OʻLGANIMCHA YOʻQ

Hali ado boʻlganimcha yoʻq,
Paymonasi toʻlganimcha yoʻq.
Yashayapman bevafo goʻzal,
Sensiz qolib oʻlganimcha yoʻq.

Alamlarim jonga botsa ham,
Armonlarim qiynab yotsa ham.
Yurak kunda azob totsa ham,
Sensiz qolib oʻlganimcha yoʻq.

Seni jondan suyganlarim rost,
Yoningda baxt tuyganlarim rost.
Yoʻqotganda kuyganlarim rost,
Sensiz qolib oʻlganimcha yoʻq.

Dil aylandi toshgacha biroq,
Koʻz bormadi yoshgacha biroq.
Bugun yashash boshqacha biroq,
Sensiz qolib oʻlganimcha yoʻq.

Taqdirimdan qochib qay ketay,
Bu hijronda men qandoq etay.
Peshonada chidamay netay,
Sensiz qolib oʻlganimcha yoʻq.

Ex boʻlari boʻldi dema yor,
Koʻzi yoshga toʻldi dema yor.
Mensiz qolib oʻldi dema yor,
Sensiz qolib oʻlganimcha yoʻq.

Yetolmadim goʻzal topdimu,
Totolmadim asal topdimu.
Davosi yoʻq kasal topdimu,
Sensiz qolib oʻlganimcha yoʻq.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟