Og'abek Xaitbayev

Fuqaroni bedarak yo'qolgan deb topish!?

Agar fuqaroning qayerdaligi haqida uning yashash joyida 1 yil davomida ma’lumotlar bo‘lmasa, manfaatdor shaxslarning arizasiga muvofiq sud bu fuqaroni bedarak yo‘qolgan deb topishi mumkin.

Yo‘qolgan shaxs to‘g‘risida oxirgi ma’lumotlar olingan kunni aniqlash mumkin bo‘lmasa, bedarak yo‘qolgan deb hisoblash muddati yo‘qolgan shaxs to‘g‘risida oxirgi ma’lumotlar olingan oydan keyingi oyning birinchi kunidan, bu oyni belgilash mumkin bo‘lmagan taqdirda esa —keyingi yilning birinchi yanvaridan boshlanadi.

Bolaning ota-onasi qayerdaligi haqida 1 yil davomida ma’lumotlar bo‘lmasa, ularni “bedarak yo‘qolgan” deb topish choralarini ko‘rish uchun Ijtimoiy himoya milliy agentligi tuman(shahar) "Inson" ijtimoiy xizmatlar markazi Bolalarni ijtimoiy himoya qilish sho'basiga murojaat qilishlari mumkin.


@Ogabek_Xaitbayev

Emansipatsiya nima? - 16 yoshga to‘lgan voyaga yetmagan shaxs mehnat shartnomasi bo‘yicha ishlayotgan bo‘lsa yoki ota-onasi, farzandlikka oluvchilari yoxud homiysining roziligiga binoan tadbirkorlik faoliyati bilan shug‘ullanayotgan bo‘lsa, u to‘la muomalaga layoqatli deb e’lon qilinishidir.

Voyaga yetmagan shaxsni to‘la muomalaga layoqatli deb e’lon qilish (emansipatsiya) ota-onaning, farzandlikka oluvchilarning yoki homiyning roziligi bilan vasiylik va homiylik organining qaroriga muvofiq yoxud, bunday rozilik bo‘lmagan taqdirda, sudning qarori bilan amalga oshiriladi.

Bugungi kunda voyaga yetmagan 16 yoshga to'lgan shaxs emansipatsiya qilish uchun Ijtimoiy himoya milliy agentligi tuman(shahar) "Inson" ijtimoiy xizmatlar markazi Bolalarni ijtimoiy himoya qilish sho'basiga murojaat qilishlari mumkin.


@Ogabek_Xaitbayev

Oila Kodeksiga ko'ra nikoh yoshi erkaklar va ayollar uchun 18 yosh etib belgilangan.
Uzrli sabablar bo‘lganida, alohida hollarda ya'ni
✳️Homiladorlik
✳️Bola tug‘ilishi
✳️Voyaga yetmagan shaxsning to‘la muomalaga layoqatli deb e’lon qilinishi (emansipatsiya) munosabati bilan nikohga kirishni xohlovchilarning iltimosiga ko‘ra nikoh davlat ro‘yxatidan o‘tkaziladigan joydagi tuman(shahar) hokimi nikoh yoshini ko‘pi bilan 1 yilga kamaytirishi mumkin.

@Ogabek_Xaitbayev

O‘ZBEKISTON RESPUBLIKASI KONSTITUTSIYASI
⏺50-modda

➡️Har kim ta’lim olish huquqiga ega.

➡️Davlat uzluksiz ta’lim tizimi, uning har xil turlari va shakllari, davlat va nodavlat ta’lim tashkilotlari rivojlanishini ta’minlaydi.

➡️Davlat maktabgacha ta’lim va tarbiyani rivojlantirish uchun shart-sharoitlar yaratadi.

➡️Davlat bepul umumiy o‘rta ta’lim va boshlang‘ich professional ta’lim olishni kafolatlaydi. Umumiy o‘rta ta’lim majburiydir.

➡️Maktabgacha ta’lim va tarbiya, umumiy o‘rta ta’lim davlat nazoratidadir.

➡️Ta’lim tashkilotlarida alohida ta’lim ehtiyojlariga ega bo‘lgan bolalar uchun inklyuziv ta’lim va tarbiya ta’minlanadi.

@Ogabek_Xaitbayev

Француз мутафаккири Жан Жак Руссонинг фикрига кўра,

“Барча инсонлар тенг ҳуқуқлидир. Агар биз барча инсонларнинг тенг ҳуқуқлилигини тан оладиган бўлсак, унда жамиятдаги кучлилар, кучсизларга ёрдам беришлари лозимдир. Жамиятдаги адолат кучлиларни кучсизларга ёрдам бериши билан ифодаланади”

@Ogabek_Xaitbayev

Hozirgi kunda ayrim kanallarda mahalla faollarini faoliyatini baholashga oid so'rovnomalarga ko'zingiz tushgan bo'lsa kerak. So'rovnomalarda mavzular bir-biriga o'xshash bo'lib eng zo'r mahalla xodimini aniqlash.
Aslida ham maqsad eng faol mahalla xodimini aniqlashmi?

Kanallarda eng faol mahalla faolini aniqlash bo'yicha so'rovnoma boshlanishi bilan qaysidir mahalla faoli boshqa xodimlar oldida o'zini "qanday zo'r ishlayotganini" ko'rsatib qo'yish uchun mazkur so'rovnomani yaqinlari yoki hamkasblariga tarqatib ovoz yig'ib nimadir isbotlashga harakat qiladi va bunga mutanosib ravishda qolgan mahalla faollari ham ortda qolmasligi uchun faol ravishda ovoz to'plashga kirishadi va so'rovnomada yuzlab,minglab hatto yuz minglab odam ishtirok qiladi.
Natijada kim yutadi albatta so'rovnomani o'tkazgan kanal adminlari🤓 yuzlab va minglab yangi faol obunachiga ega bo'ladi va ko'zlagan maqsadiga erishadilar.

Bu kabi so'rovnomalar haqiqatda eng faol va o'z vazifasiga mas'uliyatli xodimni aniqlab beradimi?
Shaxsiy fikrim bunday so'rovnomalar eng yaxshi, o'z vazifasiga mas'uliyatli xodimni emas balki "Eng faol ovoz yig'uvchi xodim"ni aniqlab bera olsa kerak.

Sizning fikringiz qanday?
Sizga ham so'rovnomada menga yoki kimnidir kimiga ovoz berib yuborishda yordam bering kabi smslar ko'p keladimi?

@Ogabek_Xaitbayev

💭 Martin Iden sindromi

Martin Iden sindromi yoki maqsadga erishish sindromi — bu orzu qilingan maqsadga erishib bo‘lgandan keyin insonda yuzaga keladigan patologik holat. Sindrom o‘z nomini Jek Londonning shu nomli romanidan olgan bo‘lib, unda bosh qahramon uzoq va mashaqqatli yo‘ldan o‘tib, o‘z orzusiga erishgach, depressiyaga tushib, “o‘z joniga qasd qiladi”. Sindrom haddan tashqari yuqori umidlar, shuningdek, asab tizimining charchoqlari natijasida namoyon bo‘ladi, bu esa o‘limga olib keladi.

Sindromning shakllanish sabablari sifatida uzoq muddatli zo‘riqish, keyingi rejalar yo‘qligi, juda yuqori umidlar, asab faoliyatining xususiyatlari va boshqalarni ko‘rsatishadi.

Maqsadga erishish uchun uzoq va mashaqqatli mehnat insonning asab tizimini charchatadi, bu esa orzu amalga oshgandan keyin atrofdagi voqealarga befarqlikni keltirib chiqaradi. Agar inson faqat bitta maqsadga e’tibor qaratsa, unga erishgandan keyin u yo‘qoladi, chunki u keyingi hayotda ma’no ko‘rmaydi. Maqsadni mutlaqlashtirish muqarrar ravishda umidsizlikka olib keladi va bu psixikaning normal ishlashiga putur etkazadi. Kuchli hissiy tushkunlikka moyil bo‘lganlar ushbu sindromga chalinishi oqibati ayanchli yakunlanishi mumkin.

💚 Sindromning qanday belgilari bor?

🟣Depressiya va umidsizlik hissi;
🟣Hayotga qiziqishning yo‘qolishi;
🟣Uyqusizlik yoki aksincha, doimiy uyquchanlik
🟣Ishtahaning yo‘qolishi yoki aksincha, ortiqcha ovqatlanish (bulimia);
🟣Surunkali charchoq;
🟣Bosh og‘rig‘i va bosh aylanishi;
🟣O‘z joniga qasd qilish fikrlari (ko‘p miqdorda dori ichish, o‘zini turli xil usullarda qiynash va boshqalar).

💚 Martin Iden sindromini davolash psixoterapiya va ba’zan dori-darmonlarni qo‘llashni o‘z ichiga oladi. Psixoterapiya bemorga o‘z his-tuyg‘ularini tushunishga, yangi maqsadlar qo‘yishga va hayotda ma’no topishga yordam beradi.

© Legalazy

Vasiylik va homiylik faoliyati:

🟩 Ijtimoiy himoya milliy agentligi tomonidan - voyaga yetmaganlarga nisbatan
🟥 Sud tomonidan - muomalaga layoqatsiz yoki muomala layoqati cheklangan deb e’tirof etilgan fuqarolarga nisbatan
🟨 Tuman (shahar) tibbiyot birlashmalari tomonidan - sog‘ligining holatiga ko‘ra homiy tayinlashga muhtoj bo‘lgan voyaga yetgan muomalaga layoqatli fuqarolarga nisbatan amalga oshiriladi

Kanal faoliyati sizga ma'qul bo'lsa yaqinlaringiz bilan ulashishni unutmang!
@Ogabek_Xaitbayev