Olimov's note

Kecha juda katta quvvat oldim to‘g‘ri. Hurmatli Prezidentimiz bilan bo‘lgan uchrashuvda yoshlarga katta imkoniyatlar berildi. Bir narsani o‘ylab qoldim, bu imkoniyatlar berildi, lekin biz yoshlar bundan qanchalik foydalanib, uni hayotga tatbiq qila olamiz. Qars ikki qo‘ldan chiqadi deyishadi. Biz bu imkoniyatlarga labbay deb javob berib, undan unumli foydalanishimiz va yurtimiz kelajagi uchun o‘z hissamizni qo‘shishimiz kerak deb o‘ylayman. Muhimi chalg‘imasdan, hushyorlik bilan oldinga yurishimiz kerak! Imkoniyat va ishonch uchun sizga katta rahmat Hurmatli Prezident!

Yashnar Avlokulov ona tili va adabiyoti boʻyicha juda kuchli va juda qattiqoʻl ustozlar. Bizga tilshunoslik fanidan dars oʻtganlar. Aynan shu ustoz fani sabab oʻqishdan chetlashtirilishimga bir bahiya qolgan. Bugun koʻrib rosa xursand boʻldim.

Inglizchasi bilan solishtirib o‘qib chiqamiz.

Ha, do‘stlar, bu shunaqa yaxshi kitob.

“Tirilish” nashriyoti kitoblari endi “Mutolaa”da! Birinchi kitob “Muqaddima” asari boʻladi.

Tez orada kitoblarni audio va elektron shakli tayyor boʻladi va ilovadan joy oladi. Albatta, bunday hamkorliklar kitobxonlikni keng koʻlamda yoyilishiga juda katta hissa qoʻshadi deb oʻylayman.

Tez orada yana boshqa nashriyotlar bilan ham hamkorliklar yoʻlga qoʻyiladi. Kimlar bilan ishlarni tezlashtirishimiz va qaysi kitoblarni ilovaga joylashimiz kerak deb oʻylaysizlar? Izohlarda javobingizni kutib qolaman.

Britaniya Kengashi tomonidan "Study UK Alumni Awards" mukofotida Madaniyat va ijod yo‘nalishi bo‘yicha g‘olib deb topilganimdan faxrlanaman. Bu nafaqat mening, balki barcha ustozlarim, do‘stlarim, jamoam va oilamning yutug‘i deb bilaman.

Edinburg universitetida o‘tkazgan vaqtim dunyoqarashimni kengaytirdi, tanqidiy fikrlashimni oshirdi va menga katta orzu qilishni o‘rgatdi. Bugun Yoshlar ishlari agentliging Mutolaa loyihasi rahbari sifatida o‘z faoliyatimni olib boraman. Biz oldimizga katta maqsad qo‘yganmiz, million insonga kitob o‘qishlari va ilm olishlariga imkoniyat yaratmoqchimiz.

To‘g‘risi, bir paytlar Buyuk Britaniyadagi universitetda o‘qish shunchaki orzu edi. Vaqt o‘tgach, bu maqsadga aylandi. Nihoyat, u haqiqatga aylandi. Bir narsani yatishim kerak, oddiy qishloq bolasi katta orzu qilishi mumkin, lekin moliyaviy ko‘mak bo‘lmas ekan, u katta ehtimol bilan orzuligicha qolgan bo‘lardi.

Lekin aynan "El-yurt umidi" jamg‘armasi bu orzuni amalga oshirdi. Ushbu jamg‘armani tashkil etgani uchun Prezidentimizga va butun O‘zbekiston xalqiga samimiy minnatdorchiligimni bildiraman. El-yurt nafaqat imkoniyat, balki menga katta mas’uliyat ham beradi. Nasib qilsa, bor kuchim va mehnatim bildirilgan ishonchni oqlayman.

Hammaga yana bir bor rahmat.

Sponsored by the nation of Uzbekistan!

Audiokitob tinglaganda megabaytim yetmay qolyapti, audiolarni kichikroq qilinglar degan fikrlar kelib turardi. Hozirda internet bilan ko‘pchilikda muammo bo‘lmasa ham yuqoridagi masalani rad etib bo‘lmaydi. Shundan kelib chiqib, jamoamiz "O‘zbektelekom" AK bilan yangi hamkorlikni yo‘lga qo‘yishni reja qilyapmiz.
Bu hamkorlik doirasida Uztelecom foydalanuvchilari uchun maxsus tariflar ishlab chiqarilishi, kitob o‘qiganda internet trafik tekin bo‘lishi va bir qancha qo‘shimcha imkoniyatlarni yaratish ustida ish boshladik.
O‘ylaymanki, tez orada barcha uchun yaxshi yangiliklar bo‘ladi.

Big bro is watching 👀

Bot buni stil ekanini bilmayapti. Ha noshudginaya

Chungan chundi😁