OLOT.UZ | Rasmiy kanal

#hokim_hududlarda

Aholi bandligini taʼminlash, issiqxona xoʻjaligida mahsulot yetishtirish hajmini oshirish, joylarda kambagʻal oilalarni imtiyozli kreditlar evaziga qoʻllab-quvvatlash, ularning tomorqasida issiqxona tashkil etish borasida Olot tumanida salmoqli ishlar amalga oshirilmoqda.
Bugun tuman hokimi Nargiza Nematova issiqxonalarni qurilishi, fuqarolarning tashabbuslari qay darajada qoʻllab-quvvatlanayotgani dastlab "Davlatboy" mahallasida aholi xonadonlarida borib oʻrganildi.
Shundan soʻng "Katta bayot" mahallasida ham issiqxonalarni qurish ishlari koʻzdan kechirildi.
Oʻrganishlar jarayonida issiqxonalarni qisqa fursatlarda ishga tushirish, bunda issiqxona egasi tezkorlik bilan ekish ishlariga kirishi borasida tavsiyalar berib oʻtildi.
Maʼlumot oʻrnida oʻtgan hafta davomida tumanda 100 dan ortiq yangi zamonaviy qulay issiqxonalar barpo etildi.
Shuningdek tuman hokimi "Qumkashon" mahallasida ham tadbirkorlarning faoliyati bilan tanishdi.
Chekka mahallalarda ham bugungi kunda tashabbuskor tadbirkorlarning soni ortayotgani, albatta, qoʻshimcha ish oʻrinlarini yaratish va aholi uchun qulayliklar yaratishda muhim ahamiyat kasb etmoqda.
Ushbu mahallada mebelsozlikda mehmonxona, oshxona, yotoqxona mebellarini tayyorlash yoʻlga qoʻyilganligining natijasida 3 ta ish oʻrni yaratilganligi buning yaqqol isboti.
Tuman hokimi Nargiza Nematova ushbu ishlab chiqarish sexining faoliyati bilan tanishib, vodiy tajribasini ommalashtirish "ustoz-shogird" anʼanalari asosida ustalarni tayyorlash, kasb ortidan xonadonlarga daromad kirib borishi muhim ekanligini qayd etdi.
Shundan soʻng ushbu mahallada yashovchi tadbirkor Akmal Maratov tomonidan muzlatgichli omborxonada saqlangan 20 tonna olmani saralash va sotishga tayyorlash ishlari bilan tanishildi.
https://t.me/olottumani

Hashar azaldan xalqimizda hamjihatlik, obodlik va yaratuvchanlik ramzi sifatida qaraladi.

Bu xayrli tadbir orqali Ona tabiatni asrab-avaylash, atrof-muhit muhofazasi va tozaligini ta’minlashga faol hissa qo‘shish ham an’anaga aylangan.

Xususan, Olot tumanda hashar tadbirida yo‘l bo‘yidagi mahalla xonadonlari binosi va unga tutash hududlar saranjom-sarishta holatga keltirilib, manzarali daraxtlar va gul ko‘chatlari ekildi. Daraxtlar oqlanib, shakl berildi. Yo‘l bo‘yidagi yerlarga issiqxonalar qurilmoqda. Yo‘l bo‘ylarida yaratilgan ko‘rkam va mo‘jazgina bog‘lar atrofi tozalanib, manzarali daraxt ko‘chatlari o‘tqazilmoqda.

https://t.me/olottumani

Nargiza Nematova: Xalq roziligi – islohotlarning asosiy maqsadi.

Fuqarolarning hayotiy muammo va ehtiyojlarini hal etish, aholi bilan ochiq, toʻgʻridan-toʻgʻri muloqotni kuchaytirish — bugunning dolzarb vazifalaridan biri. Qolaversa, bu jarayon har bir rahbarga alohida masʼuliyat yuklab, xalq dardi bilan yashash, muammolarga yechim izlashga undaydi. Tuman hokimi Nargiza Nematovaning bugungi qabuli ham ayni shu jihatdan ahamiyatli boʻldi.

Qabul davomida 25 ga yaqin muammolar bilan murojaat qilgan 23 nafardan ortiq fuqarolarni shaxsan tuman hokimining oʻzi qabul qilib, suhbatlashdi. Qabul chogʻida fuqarolarning qonuniy manfaatlarini himoyalash, ularni qiynayotgan muammolarni bartaraf etish, adolatni qaror toptirishga alohida eʼtibor qaratildi. Murojaatlarning aksariyati uy-joy, moddiy yordam, ish bilan taʼminlash, yer-mulk, sogʻligini tiklashda koʻmaklashish borasida boʻldi.

Har bir murojaat mutasaddilar tomonidan birma-bir muhokama qilinib yechimi izlandi.

Oʻrganish talab etadigan masalalar yuzasidan aniq muddat belgilanib, natijasi mutasaddilardan soʻralishi maʼlum qilindi.

Tezkor yechim topishi zarur boʻlgan koʻplab masalalar shu yerning oʻzida hal qilindi.

https://t.me/olottumani