Naqshband.uz

🌺 Оиша онамиз фазилатлари

1️⃣ Оиша онамиз хушрўй бўлганлиги учун Пайғамбар алайҳиссалом баъзан уни Ҳумайро деб чақирарди.
Бир куни эр-хотин пойга ўйнадилар - Оиша онамиз ёш ва чаққон эди, у Пайғамбар алайҳиссаломдан ўзиб кетганди, орадан бир мунча вақт ўтгач, улар яна мусобақалашдилар. Шунда Пайғамбар алайҳиссалом уни ўйинда енгди ва кулиб: "Олдинги билан биру бир бўлди!", деди.
Бир куни Оиша онамиз касал бўлиб қолганида, Пайғамбар алайҳиссалом унга: "Агар менинг ҳузуримда вафот этсанг, сени ўз қўлим билан кафанга ўраб, қабрга қўяман", деди. Оиша онамиз бу гапдан хафа бўлди: "ўлишимни хоҳлаяпсизми, ўлсам, янги хотин оласизми?!", деди.
Унинг рашк қилиб таъсирланганига ҳайратланган Пайғамбар алайҳиссалом кулиб қўйдилар.

2️⃣ Оиша онамиз ва Пайғамбар алайҳиссалом ўрталарида фарзанд бўлмаган. Улар қарийб ўн йил эр-хотин бўлиб яшадилар, лекин фарзанд кўрмадилар. Аммо, Расулуллоҳ соллаллоҳу алайҳи васаллам ҳеч қачон Оиша онамизни айбламаганлар. Оиша онамиз ҳам ўз ҳолидан шикоят қилмай, Қодир Аллоҳнинг тақдирига рози бўлиб бу дунёдан ўтдилар.

3️⃣ Оиша онамиз жуда ақлли, зийрак ва илмли аёл эди. У Пайғамбар алайҳиссалом хотинлари ичида энг кичиги ва энг қобилиятлиси эди, шунинг учун у ҳаётда учраган турли диний масалаларга жавоб берарди, бошқа аёлларга илм ўргатар эди.

Абу Мусо ал-Ашъарий розияллоҳу анҳунинг рафиқаси бу ҳақда шундай деган: "Агар бирон бир ҳадисга тушунмасак, биз Оишадан сўрардик ва у бизга тушунтириб берарди."

4️⃣ Оиша онамиз жами 2210 та ҳадис ривоят қилган ва ҳадис илмида энг асосий бешта ровийлардан бири ҳисобланади.

5️⃣ Оиша онамиз тиббиёт билимдони ҳам эди.
Жияни Урва Ибн Зубайр ундан касалликларни даволаш сирларини қаердан ўрганганини сўраганида:
"Пайғамбар алайҳиссалом умрининг охирларида кўп касал бўлдилар. Айнан ўша пайтда У зотнинг ҳузурларига турли жойлардан дин ва давлат масалалари бўйича меҳмонлар ташриф буюришарди. Улар ўзлари билан олиб келган турли хил дори-дармон ва тиббий воситаларни тавсифлаб беришар ва улардан қандай фойдаланиш лозимлигини айтишарди. Мен тиббий маълумотларни мана шу тарзда ўрганганман", деб жавоб берди.

6️⃣ Оиша онамизга бир гуруҳ фитначилар зинокорликда айблаб туҳмат қилишганда, у ажойиб тарзда сабр қилди ва Аллоҳ таолонинг Ўзи онамизни пок эканлиги тўғрисида оят тушириб уни оқлади.

7️⃣ Пайғамбар алайҳиссаломнинг вафотидан кейин унга келиб тушган маблағ ва ҳадяларнинг барчасини хайр-эҳсон сифатида тарқатиб, ўзлари жудда оддий ҳаёт кечириб бу дунёдан ўтдилар.

8️⃣ Оиша онамиз милодий 678, ҳижрий 58 йили Рамазоннинг 7-кунида вафот этдилар. Жаноза намозини Абу Ҳурайра розияллоҳу анҳу ўқиди ва синглиси Асмонинг ўғли Урва ибн Зубайр уни қабрга қўйдилар. Қабрлари Мадинадаги Жаннатул Бақий қабристонида.

ЖУМАНИНГ СУННАТЛАРИ:

🌼 Жума учун ғусл қилиш.

🌼 Хушбўй нарсалар суртиш.

🌼 Чиройли кийимлар кийиш.

🌼 Жумага виқор ва сакина билан эрта бориш.

🌼 Жума куни баданни тозалаб, ҳайъатни гўзал қилиш.

🌼 Жума куни Каҳф сурасини қироат қилиш.

🌼 Жума куни ва кечаси дуони кўп қилиш.

🌼 Жума куни ва кечаси Расулуллоҳ соллаллоҳу алайҳи васалламга кўп салавот айтиш.

🌼 Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш.

🌼 Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир.

🌼 Жума намозининг фарзидан аввал ва кейин тўрт ракъатдан суннат намози ўқиш.

🌼 Жумада мудраган одам бошқа ерга ўтиб олиши.

#duo

وَيَشْفِ صُدُورَ قَوْمٍ مُؤْمِنِينَ
1. "Ва мўмин қавмларнинг кўнгилларига шифо беради" (Тавба, 14).

يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ
2. "Эй одамлар! Сизга ўз Роббингиздан мавъиза, кўксингиздаги нарсага шифо, мўминларга ҳидоят ва раҳмат келди" (Юнус, 57).

يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآَيَةً لِقَوْمٍ يَتَفَكَّرُونَ
3. "Уларнинг (асалариларнинг) қоринларидан одамлар учун шифо бўлган турли рангдаги шарбат (асал) чиқур" (Наҳл, 69).

وَنُنَزِّلُ مِنَ الْقُرْآَنِ مَا هُوَ شِفَاءٌ وَرَحْمَةٌ لِلْمُؤْمِنِينَ
4. "Биз Қуръонни мўминлар учун шифо ва раҳмат ўлароқ нозил қилурмиз" (Исро, 82).

وَإِذَا مَرِضْتُ فَهُوَ يَشْفِينِ
5. "Бемор бўлганимда менга шифо берадиган ҳам Унинг Ўзи" (Шуаро, 80).

هُوَ لِلَّذِينَ آَمَنُوا هُدًى وَشِفَاءٌ
6. "У, иймон келтирганлар учун ҳидоят ва шифодир" (Фуссилат, 44).

НАМОЗ ТУГАГАНДА ўқиладиган дуо

Савбон розияллоҳу анҳудан ривоят қилинади:
Расулуллоҳ соллаллоҳу алайҳи васаллам намозни тугатсалар, уч марта «Астағфируллоҳ», деб сўнгра:

اللهُمَّ أَنْتَ السَّلاَمُ وَمِنْكَ السَّلاَمُ تَبَارَكْتَ يَا ذَا الْجَلاَلِ وَالإِكْرَامِ

«Аллоҳумма антас салам ва минкас салам, табарокта йа зал жалали вал икром», деб айтар эдилар.

(Маъноси: Эй Аллоҳим, Сен саломсан ва салом Сендандир. Эй улуғ ва ҳурматли зот, Сен баракотлисан.)

Имом Муслим ривоятлари.

• Муғийра ибн Шўъба розияллоҳу анҳудан ривоят қилинади:
Расулуллоҳ соллаллоҳу алайҳи васаллам намоздан фориғ бўлсалар:

لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، اللهُمَّ لاَ مَانِعَ لِمَا أَعْطَيْتَ وَلاَ مُعْطِيَ لِمَا مَنَعْتَ وَلاَ يَنْفَعُ ذَا الْجَدِّ مِنْكَ الْجَدُّ

«Ла илаҳа иллаллоҳу ваҳдаҳу ла шарийка лаҳу, лаҳул мулку ва лаҳул ҳамду ва ҳува ъала кулли шайин қодир. Аллоҳумма ла маниъа лима аътойта ва ла муътийа лима манаъта ва ла йанфаъу зал жадди минкал жадд»ни ўқир эдилар.

(Маъноси: «Аллоҳдан ўзга илоҳ йўқ, Унинг шериги ҳам йўқ. Мутлақ мулк Уники ва ҳамд ҳам Унгадир. У ҳар нарсага қодирдир. Эй Раббим, Сен берган нарсани манъ қилувчи йўқ. Ва Сен манъ қилган нарсани берувчи йўқ. Буюклик Сендандир, бошқанинг буюклиги фойда бермайди.)

Имом Бухорий ва Муслим ривоятлари.

Абу Ҳурайра розияллоҳу анҳудан ривоят қилинади:
Расулуллоҳ алайҳиссалом:
«Ким ҳар бир намоз сўнгида ўттиз уч мартадан «субҳаналлоҳ, алҳамдулиллаҳ, Аллоҳу акбар», деб юзинчисини

لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ

«Ла илаҳа иллаллоҳу ваҳдаҳу ла шарийка лаҳ, лаҳул мулку ва лаҳул ҳамду ва ҳува ъала кулли шайин қодийр», деб айтса, гуноҳлари денгиз кўпигича бўлса ҳам, кечирилади», дедилар.

Имом Муслим ривоятлари.

• Муоз розияллоҳу анҳудан ривоят қилинади:
Расулуллоҳ соллаллоҳу алайҳи васаллам менинг қўлларимдан ушлаб: «Эй Муоз, Аллоҳга қасамки, мен сени яхши кўраман ва сенга ҳар намоз сўнгида

اللهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ

«Аллоҳумма аъинний ъала зикрика ва шукрика ва ҳусни ъибадатик»ни айтишни тавсия қиламан», дедилар».

(Маъноси: Эй Аллоҳим, Сени зикр этишда, Сенга шукр қилишда ва ибодатингни гўзал бажаришда менга ёрдам бер.)

Абу Довуд ва Насаий ривоятлари.

• Абу Бакра розияллоҳу анҳудан ривоят қилинади:
Расулуллоҳ соллаллоҳу алайҳи васаллам намоз сўнгида:

اللهُمَّ إِنِّي أَعُوذُ بِكَ مِنَ الكُفْرِ وَالفَقْرِ وَعَذَابِ القَبْرِ

«Аллоҳумма инний аъузу бика минал куфри вал фақри ва ъазабил қобр», деб айтар эдилар.

(Маъноси: Аллоҳим, куфрдан, камбағалликдан ва қабр азобидан Сендан паноҳ тилайман.)

Ибн Сунний ривоятлари.