Nazorat Uz | Rasmiy kanal

Муаммо сабабчиси ким, «My.gov.uz» сайти ёки «ГАИ»..?

Бизга келган мурожаатга кўра давлат рақами 01787REA бўлган Toyota Hilux Pick Up автомашинаси 25.02.2022 йилда Юнусобод ТРИБдан рўйхатдан ўтган. 24.10.2023 йилда автотранспорт воситасини ойналарини тусини ўзгартириш (тонировка) учун 2 376 000 сўм тўлов қилиб рухсатнома олган.

Ушбу автомашина олди-сотди шартномасига кўра 26.07.2024 йилда Тошкент шаҳар Рўйхатлаш ва Имтихон олиш бўлими «Файзобод гаи»да 01721WLA давлат рақами билан қайтадан рўйхатдан ўтган.

Мурожаатчининг сўзларига кўра автомашинанинг тури, вазни хаммаси ўша-ўша ўзгармаган. Фақатгина олди-сотди бўлганлиги сабабли «Файзобод гаи»дан қайта рўйхатдан ўтиб тех.паспорт алмашган халос. Муаммонинг ахамиятга молик томони шундаки аввал ушбу автомашинага тонировка учун рухсатнома 2 376 000 сўм тўлов қилиб олинган бўлса хозирда ушбу рухсатномани олиш учун тўлов 13 500 000 сўм чиқмоқда.

Бунга сабаб қилиб эса Тошкент шаҳар ИИББ ЙҲХБ Рўйхатлаш ва имтиҳон олиш бўлими томонидан тақдим қилинган автомашинанинг тех.паспорти ёки базадаги хатолик дея иддао қилинмоқда. Шу ўринда хақли савол туғилади. Нега айнан битта машина учун икки хил тўлов чиқмоқда? Фуқаронинг ушбу ноаниқликда нима айби бор? ИИВ ЖХД ЙХХХдан холат юзасидан расмий муносабат сўралади.

 | Telegram | YouTube | Instagram | Facebook | TikTok |

✍️ Мурожаат ва юридик маслаҳат учун:  @Murojaat777_bot

👉 https://t.me/NazoratUz

❗️Расмий муносабат

Ижтимоий тармоқларда Бўка туманида 19 ёшли аёл ва унинг ҳомиласи шифокорлар айби билан нобуд бўлгани айтилган видеолавҳалар тарқалди.

Мазкур ҳолат юзасидан олиб борилган дастлабки тезкор ўрганишлар натижасида қуйидагилар маълум қилинади.

Тошкент вилояти Бўка туманининг “Янгиобод” МФЙ ҳудудида яшовчи, 2004 йилда туғилган Н.С. жорий йил 17 ноябрь куни соат 14:30 лар атрофида онаси томонидан ушбу туман тиббиёт бирлашмаси туғуруқ бўлимига йўлланма асосида олиб келинган.

Бемор “Ҳомиладорлик-I, 30 ҳафта, сийдик йўли инфекцияси, семизлик-III даража” дастлабки ташхиси билан муассасага ётқизилган. Шунга қарамай, аёл ўша куни соат 17:10 лар атрофида тилхат асосида шифохонадан чиқиб кетган.

Орадан 3 кун ўтиб, 20 ноябрь куни соат тахминан 04:50 да бемор Н.С. ушбу туғуруқ бўлимига қайта мурожаат қилган ва танасида шишлар ҳамда сариқлик белгилари билан оғир аҳволда қабул қилинган. Унга “Ҳомиладорлик-I, 30 ҳафта, сийдик йўли инфекцияси, ўткир ёғли гепатоз, анемия ўрта оғир даража, семизлик-III даража” дастлабки ташхиси қўйилган.

Бироқ шу куни соат 13:10 лар атрофида даволаниш чоғида аёлнинг аҳволи оғирлашган ва шифокорлар консилиумидан сўнг бемор реанимация бўлимига ўтказилган. Унинг ҳолати бўйича вилоят перинатал марказига хабар берилган.

Ҳомиладор аёл саломатлик ҳолати ҳисобга олинган ҳолда, соат чамаси 14:55да жарроҳлик амалиётига олинган. Операция чоғида беморда барча инъекцион муолажалар тиббий кўрсатмага мувофиқ бажарилган.

Лекин Н.С. нинг умумий аҳволи жарроҳлик амалиёти бажарилаётган даврда янада оғирлашиб, клиник ўлим ҳолати содир бўлган. Тегишли реанимацион муолажалар бажарилишига қарамай, беморда соат 17.50 атрофида биологик ўлим қайд этилган.

Дастлабки хулосага кўра, мазкур ҳолат сабаби сифатида “Ўпка артериясининг тромбоэмболик синдроми. Оғир гепатоз. Ўткир жигар етишмаслиги. Уросепсис. Септик шок" қайд этилган ва соат 20.00 лар атрофида прокуратура органларига расмий ахборот берилган.

Шу ўринда эслатиб ўтамиз: белгиланган тартибга биноан, тиббиёт муассасаларида содир бўлган ҳар қандай ўлим ҳолатлари патанатомик текширувга ёки суд-тиббий экспертизага, биологик ўлим қайд этилгандан сўнг икки соат давомида йўналтирилади.

Айни пайтда мазкур ҳолат юзасидан Соғлиқни сақлаш вазирлигининг бош акушер-гинекологи раҳбарлигидаги ишчи гуруҳ хизмат текширувини амалга оширмоқда. Ўз навбатида, Бўка тумани прокуратураси томонидан она ўлими бўйича суриштирув ишлари олиб бориляпти.

Соғлиқни сақлаш вазирлиги
Оналик ва болаликни муҳофаза қилиш бошқармаси.

 | Telegram | YouTube | Instagram | Facebook | TikTok |

✍️ Мурожаат ва юридик маслаҳат учун:  @Murojaat777_bot

👉 https://t.me/NazoratUz