Nishon tumani hokimligi

--I-- қисм, Нишон
Нишон туманининг 50 ёшлик тўйига!

-II-
Арслон Тожиевни тан олди жаҳон,
Елкаси ерга ҳеч, тегмаган полвон.
Курашиб чарчамас эпчил чемпион,
Довруғинг дунёга таралди Нишон.

Талимаржон сувинг, оби - ҳаётдир,
Ғаллаю - пахтага, болу - новвотдир.
Иқтисод бойликдир, бойлик қанотдир,
Икром Бозоровлар юртисан Нишон.

Ғалла ҳосили мўл, оқ пахтанг олтин,
Сарҳадинг кенг яйлов, ер остинг бойлик.
Бир шаҳар қурсайдинг, ўзингдан ортиб,
Эртанги кунингни ўйлайман Нишон.

Чизмалар чизилиб, йўллар бурилса,
Қани осмонўпар уйлар қурилса.
Нишоннинг эртаси ўйлаб кўрилса,
Сен қачон шаҳарга ўхшайсан Нишон.

Ниҳоят, бошланди катта қурилиш,
Элдан дуо олиш, энг савобли иш.
Ботир Тоғаевга ҳамма дер олқиш,
Қанча "дом" қурса ҳам бағри кенг Нишон.

Қурилиш қилганнинг обрўйи ошар,
Тоши оғир келар, тарози босар.
Номи тарихларда ёзилиб қолар,
Сен шунга лойиқсан, юксалгин Нишон.

Вақт деганлари тезкор югурик,
Ишлаб кетганларни дарров унутдик.
Обод қилганларни ёд этиб ўтдик,
Фидойи фарзандин унутмас Нишон.

Эллик ёш - қутлайман, муборак тўйинг,
Бахти иқболингдир шу менинг ўйим.
Энг гўзал шаҳарга бўйлашса бўйинг,
Бахтиёр бахтингдан қувонсин Нишон.

✍Муаллиф: Бахтиёр Яхшибоев.

Бизни ижтимоий тармоқларда кузатиб боринг:
Nishontumani.uz |Telegram|Instagram|Facebook|You tube