ishga asoslangan biznesni yuritish bo'yicha bilimga ega bo'lmasangiz, xavotir olmang.

Ushbu kanalda siz muvaffaqiyatli biznes yuritish uchun aynan nima qilishingiz kerakligini bilib olasiz.

#marafon - 3/30

@oson_marketing - 1000$ lik kursdan yaxshiroq!

O'z egasini ayanchli ahvolga solib qo'ygan bizneslar

Hech o'ylab ko'rganmisiz, nega aksariyat kichik bizneslar ochilganidan keyin deyarli o'zgarishsiz, o'rtamiyona bo'yicha qolib ketadi?

Bunga misol qilib, mahallamizdagi do'konlar, taomlanish joylari, ustaxonalar va boshqa ko'plab joylarni keltirishimiz mumkin. Eslab ko'ringchi, ular 5 yil oldin qanday holatda edi, va hozir qanday holatda? Deyarli o'zgarishsiz, to'g'rimi?

Shunday bizneslar o'z egasi uchun yetarlicha daromad olib keladigan, hech bo'lmaganda asosiy harajatlarini qoplaydigan darajada bo'lishi mumkin, ammo undan nariga o'tmaydi.

Ko'pchilik biznes egalari bunday yurgandan ko'ra biznesni yig'ishtirib o'z sohasidan biror ishga joylashsa, ko'proq foyda oladi. Kamroq ishlab, kamroq xavotirlanib, ko'proq dam olishga imkoni bo'ladi.

Aksariyati, o'z xatolarida soxani ayblaydi:
• Raqobat juda kuchli
• Qoladigan foyda juda kam
• Onlayn do'konlar mijozlarni tortib ketyapti
• Reklama endi foyda bermayapti

Lekin huddi shu sohada yaxshigina foyda olayotgan biznesmenlar bor-ku. Ularni vaqti bemalol, biznesi yaxshigina pul olib keladi hamda doimiy rivojlanib, o'sib bormoqda.

Endi sizga savol, bunga asosiy sabab nima deb o'ylaysiz?

#marafon - 2/30

@oson_marketing - 1000$ lik kursdan yaxshiroq!

Nega ko'p bizneslar yopilib ketadi?

Yangi biznes ochilganidan so‘ng ilk 5 yil ichida ularning 50% dan ko‘prog‘i yopiladi. Shuningdek, kichik bizneslarning 60%i deyarli foyda keltirmaydi.

Bizneslarning yopilishiga asosiy sabablar esa quyidagilar:
• Bozor ehtiyoji yo'qligi: 42%
• Moliyaviy yetishmovchilik: 29%
• Raqobatda yutqazish: 19%
• Narx yoki xarajat muammolari: 18%
• Mahsulot sifati pastligi: 17%
......

Bizneslarning muvaffaqiyatli bo'lishida ekspertlar quyidagi strategiyalarga e'tibor qaratishni tavsiya qilishadi:
• Biznesni boshlashdan oldin tadqiqot o'tkazish
• Aniq va kuchli biznes reja tayyorlash
• Moliyaviy tomonlama barqarorlik
• Marketingni yaxshilash
• Mahsulotni sifatliroq qilish
......

Bu xalqaro statistika bo'yicha olib qaralganda shunday. Ammo, O'zbekistonda biroz boshqacha bo'lishi ham mumkin. Shuning uchun sizlarga o'zimizdagi kichik bizneslardagi muammolarni jaydaricha qilib keyingi postda tushuntirib o'taman.

Bugun nega aynan marketing biznes uchun kerakligi va uni foydalari haqida gaplashamiz.

@oson_marketing - 1000$ lik kursdan yaxshiroq!

Barchangiz 80/20 paretto qonuni haqida eshitgandirsiz. Lekin 64/4 qonunichi?

80/20 qonunini shu qonunning o'ziga joriy qilamiz. Shunda 80 ning 80 foizi va 20 ning 20 foizini olsak, 64/4 bo'ladi.

Ya'ni 64% natija 4 % sabab orqali yuzaga keladi.

Boshqacha qilib aytganda, biznesda muvaffaqiyatning asosiy qismi o'sha 4% harakatdan keladi.

Sizning asosiy vazifangiz esa o'sha 4% ishingizni aniqlab olishdir.

@oson_marketing - 1000$ lik kursdan yaxshiroq!

Oddiy suv uchun 2000 barobar ko'p pul to'laysiz!

Hech qanday marketing hiyla yoki nayrang emas. Bu qanday bo'lishini esa instagramdagi yangi reelsda ko'rsatib berganman. Rasmiy instagram sahifamizga obuna bo'ling.

👉 Videoni ko'rish: instagram.com/reel/DFXSDQXMeB8/?igsh=MXY1ejUwdnY0MzNhYg==

"30 kunda har qanday kichik biznesni 0 dan marketingini qurish" bo'yicha reality shou qilmoqchiman.

Qachondan: 1-fevraldan boshlab

Kimlar uchun:
- Kichik biznes egalari
- endi biznesini boshlamoqchi bo'lganlar
- va marketingni o'rganmoqchi bo'lganlar uchun

Nimalar qilinadi:
- Endi boshlovchilar uchun har qanday onlayn yoki oflayn biznesni 0 dan yaratish, marketingini yurgizish va mijozlarni jalb qilish strategiyalari
- Kichik biznesi borlar uchun marketing bo'limini 0 dan qurish (ha o'zingiz, hech qanday marketologsiz)
- Marketingni o'rganmoqchi bo'lganlar uchun ishga kirganda qilinishi kerak bo'lgan ishlar o'rgatiladi.

Siz nima foyda:
- 0 dan onlayn yoki oflaynda biznes yoki shaxsiy brend qurishni o'rganasiz
- 30 kunda biznesingizda marketologsiz marketing bo'limini qurishni 0 dan eng sodda tilda o'rganasiz.
- Barcha qilishingiz kerak bo'lgan ishlar ketma-ketlikda, aniq vazifalar bilan berib boriladi.
- Bepul, lekin bundan keyingilari aniq pullik bo'ladi.

Xullas, 0 dan istalgan kichik biznesni boshlash va marketingini yurgizishni 30 kunda o'rgatmoqchiman.

Kimda yana qo'shimcha takliflar bo'lsa izohlarda yozing, bo'lmasa olovchalar bilan qo'llab-quvvatlang.

@oson_marketing - 1000$ lik kursdan yaxshiroq!