Omar Halil Hikoyalari

Shunday bir ayanchli kelajakdan qo'rqing:

Qaysidaki bolalaringiz sizda na ilm va na farosatni ko'rib, sizni faqatgina ota-onasidan biri ekanligingiz, uni dunyoga keltirib, o'stirganingiz uchun hurmat qilsa, ammo ichida "qaniydi mening ham ota-onam falonchining ota-onasi kabi ilmli bo'lganida edi, ulardek ilmning qadrini, mohiyatini anglaganda edi" desa

Ana shunday ayanchli kelajakdan qo'rqing.

Oiladagi tarbiya, ota-onaning dunyo qarashi, o'lchovi katta ahamiyatga ega. Ularning tarozi toshlarida Alloh deb yozilmagan bo'lsa, bola uchun hayot qiyin kechadi. Chunki, kim ham xohlamaydi ota-onasi 5 vaqt namoz o'qiydigan, ilmli, qur'onxon, televizor o'rniga kitob o'qiydigan, arab tilida bemalol suhbat qiladigan, dardi Allohning roziligi bo'ladigan bo'lishini? Hamma xohlaydi.

Balki bizda bunaqa imkoniyat bo'lmagandir. Lekin, bolalarimizga shunaqa imkoniyat qilib bersak bo'ladiku?! Tog'ri qiyin bo'ladi, hayotda nima oson bo'lgan? Ortidan go'zal hayot keltiradigan qiyinchilikning nimasi qiyinchilik bo'larkan?

Tushunchalarimiz xato, umuman ko'p narsamiz xato. Bularning bari borib oilaga taqaladi.

Bizda ilm olish uchun sharoit yetarli emasdir, kitobga pul so'raganda berishmas, hijoblanaman deganda qo'yishmas, lekin bolalarimiz ham xuddi shu hayotda yashashga majbur emas.

@omar_halilhikoyalari

Alloh roziligi uchun bu qiyinchiliklarga sabr qilishning nimasi qiyin, tog'rimi?

Qul o'z xo'jayinini qanday dunyoga keltiradi ?
Ota-onalar bolalariga shunday tarbiya berishadiki, bora bora ular bolaga qul, bola esa ota-onaga xojadek munosabatda bo'ladi. Va hozir shunday holatni ko'p uchratmayapmizmi?

Psixologlarning "bolani yaxshi ko'rish kerak, unga yaxshi gapirish kerak" degan gapini no'tog'ri fahmlagan holda bolalarga tarbiya berishda juda katta xatolarni qilyapmiz.

Bolani yaxshi ko'rish o'zi nima ?
Unga hamma ishda ruxsat berib, erkalatib yuborish degani emas. Bolani yaxshi ko'rish bu bolani anglash, uni tushunish, u uchun nima yaxshi ekanligini his qilish va buni bolaga yetkaza olish.

Bolani dunyoga keltirdik degani biz bolaning butunlay egasimiz degani emas. U ham bir shaxsiyat ekanligini unutmaslik kerak. Shaxsiyat sifatida unda qanday xarakter borligini, qanday holatda o'zini qanaqa tutishini, nimalarni yoqtirib, nimalarni yoqtirmasligini fahmlash kerak.

Bolaga yo'q deyish bu uni cheklash, uni yoqtirmaslik emas. Aksincha yuqorida aytilgandek bolaga yaxshi gapirish kerak - ya'ni, "yo'q"ni ham yaxshi yetkazish kerak.
Bolaga beriladigan tarbiya uning butun umriga asos bo'lib qoladi. Asosiy qonun-qoidalar, kattalarga muomala, ota-onani ezozlash, qadriga yetish va hokazolarni yoshlikdan o'rgatish bu bolani qiynab qo'yishga kirmaydi.
"Ha, bolada, hali yosh, aqli olmaydi " deyish bola ulg'aygach "essiz tarbiyaga kech qolibmiz" deyishga sabab bo'ladi.

Shunday ekan, bolangizga bolalarcha tarbiya bering, toki u sizga quldek muomala qilmasin.

Biz bolalarimizga "yolg'on gapirma" deymiz, lekin..

"7 yoshgacha bolalarga tekin" degan yozuvni ko'rsak, bolamiz 8 da bo'lsa, "6daman, degin, ho'pmi?" deb uqtiramiz. Uyga charchab kelsak, "meni so'raganlarga dadam/oyim uyda emaslar degin, hopmi" deymiz. Biror nima so'rashsa, berolmaydigan bo'lsak, tugadi yoki falonchi ertaga opkeladi, deymiz. Biror nimani olib beraman deymizda, unutsak, unutganimizni tan olmasdan, aksinchasiga qanaqadir bahona qilamiz, ularning ko'z oldida boshqa insonlarni aldaymiz.

Xullas, bolalarga yolg'on gapirishni o'rgatib, yolg'on gapirmasliklarini talab qilamiz. Buni qarangki, xalqimizda shunday maqol bor: "qush inida ko'rganini qiladi". Bilib aytishganku, to'g'rimi?

Bolani yedirib-ichirish, kiyintirish va maktabga yuborish, u bilan birga o'ynash, sayr qilish va hokazolar aslo farzand tarbiyasi deyilmaydi.

Agar shunday deb hisoblansa, buning badali juda og'ir bo'ladi.
Bunday vaziyatda faqat bola boqib katta qilingan hisoblanib, zinhor uni tarbiyalangan, kamol toptirilgan bo'lmaydi.

Farzand tarbiyasini faqat onaga yuklab qo'ygan otalar, otaning o'ziga qoldirgan onalar yoki boshqa inson qo'liga topshirgan ota-onalarning hech qanday bahonasi kelajakda o'tmaydi va javobgarlikdan soqit bo'lmaydilar, aksincha, og'ir bo'lsada bu beparvoliklarini tovonini to'lashlarini unutmasliklari kerak.

@omar_halilhikoyalari

Bola 3 yoshigacha butun hayoti davomida oladigan bilim asosining 60-70%ni, Ibn Sinoning aytishicha 3 dan 2 qismini, 6 yoshiga borganda esa 95%ini o'zlashtirar ekan. Ana shu paytgacha o'rgatilgan mezon butun umri davomida o'zgarmas qoida bo'lib qolarkan.

Bola hali yosh, aqli yetmaydida demang. O'rgatsangiz, ko'p narsaga aqli yetadi bolani.

Qachondir shu hadis haqida oʻqib qoldim. Birinchi bora oʻqiganimda hayratda qolgandim, sababi bu qiyomat alomatlaridan edi. Vaholanki bu alomat hali hayotimizda voqe boʻlmagan koʻrinmagan edi hamki, aslida esa adashgan ekanman. Sizlarni bu hadis bilan tanishtiraman. Bu sahih hadis. Unda aytilganki: Imom Muslim rivoyat qilgan hadisda keladiki, qiyomat alomatlaridan biri: Qul oʻz hojasini tugʻishi. Shu haqida koʻp oʻyladim, va buni sizlar bilan bo'lishmoqchiman.

Kelinglar bugun shu hadis mazmun mohiyati haqida gaplashamiz.
Barchangizni broz boʻlsada tafakkur qilishga, fikrlashga chaqiraman!

Qul oʻz hojasini qanday dunyoga keltiradi⁉️

Assalomu alaykum va rohmatullohi va barokatuh

Omonmisizlar rasulimning ummatlari..😊
Shomgacha ham oz vaqt qoldi ha birodarlar..

Ro'zalaringiz qabul boʻlsin inshaa Alloh rabbil alamin..

Shu kunlarda nima qanday kun yaqinlashmoqda⁉️

ayol qizlarimiz (baʼzilari) kayfiyatlari juda chogʻ boʻlsa kerak...
Kelinglar 1yil bu degani 12oy. 12-oyda biz nishonlaydigan kunlarni koʻrib tanishib chiqamiz.
Hoʻsh:
1-sentabrni mustaqillikka erishgan kunimiz deb nishonlaymiz.
21-oktabr o'zbek tiliga davlat tili maqomi berilganligi sababi bilan o'quv muassasalarida ona tilimizni ulug'lab, uning go'zalligini ko'rsatadigan bayram-tadbirlar tashkillashtiramiz.
9-may "Xotira va qadrlash" kuni deb o'sha kuni "motamsaro ona" haykali oldiga boramiz, aksar insonlar o'tganlarni xotirlab qabristonlarga borishadi. Urush davriga aloqador kinolar qo'yiladi, urush qatnashchilarini borib ziyorat qilishadi.

8-martda paranji tashlangan bo'lsa, qaytaraman paranji tashlangan, bu o'tmishda qolib ketdi. Odam hozir bilan yashashi kerak. Nima qilibdi, yilda bir marta ayollarni tabriklasak?
degandaka gaplarni eshitdim.
Subhan Alloh nega yilda bir marta!?

Biz tarozining ikki tomoniga ham teng ko'z bilan qarayapmizmi? Yuqoridagi holatlarda o'tmishdagi voqealarga katta ahamiyat berib, o'sha kundagi yutuqlarimizni eslab quvonyapmiz, bu holatning ahamiyatini o'sib kelayotgan avlodning xotirasiga iloji boricha singdirishga harakat qilyapmiz. Va yo'qotganlarimizni eslab, dilimiz og'riyapti, o'sha og'ir kunni eslab, o'tganlarning haqqiga duo qilyapmiz va bolalarimizni ham o'zimizga ergashtiryapmiz.

Lekin, 8-mart unday emas a?
8-mart oddiy kun, nima qilibdi bir kun ayollarni tabriklasak?

8-mart ayollarimiz ayollik qadrini yo'qotdi. Paranji tashlash voqeasi sabab 2500 ayol o'ldirilgan. Bu ham qogʻozda menimcha. Bir qancha ayollarni ota-onasi oq qilgan, erlari taloq qilgan, yana qancha ayollardan yaqinlari yuz og'irgam.

Nega?

Kommunistlar, "hujum" harakatining ayollar ongiga singdirmoqchi bo'lgan no'tog'ri fikri sabab.
Hammasiga aybdor ana shu holat bo'lgan deb aniq aytolmaymiz. Bu holatda qizini oq qilgan ota-onalarni, ayoliga taloq bergan erlarni ayblay ko'rmang !

Asliyatiga sodiq xalqimiz uchun bu holat sharmandalik, bu holatga rozi bo'lgan ayollar esa nomusidan voz kechgan deb hisonlangan edi.

O'tmishini bilmaganning kelajagi yo'q. Kishi qanday qilib o'tmishini unutib, hozir bilan yashaydi? Bu huddi oshni guruchlarini isteʼmol qilyaptiyu lekin goʻshtini yemaydigan insonga oʻxshaydi. Vaholanki tanamizga goʻsht qanchalik zarurligini koʻpchiligimiz bilmaymiz afsuski.

(Inson hozirgi kun bilan yashashi kerak)
Bunday fikrdagi kishilar oxir-oqibat o'z ildizini kesib tashlagan daraxtdek tep-tekis qulashadi. Faqat ularning qulashi daraxtnikidek jismonan emas, balki ma'nan bo'ladi. Balki, bu qulashni ular bu hayotda sezishmas ham.

Chunki Alloh taolo kishi qilgan ayblariga jazoni bu hayotda berishi ham, bermasligi ham mumkin. Agar qilgan aybingizga jazoni shu hayotda olsangiz, xursand bo'ling deyishadi.

Men asli 8-mart, yangi yil, musiqa yoki shu kabi mavzularga aralashmoqchi emas edim. Lekin bunday xato fikrlar ajiriqdek tez tarqalib ketayotgan paytda jim o'tirishdanda yomonroq xiyonat yo'qdek nazdimda. O'zimga, vijdonimga xiyonat ..

@omar_halilhikoyalari

Axir biz qachon vijdonimiz oldida pok boʻlamiz!? Axir qachon haqni haq, botilni botil deyishga jurat topamiz!? Yoʻq, biz lag'vda bellashamiz ilmda emas.

Biz shunchalar qulog'i bor devorlarga ag'darmon bo'ldikki,
Qog'oz qalami bor, yozuvchi farishtalardan bexabar qoldik.
Onalarning hurmati katta bo'lsa ham, shariatdan ustun emas. Ularga hurmatni shariat bergan. Onalar o'zlariga hurmat bergan shariatni behurmat qilmasinlar.

Quyida bir post yozaman, uzun boʻlib ketsa kerak inshaa Alloh manfaatli boʻladi degan umiddaman..

Assalomu alaykum va rohmatullohi va barokatuh

Roʻzadorlarga shomgacha sabr tilayman.

Ro'zalaringiz qabul boʻlsin inshaa Alloh rabbil alamin..

Siz uchun shifo bo’lgan insonlar,
Doim olislarda bo’lishadi.

Inson zoti hamma narsaga aqli yetdi. Kosmosga chiqdi, suv ostiga tushdi, robotlar yaratdi

Faqatgina inson bo'lib yashashgagina aqlu-farosati yetmadi..

Hali ko'plab ummat yigit-qizlariga ilm ulashishimiz kerak, ilohim charchamaylik...

Muborak ramazonga yetkazganiga shukur.

Allohim, bizni bu oyda gunohlardan poklanib, oppoq qog'ozdek pok bo'lib chiqishimizni nasib etgin. Qadr kechasiga yetkazgin. Qiladigan ibodatlarimizni qiyomat kunida yuzimizga urmagin. Ibodatlarimizni to'la to'kis ado etishimiz uchun ilm nuri, hidoyating bilan rizqlantirgin.
Allohim yetkazganingga qancha shukur qilsak ham oz.. Robbimiz bundan ham koʻp ramazon oylariga sogʻ omon yetkazsin.

@omar_halilhikoyalari

Ramazoni oyi hammaga muborak bo'lsin. Ro'zalaringiz Alloh dargohida qabul boʻlsin...