Оҳангарон туман Тиббиёт бирлашмаси / Ohangaron tuman Tibbiyot birlashmasi

🔴 🟦🟦🟦

❓Аудиоскрининг: Эшитишда нуқсони бўлган чақалоқлар қандай даволанади?

👧🏻 Чақалоқ ҳаётининг дастлабки 3 йилида турли товушларни ўрганиб, "тили" чиқа бошлайди. Агар бола бу жараёнда муаммога дуч келса, сўзларни тушуниш ва такрорлашда қийинчиликлар туғилади.

📊 Тадқиқотларга кўра, 3 ва 4-даражали эшитиш қобилиятини йўқотган, эрта босқичда эшитиш мосламаси ўрнатилган чақалоқлар соғлом тенгдошларидан ривожланиш жиҳатидан унчалик фарқ қилмаслиги аниқланган.

➡️ Агар эшитишни коррекция қилиш 6 ойликдан кейин амалга оширилса, бундай болалар нутқи ривожланиши сезиларли даражада кечикади. Шунинг учун янги туғилган чақалоқнинг эшитиш қобилиятини ўз вақтида текшириш ва даволашга киришиш муҳим.

🗓 Аудиоскрининг чақалоқ туғилганининг 3-куни ўтказилади. Бунда эшитиш фаолияти бузилишига шубҳа туғилса, скринингнинг иккинчи босқичи вилоят болалар кўп тармоқли тиббиёт марказларида ўтказилиб, унда ҳам эшитиш заифлиги аниқланса, гўдак Республика ихтисослаштирилган педиатрия илмий-амалий тиббиёт марказига йўлланма билан юборилади.

💬 — Уч ойга тўлганида, чақалоқ Республика ихтисослаштирилган педиатрия илмий-амалий тиббиёт марказида чуқурлаштирилган текширувлардан ўтказилади ва бунда ҳам эшитиш заифлиги тасдиқланса, давлат ҳисобидан 3 ойдан 6 ойликкача боланинг қулоқларига рақамли эшитиш мосламалари тақиб қўйилади, — дейди мазкур марказ директорининг даволаш ишлари бўйича ўринбосари Азамат Разаков. — Тўққиз ойликдан бир ёшгача бўлган даврда бола эшитиш мосламалари билан таъминланган ҳолда кохлеар имплантация амалиёти учун тайёрланади.

🧒🏻 Ушбу ҳолатларда чақалоқлар нормал эшита оладиган тенгдошларидан ривожланиш жиҳатидан фарқ қилмайди.

📈 Юртимизда 2024 йилда 500 минг нафарга яқин янги туғилган ўғил-қизларда аудиоскрининг ўтказилиб, улардан 325 нафарида эшитиш нуқсони аниқланган, бу кичкинтойлар ҳозир реабилитация ва даволаш босқичларини ўтамоқда.

🏥 Республика ихтисослаштирилган педиатрия илмий-амалий тиббиёт маркази ва унинг Қорақалпоғистон Республикаси, Самарқанд вилоятлари филиаллари махсус тиббий асбоб-ускуналар билан жиҳозланиб, уларда 2025 йилда кохлеар имплантация амалиётини бажариш тўлиқ йўлга қўйиляпти.

📝 Маълумот учун: Кохлеар имплантация операциялари икки томонлама сенсонервал эшитиш заифлигининг 3 ва 4-даражалари қайд этилган ёки карлик мавжуд бўлган шахсларнинг эшитиш қобилиятини ички қулоққа стимул бериш орқали тиклаш мақсадида ўтказилади. Амалиёт бола 5 ёшга тўлгунга қадар бажарилганда, кўпроқ ижобий натижа беради.

📎 Давлат бюджети маблағлари ҳисобига харид қилинган имплантантлар 5 ёшга тўлмаган ўғил-қизларга бепул тақдим этилиб, операция ва yндан кейинги реабилитация тадбирлари ҳам бепул амалга оширилади.

🧑🏻‍⚕️Реабилитация жараёни ҳар бир бола учун индивидуал ишлаб чиқилади ва унга амал қилиш учун ота-она, уларнинг ўрнини босувчилар масъул ҳисобланади.

📍Беморларнинг кохлеар имплантация операциясидан кейинги реабилитация тадбирларида иштирокини мониторинг қилиш мақсадида икки ҳафта ичида марказ томонидан ўғил-қизларнинг доимий яшаш жойидаги туман (шаҳар) тиббиёт бирлашмасига амалиёт ўтказилганлиги ҳақида хабар берилади.

👂Бемор болалар кохлеар имплантация операцияси ўтказилган кундан бошлаб тўрт ҳафта ичида нутқ процессорини ишга тушириш учун марказга олиб келинади. Бу қурилма марказнинг аудиолог мутахассислари томонидан ишга туширилади.

🟣 Амалиёт бажарилган болаларда 7 йилдан сўнг эшитиш процессори давлат маблағлари ҳисобига алмаштириб берилади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

​​#tanlov

✅Tibbiyot tizimida faoliyat ko‘rsatayotgan o‘rta tibbiyot va farmatsevtika xodimlarini qo‘llab-quvvatlash, ularning kasbiy bilim va malakalarini oshirib borishni har tomonlama rag‘batlantirib borish maqsadida,  Toshkent viloyat Sog‘liqni saqlash boshqarmasi Ohangaron tuman Tibbiyot birlashmasi boshlig‘i tashabbusi bilan joriy yilning 27-fevral kuni tizimda faoliyat ko‘rsatayotgan o‘rta tibbiyot va farmatsevtika xodimlari o‘rtasida “Hamshira-2025” ko‘rik-tanlovining tuman bosqichi  o‘tkazildi.
          
✔️Unda tarmoq tizimida faoliyat ko‘rsatayotgan o‘rta tibbiyot va farmatsevtika xodimlari  “Yilning eng yaxshi hamshirasi” nominatsiyasi bo‘yicha o‘zaro bellashdilar. Bellashuv hakamlar tomonidan baholab borildi va faxrli 1, 2, 3-o‘rinlarni egallagan hamshiralari tuman tibbiyot birlashmasining esdalik sovg‘alari bilan taqdirlandi.
          
✔️Tanlovda faxrli birinchi o‘rinni qo‘lga kiritgan ishtirokchi tanlovning viloyat bosqichida ishtirok etish uchun yo‘llanmani qo‘lga kiritdi.

Tumanimiz vakiliga keyingi bosqichlarda omad tilaymiz!

👉@ohangarontumanihokimligi

Bizning rasmiy sahifalarimiz👇

🌐Web-site ✈️Telegram 🌐Instagram ✅Facebook 📹YouTube 🕊Twitter

Ўзбекистон Республикаси Президентининг "Муборак Рамазон ойини муносиб тарзда ўтказиш тўғрисида"ги Қарори
—
Постановление Президента Республики Узбекистан "О проведении священного месяца Рамазан на достойном уровне"

Prezident.uz|Facebook|Instagram|YouTube|X

🔴 🟦🟦

✅ Айни дақиқаларда Соғлиқни сақлаш вазирлигининг навбатдаги Ҳайъат йиғилиши бўлиб ўтмоқда.

📎 Уни Соғлиқни сақлаш вазири Асилбек Худаяров олиб боряпти.

🟢 Тадбирда вазир ўринбосарлари, “Соғлиқни сақлаш лойиҳалари маркази” лойиҳа офиси ва вазирлик марказий аппарати ходимлари, Санитария-эпидемиологик осойишталик ва жамоат саломатлиги қўмитаси, Давлат тиббий суғуртаси жамғармаси, Фармацевтика тармоғини ривожлантириш агентлиги, Фармацевтика маҳсулотлари хавфсизлиги маркази ҳамда Стратегик режалаштириш ва саломатлик институти, ихтисослаштирилган марказлар, республика даволаш муассасалари ва тиббиёт олий ўқув юртлари раҳбарлари иштирок этмоқда.

💻 Жойлардаги студиялардан барча ҳудудий бошқармалар ҳамда туман тиббиёт бирлашмалари масъуллари уланган.

🖥 Шунингдек, йиғилишда Ўзбекистон Ҳисоб палатаси вакиллари қатнашяпти.

🟣 Айни пайтда вазир А. Худаяров сўзга чиқиб, вазирлик Ҳайъатининг 2025 йил 31 январда бўлиб ўтган мажлис қарори ижроси хусусида тўхталиб ўтмоқда.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram