"OnlineEdu.uz" — @onlineedu_uz Telegram-kanali

OnlineEdu.uz

28 Apr, 05:09

Ilyos Safarov dan repost

Muammoning bir qirrasi

– 2024-yil, 26-noyabr. Birlashgan Arab Amirliklarida yahudiy ruhoniysi Svi Kogan o’ldirildi.

BAA politsiyasi ravvin o’limida gumon qilib, 3 nafar o’zbekistonlik: 28 yoshli Olimboy Tohirovich, 28 yoshli Mahmudjon Abdurahim va 33 yoshli Azizbek Komilovichni qo’lga oldi. Bir muddat o’tib, sud ularni o’lim jazosiga hukm qildi.

– 2024-yil, 17-dekabr. Rossiyalik general Igor Kirillov va uning yordamchisini o‘ldirganlikda gumonlanib, 29 yoshli O‘zbekiston fuqarosi Ahmad Qurbonov qo‘lga olindi. Tergov natijasida Qurbonov bu ishni 100 ming dollar va Yevropa passporti uchun qilganini tan oldi.

– 2025-yil, dekabr. Suriyada 11 kunda prezident Bashar Asadni hokimiyatdan ag’dargan qurolli islomiy muxolifat yurishida o’zbek tilida so’zlashuvchi o’nlab (kamida) jangarilar ko’rinish berdi.

– 2025-yil, 20-aprel. Dubaydagi ikki o’zbek jinoiy guruhi (asosan yoshlardan iborat) o’rtasida yirik pichoqbozlik. Politsiya 40 kishini ushlagan, janjalda bir kishi vafot etgani aytilmoqda.
…

Bugun axborotni chegaralab bo’lmaydi. Shunday zamonda endi terakt, yirik qotilliklar sodir etilarkan, u haqda soniyalarda dunyoning turli nuqtalaridan turib xabar topish mumkin. Yuqorida eslaganim, oxirgi bir necha oy voqealari esa xalqaro matbuotda o’zbek nomi bilan bog’lab yozilgan ishlar.

Afsuski, bu kabi qotillik va teraktlar sabab nafaqat mamlakat imidji pasaymoqda, (BAAga vizasiz rejimning bekor bo’lish xavfi ilk ko’rinish) balki, bora-bora O’zbekistonni Afg’oniston yonidagi, radikalizm rivojlangan, pul uchun terrorchilikka tayyor yoshlar yetishadigan mamlakat sifatida ko’rish, tanish boshlangan bo’lishi mumkin.

Terrorchining millati yo’q, deyishadi, lekin teraktlar tez-tez bir millat bilan tilga olinarkan, u endi millat nomiga doimiy bog’lana boshlaydi (yuqoridagi keyslardan kelib chiqilsa, bizda bu muammo allaqachon mavjud).

Bugun dunyoda sodir etilayotgan turli qotillik va teraktlarda o’zbekistonlik yoshlar ishtiroki oshib borarkan, ko’rinadiki,

– o’zbek ta’lim tizimi o’ta jiddiy nuqsonlar bilan ishlamoqda. U maqsadi sifat bo’lgan butkul qayta qurishga muhtoj;

– tarbiyada ota-ona, maktab, o’rta va oliy ta’lim, ruhshunos hamda boshqa institutlar hamkorligida, samarali ishlaydigan tizim zarur;

– yoshlarning dinni to’g’ri aglashi, bu yo’lda qonuniy ta’limga imkoniyatni kengaytirish borasidagi siyosat butunlay qayta ko’rilishi kerak;

– dunyoda analogi yo’q, deya maqtaniladigan o’zbek ma’naviyat tizimi o’zini oqlamadi. Ayni tizim uchun ajratilayotgan milliardlab mablag’, kuch va resurslar to’liq auditdan o’tkazilishi kerak;

(bu yo’nalishdagi doimiy qo’shib yozish (samarasiz tadbirlar) va hamma bir-birini aldaydigan hisobotlar bizni shu nuqtaga olib keldi)

– yoshlarni mamlakatning o’zida ishli qilish bo’yicha hukumatga korrupsiya, qo’shib yozishdan holi, ish navbatdagi yangi vazirlikni ochish bo’lmaydigan, yirik dastur zarur;

– umuman, yoshlar bilan juda katta budjet resurslari va imkoniyatlar sarflanayotgan lekin samarasi past hukumat tuzilmasi (agentlik) orqali ishlashdan (kamiga boshqaruvi tez-tez o’zgaradigan) voz kechish va jarayonni samarali ishlaydigan nodavlat notijorat tashkilotlarga topshirish;

– yoshlarning davlat idoralariga ishga joylashishi va mehnat faoliyatida har tomonlama o’sib borishini ta’minlaydigan adolatli tizim (meritokratiya)ni yo’lga qo’yish;
….

Xudo ko’rsatmasin-u, yuqoridagi kabi hal etilmayotgan muammolar yoki foydalanayotganimiz, buzuq tizimlar hali o’zbek nomini tashiydigan ko’plab terrorchilarni chiqarishi xavfi yuqori. Shaxsan men hozircha bunga qarshi kuchli choralarni ko’rmayapman.

@haqiqatdaIlyos

33 0 0

OnlineEdu.uz

23 Apr, 19:23

A’zamxo‘jayev / Аъзамхўжаев dan repost

Rossiya tashqi ishlar vaziri Sergey Lavrov Samarqandda Motamsaro ona haykali poyiga gul qo‘yayotganida “nega bu yerda o‘zbekcha va inglizcha yozuv boru, ruschasi yo‘q”, deb sasibdi. Nega ruschasi bo‘lishi kerak? O‘zi nega kelgan bu go‘rso‘xta, nega uni Motamsaro ona haykalining oldiga olib borishgan? Pishirib qo‘yibdimi? Yo‘qol Putiningni oldiga!

66 0 0 1

OnlineEdu.uz

23 Apr, 04:11

Ilm zarur!

Farzandingiz diplom olgach, darrov boyib ketmasligi mumkin. Ehtimol, o‘sha qog‘oz parchasining o‘zi unga uy ham, mashina ham olib bermas.
Lekin... ilmli bola hech qachon xor bo‘lmaydi.

Bugun ishsizlar orasida diplomli odamlar ko‘p. Siz aytasiz: “Unday bo‘lsa, o‘qitib nima foyda?” Foyda shunda — ilm yo‘qolmaydi, dunyo o‘zgarsa ham, kasb o‘zgarsa ham, har qanday jamiyatda o‘z o‘rnini topa oladi.

Farzandingiz ish topolmay qolishi mumkin, lekin u fikrlay oladigan, analiz qiladigan, tilini biladigan, dunyoni tushunadigan inson bo‘lib ulg‘aysa — hech qachon kam bo‘lmaydi.
Chunki bilimli odamning yo‘li bor.

Diplom emas, tafakkur boqadi.
Shu bois, farzandingizni har doim o‘qiting. U zo‘r kasb egasi bo‘lmasligi mumkin, lekin inson bo‘lib yetishadi. Bu esa – eng katta yutuq.

Ota-ona bitta mashinaga pul topadi. Bitta to‘yga sarf qiladi. Ammo farzandining kelajagiga pulni ayaydi. Esda tuting:
Mashina eskiradi. To‘y o‘tadi. Ilm qoladi.

Bugun o‘qitmasangiz, ertaga pushaymon bo‘lishingiz mumkin.
Va u paytda kech bo‘ladi.
Farzandingizga eng qimmat sovg‘a – ta’lim. Uni ayamang.

@onlineedu_uz

79 0 1

OnlineEdu.uz

18 Apr, 12:02

Davlat ta’limga qayerda aralashishi kerak — va qayerda emas?

Ta’lim jamiyatning poydevori. Uning barqaror, adolatli va sifatli bo‘lishi — davlat va fuqarolarning umumiy mas’uliyatidir. Ammo bu mas’uliyatning chegaralari bor. Qayerda davlat aralashishi zarur, qayerda esa orqaga chekinib, mustaqillikka yo‘l berishi kerak?

Davlat aralashishi kerak bo‘lgan jabhalar:

1. Ta’limga teng imkoniyat yaratish:
Davlat barcha fuqarolarga — jinsi, yashash joyi, iqtisodiy ahvoli, irqi yoki dinidan qat’i nazar — sifatli ta’lim olish imkonini kafolatlashi kerak. Bu, ayniqsa, maktabgacha va umumiy o‘rta ta’limda juda muhim.

2. Moliyalashtirish:
Davlat boshlang‘ich, o‘rta va oliy ta’lim tizimlarini moliyaviy qo‘llab-quvvatlashi lozim. Bu o‘qituvchilarning maoshi, maktab infratuzilmasi, o‘quv qurollari va stipendiyalarni o‘z ichiga oladi.

3. Ta’lim sifati va standartlari:
Davlat muayyan minimum sifat standartlarini belgilashi, o‘quv dasturlarining asosiy tamoyillarini nazorat qilishi, akkreditatsiya jarayonlarini tashkil etishi zarur.

4. Xavfsizlik va mehnat huquqlari:
Ta’lim muassasalarida bolalar, o‘qituvchilar va xodimlar xavfsizligi, jismoniy va ruhiy sog‘lig‘i, mehnat sharoitlari davlat tomonidan muhofaza qilinishi kerak.

Davlat aralashmasligi kerak bo‘lgan jabhalar:

1. Pedagogik erkinlik:
O‘qituvchilar va muassasalar o‘z metodikalarini tanlash, darslarni qanday uslubda o‘tish, talabalar bilan qanday munosabatda bo‘lish borasida mustaqillikka ega bo‘lishi kerak (umumiy standartlarga zid bo‘lmasa).

2. Ilmiy erkinlik:
Universitet va ilmiy markazlar davlatdan mustaqil ravishda ilmiy izlanish olib borish huquqiga ega bo‘lishi lozim. Siyosiy pozitsiyaga moslashish talabi — ilm-fanning dushmani.

3. Ijtimoiy-falsafiy masalalarga bir yoqlama yondashuv:
Ta’lim bir fikr yoki mafkura targ‘ibotchisiga aylanishi emas, balki o‘quvchini mustaqil fikrlashga o‘rgatishi kerak. Davlat darsliklar orqali bitta qarashni majburan singdirmasligi lozim.

4. Ta’limning shaxsiylashtirilgan yo‘nalishlari:
Xususiy maktablar, alternativ o‘quv dasturlari (masalan, Montessori, Waldorf), onlayn ta’lim shakllari va oilaviy ta’limga nisbatan haddan tashqari tartibga solish — kreativlik va tanlov huquqini cheklashi mumkin.

Davlat — ta’lim tizimining tayanchi, lekin uning egasi emas. Ta’lim nafaqat davlatga, balki jamiyatga, o‘qituvchilarga, ota-onalarga ва, albatta, o‘quvchilarning o‘ziga ham tegishlidir. Muvozanatli yondashuvgina ta’limni chin ma’noda sog‘lom, erkin ва samaraliroq qiladi.

@onlineedu_uz

107 0 2

OnlineEdu.uz

17 Apr, 14:01

Jalilov. Qaydlar dan repost

Maktabgacha va maktab ta'limi vazirligi va / yoki uning quyi tizimlariga murojaat: "g'irrom o'yin" qilmang!

"Bezor bo'ldik bu tizimdan", deyishmoqda "Mening fikrim" portalida yangi baholash tizimining bekor qilinishini talab qilib joylangan petitsiyaga qarshi ovoz berish va ushbu topshiriqni bajarganligining isbotini taqdim qilishga mahburlanayotgan o'qituvchilar. Pedagoglar portalga kirib, petitsiyaga qarshi ovoz berishga va yangi baholash tizimini yoqlab izohlar qoldirishga majburlanayotgani haqidagi xabarlar bundan ham oldin chiqqan edi. Vazirlik tizim yaratayotgan jiddiy muammolarni tan olishni istamaydigan ko'rinadi: vazir o'rinbosari bilan uchrashuv ham besamar ketgan edi, ota-onalarning turli davlat idoralariga murojaatlari ham vazirlikka ko'rib chiqish uchun yuborilmoqda va vazirlikdan "hammasi zo'r" mazmunidagi "otpiska"lar kelmoqda.

O'qituvchilarga bunday topshiriqlar berish - quyi bo'g'inlardagi rahbarlar tashabbusimi yoki markazdan, vazirlikning o'zidan berilgan topshiriq, hozircha aniq emas. Lekin bir narsa aniq: kim(lar)ningdir o'zidan tepadagi(lar)ga yaxshi ko'rinish istagi, "kreslo"ning qimirlab qolishidan qo'rqish va buning oqibatida muammolarni xaspo'shlash, ko'zbo'yamachilik, qo'l ostidagilarni yolg'onga majburlash, "tepa"ga "hammasi zo'r" qabilidagi soxta taqdimotlar va hisobotlar berish - nafaqat ta'limni, balki har qanday sohani o'ldiradi. Vazirlik va / yoki uning quyi bo'g'inlari uchun "kreslo"dan ko'ra ta'limning kelajagi muhimroq bo'lganda edi - bunday g'irrom yo'lni tanlashmmagan bo'lardi. Menimcha.

74 0 0

OnlineEdu.uz

14 Apr, 16:09

Jalilov. Qaydlar dan repost

Maktabgacha va maktab taʼlimi vazirligi oʻqituvchilarni trollikka majburlamoqdami?

Ingliz tili oʻqituvchilari va oʻrganuvchilari uchun moʻljallangan School English Teachers kanali "Mening fikrim" portalida yangi baholash tizimining bekor qilinishini talab qilib joylangan petitsiya ostidagi tizimni yoqlab qoldirilgan bir xil shakldagi izohlarga eʼtibor qaratib, "oʻqituvchilar trollikka majburlanmoqda" degan xulosa bermoqda. Oldinroq oʻqituvchilar portalga kirib, petitsiyaga qarshi ovoz berish va buning dalilini maktab rahbariyatiga taqdim qilishga majburlanayotgani haqida yozgan edim.

Qizigʻi, portalda tizimga qarshi (yaʼni petitsiyani qoʻllab) qoldirilgan izohlarni tahlil qilsangiz, ular har xil, yaʼni yangi baholash tizimiga qarshi boʻlganlar oʻzlari duch kelgan tizim bilan bogʻliq muammolar haqida oʻz fikrlarini qoldirganlar. Yangi baholash tizimini yoqlab (yaʼni petitsiyaga qarshi) qoldirilgan izohlar esa shaklan va mazmunan juda oʻxshash, faqat ayrim jumlalarning tushib qolganligi bilan farq qiladi. Yaʼni, kimdir bir xil shablonni yozib bergan-u, qaysidir izoh qoldiruvchilar ushbu shablonni toʻliq, kimlardir esa shablonni qisman (ayrim jumlalarini tushirib qoldirib) saytga joylashtirganga oʻxshaydi. Umid qilamizki, petitsiyani tahlil qiluvchi tegishli mutasaddilar (agar bundaylar mavjud boʻlsa) nafaqat ovozlar va izohlar soniga, balki izohlar sifati va ularda koʻtarilgan muammolarga ham eʼtibor qaratishadi.

Umuman, Qozogʻistondan koʻr-koʻrona va notoʻgʻri koʻchirilgan bu tizimning muammolari mana bu maqolada tahlil qilingan edi. Vazir oʻrinbosarlaridan biri bilan muammoga yechim topishga urinishlar besamar ketgani haqida ham yozgan edim. Tizim bilan bogʻliq muammolar haqida ota-onalarning Oliy Majlis va Bosh Prokuraturadan tortib Bolalar ombudsmanigacha turli instansiyalarga yuborayotgan murojaatlariga ham shu vazir oʻrinbosari imzosi bilan otpiskalar yuborilib, goʻyoki muammo shu bilan "hal boʻlmoqda". Aftidan, vazirlik rahbariyati eng yuqori doirada "zoʻr" deb taqdimot qilingan tizim bilan bogʻliq real muammolar "tepa"ga yetib borishidan juda xavfsirayotgan, "kreslo"ning qimirlab qolmasligi uchun kerak boʻlsa taʼlim sifatini va oʻquvchilar kelajagini qurbon qilishga tayyor koʻrinadi.

School English Teachers

98 0 0

OnlineEdu.uz

12 Apr, 06:28

O‘smirlarning ruhiy salomatligi: e’tibor va yondashuv

Bugungi kunda ko‘plab o‘smirlar tashqi tomondan quvnoq va faol ko‘rinsa-da, ich-ichida yolg‘izlik, tushkunlik, o‘ziga ishonchsizlik bilan kurashmoqda. Ruhiy salomatlik – bu shunchaki kayfiyat emas, bu har bir farzandning kelajagidir.

O‘smirlik — inson hayotidagi eng nozik va muhim bosqich. Bu davrda bola tanasida jismoniy o‘zgarishlar bilan birga, ichki olami ham keskin o‘zgaradi. O‘zini anglash, jamiyatda o‘z o‘rnini topishga urinish, bosimlar, muvaffaqiyatsizliklar, do‘stlar orasidagi raqobat... bularning bari ruhiyatga ta’sir qiladi.

Ammo savol tug‘iladi: biz — ota-onalar, ustozlar, jamiyat vakillari — bunga tayyormizmi?

- Farzandingiz so‘zsiz jim turganida, u sizni tinglayotgandek emas, siz uni eshitmayotgan bo‘lishingiz mumkin.
- Uning ko‘zidagi so‘nib borayotgan ishonchni telefondagi “hammasi joyida” degan so‘zlar ortida yashirmang.
- Har bir o‘smirga “men sen bilanman” degan so‘zdan ham kuchliroq narsa bor — bu “unga ishonch” va “uning his-tuyg‘ularini hurmat qilish”.

Ruhiy salomatlik haqida gapirish – zaiflik emas, bu jasoratdir. O’smirlarni eshiting, ularni tushuning va eng muhimi – ularni qabul qiling. Har bir o‘smir mehrga muhtoj. Ba’zan bitta e’tibor, bitta samimiy suhbat – bir umr esda qoladigan najot bo‘lishi mumkin.

O’smirlik — bu sinov emas, bu imkon. E’tiboringiz va to‘g‘ri yondashuvingiz – ularning kelajagiga qo‘yilgan poydevordir.

@onlineedu_uz

112 0 3

OnlineEdu.uz

6 Apr, 07:24

"Uy degani..."

Ba’zilar uchun “uy” — bu tinchlik, sokin kechalar, shirin bolalik demak.
Ba’zilar uchun esa uy – bu urish zonasi,
Bu – janjalning sahnasi,
Bu – ota-onaning bir-birini yo‘q qiladigan maydoni.

Va bu maydonning eng jim, eng og‘riqli guvohi – bola.

U hech narsa demaydi.
Uni faqat yuragi og‘riydi.
Siz ko‘rmaysiz, siz eshitmaysiz.
Ammo u har bir so‘zingizni eshitadi. Har bir harakatingizni yod oladi.

Siz urushasiz. U esa sinadi.

Siz “Oddiy gaplashib oldik” deysiz.
U esa o‘sha kechada yuragini hovuchlab yig‘laydi.
Siz “Bola hali hech narsani tushunmaydi” deysiz.
U esa o‘sha voqeani yigirma yil o‘tib ham eslaydi.

Siz unutgan har bir janjal — uning ongida tirik yara.
Bu yara hech qachon bitmaydi.

Bu boladan kim ulg‘ayadi?

Bu boladan…
– Muhabbatdan qo‘rqadigan inson ulg‘ayadi.
– Boshqalarga ishonmaydigan inson ulg‘ayadi.
– Yuragi doim sergak, doim xavotirli inson ulg‘ayadi.
– Sevganida ham yuragini to‘liq ocholmaydigan inson ulg‘ayadi.
– Qo‘rqoq inson ulg‘ayadi.

Chunki u hech qachon o‘z uyida sokinlikda yashay olmagan.

U do‘st, juft, umr yo‘ldosh tanlayotganda ham, yuragining bir chetida:
“Bu ham meni tark etadimi?” degan savol yashaydi.

Farzandingizni o‘z qo‘lingiz bilan bu ruhiy jarohatga mahkum qilmang.

– Uni o‘rtangizdagi urishga guvoh qilmay, muhabbatga guvoh qiling.
– Uni o‘zingiz yaratgan vahimaga emas, sokinlikka, xavfsizlikka yashiring.
– “Uy” degan so‘z unga dard emas, davo bo‘lsin.
– “Ota-onam” degan so‘z unga xavf emas, himoya bo‘lsin.

Esingizda bo‘lsin:

Farzandingiz muhabbat qanday bo‘lishini sizdan o‘rganadi.
Agar siz janjal bilan yashasangiz, u ham shunday hayot quradi.
Agar siz mehr ko‘rsatsangiz, u butun umr muhabbatni eslab yashaydi.

Siz urishni yutishingiz mumkin. Lekin bolangizni yo‘qotasiz.

Farzandingiz sizdan na “haq bo‘lishingizni”, na “g‘alaba”ni so‘raydi.
U faqat bir narsani istaydi:
“Meni bu janjaldan asrang.”

@onlineedu_uz

181 1 5 4

OnlineEdu.uz

4 Apr, 07:22

Ota-onalar, farzandingiz qayerda va kim bilan?

Bugun siz ish bilan bandmisiz? Pul topish uchun tinmay harakat qilyapsizmi? Ha, bu muhim, lekin farzandingiz tarbiyasidan muhimroq emas!
Siz uni boqayapsiz, kiyintirayapsiz, ta’lim olayapti, lekin u kim bilan o‘tirayapti? Kim bilan gaplashayapti? Kimdan nimalarni o‘rganayapti? Bu savollarga javobingiz bormi?

Maktab atrofida, mahallalarda, hatto ijtimoiy tarmoqlarda narkotik moddalar tarqalayotgani hech kimga sir emas. Va eng yomoni – bu illat yoshlar orasiga tobora chuqur kirib boryapti. Kimdir buni qiziqish bilan sinab ko‘radi, kimdir do‘stlarining bosimiga chiday olmaydi, yana kimdir esa «zamonaviylik» deb o‘ylaydi. Lekin natija bitta – hayot barbod bo‘ladi!

O‘qituvchi faqat bilim beradi! Farzandingizning tarbiyasi bilan shug‘ullanish uning vazifasi emas! U sizning o‘rningizga bolangizni tarbiyalaydigan odam emas! O‘qituvchi maktabda darsini o‘tadi, lekin bola maktabdan chiqqandan keyin u bilan kim yurganini bilmaydi. Bolangizni tarbiya qilishi kerak bo‘lgan odam – sizsiz, ota-onalar!

📢 Farzandingiz bilan gaplashing!
📢 Uning do‘stlarini taning!
📢 Telefonini tekshiring!
📢 Qayerga borayotgani, kim bilan muloqot qilayotgani haqida befarq bo‘lmang!

Pul topish kerak, ha. Lekin farzandingizni yo‘qotib, keyin milliard so‘m ishlab topganingiz kimga kerak? Uzoqni o‘ylang, kech bo‘lishidan oldin!

@onlineedu_uz

114 0 0

OnlineEdu.uz

3 Apr, 12:16

O‘zbekistonda o‘qituvchi bo‘lish – fidoyilikmi yoki qurbonlik?

O‘qituvchi – jamiyatning tayanchi. Lekin O‘zbekistonda bu kasb egalari haqiqatan ham hurmat qilinadimi? Haqiqiy qadrlanadimi?

Bugungi kunda o‘qituvchilarning eng katta muammolari:

📌 Maosh – tirikchilikka yetmaydi
Ko‘p o‘qituvchilar kunini zo‘rg‘a ko‘rib chiqadi. Qo‘shimcha daromad topish uchun darsdan tashqari ishlashga majbur bo‘lishadi. Qachon darsga puxta tayyorgarlik ko‘rishsin?

📌 Hurmat va obro‘ tushib ketgan
O‘qituvchini nafaqat o‘quvchilar, balki ba’zan ota-onalar ham mensimaydi. O‘qituvchini ayblash, unga bosim o‘tkazish oddiy holga aylangan.

📌 Ortib borayotgan qog‘ozbozlik va majburiy topshiriqlar
O‘qituvchi dars berish o‘rniga hisobot to‘ldirish, tadbir tashkil qilish, kerak bo‘lsa, obodonlashtirish ishlari bilan shug‘ullanishga majbur. Ilm sifatini oshirish o‘rniga, ko‘zbo‘yamachilik avj olgan.

📌 O‘quvchilarning tarbiyasi – faqat o‘qituvchining yelkasida
Farzandi telefonga o‘ralashib, dars qila olmaydimi? Tarbiyasizmi? Ota-ona aybdor emas, o‘qituvchi aybdor! Hamma muammo maktabga yuklangan, lekin natijani talab qiladiganlar ko‘p.

📌 Tizimning eskirganligi
O‘qituvchi o‘z ustida ishlashni xohlasa ham, uni zamonaviy metodlarga o‘rgatadigan kurslar yo‘q yoki juda sifatsiz. Yangi avlodga eski tizim bilan ta’lim berish – bu kelajakni yo‘q qilish bilan barobar.

O‘qituvchilar ketib qolmoqda. Eng yaxshi ustozlar boshqa sohalarga o‘tib ketmoqda. Chunki ular bu muammolarga chidab yashashni emas, o‘zlarini hurmat qilishni tanlashmoqda.

Endi savol:
O‘zbekistonda o‘qituvchi bo‘lish – fidoyilikmi yoki qurbonlik?
Bu muammolar qachon hal bo‘ladi?
O‘qituvchilikni tark etganlarni ayblash kerakmi yoki tushunish?

Fikrlaringizni kutaman!

119 0 1 1 3

OnlineEdu.uz

1 Apr, 13:41

Mashina – obro‘ emas, vosita!

Jamiyatda mashina faqat transport emas, balki “obro‘” o‘lchovi bo‘lib qoldi. Mashinasi borlarni hurmat qilishadi, yo‘qlarga esa past nazar bilan qarashadi. Lekin bu noto‘g‘ri!

Mashina sizning aqlli, halol yoki muvaffaqiyatli ekaningizni ko‘rsatmaydi. Obro‘ – insonning fe’l-atvori, bilimi va munosabatlarida. Pul bilan sotib olinadigan narsa hurmat mezoni bo‘la olmaydi.

Bugun mashinangiz bo‘lmasa ham, bu hech qanday kamchilik emas! Hayotdagi haqiqiy qadriyatlaringizni unutmang – insoniylik, bilim va tajriba har qanday temirdan ustun!

Farzandlarimizni ham shunday tarbiyalashimiz kerak. Ular insonni mashinasiga yoki boyligiga qarab emas, axloqi va ilmiga qarab baholashni o‘rganishsin. Pul ortidan quvgan, moddiy narsalarni maqsad deb bilgan avlod emas, haqiqiy qadriyatlarni tushunadigan va hurmat qiladigan avlod yetishtiraylik!

@onlineedu_uz

117 0 3 2

OnlineEdu.uz

31 Mar, 06:16

13-18 YOSH – FARZANDINGIZNI YO‘QOTISH YOKI TO‘G‘RI YO‘LGA SOLISH DAVRI!

📢 Ota-onalar! Farzandingiz hayotidagi eng xavfli va muhim bosqichga yetib keldi. Bu yoshda u to‘g‘ri yo‘lni tanlashi yoki adashishi mumkin. Siz e’tiborsiz bo‘lsangiz, u kim bilandir do‘stlashadi, kimdandir saboq oladi… lekin bu inson kim? Yaxshi insonmi yoki yomon yo‘lga yetaklaydigan birovmi?

⚠ Agar siz bu davrda befarq bo‘lsangiz, farzandingizga ijtimoiy tarmoqlar, yomon do‘stlar, noto‘g‘ri muhit tarbiya bera boshlaydi!

❌ OTA-ONALARNING ENG KATTA XATOLARI:

🚫 “O‘zidan o‘zi to‘g‘ri yo‘lni topib ketadi” degan xato fikr
— 13-18 yosh o‘smirlik isyoni davri! Bu yoshda farzandingiz “men o‘zim bilaman” deydi. Agar siz uni nazorat qilmasangiz, u hayotdagi eng katta xatolarini shu yoshda qiladi!

🚫 "Ulg‘ayib qoldi, o‘zi biladi" deb nazoratni kamaytirish
— Bu yoshda bola eng ko‘p nazoratga muhtoj! Kim bilan gaplashyapti? Telefonida kim bilan yozishmoqda? Internetda nimalarni ko‘rayapti? Bularni bilmasangiz, keyinchalik afsuslanasiz!

🚫 "Men unga tarbiya berdim, qolganini o‘qituvchi hal qiladi" degan noto‘g‘ri fikr
— O‘qituvchi dars o‘tadi, lekin u farzandingizning har kuni kimlar bilan yurishini bilmaydi! U bilan kim gaplashmoqda? Kim unga ta’sir o‘tkazmoqda? Buni siz bilishingiz kerak!

🚫 "Unga ishonaman, u yomon ish qilmaydi" deb haddan tashqari ishonish
— Ishonch yaxshi, lekin nazorat undan ham muhim! Ko‘plab ota-onalar bolasi yomon yo‘lga kirib ketganini oxirgi paytda bilib qoladi. Kech bo‘lishini kutmang!

✅ OTA-ONALAR QILISHI SHART BO‘LGAN ISHLAR:

✔ Farzandingizni tarbiya qilishni davom ettiring
— Ulg‘aydi, lekin hali ham sizning nazoratingizga muhtoj! Uning do‘stlarini taning, qayerga borishini biling. Unga ota-ona sifatida emas, do‘st sifatida yondashing!

✔ Telefon va internetni nazorat qiling
— Telefonida nima borligini tekshiring! Ijtimoiy tarmoqlarda kimlar bilan gaplashayotganini biling! Noto‘g‘ri kontent va zararli guruhlardan himoya qiling!

✔ Farzandingiz bilan ochiq muloqot qiling
— U sizdan uzoqlashmasligi uchun, unga “do‘st” bo‘lishingiz kerak. Agarda siz bilan gaplashmasa, demak kimdir boshqa odam unga ta’sir qilyapti!

✔ Uni foydali mashg‘ulotlarga yo‘naltiring
— Sport, san’at, ilmiy mashg‘ulotlar – uni noto‘g‘ri yo‘ldan asraydigan eng yaxshi vosita! Bo‘sh vaqtini qanday o‘tkazayotganini nazorat qiling!

✔ Zararli odatlar va xavfli muhitdan himoya qiling
— Bu yoshda bola chekish, alkogol, narkotik yoki yomon odatlarni sinab ko‘rishga moyil bo‘ladi! “Bolam bunday qilmaydi” demang! Nazorat qiling, tushuntiring, do‘st bo‘ling!

⚠ FARZANDINGIZGA BUGUN E’TIBOR BERMASANGIZ, ERTAGA UNI YO‘QOTASIZ!
❌ Ertaga “Nega u mendan uzoqlashdi?” deb yig‘lamang!
❌ “Nega u ichishga, chekishga, narkotikka o‘rganib qoldi?” deb hayron bo‘lmang!
❌ “Nega menga sirlarini aytmaydi?” deb afsuslanmang!

‼ HOZIR HARAKAT QILING! KECH BO‘LMASDAN AVVAL!

@onlineedu_uz

564 0 9 2

OnlineEdu.uz

27 Mar, 05:10

6-12 YOSH – FARZANDINGIZNING KELAJAGI HOZIR HAL BO‘LAYOTGANINI BILASIZMI?

📢 Ota-onalar! Siz farzandingizning kelajagini o‘ylayapsizmi? Yoki faqat pul topish bilan bandmisiz?

6-12 yosh – bolaning shaxsi shakllanadigan eng muhim bosqich! Shu davrda bola dunyoni qanday tushunishi, o‘ziga bo‘lgan ishonchi, bilimga bo‘lgan munosabati, axloqi va odob-axloq qoidalariga rioya qilishi hal bo‘ladi.

⚠ Siz bu yoshda e’tiborsiz bo‘lsangiz, keyin kech bo‘ladi!

❌ OTA-ONALARNING ENG KATTA XATOLARI:
🚫 "O‘qituvchi o‘rgatsin" degan noto‘g‘ri fikr – O‘qituvchi faqat bilim beradi, TARBIYA BERISH esa ota-onaning vazifasi! Bolaga axloqiy qadriyatlarni singdirish sizning qo‘lingizda.

🚫 "O‘zi yaxshi bola, nima qilardi?" deb e’tiborsiz bo‘lish – Bola qanaqa muhitda o‘qiyotgani, kimlar bilan yurayotgani, maktabdan tashqari qanday odatlar shakllanayotganini bilmasangiz, ertaga afsus chekishingiz mumkin!

🚫 "Telefon va internet bilan band bo‘lsa, jim bo‘ladi" degan yondashuv – Farzandingizning tarbiyasini TikTok, Instagram yoki YouTube hal qilishiga yo‘l qo‘ymang! Uning hayoti real muhitda shakllanishi kerak.

🚫 "Dars qilib bo‘ldingmi?" deyish bilan kifoyalanish – Farzandingizni o‘qishga majburlamang, uni bilimga mehr qo‘yishga o‘rgating! Uning qiziqishlarini biling, ilmiy faoliyatga qiziqtiring.

✅ OTA-ONALAR QILISHI SHART BO‘LGAN ISHLAR:
✔ Farzandingizning do‘stlarini biling – Kimlar bilan yurayotganini, qanday suhbatlar qilayotganini kuzating. Yomon do‘stlar farzandingizni noto‘g‘ri yo‘lga yetaklashi mumkin.

✔ Kitob o‘qish odatini shakllantiring – Telefon va televizorni kamaytirib, unga kitob o‘qib bering, kitobga qiziqtiring. Kitob o‘qigan bola kelajakda kuchli shaxs bo‘ladi!

✔ Bolani mas’uliyatli qilish – Uni ishga o‘rgating, javobgarlikni his qilishiga sabab bo‘ling. "Hamma narsani ota-ona bajaradi" degan odat kelajakda dangasalik va hayotga loqaydlikni shakllantiradi.

✔ Mehr bering! – 6-12 yosh oralig‘ida bola sizga eng ko‘p ishonadi! Agar hozir uning dardini eshitmasangiz, 13 yoshga yetganda u sizga hech narsa aytmaydigan bo‘lib qoladi.

✔ Internetni nazorat qiling – Bugungi kunda eng katta xavf – internet! U yerda zo‘ravonlik, axloqsizlik, firibgarlik yetarlicha! Bolangiz nimani tomosha qilayotganini, kimlar bilan muloqot qilayotganini kuzatish – ota-onaning burchi!

✔ Sport va ijodga yo‘naltiring – Faqat maktabga jo‘natish bilan tarbiya tugamaydi! Uni sport, san’at yoki qo‘shimcha mashg‘ulotlarga yo‘naltiring, foydali muhitga kiriting.

⚠ FARZANDINGIZGA BUGUN ETIBOR BERMASANGIZ, ERTAGA AFSUS CHEKASIZ!
❌ Keyin “Qayerda xato qildik?”, “Nega farzandimiz bizdan uzoqlashdi?”, “Nega unda yomon odatlar shakllandi?” deb yig‘lamang!

‼ Hozir harakat qiling! Hozir unga e’tibor qarating! Kech bo‘lishini kutmang!

@onlineedu_uz

267 0 4 2

OnlineEdu.uz

26 Mar, 09:46

O‘zbekistonda o‘qituvchilarga 1-oktyabr munosabati bilan beriladigan mukofot puli oshirildi

Umumta’lim muassasalari xodimlari, shu jumladan rahbar xodimlari 2025-yil 1-oktabrda "O‘qituvchi va murabbiylar kuni" munosabati bilan mehnatga haq to‘lashning eng kam miqdorining 75 foizigacha miqdorida mukofotlanishi mumkin. Ya'ni 2025-yil 1-oktabrda 577 ming 500 so‘mgacha emas, balki 866 ming 250 so‘mgacha miqdorida mukofot puli beriladi!

Agar 2025-yil 1-oktabrgacha mehnatga haq to‘lashning eng kam miqdori oshsa, mukofot puli miqdori ham oshadi.

Hozirda mehnatga haq to‘lashning eng kam miqdori — oyiga 1 155 000 so‘m. Asos: O‘zbekiston Respublikasi Prezidentining Farmoni, 12.08.2024 yildagi PF-108-son.

@onlineedu_uz

244 0 2

OnlineEdu.uz

24 Mar, 07:38

0-5 YOSH – FARZANDINGIZ TAQDIRI HAL BO‘LADIGAN DAVR!

📢 Ota-onalar! Sizning qo‘lingizda hayot qurilishi yoki vayron bo‘lishi mumkin bo‘lgan eng muhim bosqich bor!

Farzandingiz 0-5 yosh oralig‘ida kim bo‘lishi, qanday xarakterga ega bo‘lishi, kelajakda jamiyatga foydali yoki zararli inson bo‘lishi 90% hal bo‘ladi! Bu shunchaki gap emas, ilmiy asoslangan haqiqat!

Bu davrda ota-onaning beparvoligi qimmatga tushadi!

⚠ "Hali yosh, hech narsani tushunmaydi" degan fikr – katta xato!
⚠ "Telefon berib qo‘ysam, jim o‘tiradi" – bu bolani ruhiy inqirozga yetaklash!
⚠ "Shunchaki ovqatlantirib, kiyintirsam bo‘ldi" – bu farzand tarbiyasiga xiyonat!

📌 0-5 yosh davrida bolaning asosiysi rivojlanadigan jihatlari:
✔ Tili va tafakkuri – Bola bilan gaplashmasangiz, unga hikoyalar o‘qib bermasangiz, u til o‘rganishda va fikrlashda qiyinchilikka duch keladi.
✔ Xulq-atvori – Bu yoshda bola nimani ko‘rsa, kim bilan ulg‘aysa, shunday shakllanadi. Doim urish-janjal ko‘rsa, kelajakda shunday bo‘ladi!
✔ Muhabbat va ishonch hissi – Agar hozir unga mehr berilmasa, ulg‘aygach, sizdan ham, jamiyatdan ham uzoqlashadi!
✔ Ruhiy holati – Bolani urishish, qattiq jazolash, e’tiborsiz qoldirish uning ruhiyatini izdan chiqaradi va hayoti davomida salbiy ta’sir ko‘rsatadi!

Ota-onalar, farzandingizga nimalarni taqdim qilishingiz shart?

🗣 Ko‘proq gaplashing – U hali kichkina bo‘lsa ham, unga har kuni hikoya o‘qib bering, so‘zlashishga undang.

🚫 Telefon emas, e’tibor bering! – Mobil telefon yoki televizor bolaning rivojlanishini susaytiradi. Uning o‘rniga haqiqiy o‘yinchoqlar va ota-onaning diqqat-e’tibori kerak!

🤗 Mehr va quchoqlash – Bola o‘zini sevgi bilan o‘ralganini his qilishi kerak. Bu uning kelajakdagi ruhiy barqarorligi uchun juda muhim.

🧩 O‘yin orqali o‘rganish – Rasm chizish, kublar bilan o‘ynash, qo‘l mehnati bilan shug‘ullanish bolaning aqliy rivojlanishini tezlashtiradi.

🍎 Sog‘lom ovqatlanish va tartib – Shakar va zararli mahsulotlar o‘rniga foydali ovqatlar bering. Uyqu va kundalik rejimga amal qilish farzandingizning rivojlanishiga ijobiy ta’sir qiladi.

⏳ Vaqtingizni pulga almashtirmang! – Pul topish muhim, lekin bolangiz bilan o‘tkazilgan vaqt undan ham muhimroq. Ishingiz tufayli bola tarbiyasini o‘z holiga tashlab qo‘ysangiz, kelajakda afsus qilishingiz mumkin!

Eslab qoling!
❗ Bola bu dunyoga kim bo‘lib kelishini o‘zi tanlamaydi! Uni qanday inson qilib shakllantirish – sizning qo‘lingizda!
❗ Millionlab so‘m yo‘qotsangiz, yana topasiz. Lekin bugun bolasiga e’tibor bermagan ota-ona kelajakda farzandini butunlay yo‘qotishi mumkin!

Bugun bolasiga vaqt ajratmagan ota-ona, ertaga uni izlab yig‘lamasligi uchun HOZIR harakat qilishi shart!

@onlineedu_uz

188 0 9

OnlineEdu.uz

23 Mar, 09:01

Bulling: muammo va uning o‘zbek maktablaridagi ko‘rinishlari

Bulling – bu ataylab boshqalarga ruhiy yoki jismoniy zarar yetkazish, tahqirlash, mazax qilish yoki chetlatish orqali ularga bosim o‘tkazishdir. Bu hodisa nafaqat jismoniy zo‘ravonlik shaklida, balki kiberbulling (internet orqali tahqirlash), ijtimoiy chetlatish yoki doimiy tanqid qilish tarzida ham namoyon bo‘lishi mumkin.

O‘zbek maktablarida bulling qanday uchraydi?

O‘zbekiston maktablarida bullingning quyidagi shakllariga tez-tez duch kelish mumkin:
✔️ Mazax qilish va tahqirlash – O‘quvchilar o‘z tengdoshlarini tashqi ko‘rinishi, kiyimi yoki oilaviy holati sababli masxara qilishi.
👊 Jismoniy tajovuz – Urish, turtish, buyumlarini tortib olish yoki yo‘qotish.
🚫 Ijtimoiy chetlatish – Ayrim o‘quvchilarni guruhdan chiqarib qo‘yish, do‘stlashmaslik, ular bilan gaplashmaslik.
📱 Kiberbulling – Ijtimoiy tarmoqlar yoki messenjerlar orqali haqorat qilish, shaxsiy ma’lumotlarni tarqatish.

Bullingning salbiy ta’siri
Bullingga uchragan bolalarda o‘ziga ishonchsizlik, ruhiy tushkunlik, maktabga borishga ishtiyoqning pasayishi kuzatilishi mumkin. Ba’zi hollarda bu og‘ir psixologik muammolarga ham olib keladi.

Qanday oldini olish mumkin?
👨‍👩‍👧‍👦 Ota-onalar va o‘qituvchilar hushyor bo‘lishi – Bola ruhiyatidagi o‘zgarishlarni payqash va unga yordam berish.
📢 Barcha o‘quvchilarga bulling haqida tushuntirish – Maktablarda bullingning salbiy oqibatlari haqida seminar va darslar o‘tkazish.
🤝 Jabrlangan bolaga yordam berish – Unga qo‘llab-quvvatlash ko‘rsatish va yolg‘iz emasligini his ettirish.
👀 Bulling sodir bo‘lganda befarq bo‘lmaslik – Har qanday bulling holatida uni e’tiborsiz qoldirmaslik va tegishli choralar ko‘rish.

Har bir bola o‘zini xavfsiz va hurmat qilinadigan muhitda his qilishi kerak. Bullingga qarshi kurashish – nafaqat o‘qituvchilar yoki ota-onalarning, balki har bir insonning mas’uliyatidir!

@onlineedu_uz

151 0 1 2

OnlineEdu.uz

14 Mar, 20:33

Xoinlikka o‘ralgan johillik!

So‘nggi kunlarda ayrim odamlarning "Xitoydan ko‘ra Rossiya kirgani yaxshiroq edi" degan so‘zlarini eshitib, hayratdan yoqa ushladik! Siz o‘zingizni inson deb hisoblaysizmi? Shuncha ajdodlarimiz o‘z yurtini himoya qilib, mustaqillik uchun jon berganida, siz qullikni afzal ko‘rayotgan pastkashlardan biri bo‘ldingizmi?

Kimningdir oyoqosti bo‘lishga shunchalik havas qilyapsizmi? Qachondan beri yurtini sotishga tayyor quldek fikrlaydigan insonlar ko‘paydi? Vatan – onang, otang, farzanding, tug‘ilgan tuprog‘ing! Uni kim bilandir solishtirish, biron bir dushman kirishini istash – xiyonat!

Shu yurt sizga hayot berdi! Shu tuproq sizga til berdi, madaniyat berdi, ismingizni berdi! Endi esa siz uni sotishga tayyormisiz? Siz kabi murtadlarning og‘riqli saboqlari tarixda ko‘p bo‘lgan!

Shuning uchun, ota-onalar, o‘qituvchilar, millat fidoyilari! Bolalarimizni mustaqillikni hurmat qilishga, Vatan uchun yashashga, xizmat qilishga o‘rgataylik! Yosh avlod shunday vatanparvar bo‘lishi kerakki, na Rossiya, na Xitoy, na boshqa hech kimga ehtiyoj sezmasin! Biz o‘z yurtimizni o‘zimiz obod qilamiz!

Kimdir yana qul bo‘lishni orzu qilsa, o‘sha yurtni tark etsin! Bizga faqat ozod, g‘ururli, o‘z millatiga sadoqatli insonlar kerak! 🇺🇿

@onlineedu_uz

159 0 2 1

OnlineEdu.uz

13 Mar, 18:51

📢 Open Budget: Ovoz yig‘ishmi yoki haqiqiy islohot?

🇺🇿 O‘zbekistonda davlat byudjeti shaffofligini oshirish uchun joriy qilingan Openbudget.uz platformasi aslida yaxshi g‘oya edi. Ammo amaliyotda bu tizim fuqarolarni haqiqiy islohotlarga emas, balki sun’iy ovoz yig‘ish kampaniyalariga undayotgani ko‘rinmoqda.

⚠️ Muammo nimada?
🔹 O‘qituvchilar, shifokorlar va boshqa davlat xizmatchilari bozorlarda, ko‘chalarda va hatto ijtimoiy tarmoqlarda odamlarni ovoz berishga undashga majburlanmoqda.
🔹 Loyiha g‘olib bo‘lishi uchun shunchaki ko‘proq ovoz yig‘ish kerak – sifati, zarurati va samaradorligi e’tiborga olinmayapti.
🔹 Tizim ochiq va adolatli bo‘lishi kerak edi, lekin aksincha, kim ko‘proq odam majburlasa yoki ovoz sotib olsa, o‘sha g‘olib chiqmoqda.

💡 Nima qilish kerak?
✅ Ovoz yig‘ish emas, haqiqiy muammolar hal bo‘lishi kerak! Loyiha ovoz emas, zarurati va foydaliligi bo‘yicha tanlanishi shart.
✅ Davlat xizmatchilarini majburlash to‘xtatilsin! Ularning asosiy ishi ta’lim, tibbiyot va boshqa muhim sohalarda bo‘lishi kerak, ko‘cha kezish emas.
✅ Tizimni adolatli qilish zarur! Open Budget shaffofligi oshirilib, loyihalarni ekspert bahosi asosida tanlash mexanizmi ishlab chiqilishi kerak.

📣 Islohotlar imitatsiya bo‘lib qolmasligi uchun tizimni o‘zgartirish shart! Aks holda, Open Budget nomigagina "ochiq" bo‘lib qolaveradi...

@onlineedu_uz

199 0 4 2

OnlineEdu.uz

8 Mar, 04:33

Hurmatli ota-onalar, qaytarib bo‘lmaydigan fojea yuz berdi!

Bugun 112 Favqulodda yordam xizmatining dahshatli beparvoligi tufayli 4-"A" sinf o‘quvchisi bo‘lgan Xairov Bag‘and hayotdan ko‘z yumdi. U atigi 10 kundan keyin 10 yoshga to‘lardi! Bu naqadar adolatsizlik! Bu naqadar og‘riqli!
Farzandlaringizni asrang! Hammaga sog‘lik tilaymiz!
Bag‘and dars boshlanishidan 10 daqiqa oldin maktabga kelgan. Sinfdoshlarining aytishicha, maktab hovlisida qornim og‘riyapti, deb shikoyat qilgan. Keyin maktabning birinchi qavatida o‘zini yomon his qilgan va qusgan. Ammo o‘zi sinfdoshlari bilan ikkinchi qavatga ko‘tarilgan, u yerda uni sinf rahbari kutib olgan va darhol maktab tibbiyot xodimlariga topshirgan.
Maktabning shifokorlari tez tibbiy yordam ko‘rsatib, darhol 112 xizmatini chaqirishgan. Biroq, bir necha bor chaqirilishiga qaramay tez yordam kelmagan. Bolaning ahvoli yomonlashayotganini ko‘rib, maktab tibbiyot xodimlari uni maktab xodimining mashinasida o‘zlari shifoxonaga olib borishgan va reanimatsiya bo‘limi shifokorlariga topshirishgan. Ammo, afsuski, bolaning hayotini saqlab qolishning iloji bo‘lmadi...
Bag‘andga narkotik berishgan! Uni konfet kabi berganlar!
Kecha sud ekspertizasi o‘tkazildi. Qaysi narkotik ekani faqat 2 haftadan keyin ma’lum bo‘ladi.
Kaspiyosk – maktablarda yangi xavfli narkotik tarqalmoqda!
Ota-onalar bu giyohvand modda haqida bilishlari shart!
Bu yangi turdagi narkotik bo‘lib, "qulubnichka kvik" nomi bilan tanilgan. Hozir maktablarda juda qo‘rqinchli holat sodir bo‘lmoqda va barchamiz bundan xabardor bo‘lishimiz kerak.
Bu kristall metamfetaminning yangi turi bo‘lib, qulubnichka shaklidagi qand ko‘rinishida tarqatilmoqda. U og‘izda shishadi, "portlaydi" va qulupnay hidi tarqatadi. U bolalarga maktab hovlilarida tarqatilmoqda. Uni "qulubnichka metamfetamin" yoki "qulubnichka kvik" deb atashmoqda.
Bolalar uni oddiy konfet deb o‘ylab yutib yuborishmoqda va shundan so‘ng og‘ir ahvolda shifoxonaga tushishmoqda!
U shokolad, yeryong‘oq, kola, gilos, uzum va apelsin ta’mi bilan ham bo‘lishi mumkin!
Iltimos, farzandlaringizga tushuntiring!
Hech qachon notanish odamlardan konfet yoki boshqa shirinliklar OLMASINLAR!
Hatto do‘stidan ham bunday konfetni olmasin (chunki u ham buni shunchaki konfet deb o‘ylashi mumkin)!
Agar bunday narsa qo‘liga tushib qolsa, uni darhol o‘qituvchi, direktor yoki ota-onasiga topshirsin!
Iltimos, ushbu xabarni iloji boricha ko‘proq kishiga yuboring (hatto ularning farzandlari bo‘lmasa ham), chunki bu haqda qancha ko‘p odam bilsa, shuncha ko‘p hayot saqlanib qoladi!

Ogoh bo‘ling......

©️Feysbukdan olindi

@onlineedu_uz

217 0 1 2

OnlineEdu.uz

4 Mar, 08:17

Erkaklar atlas kiymasligi kerak

Diniy qadriyatlardan tashqari milliy qadriyatlar ham mavjud.

Hozir O‘zbekiston deb atalayotgan yurtda yashaydigan erkaklar millatidan qat’iy nazar hech qachon atlas kiyim kiymaganlar.

Hozirgi kunda milliy kiyimlar kiyishni joriy qilayotganlar oilasida ota-onasi va farzandlari bilan rus tilida gaplashadigan, oilasida milliy muhit bo‘lmagan, bog‘chada rus guruhga borgan, maktabda ham rus sinfda o‘qigan, universitetda ham rus guruhda o‘qigan, o‘zi bilan o‘zi qolganda ham rus tilida fikr yuritib, rus madaniyatiga o‘rgangan rusiyzabon odamlar bo‘lsa kerak degan taxminlar kelib chiqmoqda.

Milliy kiyimlar kiyishga majburlaydi, lekin o‘zi milliy kiyim qanday bo‘lishi kerakligini bilmaydi.

Agar bilganlarida edi, maktab o‘quvchilari bo‘lgan o‘g‘il bolalarga atlas nimchalar kiydirmagan bo‘lardilar.

Mayli, ular milliy kiyimlar kiyishni talab qilaversinlar, biz o‘zimizni bilib, o‘g‘il bolalarga atlas kiyimlar kiydirmaylik.

O‘g‘il bola o‘g‘il boladek kiyinsin, qiz bolalar qiz boladek kiyinsinlar.

Mana shunda milliy kiyimlar kiygan bo‘lamiz.

Bu gaplar diniy qadriyatlarga emas, balki milliy qadriyatlarga asoslangan holda yozildi.

Agar ipakdan emas, masalan, sun’iy matodan to‘qilsa, ehtimol, diniy qadriyatlarga mos kelaverishi mumkin, lekin bundan tashqari o‘zimizni o‘zbekona milliy qadriyatlarimiz ham bor.

O‘zbekligimizni yo‘qotmaylik. O‘zbekchilikda atlas kiygan erkak juda yomon taassurot uyg‘otgan.

©️Abduqahhor Imunoxun

@onlineedu_uz

224 0 3

SearcheeBot

TGAlertsBot

TGStat Bot

Telegram Analytics

OnlineEdu.uz

Kanal geosi va tili

Toifa

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

OnlineEdu.uz

724

Kanalda mashhur

Sayt tili

SearcheeBot

TGAlertsBot

TGStat Bot

Telegram Analytics

OnlineEdu.uz

Kanal geosi va tili

Toifa

724

Kanalda mashhur