"Ye, ibodat qil, sev: Bir ayolning hamma narsani qidirib Italiya, Hindiston va Indoneziyaga sayohat qilishi" — amerikalik adiba Elizabet Gilbert tomonidan yozilgan va 2006-yilda nashr etilgan memuar asari. Unda adibaning eri bilan ajrashgandan keyin sayohatga chiqishi va turli davlatlarda o'zi uchun noma'lum bo'lgan yangiliklarni kashf etishi haqida hikoya qilingan.
2010-yilda asar asosida film (bosh rolda Juliya Roberts) suratga olingan.
Gilbert 2010-yilda memuarining davomi bo'lmish "Qonuniy nikoh" ("Committed: A Skeptic Makes Peace with Marriage") asarini ham yozgan.
Nota bene!📜
2010-yilda asar asosida film (bosh rolda Juliya Roberts) suratga olingan.
Gilbert 2010-yilda memuarining davomi bo'lmish "Qonuniy nikoh" ("Committed: A Skeptic Makes Peace with Marriage") asarini ham yozgan.
Asar syujetiga ko'ra, Elizabet Gilbert 32 yoshli yaxshi ta'lim olgan muvaffaqiyatli yozuvchi. Biroq u turmushda baxtsiz: ko'pincha tunlarni hammomda yig'lab o'tkazadi. Shu tufayli eri bilan ajrashishga qaror qiladi. Sud ishlari ketayotganida boshqa erkak bilan uchrasha boshlaydi, biroq, bu munosabat uzoqqa cho'zilmaydi.
Yolg'iz qolgan Elizabet omadli tasodif tufayli yoga haqida maqola tayyorlash uchun Baliga yuboriladi. U yerda to'qqizinchi avlod jodugarni uchratadi. Jodugar Elizabetning bir kun kelib Baliga qaytishi va o'zidan ko'p narsalar o'rganishini bashorat qiladi.
Eri bilan ajrashib bo'lgach bir noshir Elizabetga dunyo bo'ylab sayohat qilishi va ushbu sayohat haqida kitob yozishi uchun pul ajratadi. Shu tariqa u sayohatga yo'l oladi.
Italiyadagi to'rt oy davomida Elizabet mazza qilib mahalliy taomlardan bahramand bo'ladi ("Tanovul qil"). Hindistondagi to'rt oyda esa o'z ruhiyatini izlash bilan band bo'ladi ("Ibodat qil"). Yilning qolgan qismini Indoneziyaning Bali orolida o'tkazadi va u yerda braziliyalik Felipe ("Sev") bilan tanishadi.
Nota bene!📜