“Kambagʻallikdan farovonlik sari” dasturi doirasida Olot tumanida 19 kilometrdan ortiq kanallar betonlashtirilmoqda.Oʻzbekiston Respublikasi Prezidentining “Kambagʻallikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish toʻgʻrisida”gi PF-143-sonli farmoni va “Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida”gi PQ-330-sonli qarori talablaridan kelib chiqib, davlat byudjetidan ajratilgan 12 mlrd 800 mln soʻm mablagʻ hisobiga "Balandmachit" mahallasida 19 kilometrdan ortiq kanal va ariqlarni betonlashtirish ishlari amalga oshirilmoqda.
Bugun tuman rahbari Nargiza Nematova "Asajam" mahallasidan oʻtuvchi "Gʻanchi Chandir" mahallasini suv bilan taʼminlovchi ariq hamda "Davlatboy", "Balandmachit", "Xidreyli", "Koʻl Covdur" mahallalaridagi ariqlarni betonlashtirish ishlarini koʻzdan kechirdi.
Umumiy hisobda tumanda 19 kilometrdan ortiq ariqlarning betonlashtirish ishlarini sifatli bajarish, quruvchilar tomonidan maxsus texnika va vositalardan foydalanish, talab darajasida betonlashtirish, sifat va ish doimiy nazoratda boʻlishi borasida koʻrsatmalar berib oʻtildi.
Oʻrganishlar davomida tegishli tashkilot va soha vakillari bilan ariqlarning ravon boʻlishida tuproq ishlarini zichlash va qotirish, betonlashtitishda 200 marka sement qorishmasidan foydalanish va betonlashtirishdan avval plyonka yotqizish ishlarini talab darajasida bajarish borasida aniq koʻrsatmalar berib oʻtildi.
Aynan suv sarfida yoʻqotishlar oldini olish, ekin yerlari mahsuldorligini oshirish “Kambagʻallikdan farovonlik sari” dasturida beqiyos ahamiyatga ega.
Shu bois sugʻorishda duch kelinayotgan muammolarni hal qilinishi borasida ham tumanda bir qator salmoqli ishlar amalga oshirilayotgani natijasida eng olis manzillarga ham yoʻqotishlarsiz suv yetib borib aholi tomorqasidan samarali foydalanishi natijasida oziq-ovqat mahsulotlarini, xususan, poliz ekinlari, meva, sabzavot yetishtirib oilasiga qut baraka olib kiradi. Bunda aholi mehnati ham munosib mevasini beradi.
Taʼkidlash joizki, bundan fuqarolar behad mamnunlar, tez orada tomorqani budlab, mahsulot yetishtirib uy xoʻjaligida daromadga eltishda suvning oʻrni beqiyos ahamiyat kasb etadi.
Suv bor joyda tomorqadan samarali foydalanib istalgan turdagi oziq-ovqat mahsulotlarini yetishtirishga imkoniyat ham ortadi, albatta.
https://t.me/olottumani
