REGISTRATOR OFIS Bo'limining rasmiy kanali.

@Ofis_registratori

Kanal geosi va tili: O‘zbekiston, O‘zbekcha

Toifa: Ta’lim

Toshkent Davlat Iqtisodiyot universitetining Ofis registratori bo'limining rasmiy kanali!
Bu kanal orqali siz talabaga kerak bo'lgan barcha hujjatlarni elektronni shaklda olishingiz mumkin.
Aloqa: @magistrsupport

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Saralanganlar

Postlar filtri

O‘chirilganlarni yashirish

Repostlarni yashirish

REGISTRATOR OFIS Bo'limining rasmiy kanali.

11 Apr, 13:57

⭕️⭕️⭕️
Talabalarga bir martalik yordam puli beriladi.

Endi oliy ta’lim muassasalarida grant yoki to‘lov-kontrakt asosida o‘qiyotgan talabalar uchun YANGI IMKONIYAT:

Alohida iqtidorga ega bo‘lgan, fan olimpiadalari yoki sport musobaqalarida g‘olib bo‘lgan talabalar, shuningdek, og‘ir ijtimoiy holatga tushib qolganlar (kasallik, oila a’zosi vafoti va h.k.) bazaviy stipendiyaga nisbatan 10 baravargacha miqdorda bir martalik moddiy yordam olishi mumkin!

O'zlashtirishidan qat'iy nazar bu yordamlar jamg‘arma mablag‘lari hisobidan taqdim etiladi va har bir holat OTM kengashi tomonidan belgilanadigan mezonlar asosida ko‘rib chiqiladi.

❗️Buning uchun siz oliygohning ma'muriyatiga bog'lanishingiz so'raladi.

@Ofis_registratori

2.5k 1 23 2 9

REGISTRATOR OFIS Bo'limining rasmiy kanali.

11 Apr, 08:19

TSUE-TDIU dan repost

TDIU “Registrator ofisi” faoliyati o‘rganildi

Batafsil saytda

🇺🇿 TDIU Axborot xizmati

🚀Toshkent davlat iqtisodiyot universiteti rasmiy telegram kanali: @tsueuzofficial

996 0 3 3

REGISTRATOR OFIS Bo'limining rasmiy kanali.

10 Apr, 13:03

Registrator ofis bo'limi barcha talabalarga xizmat qilishga tayyor!

@Ofis_registratori

2.5k 1 11 10 21

REGISTRATOR OFIS Bo'limining rasmiy kanali.

8 Apr, 15:53

#Yangilik

🖥 Kontrakt toʻlovlari boʻyicha yangi imkoniyat!

✅ Kontrakt.edu.uz platformasida shartnoma turi boʻyicha muhim yangilik:

🔄 Endilikda ikki tomonlama shartnomani uch tomonlama shartnomaga oʻzgartirish imkoniyati mavjud!
Bu yangilik orqali talaba va ota-onalar oʻzlariga qulay boʻlgan shartnoma turini tanlab, rasmiylashtirish jarayonini yanada soddalashtirishlari mumkin.

@Ofis_registratori

2.9k 1 11 1 4

REGISTRATOR OFIS Bo'limining rasmiy kanali.

7 Apr, 13:45

Талаба 3 олса, стипендия тўланмайдими?

5058-савол:

Ассалому алайкум, Мани фарзандим имтиёз яъни ички ишлар фарзанди деган имтиёз бн укишга грант асосида укишга кирган эди, хозир сместрда иккита 3 олгансан деп стипендиядан киркишпти, шунга менга аник жавоп керак, бу конунан тўгрими, жавоб учун олдиндан рахмат.

ЮРИСТ ЖАВОБИ:

✅ Ҳа шундай, қаранг! Вазирлар Маҳкамасининг 2020-йил 31-январдаги 59-сон қарорига 1-иловада тасдиқланган Олий таълим муассасалари талабаларига стипендиялар тайинлаш ва тўлаш тартиби тўғрисидаги Низом 6-бандига кўра Аввалги ўқув семестри натижаларига кўра стипендиялар:
🔹а) қуйидаги тартибда тайинланади ва тўланади:
➖ барча фанлар бўйича ўзлаштириш кўрсаткичи фақат “аъло” баҳо (рейтинг кўрсаткичи — 86 балл ва ундан юқори) бўлган талабаларга стипендиянинг базавий миқдори 20 фоизга оширилган ҳолда;
➖ фанлардан ўзлаштириш кўрсаткичларининг 30 фоизидан кам қисмини “қониқарли” баҳога (рейтинг кўрсаткичи — 71 баллдан кам) ўзлаштираётган талабаларга — стипендиянинг базавий миқдорида;
🔹 б) фанлардан ўзлаштириш кўрсаткичларининг 30 фоизи ва ундан ортиқ қисми “қониқарли” баҳо (рейтинг кўрсаткичи — 71 баллдан кам) бўлган талабаларга (тўлиқ давлат таъминотида бўлган етим болалар ва ота-она қарамоғидан маҳрум бўлган болалар сирасига кирувчи ҳамда 1 ва 2-гуруҳ ногиронлиги бўлган талабалар бундан мустасно) навбатдаги ўқув семестри мобайнида стипендия тайинланмайди.

🚫 Шунга кўра фарзандингизнинг ўзлаштириш кўрсаткичлари 71 фоиздан кам бўлса, унга стипендия тўланмайди. Агар бу кўрсаткич 71 фоиз ёки ундан юқори бўлса (86 фоизгача) унга базавий стипендия тўланади.

@Ofis_registratori

2.5k 1 9 9 5

REGISTRATOR OFIS Bo'limining rasmiy kanali.

1 Apr, 15:39

⚡️Darsga kelmagan akademik qarzdor talaba endi talabalar safidan chetlashtirilishi kutilmoqda

🔴1 ta fan uchun 6 kredit ajratilgan deylik;
🔴1 kredit 30 soatga teng hisoblanadi;
🔴1 ta fanning 6 krediti esa 180 soatga teng (6•30=180);
🔴180 soatning 40% (72 soat) auditoriya soatiga, qolgan 60% (108 soat) esa mustaqil taʼlimga ajratilgan.

❗️Agara talaba auditoriya uchun ajratilgan 72 soatning ¼ qismini yaʼni 18 soatni qoldirsa, yakuniy nazoratga kiritilmaydi. Yakuniy nazoratga kiritilmagan talaba esa akademik qarzdor hisoblanadi.

Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

❕ Lekin taklif etilayotgan yangi tartibga ko'ra, kursdan-kursga qoldirish tizimi o'rniga talabalar safidan chetlashtirish kutilmoqda.

@Ofis_registratori

3.5k 0 33 11 9

REGISTRATOR OFIS Bo'limining rasmiy kanali.

30 Mar, 07:31

4.7k 1 5 1 20

REGISTRATOR OFIS Bo'limining rasmiy kanali.

26 Mar, 15:19

Расман: жорий йилда Рамазон ҳайитининг биринчи куни 30 март – якшанба кунига тўғри келади - президент қарори

Рамазон ҳайитининг биринчи куни 2025 йилда якшанба – дам олиш кунига тўғри келиши муносабати билан ушбу дам олиш куни 31 март – душанба кунига кўчирилади.
@ofis_registratori

8.5k 1 64 9 7

REGISTRATOR OFIS Bo'limining rasmiy kanali.

25 Mar, 13:27

Toshkent davlat iqtisodiyot universiteti rahbariyati va har bir yo'nalishlarga mas'ul shaxslar, internet nashrlari hamda ijtimoiy tarmoqlar bilan hamkorlikda ishlashga tayyor

@ofis_registratori

5.9k 1 2 14 35

REGISTRATOR OFIS Bo'limining rasmiy kanali.

25 Mar, 11:02

Rasmiy munosabat

Ayrim internet nashrlari hamda ijtimoiy tarmoqlarda Toshkent davlat iqtisodiyot universitetida sirtqi ta'lim shaklida tahsil olayotgan talabalarning shartnoma to‘lovlari muddati yuzasidan xabarlar paydo bo‘ldi.
Mazkur holat yuzasidan shuni ma'lum qilamizki, ayni vaqtda Toshkent davlat iqtisodiyot universitetida
46 mingdan ziyod talaba kunduzgi, sirtqi, kechki, masofaviy hamda ikkinchi oliy ta'lim shaklida tahsil olmoqda. Shuningdek, to‘lov-shartnoma asosida tahsil olayotgan talabalar uchun to‘lov shartlari va muddatlari shartnomada ko‘rsatib o‘tilgan. Ushbu shartnomalarni talabalar maxsus platforma orqali onlayn oladilar. O‘z navbatida shartnoma shartlarida ko‘rsatilgan muddatlarda belgilangan miqdordagi to‘lovlarni o‘z vaqtida amalga oshirmagan talabalar uchun muntazam ravishda qo‘shimcha imkoniyatlar taqdim etib kelinmoqda.
Murojaatda ko‘rsatilgan video yozuvdagi holatda sirtqi ta'lim shaklida tahsil olayotgan talabalar o‘quv jarayonlarini yakunlab, yakuniy nazorat topshirmoqda. Universitetda ta'lim sifatini ta'minlash, yakuniy nazoratlarni shaffof, adolatli o‘tkazish maqsadida maxsus kuzatuv kameralari yordamida va mutaxassislar nazorati ostida test topshiriladi. Ushbu yakuniy nazoratlar universitet tomonidan tasdiqlangan o‘quv grafigi asosida kurslar, guruhlar kesimida belgilangan muddatlarda amalga oshirilmoqda. Ya'ni xabarda ta'kidlanganidek, talabalar shartnoma to‘lovlari uchun emas, balki yakuniy nazorat jarayonlariga kirishga tayyorlanib turgan holat aks etgan (har kuni minglab talabalar yakuniy nazorat topshirmoqdalar).
Hozirgi kunda sanoqli talabalargina shartnoma to‘lovining 75% dan kam miqdorida amalga oshirgan bo‘lishi mumkin – ularning soni videoda aks ettirilganidek ko‘p emas Shuningdek, imtihon jarayonlarida talabalarni sun'iy yiqitish holatlari mavjud emasligini ham alohida ta'kidlab o‘tamiz. Qayd etish kerakki, imtihondan yiqilgan talabalarga qayta yakuniy nazorat jadvallari asosida qayta topshirish imkoniyati yaratib berilmoqda.
Toshkent davlat iqtisodiyot universitetida har bir talabaning shaxsiy erkinligi, qadr-qimmati ahamiyatli bo‘lib, talabalarning fikrlari va takliflari universitet mas'ullari uchun muhimdir. Shuning uchun, talabalar o‘z muammolarini hal etish maqsadida universitet rahbariyatiga bevosita murojaat qilishlari mumkinligini yana bir bor eslatib o‘tamiz.

🇺🇿 TDIU Axborot xizmati

@ofis_registratori

6.5k 1 64 78 39

REGISTRATOR OFIS Bo'limining rasmiy kanali.

21 Mar, 08:08

"Registrator ofisi" jamoasi talabalarni hamda OAV barchangizni qadimiy va hamisha navqiron Navro’z ayyomi bilan tabriklaydi!

Yangi kun, yangi yil, yangi umidlar bilan kelgan ushbu ajoyib bayram sizlarga fayz-u baraka, quvonch va baxt olib kelsin!

Bilim olishdek sharafli yo’lda, sohangizning yetuk mutaxassisi bo’lish ishtiyoqi sizlarni tark etmasin!

O’qishlaringizda omad yor bo’lsin, ilmingiz ziyoda bo’lsin, orzu-niyatlaringiz ushalsin!

Navro’z muborak, aziz talabalar! 🎉

@ofis_registratori

5.3k 1 8 1 14

REGISTRATOR OFIS Bo'limining rasmiy kanali.

20 Mar, 15:42

⚡️Talaba GPA balini hisoblash

✅Xemis tizimida talabalarning GPA balini hisoblash funksionali takomillashtirildi.

➖Tizimning joriy versiyasida zaruriy o‘quv yilini tanlab aynan o‘sha o‘quv yili uchun alohida hisoblashni amalga oshirish mumkin.

👉 (1) raqamli o‘quv yili faqatgina talabalarni filtrlab ro‘yxatini chiqarish uchun ishlatiladi.

👉 (2) raqamli o‘quv yili esa aynan qaysi yil uchun GPA balini hisoblashni belgilaydi.

❗️Har bir o‘quv yili uchun GPA balini ro‘yxatdagi Hisoblash yozuvini bosish orqali ham hisoblash mumkin.

@ofis_registratori

2.9k 0 10 4 9

REGISTRATOR OFIS Bo'limining rasmiy kanali.

17 Mar, 08:04

⚡️Universitet va Institut o‘rtasidagi farq nimada?

Ko‘pchilik abituriyentlar va talabalar "universitet" va "institut" tushunchalarini bir-biridan farqlay olishmaydi. Aslida, bu ikkisi o‘xshash bo‘lsa-da, muhim farqlarga ega.

🏛Universitet – keng qamrovli ta’lim maskani

◀️Universitet – turli sohalarda bakalavriat, magistratura va doktorantura bosqichlarida ta’lim beruvchi yirik oliy o‘quv yurti.
▶️U bir nechta yo‘nalish va fakultetlarni qamrab oladi (masalan, tibbiyot, muhandislik, iqtisodiyot, pedagogika va boshqalar).

🏢 Institut – muayyan sohaga ixtisoslashgan o‘quv yurti

▶️Institutlar asosan bitta yoki bir nechta o‘xshash yo‘nalishlarga ixtisoslashgan bo‘ladi (masalan, pedagogika instituti, muhandislik instituti).
◀️Universitetlarga qaraganda kichikroq bo‘lib, ko‘pincha bakalavriat va magistratura darajalarini beradi.

✅ XULOSA

🟢Agar siz keng tanlov imkoniyatiga ega bo‘lishni istasangiz, universitet siz uchun yaxshiroq variant.
🔴 Agar aniq bir sohaga ixtisoslashmoqchi bo‘lsangiz, institut mos keladi.

O‘zingizga mos ta’lim muassasasini tanlab, kelajagingiz uchun to‘g‘ri qadam qo‘ying!
@Ofis_registratori

6.1k 1 27 14

REGISTRATOR OFIS Bo'limining rasmiy kanali.

15 Mar, 03:20

Har bir talaba chet elda tahsil olishi mumkin.

Bunda Akademik mobillik dasturi orqali OTMingiz va xorijdagi oliygoh o‘rtasida tuzilgan kelishuv asosida ma’lum muddat o‘qishingiz mumkin.

Demak, talaba almashinuvining ikkita turi mavjud.
Birinchisida – talaba o‘z tashabbusi bilan oliygohga ma’lum qiladi va chet universitetida ta’lim oladi. Ikkinchisi esa dastur doirasida – universitet yoki fakultet boshqa OTM bilan kelishuv tuzib, almashinuv dasturlari asosida talabani o’qishga yuboradi.

Bunday ta’lim jarayoni qisqa muddatli ya’ni 1 haftadan 3 oygacha, uzoq muddatli esa, – 6 oydan 1 yilgacha davom etishi mumkin.
Aytgandek, ushbu dasturlar asosida talaba bir yoki ikki semestr davomida nafaqat xorijda yoki boshqa viloyatda ham ta’lim olishi mumkin.

Akademik almashinuv haqida talabalarga oliygohning ijtimoiy tarmoqlardagi sahifalarida ma’lumot berib borilishi kerak. Sizning oliygohingizda bu ma’lumot berib boriladimi? Izohlarda yozib qoldiring!
@Ofis_registratori

3.1k 0 7 3 8

REGISTRATOR OFIS Bo'limining rasmiy kanali.

14 Mar, 16:02

❗️Ijtimoiy toifadagi abituriyentlarga qo‘shimcha grant ajratiladi

Hukumat qaroriga ko‘ra, bakalavriat ta’lim yo‘nalishlariga ajratilgan davlat granti asosidagi qabul parametrlariga nisbatan 10 foizgacha bo‘lgan miqdorda Ijtimoiy himoya milliy agentligi hamda Oliy ta’lim, fan va innovatsiyalar vazirligi tomonidan belgilanadigan toifadagi abituriyentlar uchun davlat granti asosidagi qo‘shimcha qabul parametrlari ajratiladi. Bu haqda O‘zA xabar bermoqda.

Bunda muayyan bakalavriat ta’lim yo‘nalishi bo‘yicha davlat grantiga o‘tish balining 80 foizi va undan yuqori ball to‘plagan belgilangan toifadagi abituriyentlar ajratilgan davlat granti asosidagi qabul parametrlari doirasida, ballar ketma-ketligiga qat’iy rioya qilingan holda talabalikka tavsiya etiladi.

Mazkur imtiyoz abituriyent ro‘yxatdan o‘tishda tanlagan birinchi bakalavriat ta’lim yo‘nalishiga hamda ushbu ta’lim yo‘nalishiga kirishda Davlat komissiyasi tomonidan davlat grantiga belgilangan minimal o‘tish bali va undan yuqori ball to‘plagan abituriyentlarga nisbatan qo‘llaniladi.

@Ofis_registratori

UzA | Tezkor xabarlar

Ijtimoiy toifadagi abituriyentlarga qo‘shimcha grant ajratiladi Hukumat qaroriga ko‘ra, bakalavriat ta’lim yo‘nalishlariga ajratilgan davlat granti asosidagi qabul parametrlariga nisbatan 10 foizgacha bo‘lgan miqdorda Ijtimoiy himoya milliy agentligi hamda Oliy ta’lim, fan va innovatsiyalar vazirli...

4k 0 12 3

REGISTRATOR OFIS Bo'limining rasmiy kanali.

14 Mar, 15:46

Xullas, joriy yildan boshlab kontraktdagi talaba yaxshi o‘qisa, grantga o‘tadi, grantdagilarning o‘zlashtirish ko‘rsatkichi past bo‘lsa, kontraktga tushadi.

Grantdagi talabaning GPA ko‘rsatkichi 3,5 dan past bo‘lsa, avtomat ravishda kontraktga tushadi. Lekin 3,5 dan baland bo‘lsa, granti 100% davom etadi, degani emas. Bunda u har yili qaytadan tanlovda qatnashadi. Agar kontraktda o‘qiydigan ko‘pchilik talabaning natijalari yaxshi bo‘lsa, GPA 3,5 dan baland bo‘lgan grantdagi talabalar ham kontraktga tushib qolishi mumkin.

Grant uchun tanlovda GPA 3,5 dan baland bo‘lgan istalgan talaba qatnashishi mumkin. Bunda nafaqat o‘zlashtirish ko‘rsatkichiga qaraladi, balki ijtimoiy faollik ham inobatga olinadi.

@Ofis_registratori

5.9k 1 36 9 1

REGISTRATOR OFIS Bo'limining rasmiy kanali.

14 Mar, 15:40

Magistrlar Official dan repost

❗️O‘zlashtirish ko‘rsatkichiga qarab talabalarga grantlarni qayta taqsimlash tartibi tasdiqlandi

Hukumatning tegishli qarori bilan (№149, 10.03.2025) Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi. Bu haqda O‘zA xabar bermoqda.

Nizomga ko‘ra, ta’lim grantiga talabgorlardan joriy o‘quv yilida o‘zlashtirish ko‘rsatkichi bo‘yicha GPA ko‘rsatkichi 3,5 va undan yuqori bo‘lishi talab etiladi. O‘zlashtirishi ushbu ko‘rsatkichdan past bo‘lgan talabalarning ta’lim grantini tabaqalashtirilgan tarzda qayta taqsimlashda ishtirok etishiga ruxsat etilmaydi va ta’lim granti o‘rni vakant qoladi.

Ta’lim grantiga talabgorlar uchun oliy ta’lim tashkilotining rasmiy veb-saytida onlayn ro‘yxatdan o‘tish va erishgan yutuqlarini asoslovchi hujjatlarni yuklash imkoniyati yaratiladi.

Ta’lim grantiga talabgorlarning o‘zlashtirish ko‘rsatkichlari mutanosib tarzda 80 ballik mezonda baholanadi, bunda GPA ko‘rsatkichini “16” soniga ko‘paytirish orqali aniqlanadi.

Ta’lim grantiga talabgorlarning ijtimoiy faollik ko‘rsatkichi 20 ballik mezonda baholanadi, bunda baholash mezoniga asosan hisoblangan natijani “5” soniga bo‘lish orqali aniqlanadi.

Belgilangan ta’lim granti o‘rinlari doirasida tanlov chegarasida bir xil natija ko‘rsatgan talabgorlarning akademik o‘zlashtirish ko‘rsatkichiga ustuvorlik beriladi. Agar o‘zlashtirish ko‘rsatkichida ham bir xil natija aniqlangan holatda mazkur talabgorlar uchun o‘zlashtirilgan semestrlarda o‘tilgan mutaxassislik fanlaridan test sinovlari o‘tkaziladi.

Oliy ta’lim tashkiloti kengashining qaroriga asosan ta’lim grantini oluvchi talabalar ro‘yxati har yili 25-avgustga qadar oliy ta’lim tashkilotining rasmiy veb-saytida e’lon qilinadi.

@magistrlarofficial
@magistrlarofficial_group

1.7k 0 17 3

REGISTRATOR OFIS Bo'limining rasmiy kanali.

11 Mar, 09:50

Наврўз ва Рамазон ҳайити муносабати билан Тошкент - Бухоро - Тошкент йўналишида қўшимча Afrosiyob тезюрар поезди ҳаракати йўлга қўйилади.

@Ofis_registratori

5.3k 1 12 7 4

REGISTRATOR OFIS Bo'limining rasmiy kanali.

11 Mar, 09:05

#Grant

Davlat granti asosida ta’lim olayotgan, o‘quv semestri uchun o‘zlashtirish natijalari bo‘yicha uzrsiz sabablarga ko‘ra akademik qarzi (bir yoki undan ortiq fanlar bo‘yicha 55 foizdan kam reytingga) bo‘lgan oliy ta’lim muassasalarining talabalari keyingi o‘quv semestri oyining birinchi kunidan boshlab stipendiya olish huquqidan mahrum qilinadi

@Ofis_registratori

5.4k 2 20 11

REGISTRATOR OFIS Bo'limining rasmiy kanali.

6 Mar, 08:42

❔ "Otchisleniya" bo‘lgan talabalar ham o‘qishini ko‘chirishi mumkinmi?

✔️ Xorijiy davlatlarda va Respublikamizdagi nodavlat oliygohlarda tahsil olayotgan ayrim talabalar o‘z vaqtida to‘lov-kontrakt pulini to‘lamaganligi yoki boshqa sabablarga ko‘ra o‘qishidan chetlatilgan holatlar yo‘q emas. Ushbu toifadagi talabalar ham o‘qishini davlat OTMlariga ko‘chirishi mumkinmi?

🗂 Buning uchun talabadan o‘qigan davri ko‘rsatilgan transkripti (yoki akademik ma’lumotnoma) hamda talabalar safidan chetlatilganligi to‘g‘risida buyruq kerak bo‘ladi. Ushbu hujjatni o‘qishni ko‘chirish arizasiga ilova qilgan holda imtihonlarda bemalol ishtirok etishi mumkin. Bunda huquqiy tomonlama hech qanday cheklov mavjud emas.

Shuningdek, o‘qishdan chetlatilgan talabalar o‘qishini qayta tiklash muddati quyidagicha belgilangan:

➖ 5 yilgacha — rektor buyrug‘i bilan;
➖ 5 yildan 10 yilgacha — tegishli vazirlik yoki idora qarori asosida;
➖ 10 yildan ortiq — idoralararo komissiya qarori bilan.

❕ Ushbu tartib 2017 yil 20 iyundagi Vazirlar Mahkamasining 393-sonli qarori bilan tasdiqlangan nizomga asoslanadi.

🔔 Xulosa qilib shuni aytish mumkin-ki, o‘qishdan chetlatilgan talabalar ham Respublikadagi davlat oliygohlariga o‘qishini ko‘chirishi mumkin.
@Ofis_registratori