1992 йил 8 декабрь Ўзбекистон Республикаси Конституция си қабул қилинган кун. Келаётган ушбу байрам билан барчангизни муборакбод этаман. Адолат асло йўқолмасин!

ЎЗБEКИСТОН ҚОМУСИ

Мустақиллик илк онлари, шукроналик асридир.
Илк озодлик нашидаси, илк қадамлар аксидир.
Юрт рамзлари қаторида адолатнинг рамзидир
Ўзбек халқин ори ўзи, шараф, ғурур, номуси.
Адолатнинг тимсолидир Ўзбекистон қомуси!

Мустамлака бузган қадим тенглик кучин қурган шу.
Парча қоғоз, лекин, юртнинг юрагидек урган шу.
Келажакнинг ишончидир нурдек порлаб турган шу.
Биз эришган. Аждодларнинг қалбидаги орзуси!
Келажакнинг тимсолидир Ўзбекистон қомуси!

Конституция миллат, тенглик албат буюк марралар.
Қонун ўзи, эътибори ҳар соҳадан қирралар.
Шу китоб бор, мувозанат тутар замин, курралар.
Конституция асли бутун дунё, олам қонуни.
Қонунларнинг тимсолидир Ўзбекистон қомуси!

Айтар адолат боблари, бўлимлари мухрдир.
Моддалари ёд олинган, амали бор машҳурдир.
Тарихи кенг, буюк давлат яна қайта мағрурдир.
Юрт адолат аро бордир Темур каби туйғуси.
Буюкликнинг тимсолидир Ўзбекистон қомуси!

Фахрим менинг Ўзбекистон, бағрингда баланд қаддим.
Номинг доим юксак этмоқ ҳам фарзимдир, мақсадим.
Адолатнинг рамзидирсан келажак, бугун, қадим.
Адолат бор буюк миллат буюк давлат бўлғуси.
Яна бир ёш муборак Ўзбекистон қомуси!

✍Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟