Мой блог

Biz shohlarning tushiga ham kirmagan hayotda yashayapmiz.

• Qorun, hozir biz choʻntagimizda olib yuradigan bank kartalarimiz—uning eng kuchli erkaklar ham koʻtara olmagan xazina kalitlarini oʻrnini bosa olishini bilmagan.

• Fors hukmdori Kisro ham, uning taxtidan koʻra, ayvon va dahlizimizda turgan oʻrindiqlarda oʻtirish qulayroq va yoqimliroq ekanini bilmagan.

• Qullar uning tepasida tuyaqush patlaridan shamol yelpib turgan Rim imperatori ham, bizning uydagi konditsionerlarni koʻrmagan.

• Vizantiya imperatori sopol idishlaridan suv ichgan, u suvning salqinligiga atrofdagilar hasad qilardi.
U hech qachon bizning uyda turadigan kullerlardan suv ichmagan.

• Oʻsha davrdagi Xaj safari uchun sarflangan oylar, tuyalarda bosib oʻtilgan masofalar—biz hozir bir necha soatlarda, qulayliklari bor samalyotda amalga oshirayotgan Xaj amaliga umuman oʻxshamaydi.

Umuman olganda, biz podishohlar orzu qilmagan hayotda yashayapmiz, shunga qaramay, oramizda oʻz holatidan, omadsizligidan noliydiganlar topiladi.
Buni koʻrib qalb siqiladi.

Ey Allohim!
Hayotimiz va dinimizda bizga ato etgan barcha ne’matlaring uchun cheksiz hamd boʻlsin.

Ey Allohim!
Bizni tilimiz va qalbimiz bilan barchasiga shukr etguvchilardan qil va bizga Oʻz sahiyliging doirasida mo’l-ko’lchilik ato et, ey Vahhob!

norbotaevs

Har qanday yolg'on ertami-kechmi yuzaga chiqadi.

Bu haqiqat—barcha insoniy munosabatlarning zamirida yotadi. Tijorat, tashqi yoki ichki aloqalar, shaxsiy munosabatlar–agar yolgʻonga asoslangan boʻlsa, uzoq davom eta olmaydi, aksincha haqiqatga qurilgan bo'lsa, ularning muddati cheksizdir.
Har bir ishda, garchi bu ish ahamiyatsiz tuyulsada, haqiqatni gapirishni o'z zimmangizga oling.
Oʻzingizda, rostgo'ylik odatini shakllantirasiz.
Yolgʻonni farqlay olasiz.

Yolgʻon–insonlarga xos boʻlgan har turdagi his tuygʻularning falokati deb hisoblayman.

Kun kelib, hammaga oshkor boʻladigan sharmandali yolgʻondan koʻra, oqibati oʻtkir va aniq boʻlgan haqiqat yaxshi.

AGAR ISHINGIZ HAYOTINGIZGA XALAQIT BERSA, BUNDAY ISHNING KIMGA KERAGI BOR?

Ota-onangizni va qarindoshlaringizni oxirgi marta qachon ziyorat qildingiz?

Oilangizni qachon restoranga, teatrga, dam olishga olib bordingiz?

Bolalaringiz bilan qachon birga o’ynab, ularni zooparkga, kinoga olib bordingiz?

Men hozir vaqt ajaratish haqida gapirmayabman... Ishingizga va umringizga baraka olib kirish va mustahkam va muvaffaqiyatli oilaning poydevori haqida gapirayabman.

Shunday ekan azizlar, hamma ishni balansga qo’yishni o’rganishingiz kerak. Bir ikki so’m pul ishlab olaman deb oilangizdan qarz bo’lib qolmang.

Sizga uzoq yillik tajribamdan bir sirni aytaman. Kambag’allik qayerdan boshlanadi bilasizmi? Ko’p pul topishga harakat qilib, boshqa narsalarni unitib qo’yishdan boshlanadi.

Topgan bir ikki so’m pulingiz ham suvga o’xshab qo’lingizni orasidan oqib o’tib ketadi. Sizning eng katta baraka manbalaringizdan biri esa, uyingizda joylashgan.

Agar ishingiz hayotingizga xalaqit bersa, bunday ish kimga kerak?

Mirzakarim Norbekov

#Nasihat

• Doʻstim!
• Insonlarning oʻzaro aloqalari modomiki, bir-birlarining ayblaridan koʻz yumishar ekan bardavom boʻladi.
• Ular modomiki bir-birlarini rozi qilishar ekan aloqalari mustahkamlashib boraveradi.
• Modomiki bir-birlaridan mayda kamchiliklarni ham izlayversalar aloqalarga putur yetadi.
• Har doim haqiqatni talab qilaverish orqali esa aloqalar oʻladi.

• Tabassum qilsang mahzunlik oʻtib ketadi;
• Sabr qilsang tashvishlaring oʻtib ketadi;
• Sukut qilsang ahmoqlik oʻtib ketadi;
• Chiroyli soʻz aytsang koʻngilsizlik oʻtib ketadi!

• Xohlagan narsangni bilsang ham faqat hech qachon takabburlik qilma!
• Xohlagan narsangni yozsang ham faqat hech qachon fitnani qoʻzgʻama!
• Xohlagan kimsangni tanqid qilsang ham faqat hech kimga taʼna qilma!

• Insonning qadri u molik boʻlgan narsasida emas, balki bera olgan narsasidadir.
• Quyosh ham olovga molik ammo uning qadri olamga nur taratishida.

#Abror Muxtor Aliy

#Oʻgʻlim, hech qachon halollik va vijdondan ayrilma.
Halollik va vijdon asosida hayot kechirish—ichki olamingni boyitish degani.
Egrilik va noinsoflik ila kechirilgan hayot seni tubanlikka, zulmatga yetaklaydi.
Toʻgʻri, halol va vijdonli boʻlish sendan jasorat talab qiladi, lekin hayot oyogʻing ostiga qanchalik murakkab va ogʻir vaziyatlarni tashlamasin, sinovlarni qabul qil va kelajakdan qoʻrqma.
Har qanday holatda ham, shu ikki sifatni mahkam ushlab, toʻgʻri yoʻldan yursang,seni sevintiradigan yengillikni his qilasan.

MUKAMMAL BOʻLISHGA HARAKAT QILMANG.

Kunlik hayotimizda xoh oʻqish hayoti boʻlsin, xoh ish, xoh turmush hayoti, doim mukammal boʻlishga harakat qilamiz. Oʻzimiz bilmasmiz balki ammo, barchamizning ichimizda mukammallikka intilish bor. Biz qancha istasak ham hech qachon mukammal boʻla olmaymiz, mukammallik Allohga xosdir. Biz faqat qoʻlimizdan keladiganining eng yaxshisini qila olamiz. Mukammallikka intilish zotan shaytonning vasvasasidir.
Atrofimda koʻp eshitaman, bugun bomdod oʻqimadim shuning uchun qolgan namozlarga turishga uyalaman, yoki men shuncha gunoh qilganman mendan odam boʻlmaydi deb battar botqoqqa botib ketiladi.
Xato qilish, unutish insonda uchrab turadi, mukammal qilmasam, qilmay qoʻya qolay deyish shaytonning gapiga quloq solishdan boshqasi emas.
Onalarda ham shunday holat koʻp kuzatiladi, men yaxshi ona emasman, men yetarli emasman kabi oʻylar bilan asabiylashib turganingizda farzandingiz siz xohlamaydigan ishni qilsa, koʻtara olmay oʻzingiz xohlamaganingiz muomalani qilib qoʻyishingiz mumkin. Alloh sizni shu farzandga loyiq koʻrdimi demak siz bu farzandni ummat uchun foydali inson qilib tarbiyalashga qodirsiz. Alloh sizni qodir qilgan. Ammo siz shaytonning “mukammallik” qolipiga solishiga qoʻyib bermoqdasiz. Mukammal emas, qoʻlidan keladiganining eng yaxshisini qiladigan ona boʻling.
Mukammal emas, qoʻlidan keladiganining eng yaxshisini qiladigan juft boʻling, doʻst boʻling, inson boʻling

-Huzur.
Bilmadimu, shu man yolgʻiz qosam huzurlanaman.
Uyda hech kim boʻlmasa, hayollarimni toʻplay olaman.
Bir narsani ustida obdon fikr yurita olaman.
Yolgʻizlikni yaxshi koʻraman.
Yolgʻiz holda, atrofni kuzatish yoqadi.
Koʻchalarni sayr qilsam, aynan yolgʻiz boʻlsam, aancha hal qilolmayotgan ishlarimni oʻzimcha hal qilib olaman.

Kimi g‘ami yo‘q, kimi g‘ami yo‘q?
Boyni ham kambag‘alni ham g‘ami bor.
Kambag‘al qarzni to‘lolmay g‘amda bo‘lsa.
Boy xaqqini undirolme g‘amda.
To‘g‘rimi?
Rosululloh aytdilar..
Men sizga shunday kalimani o‘rgatemi dedi bir sahobaga.
Agar aytib yursez, Alloh g‘amlarizi ko‘taradi, qarzlarizi uzadi.
Aa endi qanday, shu bitta gapni gapirib qo‘ysek g‘am hal bo‘lib, qarz uzilib qoladimi?
Shuning uchun biz odamlarga bu zikrlarni foydasi yoqda.
Ularning iymoni zayif.
Undan ko‘ra ming dollr berganiz yaxshi.
Mana shu yerda mo‘minni, mo‘minmas odamdan farqi ajraydida.
O‘rgating yo Rosululloh dedi.
Rosululloh aytdilar..
Allohumma inni auzibika minal hammi val hazan.Va auzibika minal ajzi val kasal.Va auzibika minal jubni val buhl.Va auzibika min gʻolabatid-dayni va qohrir rijal.
Halogi sahoba eshitdi, yodladi aytib yurdi.
Hech qancha vaqt o‘tmadi Alloh g‘amlarmi ko‘tardi, qarzlarmi uzdi diydi.

Blog evolutsiyasi

Boshida birovning fikrlari ko’chiriladi.

Keyin havas qilgan odamga o’xshashga harakat qilib yoziladi. Ilhom olinadi.

Orada bir bir sayoz, lekin mustaqil fikrlar chiqishni boshlaydi.

Davom ettirilsa, fikrlar chuqurlashadi. Shaxsiy qarash paydo bo’ladi.

Keyin boshqalar ko’chirishni boshlaydi.