Norin tuman hokimligi | rasmiy kanali

#ТАВСИЯ

🔰 Дори-дармон қабул қилиш бўйича муҳим маслаҳатлар

▪️Дори-дармон воситалари ўрнига имкон қадар доривор гиёҳлардан тайёрланган дамламалар ичиб туринг.

▪️Ҳар бир дори воситасини қабул қилишдан аввал кўрсатмадаги дори номи ва яроқлилик муддатига эътибор беринг.

▪️Агар бир вақтда икки хил дори воситасини ичишга тўғри келиб қолса, улар оралиғидаги вақт 15-20 дақиқадан кам бўлмаслиги керак.

▪️Дори воситаларини 1 стакандан кам бўлмаган миқдордаги сув билан ичинг.

▪️Энг муҳими, ҳар бир дорини шифокор назорати остида қабул қилинг.

#Об_ҳаво

🌧🌨 Наманганда 2 январь куни айрим жойларга туман тушиши мумкин

▫️Ўзгидромет 2 январь, пайшанба куни кузатиладиган об-ҳаво тўғрисида маълумот берди.

▫️Наманган вилоятида ҳаво ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 7-12 метр тезликда шамол эсади. Кечаси 2 даража совуқ, 3 даража илиқ, кундузи 0-5 даража илиқ бўлади.   

▫️Республиканинг тоғли ҳудудларида ҳаво ўзгариб туради, айрим жойларда ёғингарчилик бўлади (ёмғир, қор ёғади), баъзи туманларда туман тушиши мумкин. Шарқдан секундига 7-12 метр тезликда шамол эсади. Кечаси 2-7 даража совуқ, кундузи 4 даража совуқ, 1  даража илиқ бўлади.   

#Online

Норинда Янги йил шукуҳи

ТУМАН ҲОКИМИ КИРИБ КЕЛАЁТГАН ЯНГИ ЙИЛ БАЙРАМИ БИЛАН ЮРТДОШЛАРИМИЗНИ МУБОРАКБОД ЭТДИ

Саноқли дақиқалардан сўнг ўлкамизга янги 2025 йил кириб келади. Туман марказидаги безатилган арча атрофида байрам тадбири бўлиб ўтмоқда.

Бугун марказий арча атрофига йиғилган юртдошларимизни туман ҳокими Жўрабек Нурматов қизғин муборакбод этди.

Янги йил элу юртимизга қут-барака, тинчлик-ҳотиржамлик олиб келишини, хонадонларда хурсандчилик, тўкин-сокинлик ҳукм суришини тилади.

Арча атрофида жам бўлган байрам иштирокчилари туман Маданият уйи ходимлари томонидан жонли ижрода таралаётган куй-қўшиқлардан баҳра олиб, байрамни янада завқли ўтказмоқда.

Туман ИИБ бошлиғи У. Бойхонов бошчилигидаги ходимлар ҳам ҳамюртларимиз байрамни турли хил кўнгилсизликлардан ҳоли ўтказишлари учун ҳар қачонгидан ҳам сергак туриб, фуқаролар тинчлигига посбон бўлиб турибдилар.

Норин туман ҳокимлиги Ахборот хизмати.

#Об_ҳаво

🌧🌤 Наманганда 31 декабрь куни ҳарорат 11 даражагача илиқ бўлади

▫️«Ўзгидромет» Наманган вилояти бўйлаб 31 декабрь, сешанба куни кузатиладиган об-ҳаво маълумотини эълон қилди.

▫️Наманган вилоятида ҳаво ўзгариб туради, ёғингарчилик бўлмайди. Айрим жойларда туман тушиши мумкин. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси 2 даража совуқ, 3 даража илиқ, кундузи 6-11 даража илиқ бўлади.

▫️Республикамизнинг тоғли ҳудудларида ҳаво  ўзгариб туради, вақти-вақти билан ёғингарчилик бўлади (ёмғир, қор ёғади). Тошкент ва Наманган вилоятларида  қор кўчиши хавфи бор. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси 2-7 даража совуқ, кундузи 2 даража совуқ, 3  даража илиқ бўлади.