NAVOIY INNOVATSIYALAR UNIVERSITETI

🔴DEPUTAT VA YOSHLAR UCHRASHUVI

🟢Navoiy innovatsiyalar universitetida O‘zbekiston "Adolat" SDPdan saylangan deputat Behzod To‘xtamurodov talaba-yoshlar bilan uchrashuv o‘tkazdi. Ochiq muloqot tarzida tashkil etilgan mazkur uchrashuvda bugungi kunda mamlakatimizda yoshlarga qaratilayotgan e’tibor, ularning turli sohalarda tutgan o‘rni, ayniqsa, Davlatimiz rahbari tomonidan yoshlarga berilayotgan katta imkoniyatlar alohida ta’kidlandi.

🟢Shuningdek, yoshlar faoliyatiga doir qabul qilinayotgan qarorlar, farmonlar va qonunlarning ahamiyati haqida so‘z yuritilib, ular ushbu ishonch va e’tiborga munosib bo‘lishi lozimligi qayd etildi. Talabalarga har bir daqiqadan unumli foydalanish, Vatan ravnaqi va yurt kelajagi yo‘lida munosib hissa qo‘shish muhimligi uqtirildi. Deputat "Adolat" SDP tomonidan ilgari surilayotgan tashabbuskor g‘oyalarga ham to‘xtalib o‘tdi.

🟢Bunday keng ko‘lamli islohotlarning asosiy maqsadi – yosh avlodni jamiyat hayotida siyosiy jihatdan faol, o‘z fikrini erkin ifoda eta oladigan, yuksak huquqiy madaniyatga ega fuqaro sifatida tarbiyalashdir. Shu orqali fuqarolik jamiyatini yanada shakllantirish va rivojlantirishga erishish ko‘zda tutilgan.

Uchrashuv yakunida yoshlar o‘zlarini qiziqtirgan barcha savollarga batafsil javob oldilar.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt

🔴"TEATR - TARBIYA MASKANI!"

🟢2025-yil 27-fevral kuni Navoiy innovatsiyalar universiteti talabalar studiyasi tomonidan san’at va madaniyat bilan hamohang tarzda ma’naviy dunyoqarashni oshirish hamda ruhiy poklanish maqsadida "Usmon Nosir" spektakli namoyish etildi.

🟢Tashrif davomida ma'rifatparvar shoir Usmon Nosir hayoti va faoliyatiga bag‘ishlangan ushbu sahna asari orqali barcha Usmon Nosirning boy ma'naviy merosi va ta'lim-tarbiya borasidagi beqiyos hissasi, zahmatli mehnati, qatagʻon qurboniga aylangan Vatanning asl farzandlarining ayanchli qismati ochib berildi.

🟢 Bunday tashriflar madaniy va ma'naviy rivojlanishga katta hissa qo‘shishi bilan birga, har bir insonda vatanparvarlik tuyg‘ularini kuchaytirishda muhim ahamiyat kasb etadi.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt

🔴Ochiq dars: Ijtimoiy pedagogika fanidan innovatsion yondashuv

🟢2025-yil 27-fevral kuni "Ijtimoiy-gumanitar fanlar" kafedrasi o‘qituvchisi To‘rayeva Ma’mura Fazliddin qizi tomonidan Pedagogika-psixologiya yo‘nalishi 2-kurs 2-guruh talabalari uchun "Ijtimoiy pedagogika" fanidan ochiq dars mashg‘uloti tashkil etildi.

🟢Mazkur ochiq darsdan ko‘zlangan asosiy maqsad – oila, mahalla va ta’lim muassasasi hamkorligi hamda noto‘liq oilalarning ijtimoiy muammolari to‘g‘risida talabalarga bilim berish edi. Dars davomida ushbu mavzular yuzasidan ilmiy tavsiyalar berilib, ayniqsa, o‘smir o‘quvchilar o‘rtasida deviant xulq shakllanishining oldini olish masalasiga alohida e’tibor qaratildi.

🟢Mashg‘ulot innovatsion pedagogik yondashuvlar va interfaol uslublar asosida o‘tkazildi. Jumladan, Singapur ta’lim tizimida yuqori natija bergan va PISA hamda TIMSS tadqiqotlarida samarali deb topilgan "kollaboratsiya" usuli talabalar tomonidan o‘rganildi.

🟢Shuningdek, talabalar bilan mantiqiy fikrlash qobiliyatini rivojlantirishga qaratilgan savol-javoblar tashkil etildi.

🟢Ochiq dars jarayonida sahna ko‘rinishlari namoyish etilib, talabalar o‘z fikr-mulohazalarini bildirdilar. Darsda "Iqtidorli talabalar bilan ishlash" bo‘limi boshlig‘i E. Abdualimov ishtirok etib, o‘z fikrlarini bildirib o‘tdi.

Ushbu ochiq dars talabalarning nazariy bilimlarini amaliy mashg‘ulotlar orqali mustahkamlash, ularda ijodiy va tanqidiy fikrlash ko‘nikmalarini shakllantirishga xizmat qildi.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt